Luk 22
22
Yudas Anyịmme Aditap Yisọs
1Usen Usọrọ Uyo a-yiis imiisịneke, e-ekekoodo Usọrọ Nsaña Mboiyo, amaakpere. 2Ndin mme ñkpoon aku ye mme akpeeb mbed emaeyem ñkara usʌñ naña ammọ ediisaña imʌm Yisọs ikiwot, sia ammọ ekefegheke atu awo. 3Akekem Setan amaadʌk esịd Yudas Iskariọd a-akedooho keed ke atu mme mbed Yisọs duob mme iba. 4Ndin anye amaakaa akeneme ye mme ñkpoon aku ye mme akpeme tembịd abaña naña anye akpekan atap Yisọs anọ ammọ. 5Esịd amaadat ammọ ndin emaenyịmme adinọ anye akʌk. 6Yudas amaanyịmme, anyʌñ atọọñọ iyem ufañ se anye adiitap Yisọs inọ ammọ idaha a-atu awo imiibaaha.
Akpatre Ndidia Ndubi
7Amaakedikem usen Usọrọ Uyo a-yiis imiisịneke, a-akenaaha ewa edọñ Usọrọ Nsaña Mboiyo, 8Yisọs amaadọñ Pita ye Yọọn ate ammọ, “Ikaa ikinam ndutʌm ibaña ndidia Usọrọ Nsaña Mboiyo.”
9Ammọ emaebịp anye ete, “Ke ñke ke ayem ñnyịn ikinam ndutʌm?”
10Yisọs amaabọọrọ: “Imaidʌk abio, eyaekịt awodeen keed nte akama abañ mmọọñ. Ikeene anye ikaa ufọk a-anye akaaha, 11inyʌñ ibo anieufọk ado ite, ‘Andikpeeb abịp abo: Akee ubeed isen ke ñkeme adidia Usọrọ Nsaña Mboiyo ye mme mbed mmi?’ 12Ndin anye ayaiwọt ndufo ekamba ubeed ke anyọñ, e-emaekebeeñe enịm. Inam ndutʌm do.”
13Ammọ emaedakka edʌk abio enyʌñ ekekịt ukem-ukem naña Yisọs aketañ anọ ammọ, emaenyʌñ ebeeñe Usọrọ Nsaña Mboiyo.
14Ke ini amaakekem, Yisọs ye mme mbed amọ duob mme iba emaesuuk etie ke akpokoro ndidia. 15Yisọs ndin amaabo ammọ ate, “Anekke añwʌt miin adidia Usọrọ Nsaña Mboiyo ami ye ndufo mbemiso ami mbọ ndutʌhọ. 16Sia ami ndiidiaha Usọrọ Nsaña Mboiyo mfen aba ye ndufo tutu adiwuọ asu ke abioubọọñ Abasi.”
17Ke anye amaakeben kọọb, anye amaanọ Abasi ekọọm, ayaak anọ ammọ ate, “Ibọ ideeme ke atu idem ndufo. 18Ami ntañ inọ ndufo nte ke ami ndiiñwọññọ se ito mfịd fain aba, tutu abioubọọñ Abasi adi.”
19Akema anye amaaben uyo, anyʌñ anọ ekọọm, abuuñ, ayaak anọ ammọ ate, “Anye ami ado ikpọkidem mmi, i-inọọhọ ndufo; inam ami adidat intoiyo miin.”
20Kpa ke ukem usʌñ ado, ke emaekedia ndidia ndubi ema, anye amaaben kọọb, ate, “Kọọb ami ado ufa edioomo ke iyiib mmi, e-eduọkkọ inọọ ndufo. 21Ado awo a-adintap miin mmọ mi ye ami ke akpokoro. 22Ayịn Awo adiinyọñ naña ekebiere. Ado adọdiọọk anọ awo a-adiitap anye!” 23Mbed amọ emaetọọñọ adibịp idem ammọ me anie awo ke atu mmimọ idiinam utọ ñkpọ ami.
