Mateo 12
12
Jesús y'ixpëjkpëttëjjk tsajpmoojk tkojjkjuut'të poo'kxë'nxëëw it
(Mr 2.23-28; Lc 6.1-5)
1Tu'kpoo'kxë'nxëëw it Jesús nyajjxy tsajpmokjotm. Tëj y'ijjty y'ixpëjkpëttëjjk yuuj pyaatyëtë nits tsajpmoojk tkojjkjuut'axajjtë jäts tjëë'kxtë tsajpmokpajjk. 2Kuts najj Fariseostëjjk t'ijxtë nits tnëëjmjäätyë Jesús:
—Tëj x'ijxy ku m'ixpëjkpëttëjjk tuntë mati' kappaajt'ajjtë'p yëktu'mp poo'kxë'nxëëw it.
3Nits Jesús y'atsoowimpijjty:
—¿Kä'änë'm miits nöky xwin'ijxtë maj jäjp myatya'aky ntsoj David y'atëëjtsy mëët myuku'uktëjjk ku yuuj pyaajtëtë? 4Tsajptijkypy jä' tyëjjk'eetyë nits tsajpkääky tkaytyë mati' y'ijjty jäjp tëj yëkyöxy, oyë'm jä' y'ijjty jyakappaat'ätyë tka'ytyë't, jä'ku teety jä' y'ijjty jä'yë paajt'ajjtëtë'p tkaytyë'p. 5¿Ok pawaa'n mati' Moisés jyaay maj jäjp yä'äny, oyë'm teety tyu'ntë't tsajptijkypy poo'kxë'nxëëw it kä' jä' pyökytyuntë? 6Ixyamts ëjts nnikkäjpxy jäts jäj yaj pën jawäänë mëjk kuttujjk tjakyäjpp, kä' jä' nyë'në kuttujjkë'n mati' tsajptëjjk pyawämpy. 7Kä'änë'mts miits xwinjawë ntsoj ya'at ayuujk wyimpitsemy mati' wamp: “Pa'ayoo'n ëjts ntsöjkypy myëk'it'të'p myëkjää'jëtë'p, kä' ëjts ntsöky tanë'ëk në'ëjpy xtawintsë'ëkkëtë't.” Ku tëj jyeexyë xwinjawëtë, kä'äts miits jyeexyë kyoojyë xniwampät'të jaa'y pën tyakkoo'ny kanajj'eepy. 8Ixyamts xnijawëtë't nits jäj naxwiinë'tjaa'y y'Uu'nk kuttujjkë'n tjakyepy jäts tyëknikuttukkë't tij yëktu'mp kayëktu'mp poo'kxë'nxëëw it.
Jesús tyëktso'oky tu'uk pa'amjaa'y poo'kxë'nxëëw it
(Mr 3.1-6; Lc 6.6-11)
9Nits Jesús tsyoo'në jäjp jäts nyijkxy maj jäjp jaa'y ka'amaa'yë'n ttayo'ymyuktë. 10Jäjpts y'ijjty tu'uk yaa'ytyëjjk mati' tëj tu'm'aajny kyë' xyujxnë; kum naa'mts jä' y'ijjty fariseostëjjk taay t'ijxta'atë jäts Jesús tnipajktsowëtë't, jakëjxts tyëktëëtë:
—¿Oy ku jaa'y nyëktsoojkë'n poo'kxë'nxëëw it ok kä'?
11Nits Jesús y'atsoowimpijjty:
—¿Ku miits nitu'ukë'n mworrekë kyunaxt nëjötypy poo'kxë'nxëëw it, kä' jä' jätyë xjuut'të't? 12¡Ntsots y'ijxë nkappa'ayoo'jë'n jaa'y mati' jawäänë mëjk yëknipayo'oy'eepy, kä' nyë'në worrekë! Ixyamts xnijawëtë jäts oyë'p ntuu'në'n y'oy'ajjtpë poo'kxë'nxëëw it.
13Nits Jesús tnëëjmjaay jä' pa'amjaa'y:
—Xajjtëw.
Nits jä' yaa'ytyëjjk xyajjtëëy, jäts kyë' yëkxon y'oy'ajjty. 14Kuts jäjp tsyoo'nëtë fariseostëjjk, nits tkäjpxyë'y'axajjtë ntsoj y'ijxë Jesús tyëk'ooktë't.
