Matiu 27
27
Yudas Ayịre Ekpan
1Tuhi-tuhi ubakusen, afịd mme ñkpoon aku ye mme ñkpisọñ abio emaenam edioomo ebaña naña ediiwot Yisọs. 2Ndin ammọ emaebọp anye enyʌñ eben anye ekaa ekeyaak enọ Pailed, adaiwuod ukara.
3Ke ini Yudas, awo a-akenyamma Yisọs anọ mme Yuu, amaakekịt ke ebiere ikpe ñkpa enọ Yisọs, anye amaatua ñkpọfiọk, akpəho akikere abaña ndudue amọ anyʌñ aben akpoho edịb mme duob a-anye akebọọhọ asọk mme ñkpoon aku ye mme ñkpisọñ. 4Anye amaabo ammọ ate, “Ami mmenam idiọọkñkpọ ke aditap iyiib i-imiidueghe.” Ammọ emaebọọrọ ete,
“Anye ado ibeghe die ñnyịn? Ndubeghe mfo ado ado.”
5Ndin anye amaatoomo akʌk ado abono ke tembịd anyʌñ adakka akeyịt idem awot.
6Mme ñkpoon aku emaekoono akʌk ado enyʌñ ebo, “Mbed akpan adisịn akʌk ami ke ufọk unịm akʌk; sia ado akʌk iyiib awo.” 7Ammọ emaebiere adiben akʌk ado ñkedep isọñ abodabañ ndat nnịm nte itie ubuuk mme isenawo. 8Ntak adodo i-isọñ ado akereke Isọñ Iyiib tutu asịm mfịn ami. 9Ndin ikọ a-prọfed Yerimaiya aketañña amaasu: “Ammọ emaeben mbaak silfa edịb mme duob, ekọmudua a-nditọ Isrel ekenyịmmeke adikpe ke iwuod amọ, 10edep inwañ abodabañ kpa naña nte Abọọñ akennọọ ewʌhọ.”
Yisọs ke Iso Pailed
11Ndin emaeben Yisọs edi ke iso adaiwuod ukara, ndin adaiwuod ukara amaabịp anye mbịme ami, “Afo ado adidem mme Yuu?”
Yisọs amaabọọrọ ate, “Akap ado afo atañ.”
12Ke ini mme ñkpoon aku ye mme ñkpisọñ ekedotto anye uyio, anye ikibọọrọke ammọ ikọ ndomokeed. 13Ndin Pailed amaabo anye ate, “Nte afo ukoppo afịd ikọ se ammọ udot fiin ami?” 14Ado ke ataa ñkpaidem adaiwuod ukara, anye ikibọọrọke ikọ ndomokeed ke abaña mme ndoduyio ami.
15Ke ini usọrọ, akesido ido adaiwuod ukara adisaana awo ñkpakọb keed akeedodo a-mbon idʌñ eyemme nnọọ ammọ. 16Ke ini ado, ataa abʌd-abʌd awo ñkpakọb keed amaaba a-akekereke Yisọs#27:16 Ataa uwak mme ikpañwed inieghe Yisọske anyịñ ami; se ñko ke Matiu 27:17. Barabas. 17Anam ke ini atu awo emaekeboho, Pailed amaabo ammọ ate, “Anie awo ke eyem ñyaak inọ ndufo: Yisọs Barabas me Yisọs e-ekoodo Krais?” 18Pailed amaadiọọñọ abo ke aketo ke ntak ufọn idem ammọ akenam nọ ammọ ekeyaak Yisọs inọ imọ.
19Idaha a-Pailed aketieghe ke ñkpọitie ubiideikpe, anwaan amọ amaanọ etob ami esọk anye ate, “Kuunie ñkpọ ndomokeed adinam ye eti awo ado; esịd antịmede miin mfịn ami ato ke ndab añkedappake mbaña anye.”
20Ado mme ikpọ aku ye mme ñkpisọñ emaedọọñ atu awo ete ebo Pailed asaana Barabas ayaak, ado awot Yisọs.
21Anam ke ini adaiwuod ukara aketañña ikọ anyʌñ abịp ammọ ate, “Anie ke atu awo iba ami ke ndufo eyem ñyaak inọ?”
Ammọ emaebọọrọ, “Barabas.”
22Pailed amaabịp ammọ ate, “Ke ntoro, nsoo ke ndufo eyem nnam ye Yisọs e-ekoodo Krais?”
