Maak 2
2
Yisọs Afeen Anyʌñ Akọk Awo Akpaubeñ
1Ñkpọ nte usen ifañ amaakeboiyo, Yisọs amaatịmme akaa Kapanum, ndin etob amaanyʌñ asuana ate ke anye adi ufọk. 2Mme awo e-ekediighe ikịt anye emaewak tutu ufañ ikibaaha ke ufọk, ukpọk ke esiin, ndin anye amaakwọrọ ikọ anọ ammọ. 3Mbon awo emaeben awo akpaubeñ keed, i-ideen inaañ ekebenne esọk anye. 4Sia mme awo ekewakka ebọhọ, ammọ ikikanna inam nọ awo akpaubeñ ami akịt Yisọs; ke ntoro ammọ emaeyaara akọm anyọñ itie a-Yisọs akedaaha enyʌñ esuuk awo akpaubeñ ado ke aya a-anye akenaaha. 5Yisọs akekịt mbuọdidem ammọ, anye amaabo awo akpaubeñ ado ate: “Ayịn, e-efeen mme ndiọiñkpọ mfo.”
6Ubaak mme akpeeb mbed e-eketieghe ke itie ado, emaekere ke esịd ammọ ete: 7“Ntak awo ami atañña ikọ ntom-o? Anye asuuk Abasi uyio! Anie awo ikeme adifeen ndiọiñkpọ ke mmiibọhọke Abasi ikpọọñ?”
8Idaha-idaha ado, Yisọs amaadiọọñọ ke sịbidịd amọ ke se ammọ ekekere ke esịd ammọ adodo, ke ntoro anye amaanyʌñ abo ammọ ate, “Ntak a-ndufo ekereke utọ mme ñkpọ ami-e? 9Anye akee imem ikan: adibo awo akpaubeñ ami, ‘Efeen mme ndiọiñkpọ mfo,’ me adibo, ‘Dakka da, ben aya mfo nyʌñ saña’? 10Ado ami ñyem inam ndufo ediọọñọ ke Ayịn Awo anie adudu ke isọñ adifeen mme idiọọkñkpọ.” Ndin anye amaabo awo akpaubeñ ate, 11“Ami ubo fiin, dakka da, ben aya mfo nyọñ ufọk.” 12Anye amaadakka ada ke iso afịd ammọ, aben aya amọ asaña anyọñ. Ami amaakpa afịd awo idem, ammọ emaenyʌñ etooro Abasi ete, “Kpaanam ñnyịn ikịtte utọ ñkpọ ntom!”
Yisọs Akoot Lifai Anyʌñ Adia Ñkpọ ye mme Anam Idiọọkñkpọ
13Yisọs amaamaana awuọ akeba akpere ibiok Kalili. Uwak atu awo emaekeene anye, anye amaanyʌñ atọọñọ adikpeep ammọ ñkpọ. 14Naña anye akesʌkkọ asaña do, anye amaakịt Lifai, ayịn Afiọs naña atie ke atayad ubọ taks. Yisọs amaabo anye, “Ñkeene miin,” ndin Lifai amaadakka ada akeene anye.
15Ndin naña Yisọs akebaaha ke itie ndidia ke ufọk Lifai, uwak mme abọọ taks ye mme anam ndiọiñkpọ emaekeene Yisọs ye mme mbed amọ edia ñkpọ, sia uwak mbon awo emaekeene anye. 16Ke ini mme andikpeeb mbed e-ekedoññoke mme Farisi ekekịtte nte anye adia ñkpọ ye mme anam idiọọkñkpọ ye mme abọọ taks, ammọ emaebịp mme mbed amọ ete: “Ntak eteufọk ndufo asidiaha ndidia ye mme abọọ taks ye ndiọi awo-o?”
17Yisọs akekop ami, anye amaabo ammọ, “Idooho mbon nsọñidem esiyem abiaibọk, ado mbon se idem imiisọññọ. Ami ñkidiighe adikoot ndinen awo, ado ñkedi nnọ ndiọi awo.”
Ebịp Yisọs Mbịme Ebaña Utreudia
18Mme mbed Yọọn Aduọkmmọọñ ye mme Farisi ekeba ke utreudia. Ado amaanam mbon awo emaedibịp Yisọs ete, “Ntak a-adooho mme mbed Yọọn ye ake mme Farisi esitre udia, ado mbed mfo, itreke-e?”