Yëk'ayuujknajxpëttëjjk y'aaw y'ayuujk kyuytyünyë
15Kuts Jesús najj tnijaa'w'ëëy, nits jäjp tsyoo'në, jäts nimay mëët jaa'y pyatsoo'jnë. Jäts Jesús nitukkë'yë y'ijjty pa'amjaa'y tyëktso'oky, 16nits tnëëjmë jäts katij nyimatya'akyë oymyaa'jë jaa'y akujjky. 17Najjts jä' kyuytyuujnë yëk'ayuujknajxpë Isaías y'ayuujk ku wyaany:
18«Ijxëtë ëjts ntumpë, pën ëjts tëj nwin'ijxy nwinway,
pën ëjts ntsöjkypy ntaxontäkypy.
Yë' ëjts nJaa'wë'n nmoypy,
jäts twaajnë't naajx kajjp y'oy'ajjtpë tyëy'ajjtpë.
19Nippën yë' tkamëëtnatsyiptunë't tkamëëtna'y'ojjë't;
nippën kyäjpxy y'ayuujk kyamatooxë't tuu'aajy.
20Kä' tyëkkutakko'yty mëykyojjk mati' tëj tyëjjnë
jäts kä' jëën tyëk'ookt mati' ontsoo'jë mëjj'eepynyë'm
kunë'm jä' yëk'ijxt wyinkä'äxt y'oy'ajjtpë tyëy'ajjtpë.
21Nits tukkë'yë naajx kajjp y'ajoojt'attë't.»
Jesús yëkmëjku'jymyuya'axy
(Mr 3.20-30; Lc 11.14-23; 12.10)
22Nits Jesús yëkta'anëjkx'ëëy tu'uk jaa'y mati' y'ijjty mëjjku'ujy tyumpë kayëk'ijxë'p kayëkkajpxë'p, jäts Jesús tyëk'ijxpëjjky tyëkkajpxpëjjky. 23Nits jaa'y attëy'ajat nyawyaajnëtë: «¿David yë' tsyaan kyoo?»
24Kuts fariseostëjjk najj tmatootë nits wyantë: «Mëjjku'ujy yë' mmoojyë'p mëjk'ajjtë'n jäts mëjjku'ujy tyumpë tyëkpitsë'mt.»
25Jäts Jesús nyijaa'w'eepy jä' y'ijjty ntsoj jä' jaa'y wyinmaytyë nits tnëëjmjaay: «Ku tu'uk mëjj'it mëjjkajjp nyawya'kxëtë't, kutakko'ypy jä', ok ku nyawya'kxëtë't tu'uk jëën tëjjk nakyutakoyëtë'p jä'. 26Najjts, ku mëjjku'ujy tum'akkë'm nyakpyitsemyëtë; ¿Ntsots y'ijxë kyuttujktaajk tjakyëk'it'të't? 27Kuts miits mwa'antë jäts mëjjku'ujy pyawaa'n këjxm ëjts mëjjku'ujy tyumpë nyëkpitsemy; kuu'mts jä' jyeexyë nyajjë, ¿Pënts miits m'ixpëjkpëttëjjk kyuttujjk yyëktuujnjäätyë'p jäts mëjjku'ujy tyumpë tyëkpitsë'mtë't? Kuts miits mwa'antë't jäts Yës Teety kyuttujjk yyëktuujnjäätyë'p jäts mnikkä'äjxjë'ëktë jäts nikoj miits mwinmaytyakkoytyë. 28Pën Yës Teety Jyaa'wë'n këjxm ëjts mëjjku'ujy tyumpë nyëkpitsemy, jäts nyikkä'äjxjë'ëky nits tëj Yës Teety kyuttujjkë'n yaj tsyoo'nta'aky.
29»¿Kä' mää'tspë tyëkkë't pën mëjk kuttëjjk nyakyuwa'anyë, nit ku jawyiin ttsu'mt tkuwëënt jä' kuttëjjk nitnë'mts jä' myaay pyëjkta'aky tmäätstë't.
30»Pënpën ëjts xkamëëtyo'oymyujkp, xmu'ampëjkp ëjts jä', pënts ëjts xkatämëëtpiimujkp xkatamëëtwaamujkp oo'ktëyts jä' twaawä'kxy tko'wä'kxy.
