Mata 20
20
Həji ma ɗal zlən ata ler dzaɓən a ŋtsəɓahw aagi
1«Tsakwa ana saɓ la ndza bay ma ndza a wəzəm a wəzlaf: A saɓ andza ala ma nda a bəza a wata tə biŋ, a nda gasəha həji ma ɗal zlən aagi zata a la. 2Gar aa gar bəza, a ŋtəratana ata vah, sulay ŋtaguleŋ, zlən a zlənata a damə, a la tə. 3Tsaw a ndaa a bəza a jak ata ler dzaŋfaɗ, a gəra həji ndiɓi aagi zhana, aa kandzaɓa ndza ta, aa kaɗal zlən akas. 4Zlap a zlapatana, iŋgaya: “Huni nda ɗalaka zlən a la naka yəm, azha sa aŋtərahuni katkadək,” iy. 5Azha, tsaw aa nda a la watsa. Ala watsa tsaw a ndaa a bəza a jak zhana ata ler wam aha gbak, zhana ŋtsəɓahw ata ler mahkaɗ, a ɗalə ikwa andza sha zhana. 6Tsaw a ndaa a bəza jak zhana ata ler dzaɓən ataa ŋtsəɓahw, a ndaha azha, a gəra həji ndiɓi aagi aa kandza a tsutsa ata la watsa zhana wəruk. Ɗiw a ɗiwzata, iŋgaya: “Huni ndza a ɗi bishkit bishkit, huni kaɗal zlən aka səku ara veme?” iy. 7Zhin aa zhinanə, aagi iŋgaya: “Kwa ala taghalzani zlən a ɗal aka səku,” aagiy. A zlapatana, iŋgaya: “Huni nda a la naka, ana huni yəm,” iy.
8Ndə ŋtsəɓahw a ndaa tə, ala watsa daŋ a yaha ala ma mbəla dala tə, iŋgaya: “Yaha həji ma ɗalha zlən aagi, ŋtəranə dala zlən ataa kwa vaye. ꞌWaazə ara ata həji ma ndaha a baraf aagi a kəɗaŋ ata həji ma diw a ndaha aagi,” iy. 9Həji ma diw zlən ata ler dzaɓən ataa ŋtsəɓahw aagi, tsaw aa ndaha, azha kwa vaye a lam dala ŋtaɗ. 10Ndə a ɗa gwar ata həji ma diw zlən kwaf kwaf tə aagi, deŋ ta ya, aŋta a ɗa, dəy aha ataa ndiɓi aagi, ama, təmta tə yəm, kwa vaye a lam dala ŋtaɗ. 11Ndə aa kalam dala watsa ya, dəba aagi aŋcekw abə ala watsa. 12Azha, dəba aagi azlap, aagi iŋgaya: “Həji zlən ma ndaha a baraf watsə aagi, ler ŋtaɗ ana ndə aa ɗalə a damə a la, ama ni ma kasəw ŋtəɓəl aagi, abə pish ma vah a da ata ni, hwa ŋtərani maŋtaguleŋ!” aagiy. 13Ama, ala, watsa zhin a zhinanə ana ala minja ŋtaguleŋ a taba ta, iŋgaya: “Ŋgwanambə naka, sa taɗalahu gamak akas, hwa taɗal awa tiɗa ndə həji gar dala lavah wəra? 14Lamzə dala kwa, azha nda kwa. Sa ma may a vəlatana a həji ma diw zlən a baraf aagi andza ataa aŋkwa. 15Sa abə təf a ɗal səkən ndə sa kamayə abə dala naka aka wəra? Aka səku sərah ma dzahu bəza dawna təwah ŋkwaɓ naka vəw?”» 16Ikwa zhana Yesu, iŋgaya: «Həji ma ndza a baraf aagi aɗa həji mampər aagi, həji mampər aagi, təmta ana ma kaaɓin a ɗa həji ma ndza a baraf aagi,» iy.
Yesu a kaghal mci tə abə gara tə a wəzəm a jiɓ a mamahkaɗ.
