Markus 10
10
Sərək ma Yesu ata gam wala
(Mat 19.1-12; Luk 16.18)
1Yesu tsaa kanda tə a bəza a tsutsa, a nda tə a hayak Yahudiya, ma ndza a bəzaha aha ma zlazlər Urdun. Həji aagi tadzam ta ka abəra zhana, tsa kasərəkatana ma andza ma pal. 2Farisa aagi kərəɗ aa kərəɗakənə aska a sleŋanə kilŋga. Ɗiw aa ɗiwzə: «Ma ma garagar tapəl təf a mawəl a gam wala tə aara vəw?» aagiy. 3Yesu zhin a zhinatana, iŋgaya: «Ma ma dzawadzaw ndə Musa a ghalahuni veme?» 4Aagi iŋgaya: «Musa tapəl təf a mawəl a ŋtiranə ɗerewal ta gam wala tə aara,» aagiy. 5Mbara Yesu zlap a zlapatana: «Musa a ŋtirahuni ma watsa meni, ara ndə ꞌunəf kuni a ɗa mgbaŋmgbaŋ ikwa.» 6Ama, ata diw baha manahayak, Bizlaf ba a ba mawəl aka abə wala. 7Sha ana ndə, mawəl a mbasl cin aka abə mamən, a nda dzəv abə wala tə, 8həji ma gbak watsa aagi ɗa zlikusəm ŋtaɗ. A tsutsa, aa taɗa gbak zhanas, ama a ɗa, zlikusəm ŋtaɗ. 9Azha, həji ma dəgnak a ɗiw a ɓizh səkən ndə Bizlaf a dzəv kas. 10Ndə aa a wata, magəli tə aagi ɗiw aa ɗiwzə Yesu zhana ata ma watsa. 11Zhin a zhinatana: «Andza ala tagam wala tə aara, a adaaɓa minja, taɗal mazheref aka abə wala tə ma mpər. 12Andza ikwa yəm, andza wala tambasl mawəl tə ka, a ajiɓa mawəl minja, taɗal mazheref aka.»
Yesu tapish wəzhi ma fashiɗ aagi aka
(Mat 19.13-15; Luk 18.15-17)
13Həji aagi aa kadaanə wəzhi ma fashiɗ aagi aska Yesu a tsa ra aha təmta, ama magəli tə aagi dəba aagi agulakata. 14Ndə Yesu a gəra ikwa, tikush a ghuɗek tə, zlap a zlapatana a magəli tə aagi, iŋgaya: «Huni mbasl wəzhi ma fashiɗ aagi aka, aa mandaha ara sa, huni takatas, ara ndə a ɗa, Bay Bizlaf a ndzatana a həji ma həna wəzhi ma fashiɗ aagi. 15Sa kazlapahuni ŋter, ala ma ŋkula lamzə la ndza bay Bizlaf andza mbə ma feŋ, kwa a kaalima nda a mən tep akas.» 16A diwzha tə zhana, Yesu mbəla a mbəla wəzhi watsa aagi aska ra, pish a pishata ka, pa a tsa ra aha təmta.
Ala ma ŋtsəɓaŋtsəɓ
(Mat 19.16-30; Luk 18.18-30)
17Tiɗa Yesu ata təf a kanda tə, ala minja shi a shaha, dəba a agəliɓakənə atama, ɗiw a ɗiwzə, iŋgaya: «Masərək ma təwah, səkən ndə sa kaaɗal a sa lima miɗ ma ŋkula kəɗaŋ veme?» 18Yesu zhin a zhinanə, iŋgaya: «Hwa yaka abə ma təwah ara veme? Ala ma təwah akas, səy Bizlaf ŋtaɗ tə! 19Hwa kasən ma ma dzawadzaw: Ara hwa a dza ala, ara hwa a ɗal mazheref, ara hwa a ŋhil, ara hwa a zla gaɗaɗaŋ, ara hwa a ɗal ŋgwashŋgwash, hawanə a tiw cihw abə matsuh.» 20Ala watsa zhin a zhinanə, «Masərək, sa tanjin ma ma dzawadzaw watsa aagi bəza tiwtiw, ꞌwa aka ndə sa ɗa mbə.» 21Yesu taŋ a taŋzə abə may, zlap a zlapanə: «Səkən minja ndza tə ŋtaguleŋ: Nda, hwa ber səkən kwa aagi bəza tiwtiw, hwa ɓizhatana a həji titikw aagi, a tsutsa azha, hwa alima ŋtsəɓ ma ndza a wəzəm a wəzlaf. A diwzha tə, ndaha, hwa səbaraka.» 22Azha, ndə ala watsa a zlima ma watsa, tsaa kanda tə abə ghuɗek, ara ndə səkən a ndza ara dagala.