31»Jakëjxts ëjts miits nnëëjmëtë jäts myää'kxtüjkypy Yës Teety tukkë'yë jaa'y tyakkoo'ny ok tukkë'yë kya'oywyë mati' tyuntë'p kyajpxtë'p, kuts Jyaa'wë'n kyayëk'oytyijjt jä'äts kyamää'kxtukp. 32Myää'kxtukp Yës Teety ku naxwiinë'tjaa'y y'Uu'nk yëkka'oymyukkajpxt, pënts tka'oytyijjp Yës Teety Jyaa'wë'n kä'äts jä' tmää'kxtukt ixyam ok jatu'uk jüky'ajjt mati' mimp winkomp.
Tyëëm këjxm kepy yyëk'ijxë
(Lc 6.43-45)
33»Pën oynyaxkëjjxy tëëm'eepyë kepy nyi'ipyë oyts jä' tyëëmë't, pën kä'äts jä' oynyaxkëjjxy nyi'ipyë kä'ämts jä' oy tyëëmë't, tyëëm këjxm jä' kyä'äjxjë'ëky. 34¡Mati' miits mka'amaytyë'p najj yë' pya'amtüny naa'xkë'n tsaa'ny xtsu'ujtsë'n! ¿Ntsoj y'ijxë miits oy mka'ama'ytyë't, kä' miits m'oyjyaa'yëtë? Jä'ku mati' jäm am jotm jä'äts yëkkäjpxp yëkmatyakp. 35Jaa'y mati' oyjyaa'y, oyts jä' kyäjpxy myatya'aky, jä'ku oy jä' y'aw jyoojt, jäts pën ka'oyjyaa'y, tumkya'oywyë'ts jä' kyäjpxypy jä'ku jä' jäm y'am jyotm. 36Ixyamts ëjts nnikkäjpxy jäts tukkë'yë yëktakkumatookkëxtë't ka'oy'ayuujk mati'jäty tëj tkajpxtë ku jä' xëëw tpaatt maj jaa'y pyöky yëktappayo'oytyë't. 37Kë'm m'ayuujk xkumato'ot, jäts xtamata'aktë't ok xkatamata'aktë't.»
Jaa'y t'ijxwa'antë mëjj'ijxpäjjt
(Mr 8.12; Lc 11.29-32)
38Nitu'ukë'n fariseostëjjk mëët pawaa'n yëk'ixpëjkpëttëjjk tnëëjmjäätyë Jesús:
—Wintsën, mëjj'ijxpäjjt ëëts n'ijxwämpy mati' mijts mtümpy myëkkä'äjxje'kypy.
39Nits Jesús y'atsoojjëtë:
—Miits pökytyumpë jaa'ytyë, kä' miits Yës Teety tu'ukyë xmuttuntë, jäts xtsojk'atë'ëtstë x'ijxwa'antë nyëknikä'äjxjë'ëkt mëjj'ijxpäjjt; kä'äts miits tij x'ok'ijxnëtë't, jä' ijxpäjjt mwinjawëtë'p ntsoj yëk'ayuujknajxpë Jonás jyajjty. 40Najj naa'xkë'n Jonás tsyënaay tuwëëk xëëw tuwëëk tsuuj ajkxteety jyotm, ninyajjts naxwiinë'tjaa'y y'Uu'nk tuwëëk xëëw tuwëëk tsuuj y'itt naxpa'tke'py. 41Ku naajx kajjp tukkë'yë it naxwiin yëkwaamujkëxt nits Yës Teety tyëytyunëtë't, mëët Nínive'tjaa'y tnikkajpxpät'të't jäts miits jawäänë mëjk m'ayoo'npaat'të't, jä'ku jätyë jä' jaa'ytyë Yës Teety ttëyjyaa'w'eetyë ku Jonás kya'amaajyëtë, jäts pën miits ixyam yaj mka'amaajyëtë'p jawäänë nimëjj jä', kä' jä' Jonás myupaatyë. 42Ninyajj y'atë'ëtst yëkkuttujkpë to'oxytyëjjk mati' ttsoo'jn akaa'nytsyowë't it, jä' mëët tnikkajpxpätp jäts miits mëjk m'ayoo'npaat'të't, jä'ku jakkäm jä' tnitsoo'jny jäts tmatoojjë't Salomón wyijy ayuujk, jäts pën miits ixyam yaj mka'amaajyëtë'p jawäänë nimëjj jä', kä' jä' Salomón myupaatyë.
