Maak 14
14
Eyet Yisọs Adan ke Betani
1Akesʌhọ usen iba mbemiso adikem usen Usọrọ Nsaña Mboiyo ye Usọrọ Uyo a-yiis miisịneke; ndin mme ñkpoon aku ye mme andikpeeb mbed emaeyem ñkara-ñkara usʌñ naña ekpeda emʌm Yisọs ndịbe-ndịbe ñnyʌñ ñwot anye. 2Ammọ emaedioomo ke atu idem ammọ ete ke inaaha emʌm anye ke idaha usọrọ ado mbaak atu awo edinam ntịme.
3Idaha a-anye akebaaha ke Betani, anyʌkkọ abere ke akpokoro ndidia ke ufọk Saimọn awo Akpamfia, awonwaan keed amaadʌk adi, akama ataa nsọñudua pefium ke ekpeme alabasta e-ekedatta naad enam. Awonwaan ado amaakʌppọ ekpeme pefium ado aduọk Yisọs ke iwuod.
4Usʌk awo ke ufọk ado emaeyaat esịd eti-eti ke atu idem ammọ, ete, “Nsoo inam nọ ebiat utọ nsọñudua pefium ami? 5Pefium ado a-akem se ekpenyam anye abọhọ akʌkutom afiọñ isua keed#14:5 Ke usem Greek akan denari ikie ita enyʌñ eben akʌk ado enọ mme uweene.” Ndin ammọ emaenekke esua enọ mma ado.
6Ado Yisọs amaabo ammọ ate: “Ikpọñ anye. Nsoo ido ntak a-ndufo efịnake anye? Anye anam ataa eti ñkpọ annọ miin. 7Mbon uweene ediisʌk ibaba ye ndufo afịd ini, ndin ini a-ndufo emaahama emekeme adinwam ammọ. Ado ndufo idinnieghe miin afịd ini. 8Awonwaan ami amaanam se anye akekan. Anye amaabem iso amfiọññọ miin pefium ke idem ke mbeeñeidem ini e-ediimbuuk miin. 9Ami ntañ akpanikọ inọ ndufo, itie akeedodo e-ediikwọrọ eti etob ke afịd ederimbod eyaetañ se anye anam ami enyʌñ edat ado etoiyo anye.”
10Akekem Yudas Iskariọd, keed ke atu mme mbed duob mme iba, amaadakka abịne mme ñkpoon aku akenam edioomo adiitap Yisọs nnọọ ammọ. 11Esịd amaanem ammọ eti-eti naña ekoppo, ndin ammọ emaenyʌñ enwọñọ adinọ anye akʌk. Ndin anye amaatọọñọ ayem ufañ naña ada atap anye anọ ammọ.
Akpatre Ndidia Ndubi
12Ke akpa usen Usọrọ Uyo a-yiis imiisịneke, a-akenaaha esiwa edọñ Usọrọ Nsaña Mboiyo, mme mbed Yisọs emaebịp anye ete, “Ayem ñnyịn ika uke ikinam ndutʌm nọ afo uduudia Usọrọ Nsaña Mboiyo?”
13Ndin anye amaadọñ mbed amọ iba ate ammọ, “Ikaa esịd abio, ndin eyaekịt awodeen keed nte akama abañ mmọọñ. Ikeene anye. 14Ndin ufọk a-anye adiidʌk, ibo anieufọk ado ke Andikpeeb abo, ‘Ubeed isen mmi a-ami ndiidia Usọrọ Nsaña Mboiyo ye mme mbed mmi ado akee?’ 15Anye ayaiwọt ndufo ekamba ubeed ke anyọñ e-emaekebeeñe enịm. Inam ndutʌm do inọ ñnyịn.”
16Mme mbed ado emaekaa ekedʌk abio, enyʌñ ekekịt ukem-ukem naña Yisọs akebo ammọ. Ndin ammọ emaenyʌñ enam ndutʌm Usọrọ Nsaña Mboiyo.
17Akedo ndubiayio, Yisọs amaadiwuọ ye mme mbed duob mme iba. 18Ke ini ammọ ekebonoke ekanna akpokoro edia ndidia, Yisọs amaabo, “Ke akpanikọ ke ntañ inọọ ndufo, awo keed ke atu ndufo, a-adiaha ñkpọ mi ye ami, ayantap miin.”
