Maak 9
9
1Anye amaanyʌñ abo ammọ ate: “Ami ntañ akpanikọ inọ ndufo, usʌk mbon e-edaaha mi idiikpaññake mbemiso ammọ ekịt naña abioubọọñ Abasi adi ke adudu.”
Ukpəho Uduud
2Ke usen itiokeed amaakeboiyo Yisọs amaadat Pita, Yems ye Yọọn adọọk anyọñ ñkoñ-ñkoñ abod, a-ammọ ekebañña do ikpọọñ. Ke ndo Yisọs amaakpəho uduud ke iso ammọ. 3Afọñidem amọ amaakappa ado mmịreñ-mmịreñ, ayamma, afia akan naña awo ndomokeed ke ederimbod akpekan anam anye afia. 4Ndin Elaiya ye Moses emaewuọ efonno, editañ ikọ ye Yisọs.
5Pita amaabo Yisọs ate, “Andikpeeb, afọn ñnyịn adiba mi. Yak ñnyịn ibọp atayad ita, keed unie fiin, keed anie Moses, keed anie Elaiya.” 6(Anye ikidiọọñọke se akpetañ, sia ndịk amaamʌm ammọ eti-eti.)
7Ndin ntọñanyọñ amaawuọ afʌk ammọ, ndin uyio amaato ke ntọñanyọñ ado ate, “Anye ami ado Ayịn mmi, a-ami mmaaha. Ikpañ utọñ inọ anye!”
8Ke ndo-ndo ado, ammọ ekekanna anyen eseet, ammọ ikikịtte awo ndomokeed aba, ibọhọke Yisọs.
9Idaha a-ammọ ekesọiyọke ke abod ado, Yisọs amaadʌt ammọ utọñ ate ammọ ekuutañ unọọ awo ndomokeed se ekekịt tutu Ayịn Awo aset ke ñkpa. 10Ammọ emaemʌm ñkpọ ami ekama ke atu idem ammọ; ado emaeka iso eneme ke atu ammọ se “adised ke ñkpa” awuọñọ.
11Ammọ emaebịp anye ete, “Ntak a-mme andikpeeb mbed ebooho ke ana Elaiya abem iso adi-e?”
12Yisọs amaabọọrọ, “Ke aditʌm ntañ, Elaiya a-adidi, anyʌñ adineeñe afịd ñkpọ abono. Ntak e-ewette ndin ke ana Ayịn Awo abọ akpọsọñ ufen, enyʌñ esịn anye-e? 13Ado ami ntañ inọ ndufo, Elaiya a-adidi, ndin ammọ enam anye afịd ñkpọ se ammọ ekeduaduak ukem naña ekewet ebaña anye.”
Yisọs Akọk Etəkayịn Awodeen a-Anieghe Ndedeghe Sịbidịd
14Ke ammọ emaekedisoobo ye mme mbed mbon ako, ammọ emaekịt nte atu awo ekanna ammọ ekʌk ye mme andikpeeb mbed nte esʌk efaaña mfaaña ye ammọ. 15Ke ndo-ndo ado afịd awo ekekịtte Yisọs, idem amaakpa ammọ eti-eti, ndin ammọ emaefeeñe ekekọọm anye.
16Anye amaabịp ammọ ate, “Nsoo ke ndufo efaaña ye ammọ ebaña?”
17Awo keed ke atu ado amaabọọrọ ate, “Andikpeeb, ami ñkedat ayịn mmi a-ndedeghe sịbidịd imiiyakka atañ ikọ ndi. 18Sịbidịd ado amaadịppe anye, asitop anye aduọọk ke isọñ. Efuud awuọñọ anye ke inua, anye ata eded, ndin idem amọ akappa asọọñ, anen. Ami mmaabo mme mbed mfo ebịn sịbidịd ami esio, ado ammọ ikikanna.”
19Yisọs amaabọọrọ ate, “O emana unana mbuọdidem. Ami ndiiba ye ndufo ñkpeene die? Ami ndiiyọ ndufo nọ akpeene die? Ben ayịn akparawa ado nsọk.”
20Ammọ emaeben ayịn ami esọk anye. Ke ini sịbidịd ami akekịtte Yisọs, amaanam ndukpi adịppe ayịn ami. Anye amaaduọ ke isọñ, amiañña, efuud anyʌñ awuọñọ anye ke inua.
21Yisọs amaabịp ete ayịn ami ate, “Akpeene die ayịn ami akeba ntom?”