Mëjjku'ujy tyumpë wyimpity
(Lc 11.24-26)
43Ku mëjjku'ujy tyumpë tu'uk jaa'y tniwa'atsy, tëtsta'aky itjötypyts jä' nyijkxy jäjpts tja'ijxta'ay tsyëënëtyaajk; kuts tkappaaty nits nya'y'awyinmay'ätyë: 44“Nit ku ëjts nwimpitt ntëjkëntüjpy maj ëjts jäjp tëj ntsoony,” Kuts jatu'kyaajjë jya'aty maj jäjp tsyoo'jny jäts tpaaty pe'ety jaaxy, kon'oyë konpaattë jäts nippën jäjp kyakkuttëjjkënë'm. 45Nits tsyoony jäts t'ajtswaamüky janiwixtujjk myuku'uk mati' oo'ktëytyë jäts tmëëtja'aty, nits jä' jaa'y oo'ktëy y'atë'ëtsy kä' y'ijjty nyë'në ku y'ijjty tu'ukë'm mëjjku'ujy tyumpë tyajtsëën'ätyë. Ninyajjts jyat'të't ya'at ka'oyjyaa'ytyëjjk.
Jesús tyaak mëët y'ütsytyëjjk
(Mr 3.31-35; Lc 8.19-21)
46Nijyäjp y'ijjty Jesús jaa'y tka'amay'ooky ku tyaak mëët y'ütsytyëjjk jya'atë, jäts y'ijjty myukkajpxwa'anyë. Jäjpyë'ts jä'yë tyantë tëjkwimpy, 47nits tu'uk jaa'y tnëëjmjaay Jesús:
—Ixijp tëjkwimpy mtaak mëët m'ütsytyëjjk m'ijxta'ayëtë, mijts mukkajpxwaajnë'p.
48Nits Jesús t'atsoowimpijjty jä' jaa'y:
—¿Pën ëjts ntaak'eepy n'ütsy'eepy?
49Nits y'ixpëjkpëttëjjk tnikkuu'm'ajjty jäts wyaany:
—Yë' ëjts ntaak'eepy n'ütsy'eepy. 50Jä'ku pënpën tkuytyump ëjts nTeety'ajjt tsajpjotmë't tsyojjkë'n, jä'äts ëjts n'ajjtsyë'p, n'ütsyë'p, ntaakë'p, ntsë'jë'p.
Айни замон обунашуда:
Mateo 12: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Mateo 12
12
Jesús y'ixpëjkpëttëjjk tsajpmoojk tkojjkjuut'të poo'kxë'nxëëw it
(Mr 2.23-28; Lc 6.1-5)
1Tu'kpoo'kxë'nxëëw it Jesús nyajjxy tsajpmokjotm. Tëj y'ijjty y'ixpëjkpëttëjjk yuuj pyaatyëtë nits tsajpmoojk tkojjkjuut'axajjtë jäts tjëë'kxtë tsajpmokpajjk. 2Kuts najj Fariseostëjjk t'ijxtë nits tnëëjmjäätyë Jesús:
—Tëj x'ijxy ku m'ixpëjkpëttëjjk tuntë mati' kappaajt'ajjtë'p yëktu'mp poo'kxë'nxëëw it.
3Nits Jesús y'atsoowimpijjty:
—¿Kä'änë'm miits nöky xwin'ijxtë maj jäjp myatya'aky ntsoj David y'atëëjtsy mëët myuku'uktëjjk ku yuuj pyaajtëtë? 4Tsajptijkypy jä' tyëjjk'eetyë nits tsajpkääky tkaytyë mati' y'ijjty jäjp tëj yëkyöxy, oyë'm jä' y'ijjty jyakappaat'ätyë tka'ytyë't, jä'ku teety jä' y'ijjty jä'yë paajt'ajjtëtë'p tkaytyë'p. 5¿Ok pawaa'n mati' Moisés jyaay maj jäjp yä'äny, oyë'm teety tyu'ntë't tsajptijkypy poo'kxë'nxëëw it kä' jä' pyökytyuntë? 6Ixyamts ëjts nnikkäjpxy jäts jäj yaj pën jawäänë mëjk kuttujjk tjakyäjpp, kä' jä' nyë'në kuttujjkë'n mati' tsajptëjjk pyawämpy. 7Kä'änë'mts miits xwinjawë ntsoj ya'at ayuujk wyimpitsemy mati' wamp: “Pa'ayoo'n ëjts ntsöjkypy myëk'it'të'p myëkjää'jëtë'p, kä' ëjts ntsöky tanë'ëk në'ëjpy xtawintsë'ëkkëtë't.” Ku tëj jyeexyë xwinjawëtë, kä'äts miits jyeexyë kyoojyë xniwampät'të jaa'y pën tyakkoo'ny kanajj'eepy. 8Ixyamts xnijawëtë't nits jäj naxwiinë'tjaa'y y'Uu'nk kuttujjkë'n tjakyepy jäts tyëknikuttukkë't tij yëktu'mp kayëktu'mp poo'kxë'nxëëw it.
