मोत्ती 7
7
दुजै लै दोश निं लाणअ
(लूका 6:37,38,41,42)
1 “होरी लै दोश निं लाणअ, तै निं तम्हां लै बी दोश लागणअ अर नां तेते सज़ा पल़णीं भुगतणी। 2किल्हैकि ज़िहअ तम्हैं दुजै लै दोश लाआ, तिहअ ई दोश लागणअ तम्हां लै बी। ज़ेऊ ढाल़ै तम्हैं होरी संघै बर्ताअ करा तेऊ ढाल़ै हणअ तम्हां संघै बी बर्ताअ अर तम्हां भेटणअ होर बी खास्सअ।
3 “कहा होरी भाईए होछ़ी-होछ़ी गलती लोल़ै निं लागणअ! सह हणीं दुजे आछी दी पल़ी दी धख ज़ेही घाहे कणीं भाल़णें ज़ेही। पर आप्पू दैणीं भाल़णीं कि मुंह दी केतरी बडी गलती आसा। किल्हैकि आपणीं आछी दी पल़अ द निं ताखा शेटू बी शुझदअ।
4 “ज़ै तेरी आपणीं आछी ई आसा शेटू पल़अ द, तै किहअ करै सका तूह आपणैं भाई लै इहअ बोली, ‘एछ मेरै भाई हुंह काढूं तेरी आछी पल़ी दी घाहे कणीं पोर्ही?’
5 “हे कपटी मणछा, आपणीं आछी पल़अ द शेटू काढ पैहलै पोर्ही। तेखअ सका तूह आपणैं भाईए आछी दी पल़ी दी घाहे कणीं काढी।
6 “परमेशरो समाद निं तिन्नां का खोज़णअ ज़ुंण शुणनअ निं च़ाहंदै। ज़ै तम्हैं इहअ करे, सह हणीं एही गल्ल कि पबित्र च़िज़ा शोटी कुक्करा आजू या मोती शोटै सुंगरा आजू। तिन्नां पाणै तिंयां जैंटी अर तेते बदल़ै एछणैं तिंयां तम्हां खांदै ठुर्ही।
ज़ुंण बी मांगे सह भेटणअ
(लूका 11:9-13)
7 “मांगदै रहा लागी, तै जाणीं तम्हां सह गल्ल भेटी ज़ेता तम्हैं मांगा। दुआरा रहा टोक्कदै लागी अर सह दुआर जाणअ तम्हां लै खुल्ही। 8किल्हैकि ज़ुंण मांगा, तेऊ भेटा अर ज़ुंण लोल़अ लागा, तेऊ बी भेटा अर ज़ुंण दुआर टोक्का, तेऊ लै खुल्हा दुआर।
9 “तम्हां मांझ़ै इहअ कुंण आसा कि तेऊओ शोहरू मांगा रोटी, अर सह दैआ आपणैं तेऊ शोहरू लै पात्थर? 10ज़ै तेऊओ शोहरू म्हाछ़ली मांगा, पर सह दैआ तेऊए हाथै दानअ?
11 “ज़ै तम्हैं बूरै हई बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाब परमेशर आपणैं मांगणै आल़ै लै राम्बल़ी च़िज़ा किल्है निं दैई सकदअ?#7:11 लूक. 11:13 12ठीक इहअ ई, ज़िहअ तम्हैं च़ाहा कि होर मणछ तम्हां संघै करे, तम्हैं बी करा तिन्नां संघै तिहअ ई। परमेशरे गूरै बी आसा बधाना दी ईंयां ई ज्ञैन खोज़ै दै।
घाटी अर खुल्ही बात
(लूका 13:24)
13 “परमेशरा सेटा स्वर्गै डेऊणा लै आसा बडी सांगल़ी बात अर सोभी लागा तैहा बाता डेऊणअ। होर बात बी आसा ज़ेथ खास्सै मणछ डेओआ। सह बात आसा खुल्ही। तिंयां रहा तैहा बाता तेभै तैणीं हांढदै लागी ज़ेभै तैणीं तिंयां खुल्ही प्रऊल़ी सेटा निं पुजा, पर सह पजैल़ा बनाश करी जम्परी। खास्सै मणछ पेठा तैहा ई प्रऊल़ी बाती। 14सह प्रऊल़ आसा सांगल़ी अर सह आसा बडी कठण बात ज़ुंण ज़िन्दगी दी पजैल़ा, पर तेस्सी बाती डेओआ थोल़ै।
ज़िहअ बूट तिहअ फल़
(लूका 6:43,44,46; 13:25-27)
15 “झ़ुठै गूरा का रहै चतैन, तिंयां एछा भेडे भेश बणाईं तम्हां सेटा लै। पर भितरी हआ तिंयां धेल़णै-च़िरनैं आल़ै रुहलै।#7:15 एज. 22:27 16तिन्नां सका तम्हैं तिन्नें कामां का बछ़ैणीं। किल्हैकि हिंहरे कांडै दी दाख अर झ़िंझ़रै दी फेडू निं लागदै!