24Akem mfaaña ye eniin amaatọọñọ ke atu ammọ, me anie ke atu ammọ akpon itie akan. 25Yisọs amaabo ammọ, “Mbọọñ mme Gentile ekaara ammọ naña emama, ndin mbon e-ekamake adudu ekoot idem ammọ mme Anọunwam. 26Inaaha ado ntoro ke atu ndufo. Utu ke ado, yak awo se ikpon ikan ke atu ndufo akappa atie nte andisịb ñkan, ndin yak adaiso ke atu ndufo akappa atie nte ayịnufọk inọ ndufo. 27Anie awo ikpon ikan, anditie ke akpokoro ndidia me andiben ndidia ndinọ? Nte idooho anditie ke akpokoro? Ado ami mba ke ufọọd ndufo nte andinam ñkpọ inọọ ndufo. 28Ndufo edo mbon e-ebereke ye ami ke mme ini idomo mmi. 29Ndin ami mmenịm abioubọọñ inọ ndufo, ukem-ukem naña Ete mmi akennọ miin, 30nọ ato do ndufo edia enyʌñ enwọñ ke akpokoro abioubọọñ mmi, enyʌñ etie ke mme ebekpo, ekpe ikpe enọ mme esiin Isrel duob mme iba.”
31Yisọs ndin amaabo Saimọn, “Saimọn, Saimọn, Setan amaabo yak ekeñ afịd ndufo nte awo akeñ abakpa. 32Ado ami mmaabọñ akam unọ fiin, mbaak mbuọdidem mfo adikpu. Ndin afo umautịmme udemme ke mbuọdidem, sọọñọ nditọ ete mfo idem.”
33Ado Saimọn amaabọọrọ anye ate, “Abọọñ, ami mmebeeñe idem adisaña ye afo, akpọkọm adika ufọk ñkpakọb me ke ñkpa.”
34Yisọs amaabo anye, “Pita, ami udọkkọ fiin, mbemiso akikọunen akpọk mfịn ami, afo ayañkañ akañ ita ate ke imọ indiọọñọke miin.”
35Ndin Yisọs amaabịp ammọ ate, “Idaha ami ñkisịññeke ndufo ndọñ utom, naña imiikikamake ekpad akʌk, me ndidia, me ikpaukod, anie naña ñkpọ akinana ndufo?”
Ammọ emaebọọrọ, “Ñkpọ ikinanake ñnyịn.”
36Anye amaabo ammọ, “Idahami yak awo a-anieghe ekpad akʌk, aben, ake anie ekpad ndidia, yak aben, ñko akpedo unieghe akañkañ nyam afọñidem dat ke dep. 37Ntañ ami inọ ndufo, ikọ e-ewette ete, ‘Ndin emaebat anye esịn ke atu mme anam idiọọkñkpọ’ ana asu ke idem mmi. Ii, ke akpanikọ, se ewet ami atọtọọñọ adisu.”
38Mbed amọ emaebo anye, “Abọọñ, se eduad iba mi.”
Anye amaabo ammọ, “Ado akem!”
Yisọs Abọñ Akam ke Abod Ọlif
39Yisọs ye mme mbed amọ emaekaa Abod Ọlif, naña ido amọ akesido. 40Ke anye amaakesịm do, anye amaabo mme mbed amọ ate, “Ibọñ akam mbaak ndufo idiidʌk idomo.” 41Yisọs ndin amaasịkke akpọñ mme mbed ke idaha ubọk iyịrọ keed, aketọọñọ edọñ abọñ akam, 42“Ete mmi, akpedo afo amenyịmme, ben kọọb ami fep nnọ miin; ado yak ke ado ke unyịmme mmi, yak ado naña afo anyịmme.” 43Ndin enyere amaato ke hefịn adida anye ke iso anyʌñ asọọñọ anye idem. 44Ke mbʌññọ esịd, anye amaanekke asịn idem abọñ akam tutu adikpọ a-akewuọñọke anye ke idem, akappa abit iyiib atọiyọ ke isọñ.#22:44 Ataa uwak akpa ikpañwed inieghe Luk 22:43, 44.
45Anye akekpọñ itie ubọñ akam amaatịmme abịne mme mbed amọ akekịt ke ammọ ekesʌk edaiya anọ ekaha ye akpọsọñ mfʌhọ. 46Anye amaatọi ammọ, abịp ate, “Nsoo ido ntak a-ndufo edaiyake? Idemme inyʌñ ibọñ akam mbaak ndufo ididʌk ke idomo.”
Emʌm Yisọs
47Ke anye akesʌkkọ atatañ mme ikọ ami, atu awo emaediwuọ. Keed ke atu mbed amọ, Yudas, akeboiyo iso, asaña abịne Yisọs aketʌm anye inua. 48Ado Yisọs amaabịp anye ate, “Yudas afo adi aditap Ayịn Awo ke ntʌminua?”
