Luk 24
24
Yisọs a-Aset ke Ñkpa
1Ke akpa usen ke udua, ke usiere, ibaan emaeben mme anemufịk adan a-ammọ ekenamma ekaa udi. 2Ammọ emaekekịt ke emaewere itiad esio ke udi, 3ado ke ini ammọ ekedʌkkọ esịd udi, ammọ ikikịtte akpo Yisọs. 4Nte ammọ ekesʌkkọ eda do ekere ebaña ñkpọ ami, ideen iba e-ekesịneke nsem-nsem afọñ a-akebịtte akebkeb, emaebiọññọ ke ñkañ ammọ. 5Ke ndịk, ibaan ado emaesuuk iso ke isọñ, ado ideen ado emaebo ammọ ete, “Ntak a-ndufo eyemme aduuwem ke atu mme akpañkpa-a? 6Anye ibaaha mi; anye a-aset. Itoiyo se anye akidọkkọ ndufo ke ini anye akesʌkkọ aba ye ndufo ke Kalili: 7‘Akena eyaak Ayịn Awo esịn ke ubọk mme anam idiọọk, ekọñ anye ke krọs, anye anyʌñ aset ke ayọhọ usen ita.’ ” 8Ndin ammọ emaetoiyo ikọ amọ.
9Ammọ emaekenyọñ udi edi emaeditañ afịd ñkpọ ami enọ mme mbed duob mme keed ye afịd mbon mfen. 10Mmeri Makdalin, Yoana, ye Mmeri eka Yems ye mbon mfen e-ekebaaha ye ammọ ekedo mbon e-ekedọkkọke mme abọsịd mme ñkpọ ami. 11Ado ammọ ikinịmme se ibaan ado eketañ ke akpanikọ, sia mbʌk ammọ akeba nte ndisịme ke utọñ ammọ. 12Pita amaafeghe akaa udi, akenyuuñọ ase esịd udi, ado ikikịtte ñkpọ mfen ikan mme mbai afọñ linen e-ekekamake ewañ Yisọs naña ebono ke idem ammọ ikpọọñ. Anye ndin amaadakka anyọñ ye ñkpaidem, anyʌñ akere ke esịd amọ se ikitịppe.
Mme Mbed Iba ke Usʌñ Emaus
13Kpasʌk ke usen ado, iba ke atu mme mbed Yisọs ekeka idʌñ keed a-akekereke Emaus, a-akedooho ñkpọ nte itiad itiaba#24:13 Ñkpọ nte kilomita 11 tọọñọ ke Yeruselem. 14Ammọ ekeneme nneme ebaña afịd ñkpọ se ikitịppe, 15ado nte ammọ ekesʌkkọ eneme mme ñkpọntịppe ami, Yisọs ke idem amọ amaabiọññọ anyʌñ asaña ye ammọ. 16Ado anyen ammọ ikitarake nọ ammọ ediọọñọ anye.
17Anye amaabo ammọ ate, “Nsoo ke ndufo eneneme ke usʌñ?”
Ammọ emaetuak eda, iso ammọ ayọhọ ye mfʌhọ. 18Ndin keed ke atu ammọ, a-akekereke Kliopas, amaabọọrọ anye ate, “Afo ado asenawo ke Yeruselem umuudiọọñọke afịd se itịppe ke usen ifañ ami.”
19Anye amaabịp ate, “Mme nsoo ñkpọ?”
