Bikolwa 5
5
Ananiya nʼoSafira
1Baitu omusaiza eibara ryamwe Ananiya nʼomukali waamwe oSafira, boona ni batunda okwitakali ryabwe. 2Ananiya ni yeesigaaryaku ekitundu kya mpiiya nʼomukali waamwe namaite. Baitu nʼaleeta ekitundu ekyasigaire nʼazita oku magulu gʼabakwenda.
3Awo oPeetero nʼamukoba ati, “Ananiya lwaki waikiriize oSitaani okufuga omutima gwamu, nʼokubeyega nʼobeyega oMwoyo Akwera, ni weebiikira ezimwei oku mpiiya zewafunire omwitakali? 4Niwaali ocaali kulitunda tiryali ryamu? Niwalitundire empiiya zewafuniremu tizaali mu buyinza bwamu? Lwaki wateeseze omu mutima gwamu okukola ekintu ekikwisana kiti? Tobeyegere bantu, baitu obeyegere Kanca.”
5Ananiya niyawuliire ebyo, nʼagwa nʼafeerawo. Boona boona abaakiwuliire ni baizula okutiina. 6Abasigazi ni baiza ni bazinga omulambo gwamwe, ni bagutwala ni baguziika.
7Niwaayakairewo eibbanga lya saawa nkʼeisatu, omukali waamwe yeena nʼaingira baitu natamaite ebibbairewo. 8OPeetero nʼamubuulya ati, “Nkobera, guni nigwo muwendo gwemwatundire omwitakali?” Nʼamwiramu ati, “Nigwo.”
9Awo oPeetero nʼamubuulya ati, “Lwaki mwaikirizigainye okwoyeerya oMwoyo wa Mukama? Wura emirundi gyʼabasaiza abaziikire oibaawo, mbabo bakwingira, weena baakutwala.”
10Amangu ago nʼagwa oku magulu ga Peetero, nʼafeerawo. Abasigazi nibaingiire ni bamwaja nafiire, ni bamutwala okumuziika okwereera oibawaamwe. 11Awo ekanisa yoona yoona nʼabandi boona boona abaawuliire ebyo ni baizula okutiina.
Ebyewuunyo nʼebyamaano
12Awo abakwenda ni bakolanga ebyewuunyo nʼebyamaano bingi omu bantu. Abaikiriza boona boona ni bakumbaaniranga omu Bbalaza ya Solomooni. 13Gonze abantu abandi baabatangamu ekitiinisya kingi baitu ndoowo yasobolanga kubeeruubamu. 14Baitu omuwendo gwʼabasaiza nʼabakali abaikiriize oMukama, ni gweyongerangaku. 15Olwʼebyo abakwenda byebaakolanga, abalwaire baleetebwanga oku nguudo, ni bababbasisirye oku bitabu nʼoku mikeeka akiri ekiituuru kya Peetero kiike oku bamwei oku bo. 16Era abantu baingi aba mu bibuga ebyerereire oYerusaalemu, ni baleetanga abalwaire nʼabaagadibwanga emizumu, boona boona ni batambwa.
Abakwenda Bakwasayasanizibwa
17Awo oSaabakabona nʼabaali na ye aba kibiina kyʼaBasadukaayo, ni baizula obwiya. 18Ni bakwata abakwenda, ni babata omu nkomyo ya boona. 19Baitu obwire, omalaika wa Mukama nʼakingulawo enyiige za nkomyo, nʼabawuluca enzai, nʼabakoba ati, 20“Mwabe mwemeere omu mbuga za iramyo, mukobere abantu ebigambo byona ebya bwomi buni obuyaaka.” 21Omu kibbambya ni baingira omu mbuga za iramyo, nka nibaali balagiirwe, ni batandika okusomesya abantu. Awo oSaabakabona nʼabo beyaali na bo, nibaikire ni baikalisya olukiiko lwʼaBayudaaya olukulu amwei nʼabakaire ba Isirairi, ni batumisya omu nkomyo okuleeta abakwenda. 22Baitu abalindi nibaikire omu nkomyo ni batabaajaamu. Ni bairayo ni bakobera olukiiko, 23“Enkomyo tusangire gibbwe kusai, abalindi nibeemereire oku nyiige, baitu ni tugikingwire, titusangiremu muntu gonze omwei.” 24Awo omukulu wʼabalindi ba iramyo nʼabakabona abakulu, ni baawuliire ebyo ni basoberwa era ni beebuulya ekyabbaawo. 25Ni wabbaawo eyazire nʼabakobera ati, “Abasaiza bemwabbwere omu nkomyo, mbadi beemereire omu mbuga za iramyo bakusomesya abantu.” 26Awo omukulu wa balindi nʼayaba nʼabasaiza baamwe, ni baleeta abakwenda mpola mpola olwakubba baatiinire abantu okubakubba amabbaale.