Ete ayịn amaabọọrọ ate, “Tọọñọ ke uyịn.” 22Amaadịppe anye, asitop anye asịn ke ikañ me mmọọñ nọ awot anye. Akpekan anie se anam, itua ñnyịn mbọm nyʌñ inyaaña ñnyịn.
23Yisọs amaabo anye ate, “Awuọñọ die afo adibo ‘akpekan?’ Afịd ñkpọ akeme itịppe nnọọ awo a-anịmme ke akpanikọ.”
24Idaha-idaha ado, ete ayịn ami amaatañ anwa-anwa ate, “Ami mmenịm ke akpanikọ. Ñnwam miin nọ ñkan unana mbuọdidem mmi!”
25Ke ini Yisọs akekịtte ke atu awo efeeñe edi edise se itịppe, anye amaawuuk ndedeghe sịbidịd ate, “Afo sịbidịd inan ye imuum, ami mmuwuuk fiin, wuọ ke idem ayịn ami, kuunyʌñ utịmme udʌk anye idem aba.”
26Idiọọk sịbidịd ami amaabọọñ ñkpo, atop ayịn ami atọ ke isọñ, anyʌñ awuọ. Ayịn ami amaakappa aba nte awo ñkpa, anam uwak awo emaebo, “Anye a-akpa.” 27Ado Yisọs amaamʌm anye ke ubọk anyʌñ adịppe anye, ndin anye amaadakka ada.
28Ke Yisọs amaakedʌk esịd ufọk, mme mbed amọ emaebịp anye ke ndịbe ete, “Nsoo ikiido ntak a-ñnyịn mmiikikanna ibịn ndedeghe sịbidịd ami isio?”
29Yisọs amaabọọrọ ate, “Edat akam ye utreudia esio utọ anye ami.#9:29 Usʌk mme ikpañwed ewet, akam ye utreudia”
Yisọs Atañ Abaña Ñkpa Amọ Ayọhọ Akañ Iba
30Ammọ emaekpọñ ndo enyʌñ esaña eboiyo ke Kalili. Yisọs ikiyemme awo ndomokeed adiọọñọ nte ammọ eba, 31sia anye akekpeep mme mbed amọ ñkpọ. Anye amaabo ammọ ate, “Eyaetap Ayịn Awo eyaak esịn ke ubọk mbon awo. Ammọ eyaewot anye, ndin ke usen ita amaaboiyo, anye ayaaset.” 32Ado ikinwañake ammọ se anye aketañ, kpayeado ammọ emaekop ndịk adibịp anye.
33Ammọ emaedidʌk Kapanum. Ke ini anye akebaaha ke esịd ufọk, anye amaabịp ammọ ate, “Nsoo mfaaña ke ndufo ekefaaña ke idaha e-ekesañake ke usʌñ?” 34Ammọ emaedobo sia ammọ ekefaaña ebaña me anie ke atu ammọ ido andikpon ñkan.
35Yisọs amaasuuk atie akoot mme mbed amọ duob mme iba ate, “Awo a-ayemme adido akpa ana akappa ado akpatre ye ayịnufọk afịd awo.”
36Anye amaaben etəkayịn adaaha ke ufọọd ammọ. Ke amaakeben ayịn ado akama ke ubọk, anye amaabo ammọ ate, 37“Awo akeedodo a-adaarake etəkayịn ntom ke anyịñ mmi andaara miin; ñko awo akeedodo andaarake miin, idooho ami ke anye adaara, ado adaara andikindọñ miin.”
Awo Akeedodo i-Imiibiọọñọke Ñnyịn Ado Ake Ñnyịn
38Yọọn amaabo Yisọs ate: “Andikpeeb, ñnyịn imaikịt awo naña adat anyịñ mfo abịn mme dimọn asio, ndin ñnyịn imaikpan anye sia anye idooho keed ke atu ñnyịn.”
39Yisọs amaabo, “Kuukpan anye. Sia ibaaha awo ndomokeed a-anamma utịppeñkpọ ke anyịñ mmi a-akemeke ke etək ini ikanna ntañ idiọọk ikọ imbaña miin. 40Ndin awo akeedodo i-imiibiọọñọke ñnyịn ada ye ñnyịn. 41Ke akpanikọ ke ntañ inọọ ndufo, awo akeedodo i-inọọhọ ndufo kọọb mmọọñ keed ke anyịñ mmi, sia ndufo edoñño ake Krais, idiikemekekeme iduọọk utịb amọ.”