49Ke mbed Yisọs ekekịtte se ikiditịppe, ammọ emaebịp Yisọs ete, “Abọọñ, imikeme adikịm ammọ ke akañkañ?” 50Ndin awo ammọ keed amaasio eduad adiañña ayịnufọk ekamba aku utọñ nnasia.
51Ado Yisọs amaabo, “Yak atre do!” Ndin anye amaatuuk utọñ ete ado, anyʌñ akọk anye.
52Ndin Yisọs amaabo mme ñkpoon aku ye mme ikpọ awo mbon ukpeme tembịd ye mme ñkpisọñ e-ekediighe edimʌm anye, ate, “Ndufo ewuọñọ edi ye mme eduad ye mme akpeti nte eka adimʌm awo ntịme me inọ? 53Idaha ami ñkebaaha ye ndufo ke afe tembịd, ibaaha awo ndufo a-akenyanna ubọk antuuk miin. Ufañ ndufo ado ami, ini a-adudu ekịm akarake.”
Pita Akañ Yisọs
54Ammọ emaemʌm anye, eben edakka ekaa ufọk ekamba aku. Pita amaakpeeñ ñkpad isañ, akeene nsan-nsan. 55Ke ammọ emaekebara ikañ ke ufọọd esịd akwere, eyem itie ebono, Pita amaakekeene atie ye ammọ. 56Abọikpa ayịnufọk keed akekịt naña Pita atie awue ikañ, amaawuuk anyen ase anye, ate, “Awo ami akeba ye anye.”
57Ado Pita amaakañ ate, “Abọikpa, ami ndiọọñọke anye.”
58Etək ini akeboiyo, awo mfen amaakịt Pita, ate, “Afo ado keed ke atu nsaña amọ.”
Pita amaamaana akañ ate, “Ete, ndooho!”
59Ñkpọ nte awa keed akeboiyo, awo mfen amaadi aditañ uko-uko ye Pita, ate, “Ke akpanikọ, awo ami akesaña ye anye, sia anye ado awo Kalili.”
60Pita amaabọọrọ ate “Ete, ami ndiọọñọke se afo atuum ke inua!” Kpa idaha a-Pita akesʌkkọ atatañ ntoro, akikọunen amaakpọk. 61Abọọñ amaawọññọ iso awuuk anyen ase Pita, ndin anye amaatoiyo ikọ a-Yisọs akebooho anye ate, “Mbemiso akikọunen akpọk mfịn, afo ayañkañ miin ñke nta.” 62Ndin Pita amaawuọ esiin, aketua idod-idod ayịd.
Mbio Ukpeme Enọ Yisọs Ñnyọ
63Ideen e-ekekpemeke Yisọs emaetọọñọ edọọñ anye ndọk enyʌñ etịm anye. 64Ammọ emaebọp anye ñkịm ke anyen, ete anye, “Tañ prọfesi! Anie awo ikumia fiin?” 65Ammọ emaenyʌñ esueñ anye, etaañ ikọ usọñanyen edian anye.
Yisọs ke Iso Pailed ye Herọd
66Ke usiere, mme ñkpisọñ esob abio, ye mme ñkpoon aku ye mme akpeeb mbed emaewuọ ebono itie keed, ndin emaeben Yisọs edi ke iso ammọ. 67Ammọ emaebo Yisọs, “Akpedo afo ado Krais, tañ inọ ñnyịn.”
Yisọs amaabọọrọ ammọ ate, “Adieke ami ntañña inọọ ndufo, ndufo idinnịmme miin ke akpanikọ, 68ñko ami ñkpibịp ndufo, ndufo idimbọọrọke. 69Ado tọọñọ ke idahami, Ayịn Awo ayaatie ke ubọk nnasia Akwa Abasi.”
70Afịd ammọ emaedọñ uyio ebịp anye, “Nte afo ndin ado Ayịn Abasi?”
Anye amaabo ammọ, “Ndufo etañ ke ami ndo Ayịn Abasi.”
71Ammọ ndin emaedọñ uyio keed ete, “Nsoo utọ ntiense mfen ke ñnyịn iyem aba? Ñnyịn imikop ito inua amọ.”
Айни замон обунашуда:
Luk 22: OICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Biblica® Open Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Biblica® Open Ibibio Contemporary Bible™
Copyright © 2020, 2025 by Biblica, Inc.
Biblica ye idiọọñọ esịn ke itie utom United States Patent and Trademark Office enọ Biblica, Inc. Enam ke emaekebọ Unyịmme.
