Bikolwa 9
9
Okuyinduka kwa Sawulo
1Omu kiseera nikyo kimwei, oSawulo niyaali aceeyayira okwita abeegesebwa ba Mukama, nʼayaba egiri oSaabakabona, 2nʼamusaba ebbaluwa ezikumwanjula omu makumbaaniro aga mu Damasiko, niyasangayo abasaiza nʼabakali abatambuura omu Muwanda gwa Mukama, abaleete e Yerusaalemu nkʼababbwe.
3Awo niyaali nali ampi okwika e Damasiko, amangu ago okuseryaserya okwaligire omwiguru ni kumweruguurya. 4Nʼagwa ansi, nʼawura eiraka nirikumukoba riti, “Sawulo, Sawulo! Lwaki okunyasayasania?”
5OSawulo nʼakoba ati, “Niiwe naani Mukama wange?” Nʼairamu ati, “Ninje Yesu gwokwasayasania. 6Ati imuka oyabe omu kibuga. Eyo nigyo wakoberwa kyewakola.” 7Abasaiza abaali bakutambula nʼoSawulo ni beemeera nibawunire, kubba baawuliire eiraka, baitu nibatakubona muntu. 8OSawulo nʼaimuka, baitu niyalibbwirye amaiso gaamwe, nʼatasobola kubona. Ni bamukwata oku mukono, ni bamwingirya omu Damasiko. 9Nʼamaara kimwei ebiro bisatu natakubona, era natakulya gonze okunywa.
10Waalowo omwegesebwa omu Damasiko, eyayetebwanga Ananiya. OMukama nʼamubonekera nʼamukoba ati, “Ananiya!” Nʼairamu ati, “Ninje ngoni Mukama wange.”
11OMukama nʼamukoba ati, “Imuka oyabe e wa Yuda oku Muwanda oGugolokoki, obuulye omuntu owa Tasasi ayetebwa Sawulo, okwiza okumusanga nakusaba. 12Abonekeirwe omuntu, ayetebwa Ananiya, nakwingira era nakumutaaku emikono airemu okubonia.”
13Ananiya nʼamwiramu ati, “Mukama wange, mpuliire baingi nibakubaza oku musaiza oni, nka nabudirye abantu baamu abakwera abali omu Yerusaalemu. 14Era nʼani alina obuyinza obumuweereibwe abakabona abakulu, abbwe abo boona boona abamiira eibara ryamu.” 15Baitu oMukama nʼamukoba ati, “Yaba, kubba ninje mmwekomeirye ammanyisye omu banyamanga, nʼomu bakama nʼomu bantu ba Isirairi. 16Era ndimulanga nka nateekerwe okubonaabona omuno oku lwange.”
17Awo Ananiya nʼayaba, nʼaingira omu nyumba oSawulo mweyaali, nʼamutaaku emikono, nʼamukoba ati, “Owaluganda Sawulo, oMukama oYesu omwenyenere eyakubonekeire niwaali omu nzira nʼokwiza, antumire osobole okubonia nʼokwizulwa oMwoyo Akwera.”
18Amangu ago oku maiso gaamwe ni kuligaku ebintu ebiri nkʼebigalagamba bya ncwi, nʼasobola okwiramu okubonia. Nʼaimuka nʼabatizibwa. 19Niyamaare okulya emere, nʼairamu amaani.
OSawulo akubuulira aba mu Damasiko
Awo oSawulo nʼamala ebiro bidooli nali nʼabaikiriza omu Damasiko. 20Amangu ago nʼaingira omu makumbaaniro, nʼabuulira abantu nti oYesu niye Mwana wa Kanca.
21Abaamuwuliire boona boona ni bawuniikiira, ni bakoba bati, “Oni tiniye eyayasayasanianga aba mu Yerusaalemu abamiira eibara rya Yesu? Era ti nikyo kimuleetere nʼani ababbwe, abatwale egiri abakabona abakulu?”
22Baitu oSawulo ni yeeyongera okubba nʼamaani omu kwegesya kwamwe, nʼasirica aBayudaaya abaali omu Damasiko, nakulanga nti oYesu niye Kurisito.#9:22 Oba “Oyo eyasukirweku amafuta.”
