Maak 5
5
Yisọs akọk awo anieeghe dimọn
1Akem Yisọs ye ibed amọ emaeboiyo ekesịm edem ibiok ke ñkañ Kerasin. 2Ke Yisọs amaakewuọ ke ubom, awo a-anieeghe ndedeghe sịbidịd amaawuọ ke itie itiad udi adisoobo anye. 3Awo ami akesidʌñ ke itie mme itiad udi sia awo ndomokeed miikikanna ibọp anye ke idʌk ukwak item ke itie keed. 4Ata uwak ini, emaebọp anye ubọk ye ukod etem, anye akịp idʌk anyʌñ akpək afịd ukwak ke ukod ye ubọk. Ibaaha awo ndomokeed akneaniehe adudu adikan mbọp anye aba. 5Afịd akoneyo ye uweeme, ke itie mme itad udi ami ye ñkan-ñkʌk abod, awo ami ayaabọọñ ñkpo anyʌñ akama itiad akpək idem amọ.
6Ke ini anye amaakeada ikịt Yisọs nsan-nsan, anye amaafeghe aketọọñọ edọñ ke iso Yisọs. 7Ndin anye abọọñ ñkpo ke afịd adudu amọ. “Nso-o ke afo ayem ye ami, Yisọs Ayịn Andikoñ Ñkan Abasi Ibom? Mmuukpeiye fiin ke anyịñ Abasi mbo kuuntʌkkọ miin!” 8Anye aketañ ami sia Yisọs amaakebo anye, “Wuọ kpọñ awo ami, afo ndedeghe sịbidịd!”
9Akem Yisọs amaabịp anye, “Afo akere die?”
Anye abọọrọ, “Ami ñkere diyọn, sia ñnyịn iwaawak.” 10Ndin anye akpeiye amaana akpeiye Yisọs ate anye akuubịn mmimọ isio ke nkanñkʌk ado.
11Mme uwak udịm edi ekesʌk edia ñkpọ ke ñkpere ntək abod ado. 12Mme sịbidịd ado ebeeñe Yisọs ete, “Inọ ñnyịn ikidʌk idọñọ ke mme idem mme edi ako.” 13Anye amaanọ ammọ adudu, ndin mme ndiọi sịbidịd ado ewuọọñọ ekedọñọ ke mme edi ado. Atu edi e-ekewakka ñkpọ nte tọsịn iba emaebịmme efeeñe ediad abedeñ ibiok ado enyʌñ ekekpañña ke mmọọñ.
14Mme akpeme edi ado emaefeeñe eketañ se ikitịppe enọ mbon abio ke esịd idʌñ, ndin mme awo emaewuọọñọ edika ekese se ikitịppe. 15Ke ini ammọ emaekedisoobo Yisọs, ammọ emaekịt awodeen akeanieeghe uwak ndiọi sịbidịd ami nte asịne afọñ atie nte adeghe awo ye Yisọs, idem amaanyeñ ammọ. 16Mbio se ikikịt ami emaeketañ enọ mbio mfen se ikitịppe inọ awo a-mme ndiọi sịbidịd atʌkkọke ye ñko se ikitịppe inọ mme edi. 17Mme awo ndin emaedikpeiye Yisọs ete yak anye akpọñ nkanñkʌk mmimọ.
18Naña Yisọs abooho idʌk ubom, awo a-akenieeghe ndiọi sịbidịd ammakpeiye ate yak imọ ikeene anye. 19Ado Yisọs ikinyịmmeke, utu ke ndo Yisọs abo anye ate, “Tịmme nyọñ ufọk bịne ikọd mfo nyʌñ ke dọkkọ ammọ se Abọọñ anam unọ ye naña anye anie mbọm unọ fiin.” 20Awo ado amaanyʌñ anyọñ atọọñọ itañ ke abio Dekapodis se Yisọs akenam anọ anye. Ndin idem akpa afịd awo.
Yisọs anam abọikpa aset ke ñkpa anyʌn akọk awonwaan a-adọñọke
21Ke ini Yisọs amaakeboiyo ke ubom ikiwuọ edem ibiok uko, ekamba atu awo emaedida ekanna anye ekʌk idaha anye abaaha ke mben ibiok ado. 22Ndin abọọñ keed a-akekereke Yairọs ke atu mme etubom ke itie sinakọk amaadi do, anye akekịt Yisọs, anye adwuọ ke edọñ. 23Anye anyʌñ akpeiye anye ate, “Etəkayịn awonwaan mmi akpere ñkpa. Mbọk di didot anye ubọk ke idem nam idem asọñ anye nọ anye adu uwem.” 24Yisọs amaakeene anye.