Ammọ emaebọọrọ ete, “Abaña Yisọs awo Nasared akedooho prọfed, anie adudu ke ikọ ye ke adinam ke iso Abasi ye iso afịd awo. 20Mme ñkpoon aku ye mme adaukara ñnyịn emaesaana anye eyaak nọ ebiere ikpe ñkpa enọ anye enyʌñ ekọñ anye ke krọs; 21idodanyen ñnyịn akedo ke anye adiido andidiifak Isrel. Ikweeñeke ke ado, usen ita ado ami tọọñọ mme ñkpọ ami eketịppe. 22Ke ado aboiyoke, ubaak ibaan ke atu ñnyịn emaenam idem ikpa ñnyịn. Ammọ ekeka udi ke ataa ubakusen, 23ke ini ammọ imiikikịtte akpo Yisọs, ammọ emaenyọñ edidọkkọ ñnyịn ke mmimọ ikikịt mme enyere ke ñkukịd e-ekibooho mmimọ ke anye mmọdo ke uwem. 24Ubaak mbon nsaña ñnyịn emaekaa udi enyʌñ ekekịt afịd ñkpọ naña ibaan ado eketañ, ado ammọ ikikịtte Yisọs.”
25Anye amaabo ammọ ate, “Ndufo emesịme eti-eti, aditre adisọp nnịm afịd se mme prọfed eketañ ke akpanikọ! 26Nte ikinaaha Krais abọ ufen ndin anye adʌk ke ubọọñ amọ?” 27Ndin anye amaatọọñọ ke Moses ye mme Prọfed mbon ñko anam anwaña ammọ mme afịd se eketañ ke ñwed Abasi a-abañake anye.
28Ke ini ammọ emaekekpere itie a-ammọ ekekaaha, Yisọs amaanam nte isʌk idiikaka iso ke isañ. 29Ado ammọ emaenekke eyịre anye ete aba ye mmimọ, sia ayio amaakaa adikịm; ndin anye amaakeba ye ammọ.
30Ke ini ammọ ekesʌkkọ edia ñkpọ, anye amaaben uyo anọ ekọọm, abuuñ, ndin atọọñọ adideeme nnọọ ammọ. 31Do ke anyen ammọ aketara, ndin ammọ emaediọọñọ anye; ado anye amaasop ammọ ke anyen. 32Ndin ammọ emaebịp idem ammọ ete, “Nte esịd ñnyịn ikiduọhọ ini anye akesʌkkọ atañ ikọ ye ñnyịn anyʌñ akappa ñwed Abasi inọọ ñnyịn ke usʌñ?”
33Kpa idahado ammọ emaetịmme enyọñ Yeruselem. Ndin ammọ emaekesoobo ye mme mbed duob mme keed nte eboho ye mme nsaña ammọ. 34Mbon ado emaebo ammọ ete, “Abọọñ a-aset ke ñkpa ke akpanikọ, anyʌñ a-ayaara idem anọ Saimọn.” 35Ndin ammọ awo iba emaetañ se ikitịppe ke usʌñ isañ, ye naña ammọ ekediọọñọ anye ke ini anye akebuuñọ uyo.
Yisọs Awọt mme Mbed Idem
36Ke ini ammọ ekesʌkkọ etatañ ke inua ebaña afịd mme ñkpọ ami, Yisọs ke idem amọ amaawuọ ada ke atu ammọ anyʌñ abo ammọ ate, “Emem aba ye ndufo!”
37Ammọ emaedịkke enyʌñ ekop ndịk sia ekekere ke ikịt ekpo. 38Ado anye amaabo ammọ ate, “Nsoo ido ntak e-esịd itịmekede ndufo; nsoo inyʌñ inam nọ ndufo enie eyịghe ke esịd ndufo? 39Se ubọk ye ukod mmi nọ ediọọñọ ke ami ke ado! Intuuk miin ise; ekpo inieghe ikpọkidem ye akpọ naña ami nnie.”
40Nte anye akesʌkkọ atañ ikọ ami, anye amaawọt ammọ ubọk ye ukod amọ. 41Ammọ emaekop inemesịd tutu ikanna inịm se ekekịt, sia idem amaakpa ammọ eti-eti. Ndin anye amaabịp ammọ ate, “Emenie ñkpọ se edia mi?” 42Ammọ emaeben ibio nsaad iyak enọ anye. 43Anye amaabọ anyʌñ ata ke iso ammọ.