19Ammọ emaefʌhọ, ndin ke adiana ke adiana, emaebịp anye ete, “Mmenịm ke idooho ami ke akọm?”
20Ndin anye amaabọọrọ ammọ ate, “Ado awo keed ke atu ndufo, anye a-adiideep uyo ke usan ndidia ye ami. 21Ayịn Awo ana anyọñ, kpa naña ewet ebaña anye. Ado adọdiọọk anọ awo a-adiitap Ayịn Awo. Akpaakefọn ye awo ado adieke anye imiikpikimanakemana.”
22Ke ini ammọ ekesʌkkọ edia ñkpọ, Yisọs amaaben uyo, ndin ke anye amaakenọ ekọọm, anye amaabuuñ anọ mme mbed amọ, ate, “Ibọ ami ita; ami ado ikpọkidem mmi.”
23Akem anye amaaben kọọb, ke anye amaakenọ ekọọm, ayaak anọ ammọ, ndin afịd ammọ emaenyʌñ enwọñ.
24Anye amaabo ammọ “Ami ado iyiib ufa#14:24 Usʌk mme ikpañwed ufa ado edioomo mmi, e-eduọkkọ enọ uwak awo. 25Ke akpanikọ ke ntañ inọọ ndufo nte, ami ndinwọññọ se ito mfịd fain aba, tutu awuọ usen a-ndiitịmme ñnwọñ anye ufa ke abioubọọñ Abasi.”
26Ke ammọ emaekekwọ ikwọ ema, afịd ammọ emaewuọñọ ekaa Abod Ọlif.
Yisọs Ayaara ke Pita Ayaikañ Imọ
27Akem Yisọs amaabo mme mbed amọ ate: “Afịd ndufo eyaefeeñe eñkpọñ miin akonayio ami, sia e-ewet ebo,
“ ‘Ami ñyaayʌppọ akpemeedọñ,
ndin mme edọñ eyaesuana.’
28 Ado ami mmaaset ke ñkpa, ami ñyaibem ndufo iso ñkaa Kalili.”
29Pita amaatañ anwa-anwa ate anye, “Ñkọm afịd awo ekpukpọñ fiin, ami nduukpọññọ.”
30Yisọs amaabọọrọ anye ate, “Ke akpanikọ ke ntañ unọọ fiin, mfịn ami, kpa idem akonayio ami, mbemiso akikọunen akpọk ñkemba#14:30 Usʌk mme akpa ikpañwed inieghe ñkemba afo ayañkañ miin ñkenta.”
31Ado Pita amaasọọñọ ayịre atañ ate, “Akpedo ana ñkpa ye afo, ami nduukañña fiin.” Ndin afịd mme mbed mbon ako ekesʌk etañ kpa ukem ado.
Kedsemeni
32Ammọ emaedaaña ekaiya itie akereke Kedsemeni, ndin Yisọs amaabo mme mbed amọ ate, “Itie mi imbet, yak ami ñkebọñ akam.” 33Anye amaadat Pita ye Yems ye Yọọn akaa, ndin idem amaatọọñọ adifịna anye eti-eti; anye amaanyʌñ akop akpọsọñ mfʌhọ. 34Ndin anye amaasio adọkkọ ammọ abo, “Ukpọñ mmi afʌhọ eti-eti akpere ñkpa. Isuuk itie mi, inyʌñ itaba idab.”
35Anye akesaña adọọk etək, amaaduọ ke isọñ abọñ akam ate adieke usʌñ abaaha, yak awa ado aboiyo akpọñ anye. 36Anye amaabo, “Abba,#14:36 Abba awuọñọ eteke usem Aramaik Ete, afo amekan adinam afịd ñkpọ. Ben kọọb ami sio nnọ miin. Ado yak ke ado naña ami ñnyịmme, yak ado naña afo anyịmme.”
37Anye amaato adi adikịt ke mme mbed esʌk edaiya. Ndin anye amaabịp Pita ate, “Saimọn, afo adaadaiya? Ukpusʌkkọ ukan utaba idab utie ukpeme ye ami ukpọk awa keed? 38Itaba idab inyʌñ ibọñ akam mbaak ndufo ididʌk ke idomo. Sịbidịd a-anyịmme, ado ikpọkidem a-akop mmemidem.”
39Ini keed mfen, anye amaatịmme akebọñ akam, amaana abọñ kpa ukem akam ado. 40Anye aketịmme adi, amaadikịt ke ammọ esʌk edadaiya, sia idab amaaneke adʌk ammọ anyen. Ammọ ikidiọọñọke se ekpebọọrọ anye.