23Yesu taŋ i la abəra, zlap a zlapatana a magəli tə aagi, iŋgaya: «A ɗa ɓərɓər a həji ma ŋtsəɓaŋtsəɓ aagi a nda a Bay Bizlaf!» 24Hak magəli tə aagi aa ghərəŋ ta ata ma watsa. Ama Yesu zlap a zlapatana zhana: «Wəzhi naka aagi, a ɗa ɓərɓər ana nda a la ndza bay Bizlaf! 25Galaɓa, gədəbagədəba, ma ŋtəɗɓa a wəli batal, aha ndə ala ma ŋtsəɓaŋtsəɓ a kalima nda a la ndza bay Bizlaf.» 26Magəli tə aagi, hak aa ghərəŋ ta a guɗaŋ zhana, dəba aagi azlap a walaŋ ta: «Mbara ala ma kareh tə vaya?» 27Yesu taŋ a taŋzata, zlap a zlapatana, iŋgaya: «A kaɗal ara həji ma dəgnak səku, ama, ara Bizlaf ci, a kaɗal, ara ndə a ɗa, kwa veme tiwtiw, a ɗal tə kahkah ara Bizlaf.»
28A tsutsa Piyer zlap a zlapanə: «Tehzə, ni, ni tambasl səkən cini aagi ka tiwtiw a səbarahu.» 29Yesu zhin a zhinanə iŋgaya: «Sa kazlapahuni, ŋter: andza ala tambasl jak tə ka, zliŋgin aagi ka abə hildimi mamən aagi ka, tiw mamən abə cin, wəzhi tə aagi, la ndiri tə aagi, aska sa, abə aska Ma wiyə ma təwah ci, 30a aɓin a lima səkən tə watsa aagi teemeri aha ma ndza a ndza takwa ma ndza akacihwa watsə. A alima jak tə aagi, zliŋgin aagi, hildimi mamən aagi, mamən, wəzhi tə aagi abə la ndiri tə aagi, ta sa yaka dawna sa, azha ata vah ma kaaɓin a ndaha, a aɓin a lima miɗ ma ŋkula kəɗaŋ. 31Vərəm ana həji ma atama aagi, aagi aɓin a zhina ta abə ma a diwzha, azha, həji ma ndza abə ma a diwzha aagi, aagi aɓin a ɗa mpər atama aagi.»
Yesu a kaghal mci tə abə zhihna tə a bəza a jiɓ a mamahkaɗ
(Mat 20.17-19; Luk 18.31-34)
32Tiɗa aa ata təf a taf a Wərusalima, Yesu a kanda atama magəli tə aagi, ama aa kanaana, azha ma kasəbar aagi, ŋzliŋ a kadzata bəza. Yesu dəba a aya magəli tə ma wam aha gbak aagi gagagha ta zhana, dəba a azlapatana ata səkən ma kaaɓin a ɗal a heɗe, 33i təmta iŋgaya: «Huni tehzə, anawatsə həji taf a Wərusalima, Mbə həji ma dəgnak a avəla tə a ra magulakwakw maɗal kwakus aagi, abə masərək ma ma garagar aagi. Aagi avəlanə ka a ra həji ma ŋkula sən Bizlaf aagi, aagi azanə mpət aska a dzə ka a mci. 34Həji watsa aagi aɓas a heɗe, aagi aŋtif majignek a heɗe, aagi agəzlə abə lakwatəy, aagi adzə ka a mci. A diwzha wan mahkaɗ, a azhihna tə a bəza a jiɓ.»