23Niwaakaire ebiro bingi, aBayudaaya ni bateesa okwita oSawulo. 24Baitu oSawulo ni yeeteja okuliirana kwabwe. Baamutyekanga oku nyiige emisana nʼobwire leke bamwite. 25Baitu obwire abeegesebwa baamwe ni bamutwala ni bamusirimuura oku mwomo nibamutaire omu kigega.
OSawulo omu Yerusaalemu
26OSawulo niyaikire omu Yerusaalemu nʼagezangaku okweyimbya nʼabeegesebwa, baitu bo ni bamutiinanga, kubba tibaikirizanga nti yaali mwegesebwa. 27Baitu oBbalunabba nʼamutwala nʼamulanga egiri abakwenda, nʼabasubiira nkʼoSawulo niyaboine oMukama omu nzira era nkʼoMukama niyabazire na ye. Era nʼabasubiira nkʼoSawulo niyaali omu Damasiko nʼabuulira nʼobugumu omwibara rya Yesu. 28OSawulo nʼabba na bo omu Yerusaalemu nʼakwetaaya, nʼabazanga nʼobugumu omwibara rya Mukama. 29Nʼabaza era nʼayingisyangananga ebirowoozo nʼaBayudaaya ababaza oLuyonaani, baitu bo ni bagezaku okumwita. 30Abaluganda nibaakyetejerye, ni bamutwala e Sisaariya, ni bamuweereza e Tasasi.
31Awo ekanisa omu Buyudaaya bwona bwona, oGaliraaya nʼoSamaliya nʼebba mirembe, era nʼeguma, ni yeeyongera obukooto, nekutaamu oMukama ekitiinisya nʼoMwoyo Akwera nʼagiizulya okusemereerwa.
OPeetero omu Lida ne Yoopa
32Awo oPeetero nʼatambula woona woona, nʼaika egiri abantu ba Kanca abakwera aba mu kibuga ekyetebwa Lida. 33Nʼayajaayo omuntu eyayetebwanga Ayineeya, eyaali azingaime, natakuliga ku kitabu okumala emyaka munaanai. 34OPeetero nʼamukoba ati, “Ayineeya, oYesu Kurisito akukutamba. Imuka ozinge ebibbasirwa byamu weeyabire.” Awo Ayineeya nʼaimuka. 35Abantu boona boona abaali omu Lida nʼomu Saroni ni bamubona, ni baikiriza oMukama. 36Omu Yoopa mwalimu omukali omwikiriza eyayetebwanga Tabbiisa, (omu Luyonaani Doruka, rimanyisya ekimwei oku bika bya ngabi). OTabbiisa yaalina ebikolwa ebisai, era nʼajunanga abaseege. 37Ebiro ebyo nʼalwala nʼafa. Omulambo gwamwe ni bagunaabya ni baguta omu kisiika ekyʼaiguru. 38OYoopa kyali ampi nʼoLida. Awo abeegesebwa abaali e Yoopa nibaawuliire nti oPeetero ali mu Lida, ni bamutumira abasaiza, ni bamukoba bati, “Tukwesengereirye iza mangu gyetuli.” 39Awo oPeetero nʼaimukiramu, nʼayaba na bo. Niyaikireyo nʼatwalibwa omu kisiika ekyʼaiguru. Abanamwandu boona boona ni bamweruguurya nibakukunga era ni bamulanga ekooti nʼengoye ezindi oDoruka byeyakolanga nacaali mwomi.
40OPeetero boona boona nʼabawuluca enzai nʼakubba amajwi nʼasaba. Nʼayindukira omulambo, nʼakoba ati, “Tabbiisa, imuka.” Awo oTabbiisa nʼalibbulya amaiso gaamwe. Niyaboine oPeetero, nʼaikala. 41OPeetero nʼamukwata oku mukono, nʼamwimula. Awo nʼayeta abanamwandu nʼabaikiriza abandi, nʼamubalanga nali mwomi. 42Ni kimanyibwa omu Yoopa woona woona era baingi ni baikiriza oMukama. 43OPeetero nʼamala ebiro bingi omu Yoopa e wa Simooni, omusaayiirya wa byanzo.
