Yokaana 3
3
OYesu akwegesya oNikodeemu
1Waaliwo oMufarisaayo, eyayetebwanga Nikodemu eyaali omukwenda omu lukiiko olukulu olwʼaBayudaaya. 2Oni nʼayaba ewa Yesu obwire nʼamukoba ati, “Mwegesya, tumaite oli omwegesya eyazwaire ewa Kanca. Kubba ndoowo muntu asobola okukola obubonero obwewuunyisya bwokukola okutoolaku oKanca nali naye.”
3OYesu nʼamwiramu ati, “Kankukobere amananu, ndoowo muntu gonze omwei aliika omu bukama bwa Kanca okutoolaku nabyairwe omulundi ogwakabiri.”
4ONikodemu nʼamubuulya ati, “Omuntu omukulu asobola atyai okwiramu okubyalwa? Mananu tasobola kwira munda ya ma waamwe nʼairamu okubyalwa.”
5OYesu nʼamwiramu ati, “Kankukobere amananu, ndoowo muntu gonze omwei alingira obukama bwa Kanca okutoolaku nʼabyairwe amaizi nʼoMwoyo. 6Omubiri gubyala mubiri nʼoMwoyo gubyala Mwoyo. 7Olwʼekyo muteewuunya kyembakobere nti, ‘Muteekwa okubyalwa omulundi ogwakabiri.’ 8Ompungo awungira buli rubaju lwakwendya. Owura kutuuta kwamwe baitu tosobola kweteja gyakuzwa gonze gyakwaba. Ekyo nimwo kirimbe oku muntu abyairwe oMwoyo.”
9ONikodemu nʼamubuulya ati, “Kini kisoboka kityai?”
10OYesu nʼamwiramu ati, “We omwegesya wa Isirairi osobola otyai kini obutakyeteja? 11Kankukobere amananu, tukubaza kyetumaite, era tukuweerya obujuurwa okwekyo kyetwaboine, baitu bantu nywe mugaine okwikiriza byetukubakoba. 12Oba mbakobeire ebintu ebya ku nsi ni mutabiikiriza; ale mwalisola mutyai okwikiriza nindibakobera ebya mwiguru? 13Ndoowo muntu gonze omwei eyaali nayabire omwiguru okwiyaku oyo eyazwire omwiguru; oyo niye oMwana wa Muntu.”
14OYesu ni yeeyongera okukoba ati, “Kini kikwisanaku nkʼoMusa niyawanikire onjoka owa kikomo oku kikondo omwirungu, era nʼoMwana wa Muntu ateekwa okuwanikibwa, 15buli muntu yeena yeena amwikiriza alitunga obwomi obutawaawo. 16Kubba oKanca niyayenderye omuno ensi nʼokuweeryayo nʼaweeryayo omwana waamwe omwei yenkai, buli muntu amwikiriza aleke kubula baitu abbe nʼobwomi obutawaawo. 17Kubba oKanca tiyatumire Mwana waamwe mu nsi kugisaara musango, baitu yamutumire ensi ejunirwe omu ye. 18Buli muntu amwikiriza omusango tigumusinga, baitu buli atamwikiriza omusango gubba gumaare okumusinga kubba abba taikiriize ibara rya Mwana omwei yenkai owa Kanca. 19Guni nigwo musango: Ekyengeezi kyaizire omu nsi, baitu abantu ni bendya muno ekiiruma kubba ebikolwa byabwe byali bibbi. 20Buli muntu akola ekibbi tayendya kyengeezi, era taiza mu kyengeezi olwa kutiina ebikolwa byamwe okumanyibwa. 21Baitu buli muntu akoora oku mananu abba mu kyengeezi, leke kibonekere kyarumwei nti buli kyakoore abba nakikoleire mu Kanca.”
OYokaana oMubatiza akujuura oku Yesu
22Ebyo nibyaweire, oYesu nʼabeegesebwa baamwe ni baaba omu kyalo omu Buyudaaya gyeyamaare akabbanga nʼabo, nʼakubatiza. 23Omu kiseera ekyo nʼoYokaana yaali akubatiriza Enoni ampi nʼe Saalimu, kubba eyo waaliyo amaizi gaingi, era abantu baayabanga egyali nʼababatiza. 24(Kini kyabbairewo oYokaana nacaali kubbwebwa mu nkomyo.)
