Uluk 24
24
Ujeso a wum le he lihwu
(Mat 28:1-10; Mak 16:1-8; Jọn 20:1-10)
1He ukpi-kikwu liti utyọng he ashi liti, bengingye abena be bo le behwu abe be nung nyin abe be shi, gye ha he likwun. 2Be le nde kukọ ku buu le he ungwu likwun. 3Be shul gye ha afee, ukpọ be nde likwọm Ada Ujeso ye. 4Kikekaa ki kaa abe. Be ngyọ naa ha kpọ, be fel tyang na likwọm lima li shi. Be nde bengikye befee abe be shi aliga angi a taa na kindeb-nwaa, be fem naa ha abe ha imbul-imbul. 5Bengingye ana be ma fel he kushel, be keb atọng-shi he itang. Bengikye abena be kọng ha abe le, “Kibang a, ma shun undi angwu u yi uwum he kipi akwọm a kwu? 6U yi nyin ye. A wum le he lihwu. Ma wel ashi a ma de men he kunyọng ahwu a ma so utung ha amen he Ugalili. 7A ma de le ki yi kpe-kpe le ufe Unwaa undi-gye u fel he abwo bendi-biban, be maa gwu-e bee he kikpakpa. He ati akie u wum le he lihwu.” 8Bengingye abena be ha wel igie ima.
9Be tem le ha likwun le de bebwaa-kisọm Ujeso abe be teng lihwo le he ken, be de bendi puu abe be teng biwọm bimen i puu. 10Umeri Magdalen le Ujoana le Umeri, anam Ujems, le bengingye abe be teng na be ma de bebwaa-kisọm Ujeso biwọm bimen i. 11Bebwaa-kisọm Ujeso be maa kọng le bengingye aben be kọng ukọng-likọ a. Be ma bọng ashi be kọng ye. 12Ukpọ Ipita a ma buu gye ha likwun le nii nde gye he afee. A nde kiwọm kisuso pel ha bihwọm likwọm ye. A tem gye he ushu le atyang-ale gbe le ashi ki shi.
He kukwo gye he Emaus
(Mak 16:12-13)
13Ha he liti limen ana bendi befee le he liwu bendi abe be ma pwọm Ujeso be ma nda ashi gya he lishi kubọng angi be ko le Emaus. Kung le he Ujeruselem gye ha ki yi mbee imail idyọng-ifee. 14Be ma kọng ha bende gba le biwọm puu bimen abi bi shi i. 15Nya ana be maa kọng te le kukwo, Ujeso ugyang a die ngye-e abe, u fel tan utung ha abe. 16Be nde-e, ukpọ be shob he ye.
17Ujeso a bii abe le, “Ma kọng kibang a ha bende ta le kukwo?”
Be bel naa le kushu kimbwe-kimbwe. 18Undi ken angwu be ma ko le Uklopas a kung de-e le, “Mi gim le wo wo na wo kee-kee yi ugaa-ndi he Ujeruselem angwu a ngye biwọm abi bi shi ha he ati amen i ye.”
19Ujeso a bii he le, “Bibang biwọm a?”
Be fan he le, “Biwọm abi bi shi Ujeso angwu he Unazaret a. Ungikye umen i a ma yi utye-ugie kisọm Unim a. Unim le bendi puu be bọng le u yi le ikeb he likọng ọ, he aki ashele ọ. 20Ukpọ bekandi betyan abe be shang Unim le abe he kubọng be kung he ke le be tang he ushe le be gwu-e. Be maa he bee he kikpakpa. 21Bel li ma ndọ lishi le ufe na u be kpan bendi Izwel. Fem ashina tyang, ki fel ati akie kunyin na ashin ki shi. 22Bengingye besuso le he liwu lityan be shi ki kwu li he kuhwo. Be bo he ashi liti gye ha he likwun lima, 23ukpọ be nde likwọm lima ye. Be tem be de li le be nde idengel Unim, i de be le a wum ma. 24Bendi besuso le ha abel liwu be mbee le nde likwun nya ana abe bengingye be kọng. Be nde-e ye.”
25Ujeso a ha kung de be le, “Ma yi kpelye. Ma shwee bọng biwọm puu abi bitye-ugie kisọm Unim be kọng ye. 26Ki ma yi kpe-kpe le Ukristi u kpe bingie bimen i, u ha ngwee he ifem ima.” 27Ujeso a ha bun de be biwọm abi be ma fee fe he ashia Unim gbe le he. A ma kpi le ashia Umosis be he ashia bitye-ugie kisọm Unim puu.
