Luka 23
23
OYesu akutwalibwa egiri oPiraato
(Mat 27:1,2,11-14; Mak 15:1-5; Yok 18:28-38)
1Abaali omu lukiiko boona boona ni baimuka ni batwala oYesu e wa Piraato. 2Ni batandika okumuwaabira nga bakukoba, “Tusangiriirye omusaiza oni nakuwuja abantu baiswe, nakuwakanisya ekya kuweerya oKaisaali omusolo era nakweyeta Kurisito, oMukama.”
3OPiraato nʼabuulya oYesu, “Niiwe mukama wʼaBayudaaya?” OYesu nʼairamu,
“Nka nokoberembe nimwo kikali.”
4OPiraato nʼakoba okabona omukulu nʼabantu boona boona abaalowo nti, “Ekyasinziirwaku okujunaana omusaiza oni tinkukibona.”
5Abantu ni bongera ni bakoba, “Byakwegesya bikucaacula abantu omu Buyudaaya bwona. Yatandikiire mu Galiraaya ati ngoni aikire e Yerusaalemu.”
6OPiraato niyawuliire kini nʼabulya oba ngʼomusaiza oni yaali Mugaliraaya. 7Niyeetegerye nti oYesu yaali wa mwitwale lya Kerode, nʼamusindika e waamwe. Ebiro ebyo oKerode yaali mu Yerusaalemu.
OYesu omu maiso ga Kerode
8OKerode niyamuboine nʼasemereerwa muno, olwakubba yaali nalwire ngʼakuwura ebyamubazibwangaku olwa byʼamaano bye yakolanga. OKerode nʼayendya amubone nakukola ekyʼamaano. 9Yamubuuliriirye, baitu oYesu natamwiramu kigambo kyona kyona. 10Abakabona abakulu nʼabeegesya bʼamateeka baali nibeemereire awo nibakwambya omusango gwabwe oku Yesu. 11OKerode nʼabasirikale baamwe ni bamuwemulawemula nʼokumusekeera ni bamuzwalikisya ekizwalibwa ekya kitiinisya ni bamwiryayo e wa Piraato. 12Ekiro ekyo oKerode nʼoPiraato ni banywana, baitu obwakarai baali nibanobengaine.
OPiraato akusaara oYesu ogwa kufa
(Mat 27:15-26; Mak 15:6-15; Yok 18:39–19:16)
13OPiraato nʼayetesya abakabona abakulu, abakama nʼabantu, 14Nʼabakoba, “Mwandeeteire omusaiza oni nimukukoba nambu akucaacula abantu, mubuuliriirye nywena nimulowo baitu timmubweineku musango gwona omwebyo byemuwaabire. 15NʼoKerode tiyamuboineku musango, nikyo yamwiriirye gyetuli. Kini kikulanga nti ndoowo musango gwe yairye oguloomere okumwitisya. 16Nkwiza kumusuunyamumbe leke mmutaisye.” 17Buli kiro kya Kwakalibwaku oPiraato yateekwanga okubataisiryayo omusibe omwei.#23:17 Ekitabo oLuka kyeyawandiikire tikita na lunyiriri lwa 17. Naye omu Njiri ya Mako lulumu.
18Abantu ni bakokoomera amwei nti, “Mwitembe omusaiza oyo! Tutaisirye oBalaba!” 19OBalaba yaali nabbwerwe lwa misango gya bwiti nʼokuleeta okwegunga omu Yerusaalemu.
20OPiraato nʼairamu okubaza nabo nʼakwendya okutaisya oYesu. 21Baitu bo ni bakokooma nga bakukoba nti, “Mubambe! Mubambe!”
22Nʼabaza nabo omulundi ogwakasatu: “Lwaki? Omusaiza oni airye musango ki? Timboine nsonga eyaakumwitisya. Nkwiza kumusuunyamumbe leke mmutaisye.”
23Ni beeyongera okubazira aiguru nga bakukoba oYesu abambwe oku musaalaba, nʼamaraka gaabwe ni gakirisya oPiraato amaani. 24OPiraato nʼasalawo okubakoora kyebaali nibamusabire. 25OPiraato nʼabataisirya oBalaba ogwe baasabire, eyaali nabwerwe olwa bucaacuki nʼobwiti bwʼabantu, nʼabaweerya oYesu okumwita nka nibaali batakire.