Jesús tyëktso'oky tu'uk pa'amjaa'y poo'kxë'nxëëw it
(Mr 3.1-6; Lc 6.6-11)
9Nits Jesús tsyoo'në jäjp jäts nyijkxy maj jäjp jaa'y ka'amaa'yë'n ttayo'ymyuktë. 10Jäjpts y'ijjty tu'uk yaa'ytyëjjk mati' tëj tu'm'aajny kyë' xyujxnë; kum naa'mts jä' y'ijjty fariseostëjjk taay t'ijxta'atë jäts Jesús tnipajktsowëtë't, jakëjxts tyëktëëtë:
—¿Oy ku jaa'y nyëktsoojkë'n poo'kxë'nxëëw it ok kä'?
11Nits Jesús y'atsoowimpijjty:
—¿Ku miits nitu'ukë'n mworrekë kyunaxt nëjötypy poo'kxë'nxëëw it, kä' jä' jätyë xjuut'të't? 12¡Ntsots y'ijxë nkappa'ayoo'jë'n jaa'y mati' jawäänë mëjk yëknipayo'oy'eepy, kä' nyë'në worrekë! Ixyamts xnijawëtë jäts oyë'p ntuu'në'n y'oy'ajjtpë poo'kxë'nxëëw it.
13Nits Jesús tnëëjmjaay jä' pa'amjaa'y:
—Xajjtëw.
Nits jä' yaa'ytyëjjk xyajjtëëy, jäts kyë' yëkxon y'oy'ajjty. 14Kuts jäjp tsyoo'nëtë fariseostëjjk, nits tkäjpxyë'y'axajjtë ntsoj y'ijxë Jesús tyëk'ooktë't.
Yëk'ayuujknajxpëttëjjk y'aaw y'ayuujk kyuytyünyë
15Kuts Jesús najj tnijaa'w'ëëy, nits jäjp tsyoo'në, jäts nimay mëët jaa'y pyatsoo'jnë. Jäts Jesús nitukkë'yë y'ijjty pa'amjaa'y tyëktso'oky, 16nits tnëëjmë jäts katij nyimatya'akyë oymyaa'jë jaa'y akujjky. 17Najjts jä' kyuytyuujnë yëk'ayuujknajxpë Isaías y'ayuujk ku wyaany:
18«Ijxëtë ëjts ntumpë, pën ëjts tëj nwin'ijxy nwinway,
pën ëjts ntsöjkypy ntaxontäkypy.
Yë' ëjts nJaa'wë'n nmoypy,
jäts twaajnë't naajx kajjp y'oy'ajjtpë tyëy'ajjtpë.
19Nippën yë' tkamëëtnatsyiptunë't tkamëëtna'y'ojjë't;
nippën kyäjpxy y'ayuujk kyamatooxë't tuu'aajy.
20Kä' tyëkkutakko'yty mëykyojjk mati' tëj tyëjjnë
jäts kä' jëën tyëk'ookt mati' ontsoo'jë mëjj'eepynyë'm
kunë'm jä' yëk'ijxt wyinkä'äxt y'oy'ajjtpë tyëy'ajjtpë.
21Nits tukkë'yë naajx kajjp y'ajoojt'attë't.»
Jesús yëkmëjku'jymyuya'axy
(Mr 3.20-30; Lc 11.14-23; 12.10)
22Nits Jesús yëkta'anëjkx'ëëy tu'uk jaa'y mati' y'ijjty mëjjku'ujy tyumpë kayëk'ijxë'p kayëkkajpxë'p, jäts Jesús tyëk'ijxpëjjky tyëkkajpxpëjjky. 23Nits jaa'y attëy'ajat nyawyaajnëtë: «¿David yë' tsyaan kyoo?»
24Kuts fariseostëjjk najj tmatootë nits wyantë: «Mëjjku'ujy yë' mmoojyë'p mëjk'ajjtë'n jäts mëjjku'ujy tyumpë tyëkpitsë'mt.»