25Awo olwaikire ni wabbaawo empaka akati wa beegesebwa ba Yokaana nʼoMuyudaaya omwei oku murwa gwa kunaaba olwa kweyerya. 26Bani ni baiza ewa Yokaana ni bamukoba bati, “Mwegesya, omuntu eyabbaire naawe enseeri wa Yoludaani, oyo gwewabazireku, ati buni akubatiza era buli omwei akwaba gyali.”
27OYokaana nʼabairamu ati, “Ndoowo muntu kyasobola kutunga okwiyaku nga kizwire mwiguru. 28Nywe abenyenere mukunjuura ninabazire nti, ‘Tininje Kurisito, baitu natumiibwe mmwekeere okwiza.’ 29Omugole omukali abba wa mugole omusaiza. Omunywani wa mugole omusaiza abba amwei naye okumuberabera nʼokumuwuliirya, era omunywani waamwe oyo yeena asemeerwa nawura omugole omusaiza nakubaza nʼomugole omukali. Kini kinsemereirye muno. 30OKurisito ateekwa okutumbisibwa; nje ndyowesebwe.”
OKurisito eyazwire omwiguru
31Oyo eyazwire aiguru niye asinga boona boona obukulu; oyo azwa omu nsi ye wa nsi era abaza nkʼowa ku nsi, baitu azwa omwiguru niye abasinga boona boona obukulu. 32Ye abaza ekyo kyeyaboine nʼekyeyawuliire. 33Omuntu naikiriza kini akakatya amananu ga Kanca. 34OKaca gweyatumire niye abaza ebigambo byamwe, kubba oKanca oMwoyo waamwe amugaba mu bwizuli. 35OIte wa Mwana ayendya oMwana waamwe era obuyinza bwona bwona yabutaire mu mikono gyamwe. 36Buli muntu aikiriza oMwana alina obwomi obutawaawo, baitu amugaana talitunga bwomi, kubba oKanca alimubonereza.
Айни замон обунашуда:
Yokaana 3: RUULI-NYALA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Yokaana 3
3
OYesu akwegesya oNikodeemu
1Waaliwo oMufarisaayo, eyayetebwanga Nikodemu eyaali omukwenda omu lukiiko olukulu olwʼaBayudaaya. 2Oni nʼayaba ewa Yesu obwire nʼamukoba ati, “Mwegesya, tumaite oli omwegesya eyazwaire ewa Kanca. Kubba ndoowo muntu asobola okukola obubonero obwewuunyisya bwokukola okutoolaku oKanca nali naye.”
3OYesu nʼamwiramu ati, “Kankukobere amananu, ndoowo muntu gonze omwei aliika omu bukama bwa Kanca okutoolaku nabyairwe omulundi ogwakabiri.”
4ONikodemu nʼamubuulya ati, “Omuntu omukulu asobola atyai okwiramu okubyalwa? Mananu tasobola kwira munda ya ma waamwe nʼairamu okubyalwa.”
5OYesu nʼamwiramu ati, “Kankukobere amananu, ndoowo muntu gonze omwei alingira obukama bwa Kanca okutoolaku nʼabyairwe amaizi nʼoMwoyo. 6Omubiri gubyala mubiri nʼoMwoyo gubyala Mwoyo. 7Olwʼekyo muteewuunya kyembakobere nti, ‘Muteekwa okubyalwa omulundi ogwakabiri.’ 8Ompungo awungira buli rubaju lwakwendya. Owura kutuuta kwamwe baitu tosobola kweteja gyakuzwa gonze gyakwaba. Ekyo nimwo kirimbe oku muntu abyairwe oMwoyo.”
9ONikodemu nʼamubuulya ati, “Kini kisoboka kityai?”
10OYesu nʼamwiramu ati, “We omwegesya wa Isirairi osobola otyai kini obutakyeteja? 11Kankukobere amananu, tukubaza kyetumaite, era tukuweerya obujuurwa okwekyo kyetwaboine, baitu bantu nywe mugaine okwikiriza byetukubakoba. 12Oba mbakobeire ebintu ebya ku nsi ni mutabiikiriza; ale mwalisola mutyai okwikiriza nindibakobera ebya mwiguru? 13Ndoowo muntu gonze omwei eyaali nayabire omwiguru okwiyaku oyo eyazwire omwiguru; oyo niye oMwana wa Muntu.”