44Ndin anye amaabo ammọ, “Se ami ñketañ inọọ ndufo ke idaha a-ami ñkesʌkkọ mba ye ndufo ado ami: Afịd se ekewet embaña miin ke Mbed Moses, ye ke ñwed mme Prọfed ye mme Saam ana asu.”
45Ndin anye amaanam ikọ Abasi anwaña ammọ. 46Anye amaabo ammọ ate, “Se ewet ado ami: Krais ayaabọ ufen ndin aset ke ñkpa ke ayọhọ usen ita, 47ñko ke anyịñ amọ eyaekwọrọ ukappaesịd ke adifeen ke mme idiọọkñkpọ nnọọ afịd mme idịd, tọọñọ ke Yeruselem. 48Ndufo edoñño ntiense enọ mme ñkpọ ami. 49Ami ñyaanọ se Ete mmi akenwọñọ isọk ndufo; ado iba ke Yeruselem tutu adudu ato anyọñ adisịm ndufo.”
Adidọọk Yisọs ke Anyọñ
50Ke Yisọs amaakeben ammọ asaña akewuọ ñkpere abio Betani, anye amaadịppe ubọk adiọñ ammọ. 51Ke anye akesʌkkọ adiọñ ammọ, anye amaasịkke akpọñ ammọ ndin emaeben anye edọọk ke hefịn. 52Ammọ emaekpono anye, enyʌñ etịmme enyọñ Yeruselem ye ekamba idaara. 53Ndin ammọ ekeba ke tembịd afịd ini etooro Abasi.
Айни замон обунашуда:
Luk 24: OICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Biblica® Open Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Biblica® Open Ibibio Contemporary Bible™
Copyright © 2020, 2025 by Biblica, Inc.
Biblica ye idiọọñọ esịn ke itie utom United States Patent and Trademark Office enọ Biblica, Inc. Enam ke emaekebọ Unyịmme.
Biblica and the Biblica logo are trademarks registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Luk 24
24
Yisọs a-Aset ke Ñkpa
1Ke akpa usen ke udua, ke usiere, ibaan emaeben mme anemufịk adan a-ammọ ekenamma ekaa udi. 2Ammọ emaekekịt ke emaewere itiad esio ke udi, 3ado ke ini ammọ ekedʌkkọ esịd udi, ammọ ikikịtte akpo Yisọs. 4Nte ammọ ekesʌkkọ eda do ekere ebaña ñkpọ ami, ideen iba e-ekesịneke nsem-nsem afọñ a-akebịtte akebkeb, emaebiọññọ ke ñkañ ammọ. 5Ke ndịk, ibaan ado emaesuuk iso ke isọñ, ado ideen ado emaebo ammọ ete, “Ntak a-ndufo eyemme aduuwem ke atu mme akpañkpa-a? 6Anye ibaaha mi; anye a-aset. Itoiyo se anye akidọkkọ ndufo ke ini anye akesʌkkọ aba ye ndufo ke Kalili: 7‘Akena eyaak Ayịn Awo esịn ke ubọk mme anam idiọọk, ekọñ anye ke krọs, anye anyʌñ aset ke ayọhọ usen ita.’ ” 8Ndin ammọ emaetoiyo ikọ amọ.
9Ammọ emaekenyọñ udi edi emaeditañ afịd ñkpọ ami enọ mme mbed duob mme keed ye afịd mbon mfen. 10Mmeri Makdalin, Yoana, ye Mmeri eka Yems ye mbon mfen e-ekebaaha ye ammọ ekedo mbon e-ekedọkkọke mme abọsịd mme ñkpọ ami. 11Ado ammọ ikinịmme se ibaan ado eketañ ke akpanikọ, sia mbʌk ammọ akeba nte ndisịme ke utọñ ammọ. 12Pita amaafeghe akaa udi, akenyuuñọ ase esịd udi, ado ikikịtte ñkpọ mfen ikan mme mbai afọñ linen e-ekekamake ewañ Yisọs naña ebono ke idem ammọ ikpọọñ. Anye ndin amaadakka anyọñ ye ñkpaidem, anyʌñ akere ke esịd amọ se ikitịppe.