28Nyọng be fel kpee-kpee ha lishi kubọng angi be maa gye, Ujeso a tyung likpe agyele kushu. 29Be swan gbang le u gye ye, u kwu ha abe ha kpe-kpe likọye libwee li ngwee, kifufeb ki ndu gya. A gbe le kwu utung ha abe.
30Nyọng a le kwu u zi lizi utung ha abe, a kung ibred kwu he abwo, u pee Unim, a ha kung angi bun ke be. 31Atọng-shi abel a ma buu, be nde shob he. A ma nyọng kang. 32Be de bende le, “He kunyọng ahwu a yi kọng ha abel he kukwo, u bun de li gbe le biwọm abi be fee fe he ashia Unim le-iti, ki yi kung li he atyam ngwọng na kinde ki taa.”
33Be kung bo nya kukwo-kukwo tem ndo he Ujeruselem. Be le nde bendi-utung Ujeso abe lihwo le undi ken be yi kwu ha utung ha bendi gbam. 34Be de bendi bemen ana le Atyabel Ujeso a wum le he lihwu kigyang a. A te le kuhwo-ma le tyung Usaimọn. 35Bendi abe befee ana be bun kiwọm ashi ki shi fe be he kukwo de be, be mbee de be na be yi shob Atya-tyan Ujeso he kunyọng ahwu a bun ibred ke be le be zi.
Ujeso a fem kuhwo-ma tyung bendi-utung bema
(Mat 28:16-20; Mak 16:14-18; Jọn 20:19-23; Aki 1:6-8)
36Nya ana bendi abe befee ana be maa so-i de be ashin, nya imbul-imbul Ujeso ugyang a fem naa ha abe ha, u de be le, “Ikwun i kwu he amen.”
37Be fel he kushel kaang, likọye be kọng le be nde uhwu-tang a. 38A kung bii abe le, “Kibang a, ma waa ufung? Ki shi na a, ma fel le atyang-ale he atyam amen? 39Ma nde abwo agi le abee agi he men ma ngye le mi a. Ma tyọ mi abwo he men ma nde likọye uhwu-tang u kwa le inyia-hwo le ikeb na ma nde-m mi yi le ngi nyin ye.”
40A kọng ashin, u ha tyung abe abwo ama le abee ama. 41Be ma wa bọng le ufe a ye he kuhwo igọ angi i ma sho abe he atyam, ki kwu abe he kuhwo kaang. A kung bii abe le be yi le kiwọm ashi be zi ha a? 42Be kung ukwan angwu be hwọ ke-e. 43A kpe zi nya ana be ma nde.
44A de be le, “Biwọm abin na mi ma de men he kunyọng ahwu mi ma so utung ha amen. Ki ma yi kpe-kpe le biwọm puu abi be ma fee gbe le mi he ashia Iten Umosis le ashia bitye-ugie kisọm Unim le kushia Agyam bi shi.”
45A shi biwọm abi be fee he kushia Unim le-iti bi nung abe. 46U de be le, “Ashi be ma fee ki yi le Ukristi u kpe kingie hwo, u wum le he lihwu he ati akie. 47He lizen lima be bun de bendi he abọng puu le be shi beshi le he biban, be tyang abi ashele, ma Unim u tyang ka be. Be kpi abun-ale le he Ujeruselem. 48Men ma nde abin, ma bun de bendi gbe le bi. 49Migyang mi ba sọm angwu atyagi a ma ke men ukyeb hwaa le men. Ma kwu he Ujeruselem kpam ma gbe kpe ikeb angi i be le he kusi lifung-atabe.”
Ujeso a gbe gye he kusi
(Mak 16:19-20; Aki 1:9-11)
50A gbe le he Ujeruselem te le be le wu he Ubetani. A kung abwo ama gye he kusi ke be kukwun. 51Nya ana a maa ke be kukwun, a gbe tyang abe, be kpe kung he gye he lifung-atabe. 52Be fe-e, be ha tem gye he Ujeruselem le igọ kaang. 53Be le kwu he Ushọm Unim, pee Unim mbee kunyọng.