27Nibaabaleetere ni babeemeerya omu maiso ga Lukiiko oLukulu, oSaabakabona nʼababuulya, 28“Titwabakobere obutairamu kusomesya mwibara rya musaiza oni? Baitu ati mwizwirye oYerusaalemu yeena yeena okwegesya kwanywe, leke mututeeku omusango ogwa kwita omuntu oni!”
29OPeetero nʼabakwenda abandi ni bairamu bati, “Tuteekwa kuwura Kanca okusinga okuwura abantu. 30OKanca wa bazeiza baiswe yayimboire oYesu nywe gwemwaitire, nimukumubamba oku musaalaba. 31OKanca yamutumbirye, nʼamwikaarya oku mukono gwamwe ogulyo, nkʼoMufugi era oMujuni, leke aweerye oIsirairi okwenenya nʼokusaasirwa ebibbi. 32Iswe nʼoMwoyo Akweera tuli bajuurwa ba bintu bini; oMwoyo Akwera oKanca gwawaire abo abamuwura.” 33Abalukiiko nibaawuliire ebyo ni bagongera muno, ni bendya okubaita. 34Baitu oMufarisaayo eyayetebwanga Gamalyeri, omwegesya wʼamateeka, abantu boona boona gwebataamu ekitiinisya, nʼayemeera omu lukiiko nʼalagira abakwenda babawuluceeku. 35Nikwo okukoba olukiiko ati, “Abasaiza aBaisirairi, mwekendekeke muno kyemukwendya okukola abantu bani. 36Omu biro ebyayakaire, waizirewo oTewuda nakweyeta omuntu omukulu, era abasaiza nkʼebikumi binai ni bamwegaitaku. Baitu niyaitiibwe, abaamwegaitireku ni bararanga. Ebyo ni bikangira awo. 37Oyo niyazwirewo, ni waizawo oYuda oMugaliraaya, omu biro bya kubala abantu, ni yeebembera abantu baingi okwegunga. Oyo yeena nʼaitibwa era nʼabasengeerya baamwe ni bararanga. 38Olwʼekyo, omu nsonga gini nkubalamba abasaiza bani mutabakolaku kabbi! Mubaleke baabe! Kubba ebyo byebakuteekaniza nʼebyebakukola nibyabba bya bantu buntu, tibyabbeewo. 39Baitu nibyabba biligire wa Kanca, timwasobole kukangya basaiza bani; mweizuukiirya mukulwana na Kanca.” Abalukiiko ni baikiriza okulamba kwa Gamalyeri. 40Ni beetesya abakwenda, ni balagira babakubbe. Ni babalagira obutairayo kubazanga mwibara rya Yesu, ale ni babataisya. 41Awo abakwenda ni baliga omu lukiiko lwʼaBayudaaya olukulu nibasemereirwe kubba oKanca yababaare nkʼabasaaniire okubonaabonesebwa olwa ibara rya Yesu. 42Era buli kiro, nibeeyongera okwegesyanga nʼokubuulira Amawuro Agasai omwiramyo nʼomu buli maka nti oYesu niye Kurisito.#5:42 Oba, “Oyo eyasukirweku amafuta.”