(Mrk 10.32-34; Luk 18.31-34)
17Tiɗa ndə, aa kataf a Wərusalima, Yesu daŋ a ya magəli tə ma wam aha gbak aagi gagagha, zlap a zlapatana, tiɗa ndə aa kanda ata təf, iŋgaya: 18«Huni tehzə, həji taf a Wərusalima ata la ndə Mbə həji ma dəgnak, a anda a vəla ka aska ra a magulakwakw maɗal kwakus aagi abə masərək ma ma garagar aagi, aagi azlanə guma ta dzə ka a mci. 19Azha, aagi avəlatana a həji ma ŋkula sən Bizlaf aagi, aska aagi ɓas a heɗe, aagi agəzlə abə lakwatəy, azha aagi adar ka ata mpi ma gəzlaŋgarak. Azha, wan mamahkaɗ tə, a agara tə a wəzəm a jiɓ.»
Ɗiw ataa mana Yakuba abə Yahwana
(Mrk 10.35-45; Luk 22.25-27)
20Azha, mana wəzhi Zebede aagi kərəɗ a kərəɗha ara Yesu abə wəzhi tə aagi, gəliɓ a gəliɓanə ka atama aska a ɗiwzə ma ara. 21Yesu i kəsha iŋgaya: «Hwa may veme?» iy. Zhin a zhinanə, iŋgaya: «Vah ndə hwa kaandza a la ndza bay kwa, hwa sənɓa ŋkwaɓ kwa, wəzhi naka ma gbak watsə aagi, ŋtaguleŋ ma ndza ata guva zəm kwa, minja ma ndza ata guva gula kwa.» 22Yesu i təmta iŋgaya: «Huni kasən səkən ndə huni kaɗiw səku. Huni kaaɗa kula a sa yaka ndə sa kaanda sə vəw?» Aagi iŋgaya: «Ni aɗa kula a sə,» aagiy. 23Yesu a zhinatana, iŋgaya: «Huni asa yaka naka, ama ataa la ndza ma ndza ata guva zəm naka abə ma ndza ata guva gula naka ya, sa ma kavələs, a ndzatana a həji ndə Vana a lamatana ka a təmta aagi.»
24Ndə magəli Yesu ma wam ndiɓi aagi zlima zlap watsa, tikush aa ghuɗek ta abə wəzhi ma gbak ata zliŋgin ta watsa aagi. 25Yesu daŋ a yazata tiwtiw, zlap a zlapatana, iŋgaya: «Huni kasən ci, cina hayak aagi kazəm bay ta ata həji aagi, zhana magulakwakw aagi kaghal dagal ta ata həji aagi. 26Ama, ara a ɗal ikwa a taba kuni yəm. Aɓa azha, ala ma kamay a ɗa ala ma dagal a taba kuni, mabəw ha tə ka ana ala ma ɗalahuni zlən. 27Azha, andza ala a kaɗiw a ɗa mampər a taba kuni, mabəw ha tə ka, a mava kuni. 28Sha ana ndə a ɗa, Mbə həji ma dəgnak taha aska həji aagi ɗalanə zlən aka səku, ama a ɗalatana zlən a həji aagi abə vəla miɗ tə a reh həji aagi vərəm.»
Yesu tadəɗatana nja həji wələf aagi gbak.
(Mrk 10.46-52; Luk 18.35-43)
29Ndə aa kandaa ta a bəza a hayak Yeriku, ŋgaɓa həji aagi kasəbarazə. 30Həji wələf aagi gbak, aa kandza a ma təf, ndə aa zlima Yesu a kapew, dəba aagi adza wəla, aagi iŋgaya: «Bay Madagal! Mbə Dawda, za hahər kwa ata ni!» aagiy. 31Ŋgaɓa həji watsa tiwtiw, dəba a agulakata aska aagi a mbasl wəla ka a dza, ama aa vas a dza wəla a guɗaŋ wəruk, aagi iŋgaya: «Bay Madagal, Mbə Dawda, za hahər kwa ata ni!» aagiy. 32Yesu darwak a gar tə ka, ya a yata, iŋgaya: «Səkən ndə huni may a sa a ɗalahuni veme?» iy. 33Aagi kəsha iŋgaya: «Bay Madagal, ɗalə, nja cini aagi madəɗ ta.» 34Hahər kpa a dza Yesu bəza aska təmta, azha pa a tsa ra ata nja ta. A tsutsa a tsutsa, nja ta aagi mpeŋ, aa dəɗ ta, azha, dəba aagi asəbar Yesu.