OYesu akubambwa oku musaalaba
(Mat 27:32-44; Mak 15:21-32; Yok 19:17-27)
26Nibaali bakumutwala okumwita ni baitirana oSimooni, owa mu kibuga kya Kuleeni eyaali nakuliga omu kyalo nakwaba eYerusaalemu. Baamukwaite ni bamubiikiryaku omusaalaba, ni bamuwambiriza okugwetiika nga nimwo akusengeerya oYesu. 27Abantu banyamwingi ni basengeerya oYesu, muni mwalumu nʼabakali abaalumirwe omuno era ni bakubba nʼoluboroogo nga bakwatiriire ebisubba byabwe. 28OYesu nʼayinduka nʼabona abakali abo, nʼabakoba, “Nywe abakali ba mu Yerusaalemu, mutakungira nje, baitu mwekungire nywe nʼabaana baanywe. 29Olwakubba ebiro byaliika leke abantu bakobe, ‘Abakali abagumba abatatoolangaku nda era abatayoncangaku balina omukisa!’ 30Bo ‘bakwiza okukoba ensozi nti, “Mutugweku!” Nobusozi obudooli nti, “Mutubbiitikire!” ’#Kos 10:8 31Olwakubba we bakoleire kini oku musaale ogubbisi, nibaliika oku gukalu kiribba kityai?”
32Abasirikale ni batwalana abasaiza abandi babiri, nga bo bayendi bʼamateeka, okubaitira amwei nʼoYesu. 33Nibaikire omu kifo ekyetebwa Kyangala, oYesu ni bamubamba oku musaalaba nʼabayendi bʼamateeka ni bababamba oku misaalaba, omwei oku mukono gwa Yesu ogulyo nʼowondi oku gumoso. 34OYesu nʼakoba, “Taata basaasire olwakubba tibamaite kye bakukola.” Ni babagana ebizwalibwa byamwe, nga bakukubba akalulu.
35Abantu ni bayemeera nga bakuroleera, abakama ni bamugaya, ni bakoba, “Yalokolanga bandi ale yeelokole niyaabba nali eyasukiibweku amafuta, oKanca gwe yakomerye.”
36Abasirikale boona ni baiza ni bamusekeera ni bamuweerya enkaatu ya viini, 37ni bakoba, “Niwaabba mukama wʼaBayudaaya weiye oku musaalaba.”
38Waalowo ebigambo ebyawandiikiibwe ni biteekebwa aiguru wa mutwe gwamwe oku musaalaba nga bikusoma biti, oni niye mukama wʼabayudaaya.
Omwei oku bakoli ba bibbi ni yeiramu
39Omwei okwabo abaabambiibwe naye nʼazuma nʼamukoba ati, “Toli Kurisito, niwaakubbaire Kurisito, waakweiyire oku musaalaba naiswe nʼotwiyaku!”
40Omwirawaamwe nʼamunenya, nʼamukoba ati, “Tokutiina Kanca ngʼate weena oli ku kibonerezo nkʼekyamwe? 41Ekibonerezo kyebatuwaire iswe kituloomere, tukusasula byetwakoore, baitu omusaiza oni ekibbi kyeyakoore kyayi.”
42Omusaiza oni nayindukira oYesu nʼamukoba ati, “Yesu, onyizukiranga noikire omu bukama bwamu.”
43OYesu nʼamwiramu ati, “Kankukobere ekiikire; ekiro kyaleero okwaba okubba nanje omu kifo kyakwesiima.”
Okufa kwa Yesu
(Mat 27:45-56; Mak 15:33-41; Yok 19:28-30)
44Ekiro ekyo okutandikira akati omwiyangwe onsi yeena yeena yakwaite ekiiruma okwikirya kyarumwei oku saawa yamwenda. 45Eisana ni rilekayo okwaka, nʼeikinga lya mwiramyo ni ryonokamu akati. 46OYesu nʼabazira omwiraka eryaiguru nʼakoba ati, “Taata, nkukukwatisya omwoyo gwange.” Niyamaare okubaza ekyo nʼatiika.