Айни замон обунашуда:
Bikolwa 5: RUULI-NYALA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Bikolwa 5
5
Ananiya nʼoSafira
1Baitu omusaiza eibara ryamwe Ananiya nʼomukali waamwe oSafira, boona ni batunda okwitakali ryabwe. 2Ananiya ni yeesigaaryaku ekitundu kya mpiiya nʼomukali waamwe namaite. Baitu nʼaleeta ekitundu ekyasigaire nʼazita oku magulu gʼabakwenda.
3Awo oPeetero nʼamukoba ati, “Ananiya lwaki waikiriize oSitaani okufuga omutima gwamu, nʼokubeyega nʼobeyega oMwoyo Akwera, ni weebiikira ezimwei oku mpiiya zewafunire omwitakali? 4Niwaali ocaali kulitunda tiryali ryamu? Niwalitundire empiiya zewafuniremu tizaali mu buyinza bwamu? Lwaki wateeseze omu mutima gwamu okukola ekintu ekikwisana kiti? Tobeyegere bantu, baitu obeyegere Kanca.”
5Ananiya niyawuliire ebyo, nʼagwa nʼafeerawo. Boona boona abaakiwuliire ni baizula okutiina. 6Abasigazi ni baiza ni bazinga omulambo gwamwe, ni bagutwala ni baguziika.
7Niwaayakairewo eibbanga lya saawa nkʼeisatu, omukali waamwe yeena nʼaingira baitu natamaite ebibbairewo. 8OPeetero nʼamubuulya ati, “Nkobera, guni nigwo muwendo gwemwatundire omwitakali?” Nʼamwiramu ati, “Nigwo.”
9Awo oPeetero nʼamubuulya ati, “Lwaki mwaikirizigainye okwoyeerya oMwoyo wa Mukama? Wura emirundi gyʼabasaiza abaziikire oibaawo, mbabo bakwingira, weena baakutwala.”
10Amangu ago nʼagwa oku magulu ga Peetero, nʼafeerawo. Abasigazi nibaingiire ni bamwaja nafiire, ni bamutwala okumuziika okwereera oibawaamwe. 11Awo ekanisa yoona yoona nʼabandi boona boona abaawuliire ebyo ni baizula okutiina.
Ebyewuunyo nʼebyamaano
12Awo abakwenda ni bakolanga ebyewuunyo nʼebyamaano bingi omu bantu. Abaikiriza boona boona ni bakumbaaniranga omu Bbalaza ya Solomooni. 13Gonze abantu abandi baabatangamu ekitiinisya kingi baitu ndoowo yasobolanga kubeeruubamu. 14Baitu omuwendo gwʼabasaiza nʼabakali abaikiriize oMukama, ni gweyongerangaku. 15Olwʼebyo abakwenda byebaakolanga, abalwaire baleetebwanga oku nguudo, ni bababbasisirye oku bitabu nʼoku mikeeka akiri ekiituuru kya Peetero kiike oku bamwei oku bo. 16Era abantu baingi aba mu bibuga ebyerereire oYerusaalemu, ni baleetanga abalwaire nʼabaagadibwanga emizumu, boona boona ni batambwa.
Abakwenda Bakwasayasanizibwa
17Awo oSaabakabona nʼabaali na ye aba kibiina kyʼaBasadukaayo, ni baizula obwiya. 18Ni bakwata abakwenda, ni babata omu nkomyo ya boona. 19Baitu obwire, omalaika wa Mukama nʼakingulawo enyiige za nkomyo, nʼabawuluca enzai, nʼabakoba ati, 20“Mwabe mwemeere omu mbuga za iramyo, mukobere abantu ebigambo byona ebya bwomi buni obuyaaka.” 21Omu kibbambya ni baingira omu mbuga za iramyo, nka nibaali balagiirwe, ni batandika okusomesya abantu. Awo oSaabakabona nʼabo beyaali na bo, nibaikire ni baikalisya olukiiko lwʼaBayudaaya olukulu amwei nʼabakaire ba Isirairi, ni batumisya omu nkomyo okuleeta abakwenda. 22Baitu abalindi nibaikire omu nkomyo ni batabaajaamu. Ni bairayo ni bakobera olukiiko, 23“Enkomyo tusangire gibbwe kusai, abalindi nibeemereire oku nyiige, baitu ni tugikingwire, titusangiremu muntu gonze omwei.” 24Awo omukulu wʼabalindi ba iramyo nʼabakabona abakulu, ni baawuliire ebyo ni basoberwa era ni beebuulya ekyabbaawo. 25Ni wabbaawo eyazire nʼabakobera ati, “Abasaiza bemwabbwere omu nkomyo, mbadi beemereire omu mbuga za iramyo bakusomesya abantu.” 26Awo omukulu wa balindi nʼayaba nʼabasaiza baamwe, ni baleeta abakwenda mpola mpola olwakubba baatiinire abantu okubakubba amabbaale.