Ɗiw ataa tiw Yakuba abə Yahwana
(Mat 20.20-28)
35A tsutsa, Yakuba abə Yahwana, wəzhi Zebede aagi, tsaw aa ndaha abəra Yesu. Zlap aa zlapanə: «Masərək, ni may a hwa a ɗalani səkən ndə ni kaaɗiwi ara hwa.» 36Zlap a zlapatana, iŋgaya: «Huni may a sa a ɗalahuni veme?» iy təmta. 37Zhin aa zhinanə: «Ndə hwa kaaɓin a nda a la ndza bay kwa ndə sləf a heɗe, ni may ci, hwa tsa minja ka ŋtaɗ ata guva zəm kwa, minja ata guva gula kwa.» 38Yesu zlap a zlapatana, iŋgaya: «Huni kasən səkən ndə huni kaɗiwi səku. Huni kaaɗa kula a sa zlərkuɗ yaka ndə sa kaanda sə vəw? Aka səku, a lima batem ataa yaka ndə sa kaanda lima vəw?» 39Zhin aa zhinanə: «Ni aɗa kula.» Yesu zlap a zlapatana: «Ŋter, huni asa zlərkuɗ ndə sa kaasə, huni alima batem ndə sa kaalima. 40Ama, ndza ma ndza ata guva zəm abə ma ndza ata guva gula meni, sa ma kavələs, a ndzatana a həji ndə Bizlaf a lamatana ka aagi a vəlatana a təmta.» 41Ndə magəli tə ndiɓi ma wam aagi zlima ma watsa, tikush aa ghuɗek ta ata tiw Yakuba abə Yahwana. 42Yesu ya a yaata tiwtiw abəra, zlap a zlapatana, iŋgaya: «Huni kasən, həji ndə həji kagərata andza həji ma ndza aha həji aagi kaghal ɓərɓər bay ta ata həji aagi, həji ma gulakwakw aagi kazəm dagal ta ata təmta. 43Ama, a ɗiw a kandza andza watsə a taba kuni səku. Aɓa azha, andza ala a kamay a ɗa madagal a taba kuni, mabəw ha tə ka, ana ala ma ɗalahuni zlən. 44Andza ala a kamay a ɗa ala ma ndza atama a taba kuni, mabəw ha tə ka a mava kuni tiwtiw. 45Ara ndə a ɗa, Mbə həji ma dəgnak tandaha a həji aagi ɗalanə zlən aka səku, azha, sha ana ma kaɗalatana zlən a həji aagi, a vəla miɗ tə ka aska a zləmbət həji aagi vərəm.»
Yesu tadəɗ nja ala wələf Bartime
(Mat 20.29-34; Luk 18.35-43)
46Peteŋ aagi a Yeriku. Ndə Yesu a ndaa tə a bəza a hayak ma dzamadzam abə magəli tə aagi abə həji aagi vərəm, ala wələf minja, zləm tə Bartime, mbə ataa Time, tandza bəza a ma təf, a katar səkən. 47Ndə a zlima a ɗa Yesu ndə Nasaratu ana ma kapewha ya, dəba adza wəla: «Yesu Mbə Dawda, zazə hahər kwa ata sa!» 48Vərəm ana həji ma kagulak aagi, aska a mbasl wəla ka a dza, ama ala wələf watsa a vas a dza wəla abə ɓərɓər tə wəruk: «Mbə Dawda, zazə hahər kwa ata sa!» 49Yesu gar a gar tə ka, iŋgaya: «Huni yaazə.» Daŋ aa yazəha ala wələf watsa, aagi kəsha iŋgaya: «Sakw ꞌunəf aka, gar kwa a wəzəm, a kayahu.» 50Fak i gidiwri tə bəza, takaw a gar tə a wəzəm, tsaw a ndaha ara Yesu. 51Yesu ɗiw a ɗiwzə: «Hwa may a sa a ɗalahu veme?» Ala wələf zhin a zhinanə: «Masərək, ɗalə aska nja naka a gəra la.» 52Yesu zlap a zlapanə: «Nda kwa, ɗal awa kwa, tarehahu bəza.» A tsutsa tsutsa, a kagəra la, dəba asəbar Yesu ata təf.