41Akem anye amaamaana adi ayọhọ akañ ita, adibo ammọ ate, “Ndufo esʌk edaadaiya enyʌñ eduọk adudu? Akem! Awa ado adikem. Sese, e-ekappa Ayịn Awo esịn ke ubọk mme anam idiọọkñkpọ. 42Idaaña ida! Yak ika! Andibiintap miin adiwuọ!”
Emʌm Yisọs
43Kpa ke idaha a-anye akesʌkkọ atatañ ikọ ke inua, Yudas, keed ke atu mbed duob mme iba, amaawuọ atịkke. Anye akesaña ye atu awo e-ekekamake mme eduad ye mme akpeti, a-mme ñkpoon aku, mme akpeeb mbed, ye mme ñkpisọñ ekedọññọ.
44Awo a-akebooho itap anye amaanọ ammọ idiọọñọ, “Awo a-ami ndiitʌm inua ado awo ado; imʌm anye iben ikaa, inekke ikpeme anye.” 45Ini keed, Yudas amaakaa abịne Yisọs kpa ke ndo-ndo ado, akebo anye, “Andikpeeb,” anyʌñ atʌm anye inua. 46Ideen ado emaefiik Yisọs emʌm. 47Awo keed ke atu ado a-akedaaha akpere amaasio akañkañ akpi ayịnufọk ekamba aku utọñ akpịkke.
48Yisọs amaabịp ammọ ate, “Ado nte ami ndo adaiwuod mme asịn ntịme nọ ndufo ewuọ embịne miin ye mme eduad ye mme akpeti edi edimmʌm miin? 49Ami ñkeba ye ndufo kwa usen, ñkpeep ñkpọ ke mme akwere tembịd, ado ndufo ikimmʌmmọ miin. Ado mme ñkpọ ami etịppe nọ ikọ Abasi asu.” 50Ndin ke idahado, afịd awo emaekpọñ anye efeeñe.
51Akparawa keed a-akewañake isịn afọñ linen ke idem, amaakeene Yisọs. Ke emaekemʌm Yisọs, 52anye amaafeghe ifed akpọñ afọñ linen amọ.
Yisọs ke Esob Sanhidrin
53Ammọ emaeben Yisọs ekaa atʌñ ekamba aku, afịd mme ikpọ aku ye mme ñkpisọñ, ye mme akpeeb mbed emaebono do. 54Pita amaakeene Yisọs ke edem akedʌk esịd akwere ekamba aku. Anye amaakesuuk atie ye mbon ukpeme ekamba aku awue ikañ.
55Afịd mme ñkpoon aku ye afịd mbon esob Sanhidrin emaeyem ikọ ntiense se etañ edian Yisọs nọ ediikan iwot anye, ado ikikịtte. 56Uwak mme ntiense nsu emaewuọñọ edidot anye uyio, ado ikọ ammọ ikidukemmeke.
57Akem usʌk awo emaedaaña eda etañ ikọ ntiense nsu edian anye: 58Ñnyịn imaikop nte anye abo, “Ami ñyaawuut tembịd ami, e-ekedatta ubọkawo ebọp ndin ke usen ita amaaboiyo ñyaabọp mfen, a-awo imiidatta ubọk ibọp.” 59Ndin kpayeado, ikọ ntiense ammọ ikisañake keed.
60Do ke ekamba aku akedakka ada ke ufọọd esob, abịp Yisọs ate, “Afo uyemme adibọọrọ mbuume? Nsoo ikọ ntiense ke mme awo ami etañ udian fiin?” 61Ado Yisọs ikisioho uyio, inọọhọ ibọọrọ ndomokeed.
Ekamba aku amaamaana abịp anye ate, “Afo ado Krais, Ayịn Abasi Anye e-Emaekediọñ?”
62Yisọs amaabo anye, “Ami ke ado, ndin ndufo eyaekịt naña Ayịn Awo atie ke ubọk nnasia Akwa Abasi, ye naña anye adiidi ke ntọñanyọñ hefịn.”
63Ekamba aku amaawai afọñidem amọ, anyʌñ abo atu awo, “Nsoo ntiense mfen ke iyem aba? 64Ndufo emekop atịme-atịme nsuukuyio ikọ emiom se anye atañ. Idahado, ndufo ekere die?”