Ekamba atu awo emaekeene anye enyʌñ ebed anye. 25Ndin amaaba awonwaan keed amaakedọñọ udọñọ uwuọ iyiib isua duop ye iba. 26Anye amaabọ ufen eti-eti ke ubọk uwak mbiaibọk anyʌñ abiad afịd akʌk se anye akenie, ado utu ke idem adisọñ anye, aneenekke adiọọk akan naña akedo. 27Ke anye amaakekop ñkpọ abaña Yisọs, anye amaasaña ke atu mme awo ato edem anyʌñ atuuk afọñ Yisọs, 28sia anye akekere ntom ate, “Adieke ñkpesʌkkọ ntuuk afọñ amọ, idem ayaansọñ.” 29Ukem idahado anye atuuhọ afọñ Yisọs, udọñọ uwuọ iyiib ado akweeñe anye, anye anyʌñ akop ke idem amọ ate ke mfịna imọ aikpọñ imọ.
30Kpa ke ukem idahado Yisọs adiọọñọ ke adudu iwuọ imọ ke idem. Anye akanna iso ke atu awo ado anyʌñ abịp ate, “Anie awo ikituuk afọñ mmi?”
31Mme mbed amọ emaebọọrọ anye ete, “Ñkọ afo amekịt atu awo se ukana fiin ikʌk, ado afo atịmme abịp ate ‘Anie awo intuuk?’ ”
32Ado Yisọs asʌk aka iso asuaan anyen adikịt andikituuk anye. 33Ndin awonwaan ado amaakediọọñọ se ikitịppe inọ imọ, awuọ adi anyʌñ aduọ ke ukod Yisọs ye ñnyekidem ye ndịk, ndin anye atañ afịd akpanikọ anọ anye. 34Ndin Yisọs amaabo anye ate: “Yịn awonwaan, mbuọdidem mfo unyaaña fiin. Ka ke emem, mfịna mfo ukpọñ fiin.”
35Ke idaha Yisọs asʌkkọ atañ ikọ do, mme awo emaeto ufọk Yairọs, adaukara ke sinakọk, ekebo anye ete, “Ayịn awonwaan mfo akpa. Ntak asʌkkọ afịna Andikpeeb aba-a?”
36Ke Yisọs amaakop, se ibon ado eketañ, anye amaabo adaukara ke sinakọk ate, “Kuuyak idem unyeñ; kap nịm ke akpanikọ.”
37Anye ikiyakka awo ndomokeed, ibọhọke Bita, Yemsi ye Yọọn, ayịneka Yemsi, akeene Anye. 38Ammọ emaekedisịm ufọk adaukara ke sinakọk, Yisọs amaakịt akpọsọñ ndutịme ye naña mme awo etuaha enyʌñ ebọọñ ñkpo. 39Anye amaadʌk ufọk anyʌñ abịp ammọ ate, “Ntak afịd ndutịme ye ñkpo ami-e? Ayịn ami ikpaaha-kpa, adadaiya.” 40Ado ammọ ekesaasak anye.
Ke anye amaakenam afịd awo ewuọọñọ, anye adat ete ye eka ayịn ye mme mbed e-ekebaaha ye anye adʌk aka itie nte ayịn akeanaa. 41Yisọs amaamʌm anye ubọk anyʌñ abo anye ate, “Talitha koum!” (awuọọñọke “Etək abọikpa, Ami ubo fiin, dakka da!”). 42Ayịn ami amaadakka ada ini keed anyʌñ atọọñọ isaña ñkanna (anye akedo ayịn isua duop ye iba). Idem amaanekke akpa mme awo adikịt utọ ñkpọ ami. 43Ado anye amaanekke awuuk ammọ ate ammọ keenam awo ndomokeed adiọọñọ abaña ñkpọ ami, anye amaanyʌñ abo yak ammọ enọ ayịn ado ndidia adia.
Айни замон обунашуда:
Maak 5: NAAM
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.