Afịd ammọ emaebo, “Ikọñ anye ke krọs!”
23Pailed amaabịp ammọ, “Ntak-a? Nsoo idiọọkñkpọ ke anye anam?”
Ado ammọ emaenenekke ebọñ ke akpọsọñ uyio ete, “Ikọñ anye ke krọs!”
24Ndin Pailed akekịt ke inieghe se imọ ikan adinam, ñko ke atu awo eyaetọọñọ ntịme, anye amaaben mmọọñ ayie ubọk ke iso atu awo anyʌñ abo, “Ami nsañake ñkpọ do ye iyiib awo ami. Ado ndubeghe ndufo!”
25Ndin afịd atu awo emaebọọrọ ete, “Yak iyiib amọ idoro ñnyịn ye nditọ ñnyịn ke iwuod!”
26Ndin anye amaayaak Barabas anọ ammọ. Ke ini anye amaakenam nọ emia Yisọs ema, anye amaayaak anye anọ ammọ nọ ekọñ anye ke krọs.
Mbon Ekọñ Edọọñ Yisọs Ndọk
27Ndin mbon ekọñ adaiwuod ukara emaeben Yisọs edʌk ekamba akwere (Pretorium) adaiwuod ukara enyʌñ eben afịd udịm mbon ekọñ ekanna anye ekʌk. 28Ndin ammọ emaesịññe anye afọñidem enyʌñ eben ndad-ndad afọñ ewañ anye. 29Ke emaekedọk ñnyanyaha ñkukịm nte anyanya emaeben edot anye ke iwuod enyʌñ eben esañ esịn anye ke ubọk nnasia. Ndin ammọ emaetọọñọ edọñ enọ anye, enyʌñ edọọñ anye ndọk, ebo, “Itọñ uwem asọñ adidem mme Yuu!” 30Ndin ammọ emaetọ anye etab enyʌñ ebọ anye esañ ado eyʌppọ anye ke iwuod uwak-uwak ini. 31Ke ini ammọ emaekesuenne anye ima, ammọ emaesio anye ndad-ndad afọñ ado enyʌñ eben afọñidem amọ esịn anye, ndin eben anye ekaa adikikọñ ke krọs.
Ekọñ Yisọs ke Krọs
32Ke ammọ emaekewuọ, ammọ emaekịt awodeen keed a-aketooho Siriin, a-akekereke Saimọn. Ndin ammọ emaemʌm anye enam anye abiom krọs ado. 33Ammọ emaekesịm itie keed e-ekekoodo Kọlkọta (awuọñọke “itie ñkpọkpọrọ”). 34Ke itie ado ammọ emaenọ Yisọs ukọd nọ anwọñ, ewuaha ye idod-idod ukọd; ado ke anye amaaketʌm mmịn ado, anye amaasịn adinwọñ. 35Ammọ emaekekọñ anye ke krọs ima, ammọ emaesịn ukañ edeeme afọñidem amọ edat. 36Ndin emaesuuk etie do ekpeme anye. 37Ke anyọñ krọs ado ammọ emaewet ikọ ndoduyio ebana anye, ete:
Ami ado Yisọs, Adidem mme Yuu.
38Ndin emaekọñ mme ndiọi awo iba edian anye, keed ke ubọk nnasia, keed ke ubọk ufiin. 39Mbon se ikiboiyo ke usʌñ emaesueñ anye, efuuñ iwuod, 40enyʌñ ebo ete, “Afo a-aduakka adiwuut tembịd mmaana ndat usen ita mbọp, nyaaña idem mfo! Akpedo afo ado Ayịn Abasi sọiyọ ke krọs di!” 41Kpa ke ukem usʌñ ado, mme ñkpoon aku, ye mme andikpeeb mbed ye mme ñkpisọñ emaenọ anye ñnyọọ. 42Ammọ emaebo ete, “Anye amaanyaaña mbon mfen ado anye ikanna inyaaña idem amọ. Anye ado adidem Isrel! Yak anye asọiyọ ke krọs adi idahami, ndin ñnyịn iyainịm anye ke akpanikọ. 43Anye anịm Abasi ke akpanikọ; idahami yak Abasi anyaaña anye adieke ayemme anye, sia anye akebo, ‘Ami ndo Ayịn Abasi.’ ” 44Kpa ke ukem usʌñ ado, idem mme inọ e-ekekọññọ ke krọs edian anye emaekeene esueñ anye.
