Matiu 16
16
Uyem Idiọọñọ
1Mme Farisi ye mme Sadusi emaedi edidomo Yisọs ke adibo anye yak iwọt mmimọ idiọọñọ a-atooho hefịn.
2Yisọs amaabọọrọ, “Ndubiayio amaadi ndufo ebo, ‘Anyọñ ayaayaiya, sia ikpaanyọñ ado ndad-ndad,’ 3ndin ke ubakusen ndufo ebo, ‘Mfịn ayobio ayaaba, sia ikpaanyọñ adat ndin anyọñ anyʌñ afʌhọ.’ Ndufo emediọọñọ naña ekappa idiọọñọ ikpaanyọñ, ado idiọọñọke adikappa idiọọñọ ini ntom. 4Emana mbon mbubịk ye emana mbon efịbe eyem idiọọñọ, ado awo idiinọọñọ ammọ idiọọñọ ke amaaboiyo idiọọñọ Yọna.” Ndin Yisọs amaakpọñ ammọ adakka anyọñ.
Yiis mme Farisi ye mme Sadusi
5Mme mbed Yisọs, ke ini ammọ emaekekanna eka edem ibiok uko, emaefre adiben uyo. 6Yisọs amaabo ammọ, “Inekke ikpeme, inyʌñ ikpeme idem ndufo mbaak yiis mme Farisi ye mme Sadusi.”
7Ammọ emaeneme ke ufọọd ammọ ebo, “Ado sia ñnyịn ikibenne uyo ndomokeed idi.”
8Yisọs amaadiọọñọ se ammọ ekeneme, ndin anye amaabo ammọ, “Ndufo mbon etək mbuọdidem, ntak etañña ke atu ndufo ebo ke ikamake uyo-o? 9Isʌkkọ inwanwaña ndufo? Ndufo itoiyoke uyo ition e-ekenọọhọ tọsịn awo ition ye ibad akpasa se ndufo ekekoono? 10Itoiyoke ñko uyo itiaba e-ekenọọhọ awo tọsịn inaañ ye ibad akpasa se ndufo ekekoono? 11Anam die nọ idiinwañake ndufo ke ami ñketañña mbaña uyo? Ado ikpeme idem ndufo ke abaña yiis mme Farisi ye Sadusi.” 12Do ndin amaanwaña ammọ ke anye akebo ammọ ekpeme idem ebaña ukpeebñkpọ mme Farisi ye mme Sadusi, idooho yiis asinamma uyo atịt.
Pita Asọọñọ ke Yisọs ado Krais
13Ke ini Yisọs amaakedi utịd Siseria Filipai, anye amaabịp mme mbed amọ mbịme ate: “Anie ke mme awo ebo ke Ayịn Awo ado?”
14Ammọ emaebọọrọ, “Ubaak ebo Yọọn Aduọkmmọọñ; ubaak ebo Elaiya; ubaak ete, Yerimaiya me keed ke atu mme prọfed.”
15Ndin anye amaabịp ammọ ate, “Ado ndufo ebo ke ami ndo anie?”
16Ndin Saimọn Pita amaabọọrọ, “Afo ado Krais, Ayịn ndu-ndu Abasi.”
17Yisọs amaabọọrọ anye ate, “Saimọn ayịn Yọna, afo ado awo e-emaedọdiọñ, sia ikidooho abʌk ye iyiib ekeyaara ami unọọ fiin, ado Ete mmi ke hefịn. 18Ke ntoro, ami udọkkọ fiin nte afo ado Pita,#16:18 Ke usem Krik Pitaawuọñọ itiad. ndin ke anyọñ itiad ami, ami ñyaabọp ufọkabasi mmi, ndin inuaatob Hedis#16:18 Hedis awuọñọ abioekpo idiikanna anye. 19Ami ñyaunọ fiin mme ukpọhọde abioubọọñ hefịn: se adodo a-afo abọppọ ke isọñ, eyaebọp ke hefịn, ñko se adodo a-afo atatta ke isọñ eyaetat ke hefịn.” 20Ndin anye amaakpan mme mbed amọ ate ekuudọkkọ awo ndomokeed ke imọ ido Krais.
Yisọs Atañ Abaña Ñkpa Amọ
21Tọọñọ ke ini ado Yisọs amaatọọñọ aditañ anwa-anwa anọ mme mbed amọ ke ana imọ ika Yeruselem ikibọ nsio-nsio ufen ke ubọk mme ñkpisọñ, mme ñkpoon aku ye mme andikpeeb mbed, ñko ke ana ewot anye, ndin ke ayọhọ usen ita eyaenam anye aset ke ñkpa.
22Ndin Pita amaaben anye asịkke ada nsan-nsan anyʌñ atọọñọ adisua nnọọ anye ate, “Abasi akan, Abọọñ! Tutu amama utọ ñkpọ ami idiitịppe unọ fiin.”
23Ado Yisọs amaakanna anyʌñ abo Pita, “Ndakka miin ke iso, Setan! Afo ado ñkpọiduọ annọ miin; afo ukereke ñkpọ a-abañake Abasi, ado akere ñkpọ a-abañake uduud awo.”
24Ndin Yisọs amaabo mme mbed amọ, “Awo ndomokeed ayemme iñkeene miin ana akañ idem amọ, aben krọs amọ anyʌñ añkeene miin. 25Awo akeedodo a-ayemme adinyaaña uwem#16:25 Ke usem Krik ekeme edikappa nte uwemenyʌñ ekeme ikappa nte ukpọñ; se ñko ke ufañ 26 amọ ayaaduọọk anye. Ado awo akeedodo a-aduọhọ uwem amọ ke ntak mmi, ayaanyaaña anye. 26Nsoo ndin idiido udod ke awo adinie afịd ederimbod ado aduọọk ukpọñ amọ? Me nsoo ke awo akeme adinọ nte ukpʌhọ ñkpọ ke ukpọñ amọ? 27Sia Ayịn Awo asʌk adi ke ubọọñ Ete amọ ye mme enyere amọ, ndin anye ayaanọ awo keedekeed utịb a-akemme ye se anye akenam.