19Yisọs amaabọọrọ ammọ ate, “Isenawo ebendọ ekpenam die etre ndidia ke ini ebendọ abaaha ye ammọ? Ikemekekeme, adaña ini nte anye abaaha ye ammọ. 20Ado ini ayaadi e-ediiben ebendọ idakka ikpọñ ammọ, ini ado ndin ke ammọ ediitre udia.
21 “Awo ndomokeed isibenne ufa afọñ ikịm idian ke akaan afọñ. Akpenam ntoro, ufa ayaawaak akaan afọñ anam anye awakka adiọọk akan naña akedo akpa. 22Ñko awo ndomokeed inwaññake ufa ukọd idọñ ke ñkaan ikịm. Akpenam ntoro, ukọd ado ayaaduat mme ikịm abom, ndin ukọd ye mme ikịm eyaetak. Iyoo, esinwañña ufa ukọd edọñ ke ufa ikịm.”
Yisọs Ado Abọọñ Sabad
23Usen Sabad keed Yisọs ye mme mbed amọ ekesaña eboiyo ke inwañ mfịd. Nte ammọ ekesañake eboiyo, mme mbed amọ emaetọọñọ adikịppe mme mfịd. 24Mme Farisi emaebo anye ete, “Ka se, nsoo ido nọ ammọ enam ñkpọ se mbed akpan ke usen Sabad?”
25Anye amaabọọrọ ate, “Kpaanam ndufo ikoodo se Defid akenam naña abiọọñ akedọññọ anye ye mme nsaña amọ, e-ekenyʌññọ eba ke unana? 26Anye amaadʌk ufọk Abasi ke ini Abiata akedooho ekamba aku, amaanyʌñ aben adisana uyo ata, a-adooho mbed abo ke mme aku ikpọọñ enie unen adita. Anye amaanyʌñ anọ mme nsaña amọ ubaak nọ ekeene eta.”
27Akem anye amaabo ammọ ate, “Ekenam Sabad enọ awo, ikinamma awo inọ Sabad. 28Ke ntak ami, Ayịn Awo ado Abọọñ kpa ke Sabad.”
Айни замон обунашуда:
Maak 2: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maak 2
2
Yisọs Afeen Anyʌñ Akọk Awo Akpaubeñ
1Ñkpọ nte usen ifañ amaakeboiyo, Yisọs amaatịmme akaa Kapanum, ndin etob amaanyʌñ asuana ate ke anye adi ufọk. 2Mme awo e-ekediighe ikịt anye emaewak tutu ufañ ikibaaha ke ufọk, ukpọk ke esiin, ndin anye amaakwọrọ ikọ anọ ammọ. 3Mbon awo emaeben awo akpaubeñ keed, i-ideen inaañ ekebenne esọk anye. 4Sia mme awo ekewakka ebọhọ, ammọ ikikanna inam nọ awo akpaubeñ ami akịt Yisọs; ke ntoro ammọ emaeyaara akọm anyọñ itie a-Yisọs akedaaha enyʌñ esuuk awo akpaubeñ ado ke aya a-anye akenaaha. 5Yisọs akekịt mbuọdidem ammọ, anye amaabo awo akpaubeñ ado ate: “Ayịn, e-efeen mme ndiọiñkpọ mfo.”
6Ubaak mme akpeeb mbed e-eketieghe ke itie ado, emaekere ke esịd ammọ ete: 7“Ntak awo ami atañña ikọ ntom-o? Anye asuuk Abasi uyio! Anie awo ikeme adifeen ndiọiñkpọ ke mmiibọhọke Abasi ikpọọñ?”
8Idaha-idaha ado, Yisọs amaadiọọñọ ke sịbidịd amọ ke se ammọ ekekere ke esịd ammọ adodo, ke ntoro anye amaanyʌñ abo ammọ ate, “Ntak a-ndufo ekereke utọ mme ñkpọ ami-e? 9Anye akee imem ikan: adibo awo akpaubeñ ami, ‘Efeen mme ndiọiñkpọ mfo,’ me adibo, ‘Dakka da, ben aya mfo nyʌñ saña’? 10Ado ami ñyem inam ndufo ediọọñọ ke Ayịn Awo anie adudu ke isọñ adifeen mme idiọọkñkpọ.” Ndin anye amaabo awo akpaubeñ ate, 11“Ami ubo fiin, dakka da, ben aya mfo nyọñ ufọk.” 12Anye amaadakka ada ke iso afịd ammọ, aben aya amọ asaña anyọñ. Ami amaakpa afịd awo idem, ammọ emaenyʌñ etooro Abasi ete, “Kpaanam ñnyịn ikịtte utọ ñkpọ ntom!”