Айни замон обунашуда:
Uluk 24: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 24
24
Ujeso a wum le he lihwu
(Mat 28:1-10; Mak 16:1-8; Jọn 20:1-10)
1He ukpi-kikwu liti utyọng he ashi liti, bengingye abena be bo le behwu abe be nung nyin abe be shi, gye ha he likwun. 2Be le nde kukọ ku buu le he ungwu likwun. 3Be shul gye ha afee, ukpọ be nde likwọm Ada Ujeso ye. 4Kikekaa ki kaa abe. Be ngyọ naa ha kpọ, be fel tyang na likwọm lima li shi. Be nde bengikye befee abe be shi aliga angi a taa na kindeb-nwaa, be fem naa ha abe ha imbul-imbul. 5Bengingye ana be ma fel he kushel, be keb atọng-shi he itang. Bengikye abena be kọng ha abe le, “Kibang a, ma shun undi angwu u yi uwum he kipi akwọm a kwu? 6U yi nyin ye. A wum le he lihwu. Ma wel ashi a ma de men he kunyọng ahwu a ma so utung ha amen he Ugalili. 7A ma de le ki yi kpe-kpe le ufe Unwaa undi-gye u fel he abwo bendi-biban, be maa gwu-e bee he kikpakpa. He ati akie u wum le he lihwu.” 8Bengingye abena be ha wel igie ima.
9Be tem le ha likwun le de bebwaa-kisọm Ujeso abe be teng lihwo le he ken, be de bendi puu abe be teng biwọm bimen i puu. 10Umeri Magdalen le Ujoana le Umeri, anam Ujems, le bengingye abe be teng na be ma de bebwaa-kisọm Ujeso biwọm bimen i. 11Bebwaa-kisọm Ujeso be maa kọng le bengingye aben be kọng ukọng-likọ a. Be ma bọng ashi be kọng ye. 12Ukpọ Ipita a ma buu gye ha likwun le nii nde gye he afee. A nde kiwọm kisuso pel ha bihwọm likwọm ye. A tem gye he ushu le atyang-ale gbe le ashi ki shi.
He kukwo gye he Emaus
(Mak 16:12-13)
13Ha he liti limen ana bendi befee le he liwu bendi abe be ma pwọm Ujeso be ma nda ashi gya he lishi kubọng angi be ko le Emaus. Kung le he Ujeruselem gye ha ki yi mbee imail idyọng-ifee. 14Be ma kọng ha bende gba le biwọm puu bimen abi bi shi i. 15Nya ana be maa kọng te le kukwo, Ujeso ugyang a die ngye-e abe, u fel tan utung ha abe. 16Be nde-e, ukpọ be shob he ye.
17Ujeso a bii abe le, “Ma kọng kibang a ha bende ta le kukwo?”
Be bel naa le kushu kimbwe-kimbwe. 18Undi ken angwu be ma ko le Uklopas a kung de-e le, “Mi gim le wo wo na wo kee-kee yi ugaa-ndi he Ujeruselem angwu a ngye biwọm abi bi shi ha he ati amen i ye.”
19Ujeso a bii he le, “Bibang biwọm a?”
Be fan he le, “Biwọm abi bi shi Ujeso angwu he Unazaret a. Ungikye umen i a ma yi utye-ugie kisọm Unim a. Unim le bendi puu be bọng le u yi le ikeb he likọng ọ, he aki ashele ọ. 20Ukpọ bekandi betyan abe be shang Unim le abe he kubọng be kung he ke le be tang he ushe le be gwu-e. Be maa he bee he kikpakpa. 21Bel li ma ndọ lishi le ufe na u be kpan bendi Izwel. Fem ashina tyang, ki fel ati akie kunyin na ashin ki shi. 22Bengingye besuso le he liwu lityan be shi ki kwu li he kuhwo. Be bo he ashi liti gye ha he likwun lima, 23ukpọ be nde likwọm lima ye. Be tem be de li le be nde idengel Unim, i de be le a wum ma. 24Bendi besuso le ha abel liwu be mbee le nde likwun nya ana abe bengingye be kọng. Be nde-e ye.”