Айни замон обунашуда:
Mata 20: GOU
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Mata 20
20
Həji ma ɗal zlən ata ler dzaɓən a ŋtsəɓahw aagi
1«Tsakwa ana saɓ la ndza bay ma ndza a wəzəm a wəzlaf: A saɓ andza ala ma nda a bəza a wata tə biŋ, a nda gasəha həji ma ɗal zlən aagi zata a la. 2Gar aa gar bəza, a ŋtəratana ata vah, sulay ŋtaguleŋ, zlən a zlənata a damə, a la tə. 3Tsaw a ndaa a bəza a jak ata ler dzaŋfaɗ, a gəra həji ndiɓi aagi zhana, aa kandzaɓa ndza ta, aa kaɗal zlən akas. 4Zlap a zlapatana, iŋgaya: “Huni nda ɗalaka zlən a la naka yəm, azha sa aŋtərahuni katkadək,” iy. 5Azha, tsaw aa nda a la watsa. Ala watsa tsaw a ndaa a bəza a jak zhana ata ler wam aha gbak, zhana ŋtsəɓahw ata ler mahkaɗ, a ɗalə ikwa andza sha zhana. 6Tsaw a ndaa a bəza jak zhana ata ler dzaɓən ataa ŋtsəɓahw, a ndaha azha, a gəra həji ndiɓi aagi aa kandza a tsutsa ata la watsa zhana wəruk. Ɗiw a ɗiwzata, iŋgaya: “Huni ndza a ɗi bishkit bishkit, huni kaɗal zlən aka səku ara veme?” iy. 7Zhin aa zhinanə, aagi iŋgaya: “Kwa ala taghalzani zlən a ɗal aka səku,” aagiy. A zlapatana, iŋgaya: “Huni nda a la naka, ana huni yəm,” iy.
8Ndə ŋtsəɓahw a ndaa tə, ala watsa daŋ a yaha ala ma mbəla dala tə, iŋgaya: “Yaha həji ma ɗalha zlən aagi, ŋtəranə dala zlən ataa kwa vaye. ꞌWaazə ara ata həji ma ndaha a baraf aagi a kəɗaŋ ata həji ma diw a ndaha aagi,” iy. 9Həji ma diw zlən ata ler dzaɓən ataa ŋtsəɓahw aagi, tsaw aa ndaha, azha kwa vaye a lam dala ŋtaɗ. 10Ndə a ɗa gwar ata həji ma diw zlən kwaf kwaf tə aagi, deŋ ta ya, aŋta a ɗa, dəy aha ataa ndiɓi aagi, ama, təmta tə yəm, kwa vaye a lam dala ŋtaɗ. 11Ndə aa kalam dala watsa ya, dəba aagi aŋcekw abə ala watsa. 12Azha, dəba aagi azlap, aagi iŋgaya: “Həji zlən ma ndaha a baraf watsə aagi, ler ŋtaɗ ana ndə aa ɗalə a damə a la, ama ni ma kasəw ŋtəɓəl aagi, abə pish ma vah a da ata ni, hwa ŋtərani maŋtaguleŋ!” aagiy. 13Ama, ala, watsa zhin a zhinanə ana ala minja ŋtaguleŋ a taba ta, iŋgaya: “Ŋgwanambə naka, sa taɗalahu gamak akas, hwa taɗal awa tiɗa ndə həji gar dala lavah wəra? 14Lamzə dala kwa, azha nda kwa. Sa ma may a vəlatana a həji ma diw zlən a baraf aagi andza ataa aŋkwa. 15Sa abə təf a ɗal səkən ndə sa kamayə abə dala naka aka wəra? Aka səku sərah ma dzahu bəza dawna təwah ŋkwaɓ naka vəw?”» 16Ikwa zhana Yesu, iŋgaya: «Həji ma ndza a baraf aagi aɗa həji mampər aagi, həji mampər aagi, təmta ana ma kaaɓin a ɗa həji ma ndza a baraf aagi,» iy.
Yesu a kaghal mci tə abə gara tə a wəzəm a jiɓ a mamahkaɗ.