Mme Mbed Iba ke Usʌñ Emaus
13Kpasʌk ke usen ado, iba ke atu mme mbed Yisọs ekeka idʌñ keed a-akekereke Emaus, a-akedooho ñkpọ nte itiad itiaba#24:13 Ñkpọ nte kilomita 11 tọọñọ ke Yeruselem. 14Ammọ ekeneme nneme ebaña afịd ñkpọ se ikitịppe, 15ado nte ammọ ekesʌkkọ eneme mme ñkpọntịppe ami, Yisọs ke idem amọ amaabiọññọ anyʌñ asaña ye ammọ. 16Ado anyen ammọ ikitarake nọ ammọ ediọọñọ anye.
17Anye amaabo ammọ ate, “Nsoo ke ndufo eneneme ke usʌñ?”
Ammọ emaetuak eda, iso ammọ ayọhọ ye mfʌhọ. 18Ndin keed ke atu ammọ, a-akekereke Kliopas, amaabọọrọ anye ate, “Afo ado asenawo ke Yeruselem umuudiọọñọke afịd se itịppe ke usen ifañ ami.”
19Anye amaabịp ate, “Mme nsoo ñkpọ?”
Ammọ emaebọọrọ ete, “Abaña Yisọs awo Nasared akedooho prọfed, anie adudu ke ikọ ye ke adinam ke iso Abasi ye iso afịd awo. 20Mme ñkpoon aku ye mme adaukara ñnyịn emaesaana anye eyaak nọ ebiere ikpe ñkpa enọ anye enyʌñ ekọñ anye ke krọs; 21idodanyen ñnyịn akedo ke anye adiido andidiifak Isrel. Ikweeñeke ke ado, usen ita ado ami tọọñọ mme ñkpọ ami eketịppe. 22Ke ado aboiyoke, ubaak ibaan ke atu ñnyịn emaenam idem ikpa ñnyịn. Ammọ ekeka udi ke ataa ubakusen, 23ke ini ammọ imiikikịtte akpo Yisọs, ammọ emaenyọñ edidọkkọ ñnyịn ke mmimọ ikikịt mme enyere ke ñkukịd e-ekibooho mmimọ ke anye mmọdo ke uwem. 24Ubaak mbon nsaña ñnyịn emaekaa udi enyʌñ ekekịt afịd ñkpọ naña ibaan ado eketañ, ado ammọ ikikịtte Yisọs.”
25Anye amaabo ammọ ate, “Ndufo emesịme eti-eti, aditre adisọp nnịm afịd se mme prọfed eketañ ke akpanikọ! 26Nte ikinaaha Krais abọ ufen ndin anye adʌk ke ubọọñ amọ?” 27Ndin anye amaatọọñọ ke Moses ye mme Prọfed mbon ñko anam anwaña ammọ mme afịd se eketañ ke ñwed Abasi a-abañake anye.
28Ke ini ammọ emaekekpere itie a-ammọ ekekaaha, Yisọs amaanam nte isʌk idiikaka iso ke isañ. 29Ado ammọ emaenekke eyịre anye ete aba ye mmimọ, sia ayio amaakaa adikịm; ndin anye amaakeba ye ammọ.
30Ke ini ammọ ekesʌkkọ edia ñkpọ, anye amaaben uyo anọ ekọọm, abuuñ, ndin atọọñọ adideeme nnọọ ammọ. 31Do ke anyen ammọ aketara, ndin ammọ emaediọọñọ anye; ado anye amaasop ammọ ke anyen. 32Ndin ammọ emaebịp idem ammọ ete, “Nte esịd ñnyịn ikiduọhọ ini anye akesʌkkọ atañ ikọ ye ñnyịn anyʌñ akappa ñwed Abasi inọọ ñnyịn ke usʌñ?”