Ñkpa Yisọs
45Tọọñọ ke ñkanika duob mme iba uweemeayio tutu awuọ ñkanika ita uweemeayio ekịm amaafʌk afịd isọñ. 46Ndin ke ñkpọ nte ñkanika ita uweemeayio, Yisọs amaabọñ ke akpọsọñ uyio ate, “Eli, Eli,#27:46 Usʌk mme ikpañwed ewet, Eloi, Eloi lema sabaktani?” (a-awuọñọke, “Abasi mmi, Abasi mmi, nsoo inam nọ afo añkpọñ miin?”).
47Ke ini usʌk mbon se ikida ikpere ekekoppo, ammọ emaebo, “Anye akoot Elaiya.”
48Ndin keed ke atu ammọ amaasọsọp afeghe akedat kusa atot ke eto, anyiin ke wain fineka, anyʌñ anọ Yisọs nọ anwọñ. 49Ado mbon ako emaebo, “Isaana anye iyaak ndin. Yak ise me Elaiya ayaadinyaaña anye.”
50Ado ke Yisọs amaaketua ke akpọsọñ uyio ini keed mfen, anye amaasaana sịbidịd amọ ayaak.
51Kpa ke idahado, afọñ ikpeghe tembịd amaasakka iba tọọñọ ke anyọñ tutu asịm isọñ. Isọñ amaanyeñ, mme itiad emaesaiya, 52mme udi emaenyʌñ ekuumọ, ndin mme ikpọkidem uwak ndisana awo emaeset ke ñkpa. 53Ammọ emaewuọñọ ke mme udi edi, ke ini Yisọs amaakeset ke ñkpa, enyʌñ ekewọt uwak awo idem ke adisana abio.
54Sentudiọn ye mbon mfen e-ekekpemeke Yisọs ekekịt unyeñisọñ ye afịd se ikitịppe, ammọ emaekop akpọsọñ ndịk enyʌñ ebo, “Ke akpanikọ, awo ami akedo Ayịn Abasi!”
55Uwak ibaan emaeba do, eda nsan-nsan ese, kpa mme ibaan ado e-ekekeeneke Yisọs tọọñọ ke Kalili enyʌñ ese ñkpọ ebaña anye. 56Ubaak ke atu ammọ ekedo Mmeri Makdalin, Mmeri eka Yems ye Yosef,#27:56 Ke usem Krik Yoses, ado usʌñ mfen naña ekoot Yosef ye eka nditọ Sebidi.
Ubuuk Yisọs
57Ke amaakekpere ndubiayio, imọ awo keed a-aketooho Arimatia, a-akekereke Yosef, a-adooho anye amaakappa ado mbed Yisọs, amaadi. 58Anye amaabịne Pailed akebo yak inọ akpo Yisọs. Ndin Pailed amaanọ uyio ate eyaak enọ anye. 59Yosef amaaben akpo Yisọs awañ ke afọñ linen a-asanake, 60anyʌñ asịn ke ufa udi amọ a-anye akedọkkọ ke abaitiad. Anye amaawere ekamba itiad akwe inua udi ado anyʌñ adakka anyọñ. 61Mmeri Makdalin ye Mmeri anye ako emaetie do esak iso ese udi.
Mme Akpeme Udi Yisọs
62Ke edem usen, a-akedooho edem usen Mbeeñe Idem amaakekweeñe, mme ñkpoon aku ye mme Farisi emaesaña keed ebịne Pailed. 63Ammọ emaekebo anye, “Abọọñ awo, ñnyịn imitoiyo ibo ke awo abiaña ami, ke ini anye akebaaha ke uwem, amaabo, ‘Ami ñyaaset ke ayọhọ usen ita.’ 64Ke ntoro, nọ uyio bo etʌm ekpeme udi ado tutu ayọhọ usen ita, mbaak mme mbed amọ edidiyịp anye etịmme ekedọkkọ mbon awo ebo ke anye a-aset ke ñkpa. Akpatre abiaña ami ayaadiọọk akan akpa.”
65Pailed amaabo ammọ ate, “Idat akpeme udi keed, ikaa ikinekke ikpeme itie ado naña ndufo ekpekakan.” 66Ammọ emaedakka ekenekke ekọp udi, edian mme idiọọñọ ke itiad udi enyʌñ enịm mme mbon ekọñ do.