Айни замон обунашуда:
Markus 10: GOU
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Markus 10
10
Sərək ma Yesu ata gam wala
(Mat 19.1-12; Luk 16.18)
1Yesu tsaa kanda tə a bəza a tsutsa, a nda tə a hayak Yahudiya, ma ndza a bəzaha aha ma zlazlər Urdun. Həji aagi tadzam ta ka abəra zhana, tsa kasərəkatana ma andza ma pal. 2Farisa aagi kərəɗ aa kərəɗakənə aska a sleŋanə kilŋga. Ɗiw aa ɗiwzə: «Ma ma garagar tapəl təf a mawəl a gam wala tə aara vəw?» aagiy. 3Yesu zhin a zhinatana, iŋgaya: «Ma ma dzawadzaw ndə Musa a ghalahuni veme?» 4Aagi iŋgaya: «Musa tapəl təf a mawəl a ŋtiranə ɗerewal ta gam wala tə aara,» aagiy. 5Mbara Yesu zlap a zlapatana: «Musa a ŋtirahuni ma watsa meni, ara ndə ꞌunəf kuni a ɗa mgbaŋmgbaŋ ikwa.» 6Ama, ata diw baha manahayak, Bizlaf ba a ba mawəl aka abə wala. 7Sha ana ndə, mawəl a mbasl cin aka abə mamən, a nda dzəv abə wala tə, 8həji ma gbak watsa aagi ɗa zlikusəm ŋtaɗ. A tsutsa, aa taɗa gbak zhanas, ama a ɗa, zlikusəm ŋtaɗ. 9Azha, həji ma dəgnak a ɗiw a ɓizh səkən ndə Bizlaf a dzəv kas. 10Ndə aa a wata, magəli tə aagi ɗiw aa ɗiwzə Yesu zhana ata ma watsa. 11Zhin a zhinatana: «Andza ala tagam wala tə aara, a adaaɓa minja, taɗal mazheref aka abə wala tə ma mpər. 12Andza ikwa yəm, andza wala tambasl mawəl tə ka, a ajiɓa mawəl minja, taɗal mazheref aka.»
Yesu tapish wəzhi ma fashiɗ aagi aka
(Mat 19.13-15; Luk 18.15-17)
13Həji aagi aa kadaanə wəzhi ma fashiɗ aagi aska Yesu a tsa ra aha təmta, ama magəli tə aagi dəba aagi agulakata. 14Ndə Yesu a gəra ikwa, tikush a ghuɗek tə, zlap a zlapatana a magəli tə aagi, iŋgaya: «Huni mbasl wəzhi ma fashiɗ aagi aka, aa mandaha ara sa, huni takatas, ara ndə a ɗa, Bay Bizlaf a ndzatana a həji ma həna wəzhi ma fashiɗ aagi. 15Sa kazlapahuni ŋter, ala ma ŋkula lamzə la ndza bay Bizlaf andza mbə ma feŋ, kwa a kaalima nda a mən tep akas.» 16A diwzha tə zhana, Yesu mbəla a mbəla wəzhi watsa aagi aska ra, pish a pishata ka, pa a tsa ra aha təmta.
Ala ma ŋtsəɓaŋtsəɓ
(Mat 19.16-30; Luk 18.18-30)
17Tiɗa Yesu ata təf a kanda tə, ala minja shi a shaha, dəba a agəliɓakənə atama, ɗiw a ɗiwzə, iŋgaya: «Masərək ma təwah, səkən ndə sa kaaɗal a sa lima miɗ ma ŋkula kəɗaŋ veme?» 18Yesu zhin a zhinanə, iŋgaya: «Hwa yaka abə ma təwah ara veme? Ala ma təwah akas, səy Bizlaf ŋtaɗ tə! 19Hwa kasən ma ma dzawadzaw: Ara hwa a dza ala, ara hwa a ɗal mazheref, ara hwa a ŋhil, ara hwa a zla gaɗaɗaŋ, ara hwa a ɗal ŋgwashŋgwash, hawanə a tiw cihw abə matsuh.» 20Ala watsa zhin a zhinanə, «Masərək, sa tanjin ma ma dzawadzaw watsa aagi bəza tiwtiw, ꞌwa aka ndə sa ɗa mbə.» 21Yesu taŋ a taŋzə abə may, zlap a zlapanə: «Səkən minja ndza tə ŋtaguleŋ: Nda, hwa ber səkən kwa aagi bəza tiwtiw, hwa ɓizhatana a həji titikw aagi, a tsutsa azha, hwa alima ŋtsəɓ ma ndza a wəzəm a wəzlaf. A diwzha tə, ndaha, hwa səbaraka.» 22Azha, ndə ala watsa a zlima ma watsa, tsaa kanda tə abə ghuɗek, ara ndə səkən a ndza ara dagala.