25Jäts Jesús nyijaa'w'eepy jä' y'ijjty ntsoj jä' jaa'y wyinmaytyë nits tnëëjmjaay: «Ku tu'uk mëjj'it mëjjkajjp nyawya'kxëtë't, kutakko'ypy jä', ok ku nyawya'kxëtë't tu'uk jëën tëjjk nakyutakoyëtë'p jä'. 26Najjts, ku mëjjku'ujy tum'akkë'm nyakpyitsemyëtë; ¿Ntsots y'ijxë kyuttujktaajk tjakyëk'it'të't? 27Kuts miits mwa'antë jäts mëjjku'ujy pyawaa'n këjxm ëjts mëjjku'ujy tyumpë nyëkpitsemy; kuu'mts jä' jyeexyë nyajjë, ¿Pënts miits m'ixpëjkpëttëjjk kyuttujjk yyëktuujnjäätyë'p jäts mëjjku'ujy tyumpë tyëkpitsë'mtë't? Kuts miits mwa'antë't jäts Yës Teety kyuttujjk yyëktuujnjäätyë'p jäts mnikkä'äjxjë'ëktë jäts nikoj miits mwinmaytyakkoytyë. 28Pën Yës Teety Jyaa'wë'n këjxm ëjts mëjjku'ujy tyumpë nyëkpitsemy, jäts nyikkä'äjxjë'ëky nits tëj Yës Teety kyuttujjkë'n yaj tsyoo'nta'aky.
29»¿Kä' mää'tspë tyëkkë't pën mëjk kuttëjjk nyakyuwa'anyë, nit ku jawyiin ttsu'mt tkuwëënt jä' kuttëjjk nitnë'mts jä' myaay pyëjkta'aky tmäätstë't.
30»Pënpën ëjts xkamëëtyo'oymyujkp, xmu'ampëjkp ëjts jä', pënts ëjts xkatämëëtpiimujkp xkatamëëtwaamujkp oo'ktëyts jä' twaawä'kxy tko'wä'kxy.
31»Jakëjxts ëjts miits nnëëjmëtë jäts myää'kxtüjkypy Yës Teety tukkë'yë jaa'y tyakkoo'ny ok tukkë'yë kya'oywyë mati' tyuntë'p kyajpxtë'p, kuts Jyaa'wë'n kyayëk'oytyijjt jä'äts kyamää'kxtukp. 32Myää'kxtukp Yës Teety ku naxwiinë'tjaa'y y'Uu'nk yëkka'oymyukkajpxt, pënts tka'oytyijjp Yës Teety Jyaa'wë'n kä'äts jä' tmää'kxtukt ixyam ok jatu'uk jüky'ajjt mati' mimp winkomp.
Tyëëm këjxm kepy yyëk'ijxë
(Lc 6.43-45)
33»Pën oynyaxkëjjxy tëëm'eepyë kepy nyi'ipyë oyts jä' tyëëmë't, pën kä'äts jä' oynyaxkëjjxy nyi'ipyë kä'ämts jä' oy tyëëmë't, tyëëm këjxm jä' kyä'äjxjë'ëky. 34¡Mati' miits mka'amaytyë'p najj yë' pya'amtüny naa'xkë'n tsaa'ny xtsu'ujtsë'n! ¿Ntsoj y'ijxë miits oy mka'ama'ytyë't, kä' miits m'oyjyaa'yëtë? Jä'ku mati' jäm am jotm jä'äts yëkkäjpxp yëkmatyakp. 35Jaa'y mati' oyjyaa'y, oyts jä' kyäjpxy myatya'aky, jä'ku oy jä' y'aw jyoojt, jäts pën ka'oyjyaa'y, tumkya'oywyë'ts jä' kyäjpxypy jä'ku jä' jäm y'am jyotm. 36Ixyamts ëjts nnikkäjpxy jäts tukkë'yë yëktakkumatookkëxtë't ka'oy'ayuujk mati'jäty tëj tkajpxtë ku jä' xëëw tpaatt maj jaa'y pyöky yëktappayo'oytyë't. 37Kë'm m'ayuujk xkumato'ot, jäts xtamata'aktë't ok xkatamata'aktë't.»
Jaa'y t'ijxwa'antë mëjj'ijxpäjjt
(Mr 8.12; Lc 11.29-32)
38Nitu'ukë'n fariseostëjjk mëët pawaa'n yëk'ixpëjkpëttëjjk tnëëjmjäätyë Jesús:
—Wintsën, mëjj'ijxpäjjt ëëts n'ijxwämpy mati' mijts mtümpy myëkkä'äjxje'kypy.