47Osirikale omukulu niyaboine ebyalowo, nʼawaisya oKanca nʼakoba ati, “Mazima omusaiza oni abbaire aikiriire!” 48Abantu abaakumbaine okuroleera oYesu nʼabayendi bʼamateeka nibakubambwa nibaaboine ebyalowo ni balugawo nga baizwire enaku. 49Baitu boona boona abaali nibamaite oYesu, omwali nʼabakali abaamusengereirye okuliga e Galiraaya, tibaigereire, baalengerangambe.
Okuziikwa kwa Yesu
(Mat 27:57-61; Mak 15:42-47; Yok 19:38-42)
50Oku Lukiiko lwʼaBayudaaya olukulu kwaliku omusaiza omusai, ngʼaikiriire eyayetebwanga Yusufu. 51OYusufu yaabbanga mu kibuga kya mu Buyudaaya ekyayetebwanga Alimasaaya. Yaikaire nalindiriirye obukama bwa Kanca era tiyasembere kikolwa kya kwita Yesu olukiiko kyelwasaarewo. 52OYusufu nʼayaba e wa Piraato nʼamusaba omulambo gwa Yesu. 53Nʼaguwanula oku musaalaba nʼaguzinga omu lugoye lwa liiri, nʼaguta omu mbi eyaali tekateebwangamu mulambo gundi, eyaali nebaizirwe omwibbaale. 54Ekiro ekyo kyali kyakweteekaniriza Sabbiiti olwakubba gyali gigereire.
55Abakali badi abaaligire nʼoYesu e Galiraaya, ni basengeerya oYusufu nakutwala omulambo gwa Yesu, ni babona embi nʼengeri omulambo gyegwateirwemu. 56Nibaaligire awo ni bairayo e Yerusaalemu, ni bateekaniza ebyabuwoowo nʼamafuta ebya kuta oku mulambo gwa Yesu. Enceege ni bawuumula, olwakubba yaali Sabbiiti, nkʼeiteeka lyakanai nirilagira.
Айни замон обунашуда:
Luka 23: RUULI-NYALA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Luka 23
23
OYesu akutwalibwa egiri oPiraato
(Mat 27:1,2,11-14; Mak 15:1-5; Yok 18:28-38)
1Abaali omu lukiiko boona boona ni baimuka ni batwala oYesu e wa Piraato. 2Ni batandika okumuwaabira nga bakukoba, “Tusangiriirye omusaiza oni nakuwuja abantu baiswe, nakuwakanisya ekya kuweerya oKaisaali omusolo era nakweyeta Kurisito, oMukama.”
3OPiraato nʼabuulya oYesu, “Niiwe mukama wʼaBayudaaya?” OYesu nʼairamu,
“Nka nokoberembe nimwo kikali.”
4OPiraato nʼakoba okabona omukulu nʼabantu boona boona abaalowo nti, “Ekyasinziirwaku okujunaana omusaiza oni tinkukibona.”
5Abantu ni bongera ni bakoba, “Byakwegesya bikucaacula abantu omu Buyudaaya bwona. Yatandikiire mu Galiraaya ati ngoni aikire e Yerusaalemu.”
6OPiraato niyawuliire kini nʼabulya oba ngʼomusaiza oni yaali Mugaliraaya. 7Niyeetegerye nti oYesu yaali wa mwitwale lya Kerode, nʼamusindika e waamwe. Ebiro ebyo oKerode yaali mu Yerusaalemu.
OYesu omu maiso ga Kerode
8OKerode niyamuboine nʼasemereerwa muno, olwakubba yaali nalwire ngʼakuwura ebyamubazibwangaku olwa byʼamaano bye yakolanga. OKerode nʼayendya amubone nakukola ekyʼamaano. 9Yamubuuliriirye, baitu oYesu natamwiramu kigambo kyona kyona. 10Abakabona abakulu nʼabeegesya bʼamateeka baali nibeemereire awo nibakwambya omusango gwabwe oku Yesu. 11OKerode nʼabasirikale baamwe ni bamuwemulawemula nʼokumusekeera ni bamuzwalikisya ekizwalibwa ekya kitiinisya ni bamwiryayo e wa Piraato. 12Ekiro ekyo oKerode nʼoPiraato ni banywana, baitu obwakarai baali nibanobengaine.