23Yesu taŋ i la abəra, zlap a zlapatana a magəli tə aagi, iŋgaya: «A ɗa ɓərɓər a həji ma ŋtsəɓaŋtsəɓ aagi a nda a Bay Bizlaf!» 24Hak magəli tə aagi aa ghərəŋ ta ata ma watsa. Ama Yesu zlap a zlapatana zhana: «Wəzhi naka aagi, a ɗa ɓərɓər ana nda a la ndza bay Bizlaf! 25Galaɓa, gədəbagədəba, ma ŋtəɗɓa a wəli batal, aha ndə ala ma ŋtsəɓaŋtsəɓ a kalima nda a la ndza bay Bizlaf.» 26Magəli tə aagi, hak aa ghərəŋ ta a guɗaŋ zhana, dəba aagi azlap a walaŋ ta: «Mbara ala ma kareh tə vaya?» 27Yesu taŋ a taŋzata, zlap a zlapatana, iŋgaya: «A kaɗal ara həji ma dəgnak səku, ama, ara Bizlaf ci, a kaɗal, ara ndə a ɗa, kwa veme tiwtiw, a ɗal tə kahkah ara Bizlaf.»
28A tsutsa Piyer zlap a zlapanə: «Tehzə, ni, ni tambasl səkən cini aagi ka tiwtiw a səbarahu.» 29Yesu zhin a zhinanə iŋgaya: «Sa kazlapahuni, ŋter: andza ala tambasl jak tə ka, zliŋgin aagi ka abə hildimi mamən aagi ka, tiw mamən abə cin, wəzhi tə aagi, la ndiri tə aagi, aska sa, abə aska Ma wiyə ma təwah ci, 30a aɓin a lima səkən tə watsa aagi teemeri aha ma ndza a ndza takwa ma ndza akacihwa watsə. A alima jak tə aagi, zliŋgin aagi, hildimi mamən aagi, mamən, wəzhi tə aagi abə la ndiri tə aagi, ta sa yaka dawna sa, azha ata vah ma kaaɓin a ndaha, a aɓin a lima miɗ ma ŋkula kəɗaŋ. 31Vərəm ana həji ma atama aagi, aagi aɓin a zhina ta abə ma a diwzha, azha, həji ma ndza abə ma a diwzha aagi, aagi aɓin a ɗa mpər atama aagi.»
Yesu a kaghal mci tə abə zhihna tə a bəza a jiɓ a mamahkaɗ
(Mat 20.17-19; Luk 18.31-34)
32Tiɗa aa ata təf a taf a Wərusalima, Yesu a kanda atama magəli tə aagi, ama aa kanaana, azha ma kasəbar aagi, ŋzliŋ a kadzata bəza. Yesu dəba a aya magəli tə ma wam aha gbak aagi gagagha ta zhana, dəba a azlapatana ata səkən ma kaaɓin a ɗal a heɗe, 33i təmta iŋgaya: «Huni tehzə, anawatsə həji taf a Wərusalima, Mbə həji ma dəgnak a avəla tə a ra magulakwakw maɗal kwakus aagi, abə masərək ma ma garagar aagi. Aagi avəlanə ka a ra həji ma ŋkula sən Bizlaf aagi, aagi azanə mpət aska a dzə ka a mci. 34Həji watsa aagi aɓas a heɗe, aagi aŋtif majignek a heɗe, aagi agəzlə abə lakwatəy, aagi adzə ka a mci. A diwzha wan mahkaɗ, a azhihna tə a bəza a jiɓ.»
