Matiu 5
5
Ukwọrọikọ ke Anyọñ Abod
1Ke ini Yisọs akekịtte atu awo, anye amaadọọk akaa aketie ke anyọñ abod. Mme mbed amọ emaekaa ebịne anye, 2ndin anye amaatọọñọ adikpeep ammọ ñkpọ,
ate:
3 “Afọfọn anọ mbon e-eweeneke ke sịbidịd,
sia abioubọọñ hefịn anie ammọ.
4 Afọfọn anọ mbon e-efʌhọke,
sia eyaedọñ ammọ esịd.
5 Afọfọn anọ mbon e-enieghe ifuuro-ifuuro ido,
sia ammọ eyaedat ederimbod enie.
6 Afọfọn anọ mbon e-ekoppo abiọọñ ye nsaditọñ adinenido,
sia ammọ eyaekop uyʌkkọ.
7 Afọfọn anọ mbon e-etuaha awo mbọm,
sia eyaetua ammọ mbọm.
8 Afọfọn anọ mbon e-esịd ammọ asanake,
sia ammọ eyaekịt Abasi.
9 Afọfọn anọ mme anam emem,
sia eyaekoot ammọ nditọ Abasi.
10 Afọfọn anọ mbon e-ekọbọke ke ntak adinenido,
sia abioubọọñ hefịn anie ammọ.
11 “Afọfọn inọ ndufo ke ini mbon awo isueeñe ndufo, ikọbọ ndufo enyʌñ etañ afịd ndiọi ikọ idian ndufo ke ntak mmi. 12Inem esịd, inyʌñ idaara, sia utịb ndufo ayaakpon ke hefịn, sia kpasʌk ntom ke ekekọbọ mme prọfed e-ekibemme ndufo iso eba ke esed.
Inʌñ ye Unwana
13 “Ndufo edo inʌñ ederimbod. Ado adieke inʌñ imiinieghe inem aba, die ke ekeme adinam nọ anye amaana anem? Anye ifọnnọ ke baaba usʌñ ndomokeed, ibọhọke aditop anye nduọọk, ñnyʌñ nsọnnọ ke ñkpad.
14 “Ndufo edo unwana ederimbod. Abio e-ebọppọ ke anyọñ abod ikemeke adidịbe. 15Awo isidomoke utuenikañ iben usan ifʌk, ado esidot anye ke ñkpọ udod utuenikañ nọ anye ayamma anọ afịd awo ke ufọk. 16Ke ukem usʌñ ami ana unwana ndufo ayamma ke iso mme awo, nọ ammọ ekịt nti utom ndufo enyʌñ etooro Ete ndufo ke hefịn.
Adinam Mbed Asu
17 “Ikiikere ibo ke ami ñkedi adibiat Mbed me se mme Prọfed ekekpeep. Ami ñkidiighe adibabiat ammọ, ado ñkedi adinam ammọ esu. 18Ke akpanikọ ke ami idọkkọ ndufo, tutu anyọñ ye isọñ eboiyo efep, ndomo ntọi keed, ndomo ataa etək ntọi ikọ keed idiiwuọhọ ke Mbed ami tutu anye anam uduak a-akenaaha nte anye anam. 19Ke ntoro, awo akeedodo a-adiibiat ñkpọkọm ataa andisịp ñkan ke atu mme mbed ami me adinam nọ mbon mfen ekeene ebiat mme mbed ami, eyaedat awo ado nte ataa andisuuhọ ñkan ke abioubọọñ hefịn. Ado awo a-anịmme mme mbed ami anyʌñ akpeep mbon mfen abaña ammọ eyaedịppe anye itie ke abioubọọñ hefịn. 20Sia ami idọkkọ ndufo mbo ke ibọhọke adinenido ndufo akpon akan ake mme Farisi ye mme akpeeb mbed, ndufo idiikemekekeme idʌk abioubọọñ hefịn.