Afịd ammọ emaebiom anye ikpe, ete ke anye adot ñkpa. 65Ndin usʌk awo emaetọọñọ aditọọñ anye etab; emaefʌk anye ñkịm ke anyen; etọ anye eta, enyʌñ ebo anye ete, “Tañ prọfesi!” Akem mbon ñka ukpeme emaeben anye ewuọ enyʌñ ekemia anye.
Pita Akañ Yisọs
66Idaha a-Pita akesʌkkọ aba ke esịd akwere ekamba aku, ayịn abọikpa keed a-akedooho ayịnufọk ekamba aku amaadʌk adi. 67Anye akekịt Pita nte awue ikañ, amaawuuk anyen ase anye, ate, “Afo ñko akedo nsaña Yisọs, awo Nasared ado.”
68Ado anye amaakañ ate, “Ami ndiọọñọke, inyʌññọ iñnwaña se afo atañ abaña.” Ndin Pita amaadakka akpọñ esịd akwere awuọ esiin. Ndin akikọunen amaakpọk.
69Ke ini ayịnufọk ekamba aku akekịtte anye ke ndo, anye amaamaana adọkkọ mbon se ikida ikpere ate, “Awo ami ado keed ke atu ammọ.” 70Anye amaamaana akañ.
Ke etək ini amaakeboiyo, mbon awo se ikida ke ndo emaekebo Pita ete, “Ke akpanikọ, afo ado awo keed ke atu ammọ, afo ado awo Kalili.”
71Pita amaatọọñọ adikoot isuuñọ, anyʌñ anwọñọ ñkpọ ate, “Ami ndiọọñọke awo a-ndufo etañña ikọ ebaña.”
72Ataa idahado, akikọunen amaakpọk ayọhọ akañ iba.#14:72 Usʌk mme akpa ikpañwed inieghe akañ iba. Ndin Pita amaatoiyo ikọ a-Yisọs aketañña anọ anye abo, “Mbemiso akikọunen akpọk akañ iba#14:72 Usʌk mme akpa ikpañwed inieghe akañ iba afo ayañkañ miin ñke nta.” Ndin esịd amaabʌññọ anye, anye amaanyʌñ atua.
Айни замон обунашуда:
Maak 14: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maak 14
14
Eyet Yisọs Adan ke Betani
1Akesʌhọ usen iba mbemiso adikem usen Usọrọ Nsaña Mboiyo ye Usọrọ Uyo a-yiis miisịneke; ndin mme ñkpoon aku ye mme andikpeeb mbed emaeyem ñkara-ñkara usʌñ naña ekpeda emʌm Yisọs ndịbe-ndịbe ñnyʌñ ñwot anye. 2Ammọ emaedioomo ke atu idem ammọ ete ke inaaha emʌm anye ke idaha usọrọ ado mbaak atu awo edinam ntịme.
3Idaha a-anye akebaaha ke Betani, anyʌkkọ abere ke akpokoro ndidia ke ufọk Saimọn awo Akpamfia, awonwaan keed amaadʌk adi, akama ataa nsọñudua pefium ke ekpeme alabasta e-ekedatta naad enam. Awonwaan ado amaakʌppọ ekpeme pefium ado aduọk Yisọs ke iwuod.
4Usʌk awo ke ufọk ado emaeyaat esịd eti-eti ke atu idem ammọ, ete, “Nsoo inam nọ ebiat utọ nsọñudua pefium ami? 5Pefium ado a-akem se ekpenyam anye abọhọ akʌkutom afiọñ isua keed#14:5 Ke usem Greek akan denari ikie ita enyʌñ eben akʌk ado enọ mme uweene.” Ndin ammọ emaenekke esua enọ mma ado.
6Ado Yisọs amaabo ammọ ate: “Ikpọñ anye. Nsoo ido ntak a-ndufo efịnake anye? Anye anam ataa eti ñkpọ annọ miin. 7Mbon uweene ediisʌk ibaba ye ndufo afịd ini, ndin ini a-ndufo emaahama emekeme adinwam ammọ. Ado ndufo idinnieghe miin afịd ini. 8Awonwaan ami amaanam se anye akekan. Anye amaabem iso amfiọññọ miin pefium ke idem ke mbeeñeidem ini e-ediimbuuk miin. 9Ami ntañ akpanikọ inọ ndufo, itie akeedodo e-ediikwọrọ eti etob ke afịd ederimbod eyaetañ se anye anam ami enyʌñ edat ado etoiyo anye.”