Айни замон обунашуда:
Bikolwa 9: RUULI-NYALA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Bikolwa 9
9
Okuyinduka kwa Sawulo
1Omu kiseera nikyo kimwei, oSawulo niyaali aceeyayira okwita abeegesebwa ba Mukama, nʼayaba egiri oSaabakabona, 2nʼamusaba ebbaluwa ezikumwanjula omu makumbaaniro aga mu Damasiko, niyasangayo abasaiza nʼabakali abatambuura omu Muwanda gwa Mukama, abaleete e Yerusaalemu nkʼababbwe.
3Awo niyaali nali ampi okwika e Damasiko, amangu ago okuseryaserya okwaligire omwiguru ni kumweruguurya. 4Nʼagwa ansi, nʼawura eiraka nirikumukoba riti, “Sawulo, Sawulo! Lwaki okunyasayasania?”
5OSawulo nʼakoba ati, “Niiwe naani Mukama wange?” Nʼairamu ati, “Ninje Yesu gwokwasayasania. 6Ati imuka oyabe omu kibuga. Eyo nigyo wakoberwa kyewakola.” 7Abasaiza abaali bakutambula nʼoSawulo ni beemeera nibawunire, kubba baawuliire eiraka, baitu nibatakubona muntu. 8OSawulo nʼaimuka, baitu niyalibbwirye amaiso gaamwe, nʼatasobola kubona. Ni bamukwata oku mukono, ni bamwingirya omu Damasiko. 9Nʼamaara kimwei ebiro bisatu natakubona, era natakulya gonze okunywa.
10Waalowo omwegesebwa omu Damasiko, eyayetebwanga Ananiya. OMukama nʼamubonekera nʼamukoba ati, “Ananiya!” Nʼairamu ati, “Ninje ngoni Mukama wange.”
11OMukama nʼamukoba ati, “Imuka oyabe e wa Yuda oku Muwanda oGugolokoki, obuulye omuntu owa Tasasi ayetebwa Sawulo, okwiza okumusanga nakusaba. 12Abonekeirwe omuntu, ayetebwa Ananiya, nakwingira era nakumutaaku emikono airemu okubonia.”
13Ananiya nʼamwiramu ati, “Mukama wange, mpuliire baingi nibakubaza oku musaiza oni, nka nabudirye abantu baamu abakwera abali omu Yerusaalemu. 14Era nʼani alina obuyinza obumuweereibwe abakabona abakulu, abbwe abo boona boona abamiira eibara ryamu.” 15Baitu oMukama nʼamukoba ati, “Yaba, kubba ninje mmwekomeirye ammanyisye omu banyamanga, nʼomu bakama nʼomu bantu ba Isirairi. 16Era ndimulanga nka nateekerwe okubonaabona omuno oku lwange.”
17Awo Ananiya nʼayaba, nʼaingira omu nyumba oSawulo mweyaali, nʼamutaaku emikono, nʼamukoba ati, “Owaluganda Sawulo, oMukama oYesu omwenyenere eyakubonekeire niwaali omu nzira nʼokwiza, antumire osobole okubonia nʼokwizulwa oMwoyo Akwera.”
18Amangu ago oku maiso gaamwe ni kuligaku ebintu ebiri nkʼebigalagamba bya ncwi, nʼasobola okwiramu okubonia. Nʼaimuka nʼabatizibwa. 19Niyamaare okulya emere, nʼairamu amaani.
OSawulo akubuulira aba mu Damasiko
Awo oSawulo nʼamala ebiro bidooli nali nʼabaikiriza omu Damasiko. 20Amangu ago nʼaingira omu makumbaaniro, nʼabuulira abantu nti oYesu niye Mwana wa Kanca.
21Abaamuwuliire boona boona ni bawuniikiira, ni bakoba bati, “Oni tiniye eyayasayasanianga aba mu Yerusaalemu abamiira eibara rya Yesu? Era ti nikyo kimuleetere nʼani ababbwe, abatwale egiri abakabona abakulu?”
22Baitu oSawulo ni yeeyongera okubba nʼamaani omu kwegesya kwamwe, nʼasirica aBayudaaya abaali omu Damasiko, nakulanga nti oYesu niye Kurisito.#9:22 Oba “Oyo eyasukirweku amafuta.”