Uwodawo
21 “Ndufo emekop naña eketañ enọ mbon esed ebo, ‘Ikiiwot awo, ndin awo akeedodo a-awotto awo, eyaedaaha anye ke ikpe ke esob.’ 22Ado ami idọkkọ ndufo mbo ke awo akeedodo a-ayatta esịd ye ayịneka amọ#5:22 Ke usem Krik adelfọs a-awuọñọke ayịneka awodeen me awonwaanasʌk ada anọ emọ-emọ mbed, me awodeen me awonwaan a-anịmme Krais ke akpanikọ; se ñko ke Matiu 5:23. ayaadʌk ke ikpe. Ñko, awo akeedodo a-akoodo ayịneka amọ, ‘Raka,’#5:22 Ke usem Aramaik Rakaado nsueñayaabọọrọ mbuume ke iso esob. Ñko awo akeedodo a-abooho, ‘Afo ndisịme!’ ayaadʌk ke nsi-nsi ikañ.
23 “Ke ntoro, adieke afo adatta enọ mfo adi ke itie uwa, ndin atoiyo ke itie ado ke ayịneka mfo awodeen me awonwaan amaanie utọk ye afo, 24yaak enọ mfo ado nịm ke iso itie uwa. Kaa kenam emem ye ammọ diin, mbemiso afo atịmme adinọ enọ mfo.
25 “Nam emem ye awo usua mfo ke usọp mbemiso anye uben fiin awuọ esob. Nam emem idaha a-afo asʌkkọ asaña ye anye ke usʌñ, imiidooho awo usua mfo a-akeme ukappa fiin anọ abiideikpe, ndin abiideikpe ukappa fiin anọ adaaha, ndin ekeme utop fiin nsịn ke ufọk ñkpakọb. 26Ntañ akpanikọ inọ ndufo, afo uduuwuọhọ tutu afo a-akpe akpatre akʌk ama.
Efịbe
27 “Ndufo emekop ke emaebo, ‘Ikiisịn efịbe.’ 28Ado ami mbo ke awo a-aseeghe awonwaan ke idiọọk anyen akap asesịn efịbe ke esịd amọ. 29Anyen nnasia mfo akpedo ñkpọiduọ unọ fiin, kappa anye sio duọọk. A-afọn afo adinana ndido idem mfo keed, akan aditop afịd idem mfo nsịn ke nsi-nsi ikañ. 30Ñko ubọk nnasia mfo akpedo ñkpọiduọ unọ fiin, kpịkke anye top duọọk. A-afọn afo adinana ndido idem mfo keed ñkan afịd idem mfo aditak ke ikañ nsi-nsi.
Uwuọndọ
31 “Emaetatañ ebo ke awo akeedodo a-asịnne anwaan amọ ana anọ anye ñwed uwuọndọ. 32Ado ami ibo ndufo ke awo akeedodo a-asịnne anwaan amọ, ibọhọke ke ntak efịbe, a-anam anye ado asaña esiin; ñko awo akeedodo a-adọọhọ awonwaan e-emaekesio ke ndọ a-asịn efịbe.
Mme Unwọñọ
33 “Ñko, ndufo emekop ke emaebo mme ete ñnyịn ke esed, ‘Ikiibiat enwọñọ ndufo, ado inịm enwọñọ a-ndufo enamma ye Abọọñ.’ 34Ado ami ibo ndufo, ikiinwọnwọñọ unwọñọ ndomokeed: me adooho ke hefịn, sia anye ado ebekpo Abasi, 35me ke ederimbod, sia anye ado udodukod Abasi, me ke Yeruselem, sia anye ado abio Ekamba Adidem. 36Ikiinyʌñ inwọñọ ke iwuod ndufo, sia ndufo inieghe adudu adinam ided keed akappa ado afia me abubịd. 37Ukweeñe se ndufo enie edibo ado ‘Ii’ me ‘Iyoo’; ñkpọ ndomokeed akpediana do, se ndufo etañ ato andidiọọk.