10Akekem Yudas Iskariọd, keed ke atu mme mbed duob mme iba, amaadakka abịne mme ñkpoon aku akenam edioomo adiitap Yisọs nnọọ ammọ. 11Esịd amaanem ammọ eti-eti naña ekoppo, ndin ammọ emaenyʌñ enwọñọ adinọ anye akʌk. Ndin anye amaatọọñọ ayem ufañ naña ada atap anye anọ ammọ.
Akpatre Ndidia Ndubi
12Ke akpa usen Usọrọ Uyo a-yiis imiisịneke, a-akenaaha esiwa edọñ Usọrọ Nsaña Mboiyo, mme mbed Yisọs emaebịp anye ete, “Ayem ñnyịn ika uke ikinam ndutʌm nọ afo uduudia Usọrọ Nsaña Mboiyo?”
13Ndin anye amaadọñ mbed amọ iba ate ammọ, “Ikaa esịd abio, ndin eyaekịt awodeen keed nte akama abañ mmọọñ. Ikeene anye. 14Ndin ufọk a-anye adiidʌk, ibo anieufọk ado ke Andikpeeb abo, ‘Ubeed isen mmi a-ami ndiidia Usọrọ Nsaña Mboiyo ye mme mbed mmi ado akee?’ 15Anye ayaiwọt ndufo ekamba ubeed ke anyọñ e-emaekebeeñe enịm. Inam ndutʌm do inọ ñnyịn.”
16Mme mbed ado emaekaa ekedʌk abio, enyʌñ ekekịt ukem-ukem naña Yisọs akebo ammọ. Ndin ammọ emaenyʌñ enam ndutʌm Usọrọ Nsaña Mboiyo.
17Akedo ndubiayio, Yisọs amaadiwuọ ye mme mbed duob mme iba. 18Ke ini ammọ ekebonoke ekanna akpokoro edia ndidia, Yisọs amaabo, “Ke akpanikọ ke ntañ inọọ ndufo, awo keed ke atu ndufo, a-adiaha ñkpọ mi ye ami, ayantap miin.”
19Ammọ emaefʌhọ, ndin ke adiana ke adiana, emaebịp anye ete, “Mmenịm ke idooho ami ke akọm?”
20Ndin anye amaabọọrọ ammọ ate, “Ado awo keed ke atu ndufo, anye a-adiideep uyo ke usan ndidia ye ami. 21Ayịn Awo ana anyọñ, kpa naña ewet ebaña anye. Ado adọdiọọk anọ awo a-adiitap Ayịn Awo. Akpaakefọn ye awo ado adieke anye imiikpikimanakemana.”
22Ke ini ammọ ekesʌkkọ edia ñkpọ, Yisọs amaaben uyo, ndin ke anye amaakenọ ekọọm, anye amaabuuñ anọ mme mbed amọ, ate, “Ibọ ami ita; ami ado ikpọkidem mmi.”
23Akem anye amaaben kọọb, ke anye amaakenọ ekọọm, ayaak anọ ammọ, ndin afịd ammọ emaenyʌñ enwọñ.
24Anye amaabo ammọ “Ami ado iyiib ufa#14:24 Usʌk mme ikpañwed ufa ado edioomo mmi, e-eduọkkọ enọ uwak awo. 25Ke akpanikọ ke ntañ inọọ ndufo nte, ami ndinwọññọ se ito mfịd fain aba, tutu awuọ usen a-ndiitịmme ñnwọñ anye ufa ke abioubọọñ Abasi.”
26Ke ammọ emaekekwọ ikwọ ema, afịd ammọ emaewuọñọ ekaa Abod Ọlif.
Yisọs Ayaara ke Pita Ayaikañ Imọ
27Akem Yisọs amaabo mme mbed amọ ate: “Afịd ndufo eyaefeeñe eñkpọñ miin akonayio ami, sia e-ewet ebo,
“ ‘Ami ñyaayʌppọ akpemeedọñ,
ndin mme edọñ eyaesuana.’
28 Ado ami mmaaset ke ñkpa, ami ñyaibem ndufo iso ñkaa Kalili.”
29Pita amaatañ anwa-anwa ate anye, “Ñkọm afịd awo ekpukpọñ fiin, ami nduukpọññọ.”