Айни замон обунашуда:
Matiu 27: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 27
27
Yudas Ayịre Ekpan
1Tuhi-tuhi ubakusen, afịd mme ñkpoon aku ye mme ñkpisọñ abio emaenam edioomo ebaña naña ediiwot Yisọs. 2Ndin ammọ emaebọp anye enyʌñ eben anye ekaa ekeyaak enọ Pailed, adaiwuod ukara.
3Ke ini Yudas, awo a-akenyamma Yisọs anọ mme Yuu, amaakekịt ke ebiere ikpe ñkpa enọ Yisọs, anye amaatua ñkpọfiọk, akpəho akikere abaña ndudue amọ anyʌñ aben akpoho edịb mme duob a-anye akebọọhọ asọk mme ñkpoon aku ye mme ñkpisọñ. 4Anye amaabo ammọ ate, “Ami mmenam idiọọkñkpọ ke aditap iyiib i-imiidueghe.” Ammọ emaebọọrọ ete,
“Anye ado ibeghe die ñnyịn? Ndubeghe mfo ado ado.”
5Ndin anye amaatoomo akʌk ado abono ke tembịd anyʌñ adakka akeyịt idem awot.
6Mme ñkpoon aku emaekoono akʌk ado enyʌñ ebo, “Mbed akpan adisịn akʌk ami ke ufọk unịm akʌk; sia ado akʌk iyiib awo.” 7Ammọ emaebiere adiben akʌk ado ñkedep isọñ abodabañ ndat nnịm nte itie ubuuk mme isenawo. 8Ntak adodo i-isọñ ado akereke Isọñ Iyiib tutu asịm mfịn ami. 9Ndin ikọ a-prọfed Yerimaiya aketañña amaasu: “Ammọ emaeben mbaak silfa edịb mme duob, ekọmudua a-nditọ Isrel ekenyịmmeke adikpe ke iwuod amọ, 10edep inwañ abodabañ kpa naña nte Abọọñ akennọọ ewʌhọ.”
Yisọs ke Iso Pailed
11Ndin emaeben Yisọs edi ke iso adaiwuod ukara, ndin adaiwuod ukara amaabịp anye mbịme ami, “Afo ado adidem mme Yuu?”
Yisọs amaabọọrọ ate, “Akap ado afo atañ.”
12Ke ini mme ñkpoon aku ye mme ñkpisọñ ekedotto anye uyio, anye ikibọọrọke ammọ ikọ ndomokeed. 13Ndin Pailed amaabo anye ate, “Nte afo ukoppo afịd ikọ se ammọ udot fiin ami?” 14Ado ke ataa ñkpaidem adaiwuod ukara, anye ikibọọrọke ikọ ndomokeed ke abaña mme ndoduyio ami.
15Ke ini usọrọ, akesido ido adaiwuod ukara adisaana awo ñkpakọb keed akeedodo a-mbon idʌñ eyemme nnọọ ammọ. 16Ke ini ado, ataa abʌd-abʌd awo ñkpakọb keed amaaba a-akekereke Yisọs#27:16 Ataa uwak mme ikpañwed inieghe Yisọske anyịñ ami; se ñko ke Matiu 27:17. Barabas. 17Anam ke ini atu awo emaekeboho, Pailed amaabo ammọ ate, “Anie awo ke eyem ñyaak inọ ndufo: Yisọs Barabas me Yisọs e-ekoodo Krais?” 18Pailed amaadiọọñọ abo ke aketo ke ntak ufọn idem ammọ akenam nọ ammọ ekeyaak Yisọs inọ imọ.
19Idaha a-Pailed aketieghe ke ñkpọitie ubiideikpe, anwaan amọ amaanọ etob ami esọk anye ate, “Kuunie ñkpọ ndomokeed adinam ye eti awo ado; esịd antịmede miin mfịn ami ato ke ndab añkedappake mbaña anye.”
20Ado mme ikpọ aku ye mme ñkpisọñ emaedọọñ atu awo ete ebo Pailed asaana Barabas ayaak, ado awot Yisọs.
21Anam ke ini adaiwuod ukara aketañña ikọ anyʌñ abịp ammọ ate, “Anie ke atu awo iba ami ke ndufo eyem ñyaak inọ?”
Ammọ emaebọọrọ, “Barabas.”
22Pailed amaabịp ammọ ate, “Ke ntoro, nsoo ke ndufo eyem nnam ye Yisọs e-ekoodo Krais?”