Usiene Aka ke Usiene
38 “Ndufo emekop ke emaebo ‘Anyen aka ke anyen, eded anyʌñ aka ke eded.’ 39Ado ami ibo ndufo, ikiisio idiọọk awo usiene idiọọk. Utu ke ado, awo ndomokeed akpusiak fiin ufia ke mbañ ubọk nnasia, kanna mbañ edem uko nọ anye umia ñko. 40Ñko adieke awo ndomokeed ayemme adukoot fiin ikpe ke esob nọ ubọ afọñ anyọñidem mfo, nọ anye afọñidem mfo kọrọ. 41Awo ndomokeed akpukpak fiin nọ asaña itiad keed ye anye, kappa saña itiad iba. 42Nọ awo u-ubeeñeke fiin ñkpọ, kuunyʌñ utre adinọ awo a-ayemme ewuọd uto fiin.
Adima mme Asua
43 “Ndufo emekop ke ekebo, ‘Ma mbọhọidʌñ mfo nyʌñ sua awo usua mfo.’ 44Ado ami ibo ndufo, ima mme asua ndufo inyʌñ ibọñ akam inọ mbon i-ikọbọke ndufo, 45nọ ndufo edo nditọ Ete ndufo a-abaaha ke hefịn; sia unwana utịn amọ ayayamma anọ nti ye ndiọi awo, anyʌñ anọ nti ye ndiọi awo edịm ukem-ukem. 46Adieke ndufo emaaha mbon i-imaaha ndufo ikpọọñ, nsoo udod ke ndufo ediibọ? Idooho kpa ntoro ke mbon ubọ taks enam? 47Ñko, ndufo ekpekọọm mbon ndufo ikpọọñ, nsoo ke ndufo enam ekan mbon mfen? Nte mbon i-imiidiọọñọke Abasi isinyʌññọ inam ukem ado? 48Ana ndufo efọn ema, kpa naña Ete ndufo ke hefịn afọn ama.
Айни замон обунашуда:
Matiu 5: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 5
5
Ukwọrọikọ ke Anyọñ Abod
1Ke ini Yisọs akekịtte atu awo, anye amaadọọk akaa aketie ke anyọñ abod. Mme mbed amọ emaekaa ebịne anye, 2ndin anye amaatọọñọ adikpeep ammọ ñkpọ,
ate:
3 “Afọfọn anọ mbon e-eweeneke ke sịbidịd,
sia abioubọọñ hefịn anie ammọ.
4 Afọfọn anọ mbon e-efʌhọke,
sia eyaedọñ ammọ esịd.
5 Afọfọn anọ mbon e-enieghe ifuuro-ifuuro ido,
sia ammọ eyaedat ederimbod enie.
6 Afọfọn anọ mbon e-ekoppo abiọọñ ye nsaditọñ adinenido,
sia ammọ eyaekop uyʌkkọ.
7 Afọfọn anọ mbon e-etuaha awo mbọm,
sia eyaetua ammọ mbọm.
8 Afọfọn anọ mbon e-esịd ammọ asanake,
sia ammọ eyaekịt Abasi.
9 Afọfọn anọ mme anam emem,
sia eyaekoot ammọ nditọ Abasi.
10 Afọfọn anọ mbon e-ekọbọke ke ntak adinenido,
sia abioubọọñ hefịn anie ammọ.
11 “Afọfọn inọ ndufo ke ini mbon awo isueeñe ndufo, ikọbọ ndufo enyʌñ etañ afịd ndiọi ikọ idian ndufo ke ntak mmi. 12Inem esịd, inyʌñ idaara, sia utịb ndufo ayaakpon ke hefịn, sia kpasʌk ntom ke ekekọbọ mme prọfed e-ekibemme ndufo iso eba ke esed.