(Mrk 10.32-34; Luk 18.31-34)
17Tiɗa ndə, aa kataf a Wərusalima, Yesu daŋ a ya magəli tə ma wam aha gbak aagi gagagha, zlap a zlapatana, tiɗa ndə aa kanda ata təf, iŋgaya: 18«Huni tehzə, həji taf a Wərusalima ata la ndə Mbə həji ma dəgnak, a anda a vəla ka aska ra a magulakwakw maɗal kwakus aagi abə masərək ma ma garagar aagi, aagi azlanə guma ta dzə ka a mci. 19Azha, aagi avəlatana a həji ma ŋkula sən Bizlaf aagi, aska aagi ɓas a heɗe, aagi agəzlə abə lakwatəy, azha aagi adar ka ata mpi ma gəzlaŋgarak. Azha, wan mamahkaɗ tə, a agara tə a wəzəm a jiɓ.»
Ɗiw ataa mana Yakuba abə Yahwana
(Mrk 10.35-45; Luk 22.25-27)
20Azha, mana wəzhi Zebede aagi kərəɗ a kərəɗha ara Yesu abə wəzhi tə aagi, gəliɓ a gəliɓanə ka atama aska a ɗiwzə ma ara. 21Yesu i kəsha iŋgaya: «Hwa may veme?» iy. Zhin a zhinanə, iŋgaya: «Vah ndə hwa kaandza a la ndza bay kwa, hwa sənɓa ŋkwaɓ kwa, wəzhi naka ma gbak watsə aagi, ŋtaguleŋ ma ndza ata guva zəm kwa, minja ma ndza ata guva gula kwa.» 22Yesu i təmta iŋgaya: «Huni kasən səkən ndə huni kaɗiw səku. Huni kaaɗa kula a sa yaka ndə sa kaanda sə vəw?» Aagi iŋgaya: «Ni aɗa kula a sə,» aagiy. 23Yesu a zhinatana, iŋgaya: «Huni asa yaka naka, ama ataa la ndza ma ndza ata guva zəm naka abə ma ndza ata guva gula naka ya, sa ma kavələs, a ndzatana a həji ndə Vana a lamatana ka a təmta aagi.»
24Ndə magəli Yesu ma wam ndiɓi aagi zlima zlap watsa, tikush aa ghuɗek ta abə wəzhi ma gbak ata zliŋgin ta watsa aagi. 25Yesu daŋ a yazata tiwtiw, zlap a zlapatana, iŋgaya: «Huni kasən ci, cina hayak aagi kazəm bay ta ata həji aagi, zhana magulakwakw aagi kaghal dagal ta ata həji aagi. 26Ama, ara a ɗal ikwa a taba kuni yəm. Aɓa azha, ala ma kamay a ɗa ala ma dagal a taba kuni, mabəw ha tə ka ana ala ma ɗalahuni zlən. 27Azha, andza ala a kaɗiw a ɗa mampər a taba kuni, mabəw ha tə ka, a mava kuni. 28Sha ana ndə a ɗa, Mbə həji ma dəgnak taha aska həji aagi ɗalanə zlən aka səku, ama a ɗalatana zlən a həji aagi abə vəla miɗ tə a reh həji aagi vərəm.»
Yesu tadəɗatana nja həji wələf aagi gbak.
(Mrk 10.46-52; Luk 18.35-43)
29Ndə aa kandaa ta a bəza a hayak Yeriku, ŋgaɓa həji aagi kasəbarazə. 30Həji wələf aagi gbak, aa kandza a ma təf, ndə aa zlima Yesu a kapew, dəba aagi adza wəla, aagi iŋgaya: «Bay Madagal! Mbə Dawda, za hahər kwa ata ni!» aagiy. 31Ŋgaɓa həji watsa tiwtiw, dəba a agulakata aska aagi a mbasl wəla ka a dza, ama aa vas a dza wəla a guɗaŋ wəruk, aagi iŋgaya: «Bay Madagal, Mbə Dawda, za hahər kwa ata ni!» aagiy. 32Yesu darwak a gar tə ka, ya a yata, iŋgaya: «Səkən ndə huni may a sa a ɗalahuni veme?» iy. 33Aagi kəsha iŋgaya: «Bay Madagal, ɗalə, nja cini aagi madəɗ ta.» 34Hahər kpa a dza Yesu bəza aska təmta, azha pa a tsa ra ata nja ta. A tsutsa a tsutsa, nja ta aagi mpeŋ, aa dəɗ ta, azha, dəba aagi asəbar Yesu.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in