Afịd ammọ emaebo, “Ikọñ anye ke krọs!”
23Pailed amaabịp ammọ, “Ntak-a? Nsoo idiọọkñkpọ ke anye anam?”
Ado ammọ emaenenekke ebọñ ke akpọsọñ uyio ete, “Ikọñ anye ke krọs!”
24Ndin Pailed akekịt ke inieghe se imọ ikan adinam, ñko ke atu awo eyaetọọñọ ntịme, anye amaaben mmọọñ ayie ubọk ke iso atu awo anyʌñ abo, “Ami nsañake ñkpọ do ye iyiib awo ami. Ado ndubeghe ndufo!”
25Ndin afịd atu awo emaebọọrọ ete, “Yak iyiib amọ idoro ñnyịn ye nditọ ñnyịn ke iwuod!”
26Ndin anye amaayaak Barabas anọ ammọ. Ke ini anye amaakenam nọ emia Yisọs ema, anye amaayaak anye anọ ammọ nọ ekọñ anye ke krọs.
Mbon Ekọñ Edọọñ Yisọs Ndọk
27Ndin mbon ekọñ adaiwuod ukara emaeben Yisọs edʌk ekamba akwere (Pretorium) adaiwuod ukara enyʌñ eben afịd udịm mbon ekọñ ekanna anye ekʌk. 28Ndin ammọ emaesịññe anye afọñidem enyʌñ eben ndad-ndad afọñ ewañ anye. 29Ke emaekedọk ñnyanyaha ñkukịm nte anyanya emaeben edot anye ke iwuod enyʌñ eben esañ esịn anye ke ubọk nnasia. Ndin ammọ emaetọọñọ edọñ enọ anye, enyʌñ edọọñ anye ndọk, ebo, “Itọñ uwem asọñ adidem mme Yuu!” 30Ndin ammọ emaetọ anye etab enyʌñ ebọ anye esañ ado eyʌppọ anye ke iwuod uwak-uwak ini. 31Ke ini ammọ emaekesuenne anye ima, ammọ emaesio anye ndad-ndad afọñ ado enyʌñ eben afọñidem amọ esịn anye, ndin eben anye ekaa adikikọñ ke krọs.
Ekọñ Yisọs ke Krọs
32Ke ammọ emaekewuọ, ammọ emaekịt awodeen keed a-aketooho Siriin, a-akekereke Saimọn. Ndin ammọ emaemʌm anye enam anye abiom krọs ado. 33Ammọ emaekesịm itie keed e-ekekoodo Kọlkọta (awuọñọke “itie ñkpọkpọrọ”). 34Ke itie ado ammọ emaenọ Yisọs ukọd nọ anwọñ, ewuaha ye idod-idod ukọd; ado ke anye amaaketʌm mmịn ado, anye amaasịn adinwọñ. 35Ammọ emaekekọñ anye ke krọs ima, ammọ emaesịn ukañ edeeme afọñidem amọ edat. 36Ndin emaesuuk etie do ekpeme anye. 37Ke anyọñ krọs ado ammọ emaewet ikọ ndoduyio ebana anye, ete:
Ami ado Yisọs, Adidem mme Yuu.
38Ndin emaekọñ mme ndiọi awo iba edian anye, keed ke ubọk nnasia, keed ke ubọk ufiin. 39Mbon se ikiboiyo ke usʌñ emaesueñ anye, efuuñ iwuod, 40enyʌñ ebo ete, “Afo a-aduakka adiwuut tembịd mmaana ndat usen ita mbọp, nyaaña idem mfo! Akpedo afo ado Ayịn Abasi sọiyọ ke krọs di!” 41Kpa ke ukem usʌñ ado, mme ñkpoon aku, ye mme andikpeeb mbed ye mme ñkpisọñ emaenọ anye ñnyọọ. 42Ammọ emaebo ete, “Anye amaanyaaña mbon mfen ado anye ikanna inyaaña idem amọ. Anye ado adidem Isrel! Yak anye asọiyọ ke krọs adi idahami, ndin ñnyịn iyainịm anye ke akpanikọ. 43Anye anịm Abasi ke akpanikọ; idahami yak Abasi anyaaña anye adieke ayemme anye, sia anye akebo, ‘Ami ndo Ayịn Abasi.’ ” 44Kpa ke ukem usʌñ ado, idem mme inọ e-ekekọññọ ke krọs edian anye emaekeene esueñ anye.
