मरकुस जाँण-पछ़्याँण

जाँण-पछ़्याँण

संत्त-मरकुस की लिखी अंदी खुषख्बरी दो पंणमिश्वर का बैटा प्रभू यीशू मसीया के बारे दो असो। ईदा प्रभू यीशू ऐक अधिकारी अरह् टल्यारा आदमी के रूपो दा बखाँण करी थुवा। तिन का हंक अधिकार तिन की शिक्क्षा अरह् दुष्ट-आत्त्मा गाशी तिन का हंकधिकार असो, अरह् लोगो के पापो की माफी देंदे तिनू दे:खाऐं थुऐं। अरह् ईयो कताबे दे प्रभू यीशू आप्खे (आदमी का बैटा बुलो थिऐ) के हाँव ईन्देंखे आऐ रूवा, के लोगो तिन के पापो शे अजाद कराँऊ, अरह् तिन की ताँईऐं आप्णी जीयाँन तक देऐ देऊँ, अरह् तिन्ऐ करह् भे तैष्णों ही। अरह् मरकुस लिख्णों वाल़ा प्रभू यीशू के बचन अरह् शिक्क्षा गाशी ने परह् जादा जोर तिन के काँम-काज़ गाशी दियों। ईन्दें की ताँईऐं से तिन खे खुषख्बरी सिदे-सादे, अरह् असरदार दबंदबा लई बखाँण करह्। संत्त-यूहन्ना नहाँण-नहाँणों वाल़ा अरह् प्रभू यीशू को नहाँण-नहाँणों अरह् परख-अजमाँऐष के बारे दो, अरह् ऐकदंम प्रभू की चंगाऐ अरह् शिक्षा सेवकाई के काँम-काज़ का बखाँण करह्, जेशा-जेशा बख्त बितदा गुवा, तेशे-तेशे ही प्रभू यीशू के बिश्वाषी बड़दे अरह् तिनू आछे ढंग शे समझ दे गुऐ। परह् प्रभू यीशू के बिरोधी हजो भे बेगेही भड़कों दे लागे, अरह् आखरी के अध्याऐ दो, आखरी के सह्फताह् की घटणा का बखाँण करह्। जिन्दा खास करियों तिनका शुँल़ी-फ़ाँशी चढ़ाया जाँणा, अरह् से हजो दुज़ाल़िऐ पाछू ऊबे जींऊँदे हुऐ।

रूप रेखा

खुषख्बरी की शूरूवात 1:1-13

गलील दे प्रभू यीशू ऐ लोगो के सेवा करी 1:14—9:50

गलील शे यरूशलेम तोड़ी के हाँड 10:1-52

यरूशलेम दा आखरी का सह्पताह् 11:1—15:47

प्रभू यीशू पाछु ऊबे जीऐ 16:1-8

जीऊँदे हणों गाशी देःखाई पड़े, अरह् स्वर्गो दे से पाछु ऊबे हुटे 16:9-20

Айни замон обунашуда:

मरकुस जाँण-पछ़्याँण: sri

Лаҳзаҳои махсус

Паҳн кунед

Нусха

Want to have your highlights saved across all your devices? Sign up or sign in

Маълумоти бештар дар бораи Sirmouri