Maak 5
5
Yisọs akọk awo anieeghe dimọn
1Akem Yisọs ye ibed amọ emaeboiyo ekesịm edem ibiok ke ñkañ Kerasin. 2Ke Yisọs amaakewuọ ke ubom, awo a-anieeghe ndedeghe sịbidịd amaawuọ ke itie itiad udi adisoobo anye. 3Awo ami akesidʌñ ke itie mme itiad udi sia awo ndomokeed miikikanna ibọp anye ke idʌk ukwak item ke itie keed. 4Ata uwak ini, emaebọp anye ubọk ye ukod etem, anye akịp idʌk anyʌñ akpək afịd ukwak ke ukod ye ubọk. Ibaaha awo ndomokeed akneaniehe adudu adikan mbọp anye aba. 5Afịd akoneyo ye uweeme, ke itie mme itad udi ami ye ñkan-ñkʌk abod, awo ami ayaabọọñ ñkpo anyʌñ akama itiad akpək idem amọ.
6Ke ini anye amaakeada ikịt Yisọs nsan-nsan, anye amaafeghe aketọọñọ edọñ ke iso Yisọs. 7Ndin anye abọọñ ñkpo ke afịd adudu amọ. “Nso-o ke afo ayem ye ami, Yisọs Ayịn Andikoñ Ñkan Abasi Ibom? Mmuukpeiye fiin ke anyịñ Abasi mbo kuuntʌkkọ miin!” 8Anye aketañ ami sia Yisọs amaakebo anye, “Wuọ kpọñ awo ami, afo ndedeghe sịbidịd!”
9Akem Yisọs amaabịp anye, “Afo akere die?”
Anye abọọrọ, “Ami ñkere diyọn, sia ñnyịn iwaawak.” 10Ndin anye akpeiye amaana akpeiye Yisọs ate anye akuubịn mmimọ isio ke nkanñkʌk ado.
11Mme uwak udịm edi ekesʌk edia ñkpọ ke ñkpere ntək abod ado. 12Mme sịbidịd ado ebeeñe Yisọs ete, “Inọ ñnyịn ikidʌk idọñọ ke mme idem mme edi ako.” 13Anye amaanọ ammọ adudu, ndin mme ndiọi sịbidịd ado ewuọọñọ ekedọñọ ke mme edi ado. Atu edi e-ekewakka ñkpọ nte tọsịn iba emaebịmme efeeñe ediad abedeñ ibiok ado enyʌñ ekekpañña ke mmọọñ.
14Mme akpeme edi ado emaefeeñe eketañ se ikitịppe enọ mbon abio ke esịd idʌñ, ndin mme awo emaewuọọñọ edika ekese se ikitịppe. 15Ke ini ammọ emaekedisoobo Yisọs, ammọ emaekịt awodeen akeanieeghe uwak ndiọi sịbidịd ami nte asịne afọñ atie nte adeghe awo ye Yisọs, idem amaanyeñ ammọ. 16Mbio se ikikịt ami emaeketañ enọ mbio mfen se ikitịppe inọ awo a-mme ndiọi sịbidịd atʌkkọke ye ñko se ikitịppe inọ mme edi. 17Mme awo ndin emaedikpeiye Yisọs ete yak anye akpọñ nkanñkʌk mmimọ.
18Naña Yisọs abooho idʌk ubom, awo a-akenieeghe ndiọi sịbidịd ammakpeiye ate yak imọ ikeene anye. 19Ado Yisọs ikinyịmmeke, utu ke ndo Yisọs abo anye ate, “Tịmme nyọñ ufọk bịne ikọd mfo nyʌñ ke dọkkọ ammọ se Abọọñ anam unọ ye naña anye anie mbọm unọ fiin.” 20Awo ado amaanyʌñ anyọñ atọọñọ itañ ke abio Dekapodis se Yisọs akenam anọ anye. Ndin idem akpa afịd awo.