30Yisọs amaabọọrọ anye ate, “Ke akpanikọ ke ntañ unọọ fiin, mfịn ami, kpa idem akonayio ami, mbemiso akikọunen akpọk ñkemba#14:30 Usʌk mme akpa ikpañwed inieghe ñkemba afo ayañkañ miin ñkenta.”
31Ado Pita amaasọọñọ ayịre atañ ate, “Akpedo ana ñkpa ye afo, ami nduukañña fiin.” Ndin afịd mme mbed mbon ako ekesʌk etañ kpa ukem ado.
Kedsemeni
32Ammọ emaedaaña ekaiya itie akereke Kedsemeni, ndin Yisọs amaabo mme mbed amọ ate, “Itie mi imbet, yak ami ñkebọñ akam.” 33Anye amaadat Pita ye Yems ye Yọọn akaa, ndin idem amaatọọñọ adifịna anye eti-eti; anye amaanyʌñ akop akpọsọñ mfʌhọ. 34Ndin anye amaasio adọkkọ ammọ abo, “Ukpọñ mmi afʌhọ eti-eti akpere ñkpa. Isuuk itie mi, inyʌñ itaba idab.”
35Anye akesaña adọọk etək, amaaduọ ke isọñ abọñ akam ate adieke usʌñ abaaha, yak awa ado aboiyo akpọñ anye. 36Anye amaabo, “Abba,#14:36 Abba awuọñọ eteke usem Aramaik Ete, afo amekan adinam afịd ñkpọ. Ben kọọb ami sio nnọ miin. Ado yak ke ado naña ami ñnyịmme, yak ado naña afo anyịmme.”
37Anye amaato adi adikịt ke mme mbed esʌk edaiya. Ndin anye amaabịp Pita ate, “Saimọn, afo adaadaiya? Ukpusʌkkọ ukan utaba idab utie ukpeme ye ami ukpọk awa keed? 38Itaba idab inyʌñ ibọñ akam mbaak ndufo ididʌk ke idomo. Sịbidịd a-anyịmme, ado ikpọkidem a-akop mmemidem.”
39Ini keed mfen, anye amaatịmme akebọñ akam, amaana abọñ kpa ukem akam ado. 40Anye aketịmme adi, amaadikịt ke ammọ esʌk edadaiya, sia idab amaaneke adʌk ammọ anyen. Ammọ ikidiọọñọke se ekpebọọrọ anye.
41Akem anye amaamaana adi ayọhọ akañ ita, adibo ammọ ate, “Ndufo esʌk edaadaiya enyʌñ eduọk adudu? Akem! Awa ado adikem. Sese, e-ekappa Ayịn Awo esịn ke ubọk mme anam idiọọkñkpọ. 42Idaaña ida! Yak ika! Andibiintap miin adiwuọ!”
Emʌm Yisọs
43Kpa ke idaha a-anye akesʌkkọ atatañ ikọ ke inua, Yudas, keed ke atu mbed duob mme iba, amaawuọ atịkke. Anye akesaña ye atu awo e-ekekamake mme eduad ye mme akpeti, a-mme ñkpoon aku, mme akpeeb mbed, ye mme ñkpisọñ ekedọññọ.
44Awo a-akebooho itap anye amaanọ ammọ idiọọñọ, “Awo a-ami ndiitʌm inua ado awo ado; imʌm anye iben ikaa, inekke ikpeme anye.” 45Ini keed, Yudas amaakaa abịne Yisọs kpa ke ndo-ndo ado, akebo anye, “Andikpeeb,” anyʌñ atʌm anye inua. 46Ideen ado emaefiik Yisọs emʌm. 47Awo keed ke atu ado a-akedaaha akpere amaasio akañkañ akpi ayịnufọk ekamba aku utọñ akpịkke.
48Yisọs amaabịp ammọ ate, “Ado nte ami ndo adaiwuod mme asịn ntịme nọ ndufo ewuọ embịne miin ye mme eduad ye mme akpeti edi edimmʌm miin? 49Ami ñkeba ye ndufo kwa usen, ñkpeep ñkpọ ke mme akwere tembịd, ado ndufo ikimmʌmmọ miin. Ado mme ñkpọ ami etịppe nọ ikọ Abasi asu.” 50Ndin ke idahado, afịd awo emaekpọñ anye efeeñe.
51Akparawa keed a-akewañake isịn afọñ linen ke idem, amaakeene Yisọs. Ke emaekemʌm Yisọs, 52anye amaafeghe ifed akpọñ afọñ linen amọ.
