ข้อพระคัมภีร์ยอดนิยมจาก KINOSOLIWANAN 3

แบ่งปัน

Om boros kad Kinorohingan, “Iyoho' nopo om IYOHO' I HINO KASAI'. Om poboroson no o poingkaa dot id diyolo', ‘I roitan dot IYOHO' I HINO KASAI' o minonuhu' doho' do minongoi'd hiti'd dokoyu,’ kanto.

Om boros kad Kinorohingan do suminimbar, “Moyo-woyo' oku i' diya'. Om soira' nopondo do posoliwanon nu i tulun dot Israil do mantad hilo'd Masir, om sumambayang ko nondo dot id doho' do hiti'd nuluhon diti. Om iri no o koilaan kopio dot iyoho' o minonuhu' diya',” ka dau.

Om boros kad Kinorohingan, “Kada' no insomok. Iduwo' ino kasut nu tu' iti nopo tana' do kinoingkokoton nu om olidang.

Om boro-boros noddi o TUHAN do poingkaa, “Nokito ku no i koinggoritan do tulun ku do hilo'd Masir. Norongou ku no iyolo' do minggiak do mokilabus do mantad id tulun di monginggorit diyolo'. Om oilaan ngai' ku i' i koinggoritan diyolo'. Om iri noddi o kinolintuhunan ku tu' mongoi oku palabus diyolo' do mantad id longon do tulun do Masir, om momoyo' oku diyolo' do sumoliwan do mantad id pomogunan diri do kumaa dot id iso' o pomogunan dit agayo. Tana' nopo do pomogunan diri om oluhub om oruak, i pomogun-mogunan do tulun do Kanaan, Hit, om Amori, om Poris, om Howi, om Yobus do dinondo.

Om hilo' no i moloikat do TUHAN do minintalang dot id di Musa do miagal do sinikit do tapui do hiri'd tanga' di bulungkut. Om okito no kopio di Musa do molob-ngolob o tapui do hiri'd bulungkut nga' a' indo sumorob i bulungkut.

Om suhuon ku'ddi iya' do mongoi solowot di raja' do Masir, om owoyo' nu i' i tulun ku do sumoliwan do mantad id pomogunan diri,” ka dau.