Adinam Awo Aduọ
42 “Awo akpedo ñkpọiduọ anọ keed ke atu ntəkayịn ami e-ennịmme miin ke akpanikọ, akpaafọn ekpekọọñ anye ekamba itiad ke itọñ enyʌñ etop anye esịn ke akpainyañ. 43Adieke ubọk mfo adooho ñkpọiduọ unọọ fiin, kpịkke anye duọọk. A-afọn afo adinie nsi-nsi uwem ye ubọk keed akan afo adikama ubọk mfo iba ndʌk nsi-nsi nsobo, itie i-ikañ inịmeke ke nsi-nsi, [44ke itie
“ ‘ake utʌñ a-ataaha ammọ imiikpaññake,
ikañ ñko imiinịmeke.’]#9:44 Usʌk mme ikpañwed esịn mme ikọ atooho Maak 9:48
45 Ñko, adieke ukod mfo keed adooho ñkpọiduọ unọọ fiin, kpịkke anye sio. A-afọn afo adidʌk uwem ke abioubọọñ nte mbʌñọ akan afo adisaña ñkpad iba ado utop fiin esịn ke nsi-nsi ikañ, [46ke itie
“ ‘ake utʌñ a-ataaha ammọ imiikpaññake,
ikañ ñko imiinịmeke.’]#9:46 Usʌk mme ikpañwed esịn mme ikọ atooho Maak 9:48
47 Ñko, adieke anyen mfo adooho ñkpọiduọ unọọ fiin, kappa anye sio. Sia a-afọn afo adidʌk abioubọọñ Abasi ye anyen keed akan afo adisaña ye anyen iba ñkedʌk nsi-nsi ikañ, 48ke itie
“ ‘ake utʌñ a-ataaha ammọ imiikpaññake,
ikañ ñko inyʌññọ inịme.’
49 Eyaedomo afịd awo ke ikañ nte inʌñ.
50 “Inʌñ a-afọn, ado adieke anye imiinieghe inem aba, afo akeme die adinam nọ anye amaana anem? Inie inʌñ ke idem ndufo, inyʌñ iba ke emem ye emọ-emọ.”
Айни замон обунашуда:
Maak 9: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maak 9
9
1Anye amaanyʌñ abo ammọ ate: “Ami ntañ akpanikọ inọ ndufo, usʌk mbon e-edaaha mi idiikpaññake mbemiso ammọ ekịt naña abioubọọñ Abasi adi ke adudu.”
Ukpəho Uduud
2Ke usen itiokeed amaakeboiyo Yisọs amaadat Pita, Yems ye Yọọn adọọk anyọñ ñkoñ-ñkoñ abod, a-ammọ ekebañña do ikpọọñ. Ke ndo Yisọs amaakpəho uduud ke iso ammọ. 3Afọñidem amọ amaakappa ado mmịreñ-mmịreñ, ayamma, afia akan naña awo ndomokeed ke ederimbod akpekan anam anye afia. 4Ndin Elaiya ye Moses emaewuọ efonno, editañ ikọ ye Yisọs.
5Pita amaabo Yisọs ate, “Andikpeeb, afọn ñnyịn adiba mi. Yak ñnyịn ibọp atayad ita, keed unie fiin, keed anie Moses, keed anie Elaiya.” 6(Anye ikidiọọñọke se akpetañ, sia ndịk amaamʌm ammọ eti-eti.)
7Ndin ntọñanyọñ amaawuọ afʌk ammọ, ndin uyio amaato ke ntọñanyọñ ado ate, “Anye ami ado Ayịn mmi, a-ami mmaaha. Ikpañ utọñ inọ anye!”
8Ke ndo-ndo ado, ammọ ekekanna anyen eseet, ammọ ikikịtte awo ndomokeed aba, ibọhọke Yisọs.
9Idaha a-ammọ ekesọiyọke ke abod ado, Yisọs amaadʌt ammọ utọñ ate ammọ ekuutañ unọọ awo ndomokeed se ekekịt tutu Ayịn Awo aset ke ñkpa. 10Ammọ emaemʌm ñkpọ ami ekama ke atu idem ammọ; ado emaeka iso eneme ke atu ammọ se “adised ke ñkpa” awuọñọ.
11Ammọ emaebịp anye ete, “Ntak a-mme andikpeeb mbed ebooho ke ana Elaiya abem iso adi-e?”