17 “ठीक इहअ ई हर एक राम्बल़अ बूट दैआ राम्बल़अ फल़ अर निक्कअ दैआ निक्कअ फल़। 18तिहअ ई राम्बल़अ बूट निं कधि निक्कअ फल़ दैंदअ। निक्कअ बूट निं कधि राम्बल़अ फल़ दैई सकदअ।
19 “ज़ुंण बूट राम्बल़अ फल़ नांईं दैंदअ, सह पाणअ काटी अर सह दहणअ झ़ुका लै। 20इहअ करै सका तम्हैं तिन्नें फल़ा करै तिन्नां बछ़ैणीं।
शुचै च़ेल्लै
21 “ज़ुंण मुल्है हे प्रभू, हे प्रभू करा, तिन्नां मांझ़ै निं हर कोई स्वर्गे राज़ा दी डेऊणअ। पर स्वर्गै डेऊणअ सह ज़ुंण तिहअ करे ज़िहअ थारअ बाब परमेशर च़ाहा।
22 “तैहा धैल़ी बोल़णअ कई लोगा मुल्है कि हे प्रभू, हे प्रभू, हाम्हैं कै तेरै नाओंऐं आजू हणैं आल़ी गल्ला प्रगट निं किई? हाम्हैं कै तेरै नाओंऐं भूत निं दरल़ाऊऐ अर हाम्हैं तेरै नाओंऐं खास्सै स्वर्गे नछ़ैण अर च़मत्कार निं किऐ?
23 “तेभै बोल़णअ मुंह तिन्नां लै साफ-साफ कि हुंह निं तम्हां कधि बछ़ैणदअ, ओ कदुष्ट काम करनै आल़ै पापी मणछो मुंह सेटा का डेओआ दूर।#7:23 लूक. 13:27
घअरा बणाणैं आल़ै दूई मणछ, समझ़कार अर ऐडअ
(लूका 6:47-49)
24 “तैही बोला हुंह ज़ुंण मेरी गल्ला शूणीं तिन्नां मने, सह हणअ तेऊ समझ़कार मणछा ज़िहअ, ज़ुंण आपणअ घअर पाक्कै शाफल़ा प्रैंदै पाक्की ज़ैगा बणाआं। 25ज़ांऊं बरसात आई, ढिश-बागर च़ली, पाणींए गाडा-नाल़ी आई। तेऊ घअरा दी लागै बडै-बडै ढेसै। पर सह घअर निं ढूल़अ। किल्हैकि तेते आथरी थिई पाक्की ज़ैगा।
26 “पर ज़ुंण मेरी इना गल्ला शूणां अर नांईं मंदअ आथी, सह हणअ तेऊ ऐडै मणछा ज़िहअ ज़ुंणी आपणअ घअर रेता प्रैंदै बणाअं। 27ज़ांऊं बरसात आई, ढिश-बागर च़ली, अर गाडा-नाल़ी आई। तेऊ घअरा दी लागी धख ज़ेही ढेस, सह घअर हुअ ढूल़ी करै बरैबाद।”
28ज़ांऊं ईशू इना गल्ला बोली मुक्कअ, तिधी थिऐ खास्सै मणछ, तिंयां हुऐ रहैन। 29किल्हैकि सह निं शास्त्री फरीसी मणछा ज़ेही शिक्षा दैंदअ ज़ुंण लोगा का बधाने तिन्नां गल्ला खोज़ा तै भिई-भिई ज़ुंण पैहलै होरी आसा बोली दी पर सह दैआ त इहै गूरू ज़ेही शिक्षा ज़ेतो तेऊ हक अर आप्पू का थोघ हआ त।
Айни замон обунашуда:
मोत्ती 7: OSJ
Лаҳзаҳои махсус
Нусха
Муқоиса
Паҳн кунед
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
मोत्ती 7
7
दुजै लै दोश निं लाणअ
(लूका 6:37,38,41,42)
1 “होरी लै दोश निं लाणअ, तै निं तम्हां लै बी दोश लागणअ अर नां तेते सज़ा पल़णीं भुगतणी। 2किल्हैकि ज़िहअ तम्हैं दुजै लै दोश लाआ, तिहअ ई दोश लागणअ तम्हां लै बी। ज़ेऊ ढाल़ै तम्हैं होरी संघै बर्ताअ करा तेऊ ढाल़ै हणअ तम्हां संघै बी बर्ताअ अर तम्हां भेटणअ होर बी खास्सअ।