OPiraato akusaara oYesu ogwa kufa
(Mat 27:15-26; Mak 15:6-15; Yok 18:39–19:16)
13OPiraato nʼayetesya abakabona abakulu, abakama nʼabantu, 14Nʼabakoba, “Mwandeeteire omusaiza oni nimukukoba nambu akucaacula abantu, mubuuliriirye nywena nimulowo baitu timmubweineku musango gwona omwebyo byemuwaabire. 15NʼoKerode tiyamuboineku musango, nikyo yamwiriirye gyetuli. Kini kikulanga nti ndoowo musango gwe yairye oguloomere okumwitisya. 16Nkwiza kumusuunyamumbe leke mmutaisye.” 17Buli kiro kya Kwakalibwaku oPiraato yateekwanga okubataisiryayo omusibe omwei.#23:17 Ekitabo oLuka kyeyawandiikire tikita na lunyiriri lwa 17. Naye omu Njiri ya Mako lulumu.
18Abantu ni bakokoomera amwei nti, “Mwitembe omusaiza oyo! Tutaisirye oBalaba!” 19OBalaba yaali nabbwerwe lwa misango gya bwiti nʼokuleeta okwegunga omu Yerusaalemu.
20OPiraato nʼairamu okubaza nabo nʼakwendya okutaisya oYesu. 21Baitu bo ni bakokooma nga bakukoba nti, “Mubambe! Mubambe!”
22Nʼabaza nabo omulundi ogwakasatu: “Lwaki? Omusaiza oni airye musango ki? Timboine nsonga eyaakumwitisya. Nkwiza kumusuunyamumbe leke mmutaisye.”
23Ni beeyongera okubazira aiguru nga bakukoba oYesu abambwe oku musaalaba, nʼamaraka gaabwe ni gakirisya oPiraato amaani. 24OPiraato nʼasalawo okubakoora kyebaali nibamusabire. 25OPiraato nʼabataisirya oBalaba ogwe baasabire, eyaali nabwerwe olwa bucaacuki nʼobwiti bwʼabantu, nʼabaweerya oYesu okumwita nka nibaali batakire.
OYesu akubambwa oku musaalaba
(Mat 27:32-44; Mak 15:21-32; Yok 19:17-27)
26Nibaali bakumutwala okumwita ni baitirana oSimooni, owa mu kibuga kya Kuleeni eyaali nakuliga omu kyalo nakwaba eYerusaalemu. Baamukwaite ni bamubiikiryaku omusaalaba, ni bamuwambiriza okugwetiika nga nimwo akusengeerya oYesu. 27Abantu banyamwingi ni basengeerya oYesu, muni mwalumu nʼabakali abaalumirwe omuno era ni bakubba nʼoluboroogo nga bakwatiriire ebisubba byabwe. 28OYesu nʼayinduka nʼabona abakali abo, nʼabakoba, “Nywe abakali ba mu Yerusaalemu, mutakungira nje, baitu mwekungire nywe nʼabaana baanywe. 29Olwakubba ebiro byaliika leke abantu bakobe, ‘Abakali abagumba abatatoolangaku nda era abatayoncangaku balina omukisa!’ 30Bo ‘bakwiza okukoba ensozi nti, “Mutugweku!” Nobusozi obudooli nti, “Mutubbiitikire!” ’#Kos 10:8 31Olwakubba we bakoleire kini oku musaale ogubbisi, nibaliika oku gukalu kiribba kityai?”
32Abasirikale ni batwalana abasaiza abandi babiri, nga bo bayendi bʼamateeka, okubaitira amwei nʼoYesu. 33Nibaikire omu kifo ekyetebwa Kyangala, oYesu ni bamubamba oku musaalaba nʼabayendi bʼamateeka ni bababamba oku misaalaba, omwei oku mukono gwa Yesu ogulyo nʼowondi oku gumoso. 34OYesu nʼakoba, “Taata basaasire olwakubba tibamaite kye bakukola.” Ni babagana ebizwalibwa byamwe, nga bakukubba akalulu.