Ñkpa Yisọs
45Tọọñọ ke ñkanika duob mme iba uweemeayio tutu awuọ ñkanika ita uweemeayio ekịm amaafʌk afịd isọñ. 46Ndin ke ñkpọ nte ñkanika ita uweemeayio, Yisọs amaabọñ ke akpọsọñ uyio ate, “Eli, Eli,#27:46 Usʌk mme ikpañwed ewet, Eloi, Eloi lema sabaktani?” (a-awuọñọke, “Abasi mmi, Abasi mmi, nsoo inam nọ afo añkpọñ miin?”).
47Ke ini usʌk mbon se ikida ikpere ekekoppo, ammọ emaebo, “Anye akoot Elaiya.”
48Ndin keed ke atu ammọ amaasọsọp afeghe akedat kusa atot ke eto, anyiin ke wain fineka, anyʌñ anọ Yisọs nọ anwọñ. 49Ado mbon ako emaebo, “Isaana anye iyaak ndin. Yak ise me Elaiya ayaadinyaaña anye.”
50Ado ke Yisọs amaaketua ke akpọsọñ uyio ini keed mfen, anye amaasaana sịbidịd amọ ayaak.
51Kpa ke idahado, afọñ ikpeghe tembịd amaasakka iba tọọñọ ke anyọñ tutu asịm isọñ. Isọñ amaanyeñ, mme itiad emaesaiya, 52mme udi emaenyʌñ ekuumọ, ndin mme ikpọkidem uwak ndisana awo emaeset ke ñkpa. 53Ammọ emaewuọñọ ke mme udi edi, ke ini Yisọs amaakeset ke ñkpa, enyʌñ ekewọt uwak awo idem ke adisana abio.
54Sentudiọn ye mbon mfen e-ekekpemeke Yisọs ekekịt unyeñisọñ ye afịd se ikitịppe, ammọ emaekop akpọsọñ ndịk enyʌñ ebo, “Ke akpanikọ, awo ami akedo Ayịn Abasi!”
55Uwak ibaan emaeba do, eda nsan-nsan ese, kpa mme ibaan ado e-ekekeeneke Yisọs tọọñọ ke Kalili enyʌñ ese ñkpọ ebaña anye. 56Ubaak ke atu ammọ ekedo Mmeri Makdalin, Mmeri eka Yems ye Yosef,#27:56 Ke usem Krik Yoses, ado usʌñ mfen naña ekoot Yosef ye eka nditọ Sebidi.
Ubuuk Yisọs
57Ke amaakekpere ndubiayio, imọ awo keed a-aketooho Arimatia, a-akekereke Yosef, a-adooho anye amaakappa ado mbed Yisọs, amaadi. 58Anye amaabịne Pailed akebo yak inọ akpo Yisọs. Ndin Pailed amaanọ uyio ate eyaak enọ anye. 59Yosef amaaben akpo Yisọs awañ ke afọñ linen a-asanake, 60anyʌñ asịn ke ufa udi amọ a-anye akedọkkọ ke abaitiad. Anye amaawere ekamba itiad akwe inua udi ado anyʌñ adakka anyọñ. 61Mmeri Makdalin ye Mmeri anye ako emaetie do esak iso ese udi.
Mme Akpeme Udi Yisọs
62Ke edem usen, a-akedooho edem usen Mbeeñe Idem amaakekweeñe, mme ñkpoon aku ye mme Farisi emaesaña keed ebịne Pailed. 63Ammọ emaekebo anye, “Abọọñ awo, ñnyịn imitoiyo ibo ke awo abiaña ami, ke ini anye akebaaha ke uwem, amaabo, ‘Ami ñyaaset ke ayọhọ usen ita.’ 64Ke ntoro, nọ uyio bo etʌm ekpeme udi ado tutu ayọhọ usen ita, mbaak mme mbed amọ edidiyịp anye etịmme ekedọkkọ mbon awo ebo ke anye a-aset ke ñkpa. Akpatre abiaña ami ayaadiọọk akan akpa.”
65Pailed amaabo ammọ ate, “Idat akpeme udi keed, ikaa ikinekke ikpeme itie ado naña ndufo ekpekakan.” 66Ammọ emaedakka ekenekke ekọp udi, edian mme idiọọñọ ke itiad udi enyʌñ enịm mme mbon ekọñ do.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.