14OYesu ni yeeyongera okukoba ati, “Kini kikwisanaku nkʼoMusa niyawanikire onjoka owa kikomo oku kikondo omwirungu, era nʼoMwana wa Muntu ateekwa okuwanikibwa, 15buli muntu yeena yeena amwikiriza alitunga obwomi obutawaawo. 16Kubba oKanca niyayenderye omuno ensi nʼokuweeryayo nʼaweeryayo omwana waamwe omwei yenkai, buli muntu amwikiriza aleke kubula baitu abbe nʼobwomi obutawaawo. 17Kubba oKanca tiyatumire Mwana waamwe mu nsi kugisaara musango, baitu yamutumire ensi ejunirwe omu ye. 18Buli muntu amwikiriza omusango tigumusinga, baitu buli atamwikiriza omusango gubba gumaare okumusinga kubba abba taikiriize ibara rya Mwana omwei yenkai owa Kanca. 19Guni nigwo musango: Ekyengeezi kyaizire omu nsi, baitu abantu ni bendya muno ekiiruma kubba ebikolwa byabwe byali bibbi. 20Buli muntu akola ekibbi tayendya kyengeezi, era taiza mu kyengeezi olwa kutiina ebikolwa byamwe okumanyibwa. 21Baitu buli muntu akoora oku mananu abba mu kyengeezi, leke kibonekere kyarumwei nti buli kyakoore abba nakikoleire mu Kanca.”
OYokaana oMubatiza akujuura oku Yesu
22Ebyo nibyaweire, oYesu nʼabeegesebwa baamwe ni baaba omu kyalo omu Buyudaaya gyeyamaare akabbanga nʼabo, nʼakubatiza. 23Omu kiseera ekyo nʼoYokaana yaali akubatiriza Enoni ampi nʼe Saalimu, kubba eyo waaliyo amaizi gaingi, era abantu baayabanga egyali nʼababatiza. 24(Kini kyabbairewo oYokaana nacaali kubbwebwa mu nkomyo.)
25Awo olwaikire ni wabbaawo empaka akati wa beegesebwa ba Yokaana nʼoMuyudaaya omwei oku murwa gwa kunaaba olwa kweyerya. 26Bani ni baiza ewa Yokaana ni bamukoba bati, “Mwegesya, omuntu eyabbaire naawe enseeri wa Yoludaani, oyo gwewabazireku, ati buni akubatiza era buli omwei akwaba gyali.”
27OYokaana nʼabairamu ati, “Ndoowo muntu kyasobola kutunga okwiyaku nga kizwire mwiguru. 28Nywe abenyenere mukunjuura ninabazire nti, ‘Tininje Kurisito, baitu natumiibwe mmwekeere okwiza.’ 29Omugole omukali abba wa mugole omusaiza. Omunywani wa mugole omusaiza abba amwei naye okumuberabera nʼokumuwuliirya, era omunywani waamwe oyo yeena asemeerwa nawura omugole omusaiza nakubaza nʼomugole omukali. Kini kinsemereirye muno. 30OKurisito ateekwa okutumbisibwa; nje ndyowesebwe.”
OKurisito eyazwire omwiguru
31Oyo eyazwire aiguru niye asinga boona boona obukulu; oyo azwa omu nsi ye wa nsi era abaza nkʼowa ku nsi, baitu azwa omwiguru niye abasinga boona boona obukulu. 32Ye abaza ekyo kyeyaboine nʼekyeyawuliire. 33Omuntu naikiriza kini akakatya amananu ga Kanca. 34OKaca gweyatumire niye abaza ebigambo byamwe, kubba oKanca oMwoyo waamwe amugaba mu bwizuli. 35OIte wa Mwana ayendya oMwana waamwe era obuyinza bwona bwona yabutaire mu mikono gyamwe. 36Buli muntu aikiriza oMwana alina obwomi obutawaawo, baitu amugaana talitunga bwomi, kubba oKanca alimubonereza.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in