35Abantu ni bayemeera nga bakuroleera, abakama ni bamugaya, ni bakoba, “Yalokolanga bandi ale yeelokole niyaabba nali eyasukiibweku amafuta, oKanca gwe yakomerye.”
36Abasirikale boona ni baiza ni bamusekeera ni bamuweerya enkaatu ya viini, 37ni bakoba, “Niwaabba mukama wʼaBayudaaya weiye oku musaalaba.”
38Waalowo ebigambo ebyawandiikiibwe ni biteekebwa aiguru wa mutwe gwamwe oku musaalaba nga bikusoma biti, oni niye mukama wʼabayudaaya.
Omwei oku bakoli ba bibbi ni yeiramu
39Omwei okwabo abaabambiibwe naye nʼazuma nʼamukoba ati, “Toli Kurisito, niwaakubbaire Kurisito, waakweiyire oku musaalaba naiswe nʼotwiyaku!”
40Omwirawaamwe nʼamunenya, nʼamukoba ati, “Tokutiina Kanca ngʼate weena oli ku kibonerezo nkʼekyamwe? 41Ekibonerezo kyebatuwaire iswe kituloomere, tukusasula byetwakoore, baitu omusaiza oni ekibbi kyeyakoore kyayi.”
42Omusaiza oni nayindukira oYesu nʼamukoba ati, “Yesu, onyizukiranga noikire omu bukama bwamu.”
43OYesu nʼamwiramu ati, “Kankukobere ekiikire; ekiro kyaleero okwaba okubba nanje omu kifo kyakwesiima.”
Okufa kwa Yesu
(Mat 27:45-56; Mak 15:33-41; Yok 19:28-30)
44Ekiro ekyo okutandikira akati omwiyangwe onsi yeena yeena yakwaite ekiiruma okwikirya kyarumwei oku saawa yamwenda. 45Eisana ni rilekayo okwaka, nʼeikinga lya mwiramyo ni ryonokamu akati. 46OYesu nʼabazira omwiraka eryaiguru nʼakoba ati, “Taata, nkukukwatisya omwoyo gwange.” Niyamaare okubaza ekyo nʼatiika.
47Osirikale omukulu niyaboine ebyalowo, nʼawaisya oKanca nʼakoba ati, “Mazima omusaiza oni abbaire aikiriire!” 48Abantu abaakumbaine okuroleera oYesu nʼabayendi bʼamateeka nibakubambwa nibaaboine ebyalowo ni balugawo nga baizwire enaku. 49Baitu boona boona abaali nibamaite oYesu, omwali nʼabakali abaamusengereirye okuliga e Galiraaya, tibaigereire, baalengerangambe.
Okuziikwa kwa Yesu
(Mat 27:57-61; Mak 15:42-47; Yok 19:38-42)
50Oku Lukiiko lwʼaBayudaaya olukulu kwaliku omusaiza omusai, ngʼaikiriire eyayetebwanga Yusufu. 51OYusufu yaabbanga mu kibuga kya mu Buyudaaya ekyayetebwanga Alimasaaya. Yaikaire nalindiriirye obukama bwa Kanca era tiyasembere kikolwa kya kwita Yesu olukiiko kyelwasaarewo. 52OYusufu nʼayaba e wa Piraato nʼamusaba omulambo gwa Yesu. 53Nʼaguwanula oku musaalaba nʼaguzinga omu lugoye lwa liiri, nʼaguta omu mbi eyaali tekateebwangamu mulambo gundi, eyaali nebaizirwe omwibbaale. 54Ekiro ekyo kyali kyakweteekaniriza Sabbiiti olwakubba gyali gigereire.
55Abakali badi abaaligire nʼoYesu e Galiraaya, ni basengeerya oYusufu nakutwala omulambo gwa Yesu, ni babona embi nʼengeri omulambo gyegwateirwemu. 56Nibaaligire awo ni bairayo e Yerusaalemu, ni bateekaniza ebyabuwoowo nʼamafuta ebya kuta oku mulambo gwa Yesu. Enceege ni bawuumula, olwakubba yaali Sabbiiti, nkʼeiteeka lyakanai nirilagira.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in