Biblica and the Biblica logo are trademarks registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Luk 22
22
Yudas Anyịmme Aditap Yisọs
1Usen Usọrọ Uyo a-yiis imiisịneke, e-ekekoodo Usọrọ Nsaña Mboiyo, amaakpere. 2Ndin mme ñkpoon aku ye mme akpeeb mbed emaeyem ñkara usʌñ naña ammọ ediisaña imʌm Yisọs ikiwot, sia ammọ ekefegheke atu awo. 3Akekem Setan amaadʌk esịd Yudas Iskariọd a-akedooho keed ke atu mme mbed Yisọs duob mme iba. 4Ndin anye amaakaa akeneme ye mme ñkpoon aku ye mme akpeme tembịd abaña naña anye akpekan atap Yisọs anọ ammọ. 5Esịd amaadat ammọ ndin emaenyịmme adinọ anye akʌk. 6Yudas amaanyịmme, anyʌñ atọọñọ iyem ufañ se anye adiitap Yisọs inọ ammọ idaha a-atu awo imiibaaha.
Akpatre Ndidia Ndubi
7Amaakedikem usen Usọrọ Uyo a-yiis imiisịneke, a-akenaaha ewa edọñ Usọrọ Nsaña Mboiyo, 8Yisọs amaadọñ Pita ye Yọọn ate ammọ, “Ikaa ikinam ndutʌm ibaña ndidia Usọrọ Nsaña Mboiyo.”
9Ammọ emaebịp anye ete, “Ke ñke ke ayem ñnyịn ikinam ndutʌm?”
10Yisọs amaabọọrọ: “Imaidʌk abio, eyaekịt awodeen keed nte akama abañ mmọọñ. Ikeene anye ikaa ufọk a-anye akaaha, 11inyʌñ ibo anieufọk ado ite, ‘Andikpeeb abịp abo: Akee ubeed isen ke ñkeme adidia Usọrọ Nsaña Mboiyo ye mme mbed mmi?’ 12Ndin anye ayaiwọt ndufo ekamba ubeed ke anyọñ, e-emaekebeeñe enịm. Inam ndutʌm do.”
13Ammọ emaedakka edʌk abio enyʌñ ekekịt ukem-ukem naña Yisọs aketañ anọ ammọ, emaenyʌñ ebeeñe Usọrọ Nsaña Mboiyo.
14Ke ini amaakekem, Yisọs ye mme mbed amọ duob mme iba emaesuuk etie ke akpokoro ndidia. 15Yisọs ndin amaabo ammọ ate, “Anekke añwʌt miin adidia Usọrọ Nsaña Mboiyo ami ye ndufo mbemiso ami mbọ ndutʌhọ. 16Sia ami ndiidiaha Usọrọ Nsaña Mboiyo mfen aba ye ndufo tutu adiwuọ asu ke abioubọọñ Abasi.”
17Ke anye amaakeben kọọb, anye amaanọ Abasi ekọọm, ayaak anọ ammọ ate, “Ibọ ideeme ke atu idem ndufo. 18Ami ntañ inọ ndufo nte ke ami ndiiñwọññọ se ito mfịd fain aba, tutu abioubọọñ Abasi adi.”
19Akema anye amaaben uyo, anyʌñ anọ ekọọm, abuuñ, ayaak anọ ammọ ate, “Anye ami ado ikpọkidem mmi, i-inọọhọ ndufo; inam ami adidat intoiyo miin.”
20Kpa ke ukem usʌñ ado, ke emaekedia ndidia ndubi ema, anye amaaben kọọb, ate, “Kọọb ami ado ufa edioomo ke iyiib mmi, e-eduọkkọ inọọ ndufo. 21Ado awo a-adintap miin mmọ mi ye ami ke akpokoro. 22Ayịn Awo adiinyọñ naña ekebiere. Ado adọdiọọk anọ awo a-adiitap anye!” 23Mbed amọ emaetọọñọ adibịp idem ammọ me anie awo ke atu mmimọ idiinam utọ ñkpọ ami.