Inʌñ ye Unwana
13 “Ndufo edo inʌñ ederimbod. Ado adieke inʌñ imiinieghe inem aba, die ke ekeme adinam nọ anye amaana anem? Anye ifọnnọ ke baaba usʌñ ndomokeed, ibọhọke aditop anye nduọọk, ñnyʌñ nsọnnọ ke ñkpad.
14 “Ndufo edo unwana ederimbod. Abio e-ebọppọ ke anyọñ abod ikemeke adidịbe. 15Awo isidomoke utuenikañ iben usan ifʌk, ado esidot anye ke ñkpọ udod utuenikañ nọ anye ayamma anọ afịd awo ke ufọk. 16Ke ukem usʌñ ami ana unwana ndufo ayamma ke iso mme awo, nọ ammọ ekịt nti utom ndufo enyʌñ etooro Ete ndufo ke hefịn.
Adinam Mbed Asu
17 “Ikiikere ibo ke ami ñkedi adibiat Mbed me se mme Prọfed ekekpeep. Ami ñkidiighe adibabiat ammọ, ado ñkedi adinam ammọ esu. 18Ke akpanikọ ke ami idọkkọ ndufo, tutu anyọñ ye isọñ eboiyo efep, ndomo ntọi keed, ndomo ataa etək ntọi ikọ keed idiiwuọhọ ke Mbed ami tutu anye anam uduak a-akenaaha nte anye anam. 19Ke ntoro, awo akeedodo a-adiibiat ñkpọkọm ataa andisịp ñkan ke atu mme mbed ami me adinam nọ mbon mfen ekeene ebiat mme mbed ami, eyaedat awo ado nte ataa andisuuhọ ñkan ke abioubọọñ hefịn. Ado awo a-anịmme mme mbed ami anyʌñ akpeep mbon mfen abaña ammọ eyaedịppe anye itie ke abioubọọñ hefịn. 20Sia ami idọkkọ ndufo mbo ke ibọhọke adinenido ndufo akpon akan ake mme Farisi ye mme akpeeb mbed, ndufo idiikemekekeme idʌk abioubọọñ hefịn.
Uwodawo
21 “Ndufo emekop naña eketañ enọ mbon esed ebo, ‘Ikiiwot awo, ndin awo akeedodo a-awotto awo, eyaedaaha anye ke ikpe ke esob.’ 22Ado ami idọkkọ ndufo mbo ke awo akeedodo a-ayatta esịd ye ayịneka amọ#5:22 Ke usem Krik adelfọs a-awuọñọke ayịneka awodeen me awonwaanasʌk ada anọ emọ-emọ mbed, me awodeen me awonwaan a-anịmme Krais ke akpanikọ; se ñko ke Matiu 5:23. ayaadʌk ke ikpe. Ñko, awo akeedodo a-akoodo ayịneka amọ, ‘Raka,’#5:22 Ke usem Aramaik Rakaado nsueñayaabọọrọ mbuume ke iso esob. Ñko awo akeedodo a-abooho, ‘Afo ndisịme!’ ayaadʌk ke nsi-nsi ikañ.
23 “Ke ntoro, adieke afo adatta enọ mfo adi ke itie uwa, ndin atoiyo ke itie ado ke ayịneka mfo awodeen me awonwaan amaanie utọk ye afo, 24yaak enọ mfo ado nịm ke iso itie uwa. Kaa kenam emem ye ammọ diin, mbemiso afo atịmme adinọ enọ mfo.
25 “Nam emem ye awo usua mfo ke usọp mbemiso anye uben fiin awuọ esob. Nam emem idaha a-afo asʌkkọ asaña ye anye ke usʌñ, imiidooho awo usua mfo a-akeme ukappa fiin anọ abiideikpe, ndin abiideikpe ukappa fiin anọ adaaha, ndin ekeme utop fiin nsịn ke ufọk ñkpakọb. 26Ntañ akpanikọ inọ ndufo, afo uduuwuọhọ tutu afo a-akpe akpatre akʌk ama.
