1. Mojsije 18
18
Trin anđelurja posetisardine e Avraame
1O GOSPOD sikadilo e Avraamešće ke bare kaš e Mamrešće, pale vrjama kana sas e majbari žega dok bešelas po ulaz ande piro šatori.
2O Avraam vazda pire jakha thaj dikhla trin manušen sar ačhen cara majdur lestar.
Čim dikhla len, katar o ulaz e šatoresko prastajas angle lende, thaj pelo pe pire koča e mujesa dži ke phuv angle lende. 3Phendas: “Gospodarina, te arakhlem milost ande ćire jakha, na te samo naćhes paše mande, pašo ćiro slugo, a te či nasvratis. 4Neka anel pe cara paj, te thoven tumare pungre, pa te odmorin tumen tale akava kaš. 5Anava vi mangro te han thaj te zuravon, a askal teljarena majdur. Pale godova, kaj aviline ke tumaro sluga.”
Von phendine: “Lačhe, ćer sar phendan.”
6O Avraam siđarda andre ke Sara ando šator thaj phendas laće: “Sigo! Le biš kile parno aro, šukljar o humer thaj pek pogača!”
7Askal o Avraam prastajas dži ke guruva, astarda jećhe terne thaj ugojime guruve, dija les ke jek sluga te sigo pripremil les palo habe. 8Posle godova o Avraam lijas ćiral, thud thaj e guruve savo sas pripremime, thaj čhuta angle lende. Dok von hanas, O Avraam ačhelas paše lende talo kaš.
9Askal phučline les: “Kaj si ćiri romnji e Sara?”
Vo phendas: “Eke, andre ando šator.”
10Askal jek lendar phendas: “Boldava man tute dži ke aver brš ande akaja vrjama, thaj ćire romnja e Sara avela čhavo.”
E Sara godova ašunda kaj sas pašo ulaz e šatoresko savo sas pale lešće dume. 11O Avraam thaj e Sara sas već purane thaj dine ande pire brš kana e Sara majbut našti bijanelas čhavren.
12Zato e Sara asajas ande peste thaj gndisarda: “Zar akana kana sem purani, te avel man godova zadovoljstvo? A vi mungro rom si purano.”
13Askal o GOSPOD phučlas e Avraame: “Sostar e Sara asajas thaj gndisarda: ‘Dali čače me šaj bijanava čhavre akana kana sem purani?’ 14Dali si e GOSPODEŠĆE vareso nemoguće? Dži ke aver brš ande akaja vrjama boldava man tute, thaj e Sara avela čhavo.”
15Ali e Sara darajli, pa hohada e alavenca: “Či asajem.”
A o GOSPOD phendas: “Naj gajda, asajan.”
O Avraam posredujil pale Sodoma
16Kana godola trin manuša uštile te džantar, dikhline karingal e Sodoma, a o Avraam teljarda lenca te ispratil len. 17Askal o GOSPOD phendas ande peste: “Zar te garavav katar o Avraam so kamav te ćerav? 18E Avraamestar avela baro thaj moćno them, prekal leste avena blagoslovime sa e thema pe phuv. 19Kaj, me izabirisardem les te sikavel pire čhaven thaj pire potomkonen te inćaren pe ko drom e GOSPODESKO thaj te ćeren okova so si ispravno thaj pravedno. Gajda o GOSPOD, šaj izvršila okova so obećisarda e Avraamešće.”
20Thaj o GOSPOD phendas lešće: “Bare optužbe si protiv e Sodoma thaj e Gomora thaj zurale pharo si lengo bezah. 21Fuljava okote tele te dikhav dali si sa okova so ašundem ande optužbe čače ili naj.”
22Askal e duj manuša okotar uputisajle prema e Sodoma, dok o Avraam još ačhelas anglo GOSPOD.
23Askal o Avraam avilo leste majpaše thaj phučla les: “Dali čače uništija vi e nedužne manuše zajedno okolesa savo si došalo? 24A so ako si ando gav pandžvardeš džene save si nedužne? Dali vi len uništija thaj či jartoja godole thanešće zbog okola pandžvardeš nedužne save si ande leste? 25Dur tutar te avel te ćeres gajda vareso! Dali te mudares e nedužne manušen zajedno e došalenca, pa te e nedužnikošće avel isto sago vi e došalešće? Dur tutar te avel! Dali o Sudija e saste themesko te či ćerel so si pravedno?”
26O GOSPOD phendas: “Ako ando gav Sodoma arakhav pandžvardeš nedužne manušen, zbog lende jartova e saste gavešće.”
27O Avraam nastavisarda: “Vi ako sem samo praho thaj pepeo, ake, usudiv man palem te phučav e Gospode. 28A so ako ando gav si okola save si nedužne pandž majcara katar pandžvardeš džene? Dali uništija o sasto gav zbog godola štarvardeš thaj pandž džene?”
O GOSPOD phendas: “Ako okote arakhav štarvardeš thaj pandž nedužne manušen, či uništiva les.”
29O Avraam palem phučlas: “So ako okote araćhen pe samo štarvardeš?”
O GOSPOD phendas: “Či uništiva les zbog godola štarvardeš.”
30Askal o Avraam phendas: “Neka o Gospod či holjavol kaj palem vareso phučav. So ako okote araćhen pe samo trijanda?”
Vo phendas: “Či uništiva les zbog godola trijanda.”
31Askal o Avraam palem phendas: “Ake usudiv man palem vareso te phučav mungre Gospode. So ako okote araćhen pe samo biš?”
Vo phendas: “Či uništiva les zbog godola biš.”
32Askal o Avraam palem phendas: “Neka mungro Gospod či holjavol, ako samo još jekhar vareso phučav. So ako okote araćhen pe samo deš?”
Vo phendas: “Či uništiva les zbog godola deš.”
33Kana o GOSPOD završisarda o svato e Avraamesa, đelotar, a o Avraam bolda pe ćhere.
Айни замон обунашуда:
1. Mojsije 18: RČB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in