Ɗiw ataa tiw Yakuba abə Yahwana
(Mat 20.20-28)
35A tsutsa, Yakuba abə Yahwana, wəzhi Zebede aagi, tsaw aa ndaha abəra Yesu. Zlap aa zlapanə: «Masərək, ni may a hwa a ɗalani səkən ndə ni kaaɗiwi ara hwa.» 36Zlap a zlapatana, iŋgaya: «Huni may a sa a ɗalahuni veme?» iy təmta. 37Zhin aa zhinanə: «Ndə hwa kaaɓin a nda a la ndza bay kwa ndə sləf a heɗe, ni may ci, hwa tsa minja ka ŋtaɗ ata guva zəm kwa, minja ata guva gula kwa.» 38Yesu zlap a zlapatana, iŋgaya: «Huni kasən səkən ndə huni kaɗiwi səku. Huni kaaɗa kula a sa zlərkuɗ yaka ndə sa kaanda sə vəw? Aka səku, a lima batem ataa yaka ndə sa kaanda lima vəw?» 39Zhin aa zhinanə: «Ni aɗa kula.» Yesu zlap a zlapatana: «Ŋter, huni asa zlərkuɗ ndə sa kaasə, huni alima batem ndə sa kaalima. 40Ama, ndza ma ndza ata guva zəm abə ma ndza ata guva gula meni, sa ma kavələs, a ndzatana a həji ndə Bizlaf a lamatana ka aagi a vəlatana a təmta.» 41Ndə magəli tə ndiɓi ma wam aagi zlima ma watsa, tikush aa ghuɗek ta ata tiw Yakuba abə Yahwana. 42Yesu ya a yaata tiwtiw abəra, zlap a zlapatana, iŋgaya: «Huni kasən, həji ndə həji kagərata andza həji ma ndza aha həji aagi kaghal ɓərɓər bay ta ata həji aagi, həji ma gulakwakw aagi kazəm dagal ta ata təmta. 43Ama, a ɗiw a kandza andza watsə a taba kuni səku. Aɓa azha, andza ala a kamay a ɗa madagal a taba kuni, mabəw ha tə ka, ana ala ma ɗalahuni zlən. 44Andza ala a kamay a ɗa ala ma ndza atama a taba kuni, mabəw ha tə ka a mava kuni tiwtiw. 45Ara ndə a ɗa, Mbə həji ma dəgnak tandaha a həji aagi ɗalanə zlən aka səku, azha, sha ana ma kaɗalatana zlən a həji aagi, a vəla miɗ tə ka aska a zləmbət həji aagi vərəm.»
Yesu tadəɗ nja ala wələf Bartime
(Mat 20.29-34; Luk 18.35-43)
46Peteŋ aagi a Yeriku. Ndə Yesu a ndaa tə a bəza a hayak ma dzamadzam abə magəli tə aagi abə həji aagi vərəm, ala wələf minja, zləm tə Bartime, mbə ataa Time, tandza bəza a ma təf, a katar səkən. 47Ndə a zlima a ɗa Yesu ndə Nasaratu ana ma kapewha ya, dəba adza wəla: «Yesu Mbə Dawda, zazə hahər kwa ata sa!» 48Vərəm ana həji ma kagulak aagi, aska a mbasl wəla ka a dza, ama ala wələf watsa a vas a dza wəla abə ɓərɓər tə wəruk: «Mbə Dawda, zazə hahər kwa ata sa!» 49Yesu gar a gar tə ka, iŋgaya: «Huni yaazə.» Daŋ aa yazəha ala wələf watsa, aagi kəsha iŋgaya: «Sakw ꞌunəf aka, gar kwa a wəzəm, a kayahu.» 50Fak i gidiwri tə bəza, takaw a gar tə a wəzəm, tsaw a ndaha ara Yesu. 51Yesu ɗiw a ɗiwzə: «Hwa may a sa a ɗalahu veme?» Ala wələf zhin a zhinanə: «Masərək, ɗalə aska nja naka a gəra la.» 52Yesu zlap a zlapanə: «Nda kwa, ɗal awa kwa, tarehahu bəza.» A tsutsa tsutsa, a kagəra la, dəba asəbar Yesu ata təf.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in