3 “कहा होरी भाईए होछ़ी-होछ़ी गलती लोल़ै निं लागणअ! सह हणीं दुजे आछी दी पल़ी दी धख ज़ेही घाहे कणीं भाल़णें ज़ेही। पर आप्पू दैणीं भाल़णीं कि मुंह दी केतरी बडी गलती आसा। किल्हैकि आपणीं आछी दी पल़अ द निं ताखा शेटू बी शुझदअ।
4 “ज़ै तेरी आपणीं आछी ई आसा शेटू पल़अ द, तै किहअ करै सका तूह आपणैं भाई लै इहअ बोली, ‘एछ मेरै भाई हुंह काढूं तेरी आछी पल़ी दी घाहे कणीं पोर्ही?’
5 “हे कपटी मणछा, आपणीं आछी पल़अ द शेटू काढ पैहलै पोर्ही। तेखअ सका तूह आपणैं भाईए आछी दी पल़ी दी घाहे कणीं काढी।
6 “परमेशरो समाद निं तिन्नां का खोज़णअ ज़ुंण शुणनअ निं च़ाहंदै। ज़ै तम्हैं इहअ करे, सह हणीं एही गल्ल कि पबित्र च़िज़ा शोटी कुक्करा आजू या मोती शोटै सुंगरा आजू। तिन्नां पाणै तिंयां जैंटी अर तेते बदल़ै एछणैं तिंयां तम्हां खांदै ठुर्ही।
ज़ुंण बी मांगे सह भेटणअ
(लूका 11:9-13)
7 “मांगदै रहा लागी, तै जाणीं तम्हां सह गल्ल भेटी ज़ेता तम्हैं मांगा। दुआरा रहा टोक्कदै लागी अर सह दुआर जाणअ तम्हां लै खुल्ही। 8किल्हैकि ज़ुंण मांगा, तेऊ भेटा अर ज़ुंण लोल़अ लागा, तेऊ बी भेटा अर ज़ुंण दुआर टोक्का, तेऊ लै खुल्हा दुआर।
9 “तम्हां मांझ़ै इहअ कुंण आसा कि तेऊओ शोहरू मांगा रोटी, अर सह दैआ आपणैं तेऊ शोहरू लै पात्थर? 10ज़ै तेऊओ शोहरू म्हाछ़ली मांगा, पर सह दैआ तेऊए हाथै दानअ?
11 “ज़ै तम्हैं बूरै हई बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाब परमेशर आपणैं मांगणै आल़ै लै राम्बल़ी च़िज़ा किल्है निं दैई सकदअ?#7:11 लूक. 11:13 12ठीक इहअ ई, ज़िहअ तम्हैं च़ाहा कि होर मणछ तम्हां संघै करे, तम्हैं बी करा तिन्नां संघै तिहअ ई। परमेशरे गूरै बी आसा बधाना दी ईंयां ई ज्ञैन खोज़ै दै।
घाटी अर खुल्ही बात
(लूका 13:24)
13 “परमेशरा सेटा स्वर्गै डेऊणा लै आसा बडी सांगल़ी बात अर सोभी लागा तैहा बाता डेऊणअ। होर बात बी आसा ज़ेथ खास्सै मणछ डेओआ। सह बात आसा खुल्ही। तिंयां रहा तैहा बाता तेभै तैणीं हांढदै लागी ज़ेभै तैणीं तिंयां खुल्ही प्रऊल़ी सेटा निं पुजा, पर सह पजैल़ा बनाश करी जम्परी। खास्सै मणछ पेठा तैहा ई प्रऊल़ी बाती। 14सह प्रऊल़ आसा सांगल़ी अर सह आसा बडी कठण बात ज़ुंण ज़िन्दगी दी पजैल़ा, पर तेस्सी बाती डेओआ थोल़ै।
ज़िहअ बूट तिहअ फल़
(लूका 6:43,44,46; 13:25-27)
15 “झ़ुठै गूरा का रहै चतैन, तिंयां एछा भेडे भेश बणाईं तम्हां सेटा लै। पर भितरी हआ तिंयां धेल़णै-च़िरनैं आल़ै रुहलै।#7:15 एज. 22:27 16तिन्नां सका तम्हैं तिन्नें कामां का बछ़ैणीं। किल्हैकि हिंहरे कांडै दी दाख अर झ़िंझ़रै दी फेडू निं लागदै!