27Nibaabaleetere ni babeemeerya omu maiso ga Lukiiko oLukulu, oSaabakabona nʼababuulya, 28“Titwabakobere obutairamu kusomesya mwibara rya musaiza oni? Baitu ati mwizwirye oYerusaalemu yeena yeena okwegesya kwanywe, leke mututeeku omusango ogwa kwita omuntu oni!”
29OPeetero nʼabakwenda abandi ni bairamu bati, “Tuteekwa kuwura Kanca okusinga okuwura abantu. 30OKanca wa bazeiza baiswe yayimboire oYesu nywe gwemwaitire, nimukumubamba oku musaalaba. 31OKanca yamutumbirye, nʼamwikaarya oku mukono gwamwe ogulyo, nkʼoMufugi era oMujuni, leke aweerye oIsirairi okwenenya nʼokusaasirwa ebibbi. 32Iswe nʼoMwoyo Akweera tuli bajuurwa ba bintu bini; oMwoyo Akwera oKanca gwawaire abo abamuwura.” 33Abalukiiko nibaawuliire ebyo ni bagongera muno, ni bendya okubaita. 34Baitu oMufarisaayo eyayetebwanga Gamalyeri, omwegesya wʼamateeka, abantu boona boona gwebataamu ekitiinisya, nʼayemeera omu lukiiko nʼalagira abakwenda babawuluceeku. 35Nikwo okukoba olukiiko ati, “Abasaiza aBaisirairi, mwekendekeke muno kyemukwendya okukola abantu bani. 36Omu biro ebyayakaire, waizirewo oTewuda nakweyeta omuntu omukulu, era abasaiza nkʼebikumi binai ni bamwegaitaku. Baitu niyaitiibwe, abaamwegaitireku ni bararanga. Ebyo ni bikangira awo. 37Oyo niyazwirewo, ni waizawo oYuda oMugaliraaya, omu biro bya kubala abantu, ni yeebembera abantu baingi okwegunga. Oyo yeena nʼaitibwa era nʼabasengeerya baamwe ni bararanga. 38Olwʼekyo, omu nsonga gini nkubalamba abasaiza bani mutabakolaku kabbi! Mubaleke baabe! Kubba ebyo byebakuteekaniza nʼebyebakukola nibyabba bya bantu buntu, tibyabbeewo. 39Baitu nibyabba biligire wa Kanca, timwasobole kukangya basaiza bani; mweizuukiirya mukulwana na Kanca.” Abalukiiko ni baikiriza okulamba kwa Gamalyeri. 40Ni beetesya abakwenda, ni balagira babakubbe. Ni babalagira obutairayo kubazanga mwibara rya Yesu, ale ni babataisya. 41Awo abakwenda ni baliga omu lukiiko lwʼaBayudaaya olukulu nibasemereirwe kubba oKanca yababaare nkʼabasaaniire okubonaabonesebwa olwa ibara rya Yesu. 42Era buli kiro, nibeeyongera okwegesyanga nʼokubuulira Amawuro Agasai omwiramyo nʼomu buli maka nti oYesu niye Kurisito.#5:42 Oba, “Oyo eyasukirweku amafuta.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in