33Kpa idahado ammọ emaetịmme enyọñ Yeruselem. Ndin ammọ emaekesoobo ye mme mbed duob mme keed nte eboho ye mme nsaña ammọ. 34Mbon ado emaebo ammọ ete, “Abọọñ a-aset ke ñkpa ke akpanikọ, anyʌñ a-ayaara idem anọ Saimọn.” 35Ndin ammọ awo iba emaetañ se ikitịppe ke usʌñ isañ, ye naña ammọ ekediọọñọ anye ke ini anye akebuuñọ uyo.
Yisọs Awọt mme Mbed Idem
36Ke ini ammọ ekesʌkkọ etatañ ke inua ebaña afịd mme ñkpọ ami, Yisọs ke idem amọ amaawuọ ada ke atu ammọ anyʌñ abo ammọ ate, “Emem aba ye ndufo!”
37Ammọ emaedịkke enyʌñ ekop ndịk sia ekekere ke ikịt ekpo. 38Ado anye amaabo ammọ ate, “Nsoo ido ntak e-esịd itịmekede ndufo; nsoo inyʌñ inam nọ ndufo enie eyịghe ke esịd ndufo? 39Se ubọk ye ukod mmi nọ ediọọñọ ke ami ke ado! Intuuk miin ise; ekpo inieghe ikpọkidem ye akpọ naña ami nnie.”
40Nte anye akesʌkkọ atañ ikọ ami, anye amaawọt ammọ ubọk ye ukod amọ. 41Ammọ emaekop inemesịd tutu ikanna inịm se ekekịt, sia idem amaakpa ammọ eti-eti. Ndin anye amaabịp ammọ ate, “Emenie ñkpọ se edia mi?” 42Ammọ emaeben ibio nsaad iyak enọ anye. 43Anye amaabọ anyʌñ ata ke iso ammọ.
44Ndin anye amaabo ammọ, “Se ami ñketañ inọọ ndufo ke idaha a-ami ñkesʌkkọ mba ye ndufo ado ami: Afịd se ekewet embaña miin ke Mbed Moses, ye ke ñwed mme Prọfed ye mme Saam ana asu.”
45Ndin anye amaanam ikọ Abasi anwaña ammọ. 46Anye amaabo ammọ ate, “Se ewet ado ami: Krais ayaabọ ufen ndin aset ke ñkpa ke ayọhọ usen ita, 47ñko ke anyịñ amọ eyaekwọrọ ukappaesịd ke adifeen ke mme idiọọkñkpọ nnọọ afịd mme idịd, tọọñọ ke Yeruselem. 48Ndufo edoñño ntiense enọ mme ñkpọ ami. 49Ami ñyaanọ se Ete mmi akenwọñọ isọk ndufo; ado iba ke Yeruselem tutu adudu ato anyọñ adisịm ndufo.”
Adidọọk Yisọs ke Anyọñ
50Ke Yisọs amaakeben ammọ asaña akewuọ ñkpere abio Betani, anye amaadịppe ubọk adiọñ ammọ. 51Ke anye akesʌkkọ adiọñ ammọ, anye amaasịkke akpọñ ammọ ndin emaeben anye edọọk ke hefịn. 52Ammọ emaekpono anye, enyʌñ etịmme enyọñ Yeruselem ye ekamba idaara. 53Ndin ammọ ekeba ke tembịd afịd ini etooro Abasi.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Biblica® Open Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Biblica® Open Ibibio Contemporary Bible™
Copyright © 2020, 2025 by Biblica, Inc.
Biblica ye idiọọñọ esịn ke itie utom United States Patent and Trademark Office enọ Biblica, Inc. Enam ke emaekebọ Unyịmme.
Biblica and the Biblica logo are trademarks registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.