12Yisọs amaabọọrọ, “Ke aditʌm ntañ, Elaiya a-adidi, anyʌñ adineeñe afịd ñkpọ abono. Ntak e-ewette ndin ke ana Ayịn Awo abọ akpọsọñ ufen, enyʌñ esịn anye-e? 13Ado ami ntañ inọ ndufo, Elaiya a-adidi, ndin ammọ enam anye afịd ñkpọ se ammọ ekeduaduak ukem naña ekewet ebaña anye.”
Yisọs Akọk Etəkayịn Awodeen a-Anieghe Ndedeghe Sịbidịd
14Ke ammọ emaekedisoobo ye mme mbed mbon ako, ammọ emaekịt nte atu awo ekanna ammọ ekʌk ye mme andikpeeb mbed nte esʌk efaaña mfaaña ye ammọ. 15Ke ndo-ndo ado afịd awo ekekịtte Yisọs, idem amaakpa ammọ eti-eti, ndin ammọ emaefeeñe ekekọọm anye.
16Anye amaabịp ammọ ate, “Nsoo ke ndufo efaaña ye ammọ ebaña?”
17Awo keed ke atu ado amaabọọrọ ate, “Andikpeeb, ami ñkedat ayịn mmi a-ndedeghe sịbidịd imiiyakka atañ ikọ ndi. 18Sịbidịd ado amaadịppe anye, asitop anye aduọọk ke isọñ. Efuud awuọñọ anye ke inua, anye ata eded, ndin idem amọ akappa asọọñ, anen. Ami mmaabo mme mbed mfo ebịn sịbidịd ami esio, ado ammọ ikikanna.”
19Yisọs amaabọọrọ ate, “O emana unana mbuọdidem. Ami ndiiba ye ndufo ñkpeene die? Ami ndiiyọ ndufo nọ akpeene die? Ben ayịn akparawa ado nsọk.”
20Ammọ emaeben ayịn ami esọk anye. Ke ini sịbidịd ami akekịtte Yisọs, amaanam ndukpi adịppe ayịn ami. Anye amaaduọ ke isọñ, amiañña, efuud anyʌñ awuọñọ anye ke inua.
21Yisọs amaabịp ete ayịn ami ate, “Akpeene die ayịn ami akeba ntom?”
Ete ayịn amaabọọrọ ate, “Tọọñọ ke uyịn.” 22Amaadịppe anye, asitop anye asịn ke ikañ me mmọọñ nọ awot anye. Akpekan anie se anam, itua ñnyịn mbọm nyʌñ inyaaña ñnyịn.
23Yisọs amaabo anye ate, “Awuọñọ die afo adibo ‘akpekan?’ Afịd ñkpọ akeme itịppe nnọọ awo a-anịmme ke akpanikọ.”
24Idaha-idaha ado, ete ayịn ami amaatañ anwa-anwa ate, “Ami mmenịm ke akpanikọ. Ñnwam miin nọ ñkan unana mbuọdidem mmi!”
25Ke ini Yisọs akekịtte ke atu awo efeeñe edi edise se itịppe, anye amaawuuk ndedeghe sịbidịd ate, “Afo sịbidịd inan ye imuum, ami mmuwuuk fiin, wuọ ke idem ayịn ami, kuunyʌñ utịmme udʌk anye idem aba.”
26Idiọọk sịbidịd ami amaabọọñ ñkpo, atop ayịn ami atọ ke isọñ, anyʌñ awuọ. Ayịn ami amaakappa aba nte awo ñkpa, anam uwak awo emaebo, “Anye a-akpa.” 27Ado Yisọs amaamʌm anye ke ubọk anyʌñ adịppe anye, ndin anye amaadakka ada.
28Ke Yisọs amaakedʌk esịd ufọk, mme mbed amọ emaebịp anye ke ndịbe ete, “Nsoo ikiido ntak a-ñnyịn mmiikikanna ibịn ndedeghe sịbidịd ami isio?”
29Yisọs amaabọọrọ ate, “Edat akam ye utreudia esio utọ anye ami.#9:29 Usʌk mme ikpañwed ewet, akam ye utreudia”
Yisọs Atañ Abaña Ñkpa Amọ Ayọhọ Akañ Iba
30Ammọ emaekpọñ ndo enyʌñ esaña eboiyo ke Kalili. Yisọs ikiyemme awo ndomokeed adiọọñọ nte ammọ eba, 31sia anye akekpeep mme mbed amọ ñkpọ. Anye amaabo ammọ ate, “Eyaetap Ayịn Awo eyaak esịn ke ubọk mbon awo. Ammọ eyaewot anye, ndin ke usen ita amaaboiyo, anye ayaaset.” 32Ado ikinwañake ammọ se anye aketañ, kpayeado ammọ emaekop ndịk adibịp anye.