Yisọs anam abọikpa aset ke ñkpa anyʌn akọk awonwaan a-adọñọke
21Ke ini Yisọs amaakeboiyo ke ubom ikiwuọ edem ibiok uko, ekamba atu awo emaedida ekanna anye ekʌk idaha anye abaaha ke mben ibiok ado. 22Ndin abọọñ keed a-akekereke Yairọs ke atu mme etubom ke itie sinakọk amaadi do, anye akekịt Yisọs, anye adwuọ ke edọñ. 23Anye anyʌñ akpeiye anye ate, “Etəkayịn awonwaan mmi akpere ñkpa. Mbọk di didot anye ubọk ke idem nam idem asọñ anye nọ anye adu uwem.” 24Yisọs amaakeene anye.
Ekamba atu awo emaekeene anye enyʌñ ebed anye. 25Ndin amaaba awonwaan keed amaakedọñọ udọñọ uwuọ iyiib isua duop ye iba. 26Anye amaabọ ufen eti-eti ke ubọk uwak mbiaibọk anyʌñ abiad afịd akʌk se anye akenie, ado utu ke idem adisọñ anye, aneenekke adiọọk akan naña akedo. 27Ke anye amaakekop ñkpọ abaña Yisọs, anye amaasaña ke atu mme awo ato edem anyʌñ atuuk afọñ Yisọs, 28sia anye akekere ntom ate, “Adieke ñkpesʌkkọ ntuuk afọñ amọ, idem ayaansọñ.” 29Ukem idahado anye atuuhọ afọñ Yisọs, udọñọ uwuọ iyiib ado akweeñe anye, anye anyʌñ akop ke idem amọ ate ke mfịna imọ aikpọñ imọ.
30Kpa ke ukem idahado Yisọs adiọọñọ ke adudu iwuọ imọ ke idem. Anye akanna iso ke atu awo ado anyʌñ abịp ate, “Anie awo ikituuk afọñ mmi?”
31Mme mbed amọ emaebọọrọ anye ete, “Ñkọ afo amekịt atu awo se ukana fiin ikʌk, ado afo atịmme abịp ate ‘Anie awo intuuk?’ ”
32Ado Yisọs asʌk aka iso asuaan anyen adikịt andikituuk anye. 33Ndin awonwaan ado amaakediọọñọ se ikitịppe inọ imọ, awuọ adi anyʌñ aduọ ke ukod Yisọs ye ñnyekidem ye ndịk, ndin anye atañ afịd akpanikọ anọ anye. 34Ndin Yisọs amaabo anye ate: “Yịn awonwaan, mbuọdidem mfo unyaaña fiin. Ka ke emem, mfịna mfo ukpọñ fiin.”
35Ke idaha Yisọs asʌkkọ atañ ikọ do, mme awo emaeto ufọk Yairọs, adaukara ke sinakọk, ekebo anye ete, “Ayịn awonwaan mfo akpa. Ntak asʌkkọ afịna Andikpeeb aba-a?”
36Ke Yisọs amaakop, se ibon ado eketañ, anye amaabo adaukara ke sinakọk ate, “Kuuyak idem unyeñ; kap nịm ke akpanikọ.”
37Anye ikiyakka awo ndomokeed, ibọhọke Bita, Yemsi ye Yọọn, ayịneka Yemsi, akeene Anye. 38Ammọ emaekedisịm ufọk adaukara ke sinakọk, Yisọs amaakịt akpọsọñ ndutịme ye naña mme awo etuaha enyʌñ ebọọñ ñkpo. 39Anye amaadʌk ufọk anyʌñ abịp ammọ ate, “Ntak afịd ndutịme ye ñkpo ami-e? Ayịn ami ikpaaha-kpa, adadaiya.” 40Ado ammọ ekesaasak anye.
Ke anye amaakenam afịd awo ewuọọñọ, anye adat ete ye eka ayịn ye mme mbed e-ekebaaha ye anye adʌk aka itie nte ayịn akeanaa. 41Yisọs amaamʌm anye ubọk anyʌñ abo anye ate, “Talitha koum!” (awuọọñọke “Etək abọikpa, Ami ubo fiin, dakka da!”). 42Ayịn ami amaadakka ada ini keed anyʌñ atọọñọ isaña ñkanna (anye akedo ayịn isua duop ye iba). Idem amaanekke akpa mme awo adikịt utọ ñkpọ ami. 43Ado anye amaanekke awuuk ammọ ate ammọ keenam awo ndomokeed adiọọñọ abaña ñkpọ ami, anye amaanyʌñ abo yak ammọ enọ ayịn ado ndidia adia.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.