24Akem mfaaña ye eniin amaatọọñọ ke atu ammọ, me anie ke atu ammọ akpon itie akan. 25Yisọs amaabo ammọ, “Mbọọñ mme Gentile ekaara ammọ naña emama, ndin mbon e-ekamake adudu ekoot idem ammọ mme Anọunwam. 26Inaaha ado ntoro ke atu ndufo. Utu ke ado, yak awo se ikpon ikan ke atu ndufo akappa atie nte andisịb ñkan, ndin yak adaiso ke atu ndufo akappa atie nte ayịnufọk inọ ndufo. 27Anie awo ikpon ikan, anditie ke akpokoro ndidia me andiben ndidia ndinọ? Nte idooho anditie ke akpokoro? Ado ami mba ke ufọọd ndufo nte andinam ñkpọ inọọ ndufo. 28Ndufo edo mbon e-ebereke ye ami ke mme ini idomo mmi. 29Ndin ami mmenịm abioubọọñ inọ ndufo, ukem-ukem naña Ete mmi akennọ miin, 30nọ ato do ndufo edia enyʌñ enwọñ ke akpokoro abioubọọñ mmi, enyʌñ etie ke mme ebekpo, ekpe ikpe enọ mme esiin Isrel duob mme iba.”
31Yisọs ndin amaabo Saimọn, “Saimọn, Saimọn, Setan amaabo yak ekeñ afịd ndufo nte awo akeñ abakpa. 32Ado ami mmaabọñ akam unọ fiin, mbaak mbuọdidem mfo adikpu. Ndin afo umautịmme udemme ke mbuọdidem, sọọñọ nditọ ete mfo idem.”
33Ado Saimọn amaabọọrọ anye ate, “Abọọñ, ami mmebeeñe idem adisaña ye afo, akpọkọm adika ufọk ñkpakọb me ke ñkpa.”
34Yisọs amaabo anye, “Pita, ami udọkkọ fiin, mbemiso akikọunen akpọk mfịn ami, afo ayañkañ akañ ita ate ke imọ indiọọñọke miin.”
35Ndin Yisọs amaabịp ammọ ate, “Idaha ami ñkisịññeke ndufo ndọñ utom, naña imiikikamake ekpad akʌk, me ndidia, me ikpaukod, anie naña ñkpọ akinana ndufo?”
Ammọ emaebọọrọ, “Ñkpọ ikinanake ñnyịn.”
36Anye amaabo ammọ, “Idahami yak awo a-anieghe ekpad akʌk, aben, ake anie ekpad ndidia, yak aben, ñko akpedo unieghe akañkañ nyam afọñidem dat ke dep. 37Ntañ ami inọ ndufo, ikọ e-ewette ete, ‘Ndin emaebat anye esịn ke atu mme anam idiọọkñkpọ’ ana asu ke idem mmi. Ii, ke akpanikọ, se ewet ami atọtọọñọ adisu.”
38Mbed amọ emaebo anye, “Abọọñ, se eduad iba mi.”
Anye amaabo ammọ, “Ado akem!”
Yisọs Abọñ Akam ke Abod Ọlif
39Yisọs ye mme mbed amọ emaekaa Abod Ọlif, naña ido amọ akesido. 40Ke anye amaakesịm do, anye amaabo mme mbed amọ ate, “Ibọñ akam mbaak ndufo idiidʌk idomo.” 41Yisọs ndin amaasịkke akpọñ mme mbed ke idaha ubọk iyịrọ keed, aketọọñọ edọñ abọñ akam, 42“Ete mmi, akpedo afo amenyịmme, ben kọọb ami fep nnọ miin; ado yak ke ado ke unyịmme mmi, yak ado naña afo anyịmme.” 43Ndin enyere amaato ke hefịn adida anye ke iso anyʌñ asọọñọ anye idem. 44Ke mbʌññọ esịd, anye amaanekke asịn idem abọñ akam tutu adikpọ a-akewuọñọke anye ke idem, akappa abit iyiib atọiyọ ke isọñ.#22:44 Ataa uwak akpa ikpañwed inieghe Luk 22:43, 44.
45Anye akekpọñ itie ubọñ akam amaatịmme abịne mme mbed amọ akekịt ke ammọ ekesʌk edaiya anọ ekaha ye akpọsọñ mfʌhọ. 46Anye amaatọi ammọ, abịp ate, “Nsoo ido ntak a-ndufo edaiyake? Idemme inyʌñ ibọñ akam mbaak ndufo ididʌk ke idomo.”
Emʌm Yisọs
47Ke anye akesʌkkọ atatañ mme ikọ ami, atu awo emaediwuọ. Keed ke atu mbed amọ, Yudas, akeboiyo iso, asaña abịne Yisọs aketʌm anye inua. 48Ado Yisọs amaabịp anye ate, “Yudas afo adi aditap Ayịn Awo ke ntʌminua?”