Yisọs ke Esob Sanhidrin
53Ammọ emaeben Yisọs ekaa atʌñ ekamba aku, afịd mme ikpọ aku ye mme ñkpisọñ, ye mme akpeeb mbed emaebono do. 54Pita amaakeene Yisọs ke edem akedʌk esịd akwere ekamba aku. Anye amaakesuuk atie ye mbon ukpeme ekamba aku awue ikañ.
55Afịd mme ñkpoon aku ye afịd mbon esob Sanhidrin emaeyem ikọ ntiense se etañ edian Yisọs nọ ediikan iwot anye, ado ikikịtte. 56Uwak mme ntiense nsu emaewuọñọ edidot anye uyio, ado ikọ ammọ ikidukemmeke.
57Akem usʌk awo emaedaaña eda etañ ikọ ntiense nsu edian anye: 58Ñnyịn imaikop nte anye abo, “Ami ñyaawuut tembịd ami, e-ekedatta ubọkawo ebọp ndin ke usen ita amaaboiyo ñyaabọp mfen, a-awo imiidatta ubọk ibọp.” 59Ndin kpayeado, ikọ ntiense ammọ ikisañake keed.
60Do ke ekamba aku akedakka ada ke ufọọd esob, abịp Yisọs ate, “Afo uyemme adibọọrọ mbuume? Nsoo ikọ ntiense ke mme awo ami etañ udian fiin?” 61Ado Yisọs ikisioho uyio, inọọhọ ibọọrọ ndomokeed.
Ekamba aku amaamaana abịp anye ate, “Afo ado Krais, Ayịn Abasi Anye e-Emaekediọñ?”
62Yisọs amaabo anye, “Ami ke ado, ndin ndufo eyaekịt naña Ayịn Awo atie ke ubọk nnasia Akwa Abasi, ye naña anye adiidi ke ntọñanyọñ hefịn.”
63Ekamba aku amaawai afọñidem amọ, anyʌñ abo atu awo, “Nsoo ntiense mfen ke iyem aba? 64Ndufo emekop atịme-atịme nsuukuyio ikọ emiom se anye atañ. Idahado, ndufo ekere die?”
Afịd ammọ emaebiom anye ikpe, ete ke anye adot ñkpa. 65Ndin usʌk awo emaetọọñọ aditọọñ anye etab; emaefʌk anye ñkịm ke anyen; etọ anye eta, enyʌñ ebo anye ete, “Tañ prọfesi!” Akem mbon ñka ukpeme emaeben anye ewuọ enyʌñ ekemia anye.
Pita Akañ Yisọs
66Idaha a-Pita akesʌkkọ aba ke esịd akwere ekamba aku, ayịn abọikpa keed a-akedooho ayịnufọk ekamba aku amaadʌk adi. 67Anye akekịt Pita nte awue ikañ, amaawuuk anyen ase anye, ate, “Afo ñko akedo nsaña Yisọs, awo Nasared ado.”
68Ado anye amaakañ ate, “Ami ndiọọñọke, inyʌññọ iñnwaña se afo atañ abaña.” Ndin Pita amaadakka akpọñ esịd akwere awuọ esiin. Ndin akikọunen amaakpọk.
69Ke ini ayịnufọk ekamba aku akekịtte anye ke ndo, anye amaamaana adọkkọ mbon se ikida ikpere ate, “Awo ami ado keed ke atu ammọ.” 70Anye amaamaana akañ.
Ke etək ini amaakeboiyo, mbon awo se ikida ke ndo emaekebo Pita ete, “Ke akpanikọ, afo ado awo keed ke atu ammọ, afo ado awo Kalili.”
71Pita amaatọọñọ adikoot isuuñọ, anyʌñ anwọñọ ñkpọ ate, “Ami ndiọọñọke awo a-ndufo etañña ikọ ebaña.”
72Ataa idahado, akikọunen amaakpọk ayọhọ akañ iba.#14:72 Usʌk mme akpa ikpañwed inieghe akañ iba. Ndin Pita amaatoiyo ikọ a-Yisọs aketañña anọ anye abo, “Mbemiso akikọunen akpọk akañ iba#14:72 Usʌk mme akpa ikpañwed inieghe akañ iba afo ayañkañ miin ñke nta.” Ndin esịd amaabʌññọ anye, anye amaanyʌñ atua.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.