25Ujeso a ha kung de be le, “Ma yi kpelye. Ma shwee bọng biwọm puu abi bitye-ugie kisọm Unim be kọng ye. 26Ki ma yi kpe-kpe le Ukristi u kpe bingie bimen i, u ha ngwee he ifem ima.” 27Ujeso a ha bun de be biwọm abi be ma fee fe he ashia Unim gbe le he. A ma kpi le ashia Umosis be he ashia bitye-ugie kisọm Unim puu.
28Nyọng be fel kpee-kpee ha lishi kubọng angi be maa gye, Ujeso a tyung likpe agyele kushu. 29Be swan gbang le u gye ye, u kwu ha abe ha kpe-kpe likọye libwee li ngwee, kifufeb ki ndu gya. A gbe le kwu utung ha abe.
30Nyọng a le kwu u zi lizi utung ha abe, a kung ibred kwu he abwo, u pee Unim, a ha kung angi bun ke be. 31Atọng-shi abel a ma buu, be nde shob he. A ma nyọng kang. 32Be de bende le, “He kunyọng ahwu a yi kọng ha abel he kukwo, u bun de li gbe le biwọm abi be fee fe he ashia Unim le-iti, ki yi kung li he atyam ngwọng na kinde ki taa.”
33Be kung bo nya kukwo-kukwo tem ndo he Ujeruselem. Be le nde bendi-utung Ujeso abe lihwo le undi ken be yi kwu ha utung ha bendi gbam. 34Be de bendi bemen ana le Atyabel Ujeso a wum le he lihwu kigyang a. A te le kuhwo-ma le tyung Usaimọn. 35Bendi abe befee ana be bun kiwọm ashi ki shi fe be he kukwo de be, be mbee de be na be yi shob Atya-tyan Ujeso he kunyọng ahwu a bun ibred ke be le be zi.
Ujeso a fem kuhwo-ma tyung bendi-utung bema
(Mat 28:16-20; Mak 16:14-18; Jọn 20:19-23; Aki 1:6-8)
36Nya ana bendi abe befee ana be maa so-i de be ashin, nya imbul-imbul Ujeso ugyang a fem naa ha abe ha, u de be le, “Ikwun i kwu he amen.”
37Be fel he kushel kaang, likọye be kọng le be nde uhwu-tang a. 38A kung bii abe le, “Kibang a, ma waa ufung? Ki shi na a, ma fel le atyang-ale he atyam amen? 39Ma nde abwo agi le abee agi he men ma ngye le mi a. Ma tyọ mi abwo he men ma nde likọye uhwu-tang u kwa le inyia-hwo le ikeb na ma nde-m mi yi le ngi nyin ye.”
40A kọng ashin, u ha tyung abe abwo ama le abee ama. 41Be ma wa bọng le ufe a ye he kuhwo igọ angi i ma sho abe he atyam, ki kwu abe he kuhwo kaang. A kung bii abe le be yi le kiwọm ashi be zi ha a? 42Be kung ukwan angwu be hwọ ke-e. 43A kpe zi nya ana be ma nde.
44A de be le, “Biwọm abin na mi ma de men he kunyọng ahwu mi ma so utung ha amen. Ki ma yi kpe-kpe le biwọm puu abi be ma fee gbe le mi he ashia Iten Umosis le ashia bitye-ugie kisọm Unim le kushia Agyam bi shi.”
45A shi biwọm abi be fee he kushia Unim le-iti bi nung abe. 46U de be le, “Ashi be ma fee ki yi le Ukristi u kpe kingie hwo, u wum le he lihwu he ati akie. 47He lizen lima be bun de bendi he abọng puu le be shi beshi le he biban, be tyang abi ashele, ma Unim u tyang ka be. Be kpi abun-ale le he Ujeruselem. 48Men ma nde abin, ma bun de bendi gbe le bi. 49Migyang mi ba sọm angwu atyagi a ma ke men ukyeb hwaa le men. Ma kwu he Ujeruselem kpam ma gbe kpe ikeb angi i be le he kusi lifung-atabe.”
Ujeso a gbe gye he kusi
(Mak 16:19-20; Aki 1:9-11)
50A gbe le he Ujeruselem te le be le wu he Ubetani. A kung abwo ama gye he kusi ke be kukwun. 51Nya ana a maa ke be kukwun, a gbe tyang abe, be kpe kung he gye he lifung-atabe. 52Be fe-e, be ha tem gye he Ujeruselem le igọ kaang. 53Be le kwu he Ushọm Unim, pee Unim mbee kunyọng.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.