49Ke mbed Yisọs ekekịtte se ikiditịppe, ammọ emaebịp Yisọs ete, “Abọọñ, imikeme adikịm ammọ ke akañkañ?” 50Ndin awo ammọ keed amaasio eduad adiañña ayịnufọk ekamba aku utọñ nnasia.
51Ado Yisọs amaabo, “Yak atre do!” Ndin anye amaatuuk utọñ ete ado, anyʌñ akọk anye.
52Ndin Yisọs amaabo mme ñkpoon aku ye mme ikpọ awo mbon ukpeme tembịd ye mme ñkpisọñ e-ekediighe edimʌm anye, ate, “Ndufo ewuọñọ edi ye mme eduad ye mme akpeti nte eka adimʌm awo ntịme me inọ? 53Idaha ami ñkebaaha ye ndufo ke afe tembịd, ibaaha awo ndufo a-akenyanna ubọk antuuk miin. Ufañ ndufo ado ami, ini a-adudu ekịm akarake.”
Pita Akañ Yisọs
54Ammọ emaemʌm anye, eben edakka ekaa ufọk ekamba aku. Pita amaakpeeñ ñkpad isañ, akeene nsan-nsan. 55Ke ammọ emaekebara ikañ ke ufọọd esịd akwere, eyem itie ebono, Pita amaakekeene atie ye ammọ. 56Abọikpa ayịnufọk keed akekịt naña Pita atie awue ikañ, amaawuuk anyen ase anye, ate, “Awo ami akeba ye anye.”
57Ado Pita amaakañ ate, “Abọikpa, ami ndiọọñọke anye.”
58Etək ini akeboiyo, awo mfen amaakịt Pita, ate, “Afo ado keed ke atu nsaña amọ.”
Pita amaamaana akañ ate, “Ete, ndooho!”
59Ñkpọ nte awa keed akeboiyo, awo mfen amaadi aditañ uko-uko ye Pita, ate, “Ke akpanikọ, awo ami akesaña ye anye, sia anye ado awo Kalili.”
60Pita amaabọọrọ ate “Ete, ami ndiọọñọke se afo atuum ke inua!” Kpa idaha a-Pita akesʌkkọ atatañ ntoro, akikọunen amaakpọk. 61Abọọñ amaawọññọ iso awuuk anyen ase Pita, ndin anye amaatoiyo ikọ a-Yisọs akebooho anye ate, “Mbemiso akikọunen akpọk mfịn, afo ayañkañ miin ñke nta.” 62Ndin Pita amaawuọ esiin, aketua idod-idod ayịd.
Mbio Ukpeme Enọ Yisọs Ñnyọ
63Ideen e-ekekpemeke Yisọs emaetọọñọ edọọñ anye ndọk enyʌñ etịm anye. 64Ammọ emaebọp anye ñkịm ke anyen, ete anye, “Tañ prọfesi! Anie awo ikumia fiin?” 65Ammọ emaenyʌñ esueñ anye, etaañ ikọ usọñanyen edian anye.
Yisọs ke Iso Pailed ye Herọd
66Ke usiere, mme ñkpisọñ esob abio, ye mme ñkpoon aku ye mme akpeeb mbed emaewuọ ebono itie keed, ndin emaeben Yisọs edi ke iso ammọ. 67Ammọ emaebo Yisọs, “Akpedo afo ado Krais, tañ inọ ñnyịn.”
Yisọs amaabọọrọ ammọ ate, “Adieke ami ntañña inọọ ndufo, ndufo idinnịmme miin ke akpanikọ, 68ñko ami ñkpibịp ndufo, ndufo idimbọọrọke. 69Ado tọọñọ ke idahami, Ayịn Awo ayaatie ke ubọk nnasia Akwa Abasi.”
70Afịd ammọ emaedọñ uyio ebịp anye, “Nte afo ndin ado Ayịn Abasi?”
Anye amaabo ammọ, “Ndufo etañ ke ami ndo Ayịn Abasi.”
71Ammọ ndin emaedọñ uyio keed ete, “Nsoo utọ ntiense mfen ke ñnyịn iyem aba? Ñnyịn imikop ito inua amọ.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Biblica® Open Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Biblica® Open Ibibio Contemporary Bible™
Copyright © 2020, 2025 by Biblica, Inc.
Biblica ye idiọọñọ esịn ke itie utom United States Patent and Trademark Office enọ Biblica, Inc. Enam ke emaekebọ Unyịmme.
Biblica and the Biblica logo are trademarks registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.