39Nits Jesús y'atsoojjëtë:
—Miits pökytyumpë jaa'ytyë, kä' miits Yës Teety tu'ukyë xmuttuntë, jäts xtsojk'atë'ëtstë x'ijxwa'antë nyëknikä'äjxjë'ëkt mëjj'ijxpäjjt; kä'äts miits tij x'ok'ijxnëtë't, jä' ijxpäjjt mwinjawëtë'p ntsoj yëk'ayuujknajxpë Jonás jyajjty. 40Najj naa'xkë'n Jonás tsyënaay tuwëëk xëëw tuwëëk tsuuj ajkxteety jyotm, ninyajjts naxwiinë'tjaa'y y'Uu'nk tuwëëk xëëw tuwëëk tsuuj y'itt naxpa'tke'py. 41Ku naajx kajjp tukkë'yë it naxwiin yëkwaamujkëxt nits Yës Teety tyëytyunëtë't, mëët Nínive'tjaa'y tnikkajpxpät'të't jäts miits jawäänë mëjk m'ayoo'npaat'të't, jä'ku jätyë jä' jaa'ytyë Yës Teety ttëyjyaa'w'eetyë ku Jonás kya'amaajyëtë, jäts pën miits ixyam yaj mka'amaajyëtë'p jawäänë nimëjj jä', kä' jä' Jonás myupaatyë. 42Ninyajj y'atë'ëtst yëkkuttujkpë to'oxytyëjjk mati' ttsoo'jn akaa'nytsyowë't it, jä' mëët tnikkajpxpätp jäts miits mëjk m'ayoo'npaat'të't, jä'ku jakkäm jä' tnitsoo'jny jäts tmatoojjë't Salomón wyijy ayuujk, jäts pën miits ixyam yaj mka'amaajyëtë'p jawäänë nimëjj jä', kä' jä' Salomón myupaatyë.
Mëjjku'ujy tyumpë wyimpity
(Lc 11.24-26)
43Ku mëjjku'ujy tyumpë tu'uk jaa'y tniwa'atsy, tëtsta'aky itjötypyts jä' nyijkxy jäjpts tja'ijxta'ay tsyëënëtyaajk; kuts tkappaaty nits nya'y'awyinmay'ätyë: 44“Nit ku ëjts nwimpitt ntëjkëntüjpy maj ëjts jäjp tëj ntsoony,” Kuts jatu'kyaajjë jya'aty maj jäjp tsyoo'jny jäts tpaaty pe'ety jaaxy, kon'oyë konpaattë jäts nippën jäjp kyakkuttëjjkënë'm. 45Nits tsyoony jäts t'ajtswaamüky janiwixtujjk myuku'uk mati' oo'ktëytyë jäts tmëëtja'aty, nits jä' jaa'y oo'ktëy y'atë'ëtsy kä' y'ijjty nyë'në ku y'ijjty tu'ukë'm mëjjku'ujy tyumpë tyajtsëën'ätyë. Ninyajjts jyat'të't ya'at ka'oyjyaa'ytyëjjk.
Jesús tyaak mëët y'ütsytyëjjk
(Mr 3.31-35; Lc 8.19-21)
46Nijyäjp y'ijjty Jesús jaa'y tka'amay'ooky ku tyaak mëët y'ütsytyëjjk jya'atë, jäts y'ijjty myukkajpxwa'anyë. Jäjpyë'ts jä'yë tyantë tëjkwimpy, 47nits tu'uk jaa'y tnëëjmjaay Jesús:
—Ixijp tëjkwimpy mtaak mëët m'ütsytyëjjk m'ijxta'ayëtë, mijts mukkajpxwaajnë'p.
48Nits Jesús t'atsoowimpijjty jä' jaa'y:
—¿Pën ëjts ntaak'eepy n'ütsy'eepy?
49Nits y'ixpëjkpëttëjjk tnikkuu'm'ajjty jäts wyaany:
—Yë' ëjts ntaak'eepy n'ütsy'eepy. 50Jä'ku pënpën tkuytyump ëjts nTeety'ajjt tsajpjotmë't tsyojjkë'n, jä'äts ëjts n'ajjtsyë'p, n'ütsyë'p, ntaakë'p, ntsë'jë'p.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.