17 “ठीक इहअ ई हर एक राम्बल़अ बूट दैआ राम्बल़अ फल़ अर निक्कअ दैआ निक्कअ फल़। 18तिहअ ई राम्बल़अ बूट निं कधि निक्कअ फल़ दैंदअ। निक्कअ बूट निं कधि राम्बल़अ फल़ दैई सकदअ।
19 “ज़ुंण बूट राम्बल़अ फल़ नांईं दैंदअ, सह पाणअ काटी अर सह दहणअ झ़ुका लै। 20इहअ करै सका तम्हैं तिन्नें फल़ा करै तिन्नां बछ़ैणीं।
शुचै च़ेल्लै
21 “ज़ुंण मुल्है हे प्रभू, हे प्रभू करा, तिन्नां मांझ़ै निं हर कोई स्वर्गे राज़ा दी डेऊणअ। पर स्वर्गै डेऊणअ सह ज़ुंण तिहअ करे ज़िहअ थारअ बाब परमेशर च़ाहा।
22 “तैहा धैल़ी बोल़णअ कई लोगा मुल्है कि हे प्रभू, हे प्रभू, हाम्हैं कै तेरै नाओंऐं आजू हणैं आल़ी गल्ला प्रगट निं किई? हाम्हैं कै तेरै नाओंऐं भूत निं दरल़ाऊऐ अर हाम्हैं तेरै नाओंऐं खास्सै स्वर्गे नछ़ैण अर च़मत्कार निं किऐ?
23 “तेभै बोल़णअ मुंह तिन्नां लै साफ-साफ कि हुंह निं तम्हां कधि बछ़ैणदअ, ओ कदुष्ट काम करनै आल़ै पापी मणछो मुंह सेटा का डेओआ दूर।#7:23 लूक. 13:27
घअरा बणाणैं आल़ै दूई मणछ, समझ़कार अर ऐडअ
(लूका 6:47-49)
24 “तैही बोला हुंह ज़ुंण मेरी गल्ला शूणीं तिन्नां मने, सह हणअ तेऊ समझ़कार मणछा ज़िहअ, ज़ुंण आपणअ घअर पाक्कै शाफल़ा प्रैंदै पाक्की ज़ैगा बणाआं। 25ज़ांऊं बरसात आई, ढिश-बागर च़ली, पाणींए गाडा-नाल़ी आई। तेऊ घअरा दी लागै बडै-बडै ढेसै। पर सह घअर निं ढूल़अ। किल्हैकि तेते आथरी थिई पाक्की ज़ैगा।
26 “पर ज़ुंण मेरी इना गल्ला शूणां अर नांईं मंदअ आथी, सह हणअ तेऊ ऐडै मणछा ज़िहअ ज़ुंणी आपणअ घअर रेता प्रैंदै बणाअं। 27ज़ांऊं बरसात आई, ढिश-बागर च़ली, अर गाडा-नाल़ी आई। तेऊ घअरा दी लागी धख ज़ेही ढेस, सह घअर हुअ ढूल़ी करै बरैबाद।”
28ज़ांऊं ईशू इना गल्ला बोली मुक्कअ, तिधी थिऐ खास्सै मणछ, तिंयां हुऐ रहैन। 29किल्हैकि सह निं शास्त्री फरीसी मणछा ज़ेही शिक्षा दैंदअ ज़ुंण लोगा का बधाने तिन्नां गल्ला खोज़ा तै भिई-भिई ज़ुंण पैहलै होरी आसा बोली दी पर सह दैआ त इहै गूरू ज़ेही शिक्षा ज़ेतो तेऊ हक अर आप्पू का थोघ हआ त।
Айни замон обунашуда:
:
Лаҳзаҳои махсус
Нусха
Муқоиса
Паҳн кунед
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.