23Niwaakaire ebiro bingi, aBayudaaya ni bateesa okwita oSawulo. 24Baitu oSawulo ni yeeteja okuliirana kwabwe. Baamutyekanga oku nyiige emisana nʼobwire leke bamwite. 25Baitu obwire abeegesebwa baamwe ni bamutwala ni bamusirimuura oku mwomo nibamutaire omu kigega.
OSawulo omu Yerusaalemu
26OSawulo niyaikire omu Yerusaalemu nʼagezangaku okweyimbya nʼabeegesebwa, baitu bo ni bamutiinanga, kubba tibaikirizanga nti yaali mwegesebwa. 27Baitu oBbalunabba nʼamutwala nʼamulanga egiri abakwenda, nʼabasubiira nkʼoSawulo niyaboine oMukama omu nzira era nkʼoMukama niyabazire na ye. Era nʼabasubiira nkʼoSawulo niyaali omu Damasiko nʼabuulira nʼobugumu omwibara rya Yesu. 28OSawulo nʼabba na bo omu Yerusaalemu nʼakwetaaya, nʼabazanga nʼobugumu omwibara rya Mukama. 29Nʼabaza era nʼayingisyangananga ebirowoozo nʼaBayudaaya ababaza oLuyonaani, baitu bo ni bagezaku okumwita. 30Abaluganda nibaakyetejerye, ni bamutwala e Sisaariya, ni bamuweereza e Tasasi.
31Awo ekanisa omu Buyudaaya bwona bwona, oGaliraaya nʼoSamaliya nʼebba mirembe, era nʼeguma, ni yeeyongera obukooto, nekutaamu oMukama ekitiinisya nʼoMwoyo Akwera nʼagiizulya okusemereerwa.
OPeetero omu Lida ne Yoopa
32Awo oPeetero nʼatambula woona woona, nʼaika egiri abantu ba Kanca abakwera aba mu kibuga ekyetebwa Lida. 33Nʼayajaayo omuntu eyayetebwanga Ayineeya, eyaali azingaime, natakuliga ku kitabu okumala emyaka munaanai. 34OPeetero nʼamukoba ati, “Ayineeya, oYesu Kurisito akukutamba. Imuka ozinge ebibbasirwa byamu weeyabire.” Awo Ayineeya nʼaimuka. 35Abantu boona boona abaali omu Lida nʼomu Saroni ni bamubona, ni baikiriza oMukama. 36Omu Yoopa mwalimu omukali omwikiriza eyayetebwanga Tabbiisa, (omu Luyonaani Doruka, rimanyisya ekimwei oku bika bya ngabi). OTabbiisa yaalina ebikolwa ebisai, era nʼajunanga abaseege. 37Ebiro ebyo nʼalwala nʼafa. Omulambo gwamwe ni bagunaabya ni baguta omu kisiika ekyʼaiguru. 38OYoopa kyali ampi nʼoLida. Awo abeegesebwa abaali e Yoopa nibaawuliire nti oPeetero ali mu Lida, ni bamutumira abasaiza, ni bamukoba bati, “Tukwesengereirye iza mangu gyetuli.” 39Awo oPeetero nʼaimukiramu, nʼayaba na bo. Niyaikireyo nʼatwalibwa omu kisiika ekyʼaiguru. Abanamwandu boona boona ni bamweruguurya nibakukunga era ni bamulanga ekooti nʼengoye ezindi oDoruka byeyakolanga nacaali mwomi.
40OPeetero boona boona nʼabawuluca enzai nʼakubba amajwi nʼasaba. Nʼayindukira omulambo, nʼakoba ati, “Tabbiisa, imuka.” Awo oTabbiisa nʼalibbulya amaiso gaamwe. Niyaboine oPeetero, nʼaikala. 41OPeetero nʼamukwata oku mukono, nʼamwimula. Awo nʼayeta abanamwandu nʼabaikiriza abandi, nʼamubalanga nali mwomi. 42Ni kimanyibwa omu Yoopa woona woona era baingi ni baikiriza oMukama. 43OPeetero nʼamala ebiro bingi omu Yoopa e wa Simooni, omusaayiirya wa byanzo.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in