33Ammọ emaedidʌk Kapanum. Ke ini anye akebaaha ke esịd ufọk, anye amaabịp ammọ ate, “Nsoo mfaaña ke ndufo ekefaaña ke idaha e-ekesañake ke usʌñ?” 34Ammọ emaedobo sia ammọ ekefaaña ebaña me anie ke atu ammọ ido andikpon ñkan.
35Yisọs amaasuuk atie akoot mme mbed amọ duob mme iba ate, “Awo a-ayemme adido akpa ana akappa ado akpatre ye ayịnufọk afịd awo.”
36Anye amaaben etəkayịn adaaha ke ufọọd ammọ. Ke amaakeben ayịn ado akama ke ubọk, anye amaabo ammọ ate, 37“Awo akeedodo a-adaarake etəkayịn ntom ke anyịñ mmi andaara miin; ñko awo akeedodo andaarake miin, idooho ami ke anye adaara, ado adaara andikindọñ miin.”
Awo Akeedodo i-Imiibiọọñọke Ñnyịn Ado Ake Ñnyịn
38Yọọn amaabo Yisọs ate: “Andikpeeb, ñnyịn imaikịt awo naña adat anyịñ mfo abịn mme dimọn asio, ndin ñnyịn imaikpan anye sia anye idooho keed ke atu ñnyịn.”
39Yisọs amaabo, “Kuukpan anye. Sia ibaaha awo ndomokeed a-anamma utịppeñkpọ ke anyịñ mmi a-akemeke ke etək ini ikanna ntañ idiọọk ikọ imbaña miin. 40Ndin awo akeedodo i-imiibiọọñọke ñnyịn ada ye ñnyịn. 41Ke akpanikọ ke ntañ inọọ ndufo, awo akeedodo i-inọọhọ ndufo kọọb mmọọñ keed ke anyịñ mmi, sia ndufo edoñño ake Krais, idiikemekekeme iduọọk utịb amọ.”
Adinam Awo Aduọ
42 “Awo akpedo ñkpọiduọ anọ keed ke atu ntəkayịn ami e-ennịmme miin ke akpanikọ, akpaafọn ekpekọọñ anye ekamba itiad ke itọñ enyʌñ etop anye esịn ke akpainyañ. 43Adieke ubọk mfo adooho ñkpọiduọ unọọ fiin, kpịkke anye duọọk. A-afọn afo adinie nsi-nsi uwem ye ubọk keed akan afo adikama ubọk mfo iba ndʌk nsi-nsi nsobo, itie i-ikañ inịmeke ke nsi-nsi, [44ke itie
“ ‘ake utʌñ a-ataaha ammọ imiikpaññake,
ikañ ñko imiinịmeke.’]#9:44 Usʌk mme ikpañwed esịn mme ikọ atooho Maak 9:48
45 Ñko, adieke ukod mfo keed adooho ñkpọiduọ unọọ fiin, kpịkke anye sio. A-afọn afo adidʌk uwem ke abioubọọñ nte mbʌñọ akan afo adisaña ñkpad iba ado utop fiin esịn ke nsi-nsi ikañ, [46ke itie
“ ‘ake utʌñ a-ataaha ammọ imiikpaññake,
ikañ ñko imiinịmeke.’]#9:46 Usʌk mme ikpañwed esịn mme ikọ atooho Maak 9:48
47 Ñko, adieke anyen mfo adooho ñkpọiduọ unọọ fiin, kappa anye sio. Sia a-afọn afo adidʌk abioubọọñ Abasi ye anyen keed akan afo adisaña ye anyen iba ñkedʌk nsi-nsi ikañ, 48ke itie
“ ‘ake utʌñ a-ataaha ammọ imiikpaññake,
ikañ ñko inyʌññọ inịme.’
49 Eyaedomo afịd awo ke ikañ nte inʌñ.
50 “Inʌñ a-afọn, ado adieke anye imiinieghe inem aba, afo akeme die adinam nọ anye amaana anem? Inie inʌñ ke idem ndufo, inyʌñ iba ke emem ye emọ-emọ.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.