Efịbe
27 “Ndufo emekop ke emaebo, ‘Ikiisịn efịbe.’ 28Ado ami mbo ke awo a-aseeghe awonwaan ke idiọọk anyen akap asesịn efịbe ke esịd amọ. 29Anyen nnasia mfo akpedo ñkpọiduọ unọ fiin, kappa anye sio duọọk. A-afọn afo adinana ndido idem mfo keed, akan aditop afịd idem mfo nsịn ke nsi-nsi ikañ. 30Ñko ubọk nnasia mfo akpedo ñkpọiduọ unọ fiin, kpịkke anye top duọọk. A-afọn afo adinana ndido idem mfo keed ñkan afịd idem mfo aditak ke ikañ nsi-nsi.
Uwuọndọ
31 “Emaetatañ ebo ke awo akeedodo a-asịnne anwaan amọ ana anọ anye ñwed uwuọndọ. 32Ado ami ibo ndufo ke awo akeedodo a-asịnne anwaan amọ, ibọhọke ke ntak efịbe, a-anam anye ado asaña esiin; ñko awo akeedodo a-adọọhọ awonwaan e-emaekesio ke ndọ a-asịn efịbe.
Mme Unwọñọ
33 “Ñko, ndufo emekop ke emaebo mme ete ñnyịn ke esed, ‘Ikiibiat enwọñọ ndufo, ado inịm enwọñọ a-ndufo enamma ye Abọọñ.’ 34Ado ami ibo ndufo, ikiinwọnwọñọ unwọñọ ndomokeed: me adooho ke hefịn, sia anye ado ebekpo Abasi, 35me ke ederimbod, sia anye ado udodukod Abasi, me ke Yeruselem, sia anye ado abio Ekamba Adidem. 36Ikiinyʌñ inwọñọ ke iwuod ndufo, sia ndufo inieghe adudu adinam ided keed akappa ado afia me abubịd. 37Ukweeñe se ndufo enie edibo ado ‘Ii’ me ‘Iyoo’; ñkpọ ndomokeed akpediana do, se ndufo etañ ato andidiọọk.
Usiene Aka ke Usiene
38 “Ndufo emekop ke emaebo ‘Anyen aka ke anyen, eded anyʌñ aka ke eded.’ 39Ado ami ibo ndufo, ikiisio idiọọk awo usiene idiọọk. Utu ke ado, awo ndomokeed akpusiak fiin ufia ke mbañ ubọk nnasia, kanna mbañ edem uko nọ anye umia ñko. 40Ñko adieke awo ndomokeed ayemme adukoot fiin ikpe ke esob nọ ubọ afọñ anyọñidem mfo, nọ anye afọñidem mfo kọrọ. 41Awo ndomokeed akpukpak fiin nọ asaña itiad keed ye anye, kappa saña itiad iba. 42Nọ awo u-ubeeñeke fiin ñkpọ, kuunyʌñ utre adinọ awo a-ayemme ewuọd uto fiin.
Adima mme Asua
43 “Ndufo emekop ke ekebo, ‘Ma mbọhọidʌñ mfo nyʌñ sua awo usua mfo.’ 44Ado ami ibo ndufo, ima mme asua ndufo inyʌñ ibọñ akam inọ mbon i-ikọbọke ndufo, 45nọ ndufo edo nditọ Ete ndufo a-abaaha ke hefịn; sia unwana utịn amọ ayayamma anọ nti ye ndiọi awo, anyʌñ anọ nti ye ndiọi awo edịm ukem-ukem. 46Adieke ndufo emaaha mbon i-imaaha ndufo ikpọọñ, nsoo udod ke ndufo ediibọ? Idooho kpa ntoro ke mbon ubọ taks enam? 47Ñko, ndufo ekpekọọm mbon ndufo ikpọọñ, nsoo ke ndufo enam ekan mbon mfen? Nte mbon i-imiidiọọñọke Abasi isinyʌññọ inam ukem ado? 48Ana ndufo efọn ema, kpa naña Ete ndufo ke hefịn afọn ama.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.