Yisọs Akoot Lifai Anyʌñ Adia Ñkpọ ye mme Anam Idiọọkñkpọ
13Yisọs amaamaana awuọ akeba akpere ibiok Kalili. Uwak atu awo emaekeene anye, anye amaanyʌñ atọọñọ adikpeep ammọ ñkpọ. 14Naña anye akesʌkkọ asaña do, anye amaakịt Lifai, ayịn Afiọs naña atie ke atayad ubọ taks. Yisọs amaabo anye, “Ñkeene miin,” ndin Lifai amaadakka ada akeene anye.
15Ndin naña Yisọs akebaaha ke itie ndidia ke ufọk Lifai, uwak mme abọọ taks ye mme anam ndiọiñkpọ emaekeene Yisọs ye mme mbed amọ edia ñkpọ, sia uwak mbon awo emaekeene anye. 16Ke ini mme andikpeeb mbed e-ekedoññoke mme Farisi ekekịtte nte anye adia ñkpọ ye mme anam idiọọkñkpọ ye mme abọọ taks, ammọ emaebịp mme mbed amọ ete: “Ntak eteufọk ndufo asidiaha ndidia ye mme abọọ taks ye ndiọi awo-o?”
17Yisọs akekop ami, anye amaabo ammọ, “Idooho mbon nsọñidem esiyem abiaibọk, ado mbon se idem imiisọññọ. Ami ñkidiighe adikoot ndinen awo, ado ñkedi nnọ ndiọi awo.”
Ebịp Yisọs Mbịme Ebaña Utreudia
18Mme mbed Yọọn Aduọkmmọọñ ye mme Farisi ekeba ke utreudia. Ado amaanam mbon awo emaedibịp Yisọs ete, “Ntak a-adooho mme mbed Yọọn ye ake mme Farisi esitre udia, ado mbed mfo, itreke-e?”
19Yisọs amaabọọrọ ammọ ate, “Isenawo ebendọ ekpenam die etre ndidia ke ini ebendọ abaaha ye ammọ? Ikemekekeme, adaña ini nte anye abaaha ye ammọ. 20Ado ini ayaadi e-ediiben ebendọ idakka ikpọñ ammọ, ini ado ndin ke ammọ ediitre udia.
21 “Awo ndomokeed isibenne ufa afọñ ikịm idian ke akaan afọñ. Akpenam ntoro, ufa ayaawaak akaan afọñ anam anye awakka adiọọk akan naña akedo akpa. 22Ñko awo ndomokeed inwaññake ufa ukọd idọñ ke ñkaan ikịm. Akpenam ntoro, ukọd ado ayaaduat mme ikịm abom, ndin ukọd ye mme ikịm eyaetak. Iyoo, esinwañña ufa ukọd edọñ ke ufa ikịm.”
Yisọs Ado Abọọñ Sabad
23Usen Sabad keed Yisọs ye mme mbed amọ ekesaña eboiyo ke inwañ mfịd. Nte ammọ ekesañake eboiyo, mme mbed amọ emaetọọñọ adikịppe mme mfịd. 24Mme Farisi emaebo anye ete, “Ka se, nsoo ido nọ ammọ enam ñkpọ se mbed akpan ke usen Sabad?”
25Anye amaabọọrọ ate, “Kpaanam ndufo ikoodo se Defid akenam naña abiọọñ akedọññọ anye ye mme nsaña amọ, e-ekenyʌññọ eba ke unana? 26Anye amaadʌk ufọk Abasi ke ini Abiata akedooho ekamba aku, amaanyʌñ aben adisana uyo ata, a-adooho mbed abo ke mme aku ikpọọñ enie unen adita. Anye amaanyʌñ anọ mme nsaña amọ ubaak nọ ekeene eta.”
27Akem anye amaabo ammọ ate, “Ekenam Sabad enọ awo, ikinamma awo inọ Sabad. 28Ke ntak ami, Ayịn Awo ado Abọọñ kpa ke Sabad.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.