28 “Ke akpanikọ ke ami idọkkọ ndufo, aba ubaak awo e-edaaha ke itie ami i-imiidiikịtte ñkpa tutu ammọ ekịt Ayịn Awo nte adi ke abioubọọñ amọ.”
Айни замон обунашуда:
Matiu 16: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 16
16
Uyem Idiọọñọ
1Mme Farisi ye mme Sadusi emaedi edidomo Yisọs ke adibo anye yak iwọt mmimọ idiọọñọ a-atooho hefịn.
2Yisọs amaabọọrọ, “Ndubiayio amaadi ndufo ebo, ‘Anyọñ ayaayaiya, sia ikpaanyọñ ado ndad-ndad,’ 3ndin ke ubakusen ndufo ebo, ‘Mfịn ayobio ayaaba, sia ikpaanyọñ adat ndin anyọñ anyʌñ afʌhọ.’ Ndufo emediọọñọ naña ekappa idiọọñọ ikpaanyọñ, ado idiọọñọke adikappa idiọọñọ ini ntom. 4Emana mbon mbubịk ye emana mbon efịbe eyem idiọọñọ, ado awo idiinọọñọ ammọ idiọọñọ ke amaaboiyo idiọọñọ Yọna.” Ndin Yisọs amaakpọñ ammọ adakka anyọñ.
Yiis mme Farisi ye mme Sadusi
5Mme mbed Yisọs, ke ini ammọ emaekekanna eka edem ibiok uko, emaefre adiben uyo. 6Yisọs amaabo ammọ, “Inekke ikpeme, inyʌñ ikpeme idem ndufo mbaak yiis mme Farisi ye mme Sadusi.”
7Ammọ emaeneme ke ufọọd ammọ ebo, “Ado sia ñnyịn ikibenne uyo ndomokeed idi.”
8Yisọs amaadiọọñọ se ammọ ekeneme, ndin anye amaabo ammọ, “Ndufo mbon etək mbuọdidem, ntak etañña ke atu ndufo ebo ke ikamake uyo-o? 9Isʌkkọ inwanwaña ndufo? Ndufo itoiyoke uyo ition e-ekenọọhọ tọsịn awo ition ye ibad akpasa se ndufo ekekoono? 10Itoiyoke ñko uyo itiaba e-ekenọọhọ awo tọsịn inaañ ye ibad akpasa se ndufo ekekoono? 11Anam die nọ idiinwañake ndufo ke ami ñketañña mbaña uyo? Ado ikpeme idem ndufo ke abaña yiis mme Farisi ye Sadusi.” 12Do ndin amaanwaña ammọ ke anye akebo ammọ ekpeme idem ebaña ukpeebñkpọ mme Farisi ye mme Sadusi, idooho yiis asinamma uyo atịt.
Pita Asọọñọ ke Yisọs ado Krais
13Ke ini Yisọs amaakedi utịd Siseria Filipai, anye amaabịp mme mbed amọ mbịme ate: “Anie ke mme awo ebo ke Ayịn Awo ado?”
14Ammọ emaebọọrọ, “Ubaak ebo Yọọn Aduọkmmọọñ; ubaak ebo Elaiya; ubaak ete, Yerimaiya me keed ke atu mme prọfed.”
15Ndin anye amaabịp ammọ ate, “Ado ndufo ebo ke ami ndo anie?”
16Ndin Saimọn Pita amaabọọrọ, “Afo ado Krais, Ayịn ndu-ndu Abasi.”
17Yisọs amaabọọrọ anye ate, “Saimọn ayịn Yọna, afo ado awo e-emaedọdiọñ, sia ikidooho abʌk ye iyiib ekeyaara ami unọọ fiin, ado Ete mmi ke hefịn. 18Ke ntoro, ami udọkkọ fiin nte afo ado Pita,#16:18 Ke usem Krik Pitaawuọñọ itiad. ndin ke anyọñ itiad ami, ami ñyaabọp ufọkabasi mmi, ndin inuaatob Hedis#16:18 Hedis awuọñọ abioekpo idiikanna anye. 19Ami ñyaunọ fiin mme ukpọhọde abioubọọñ hefịn: se adodo a-afo abọppọ ke isọñ, eyaebọp ke hefịn, ñko se adodo a-afo atatta ke isọñ eyaetat ke hefịn.” 20Ndin anye amaakpan mme mbed amọ ate ekuudọkkọ awo ndomokeed ke imọ ido Krais.
Yisọs Atañ Abaña Ñkpa Amọ
21Tọọñọ ke ini ado Yisọs amaatọọñọ aditañ anwa-anwa anọ mme mbed amọ ke ana imọ ika Yeruselem ikibọ nsio-nsio ufen ke ubọk mme ñkpisọñ, mme ñkpoon aku ye mme andikpeeb mbed, ñko ke ana ewot anye, ndin ke ayọhọ usen ita eyaenam anye aset ke ñkpa.
22Ndin Pita amaaben anye asịkke ada nsan-nsan anyʌñ atọọñọ adisua nnọọ anye ate, “Abasi akan, Abọọñ! Tutu amama utọ ñkpọ ami idiitịppe unọ fiin.”
23Ado Yisọs amaakanna anyʌñ abo Pita, “Ndakka miin ke iso, Setan! Afo ado ñkpọiduọ annọ miin; afo ukereke ñkpọ a-abañake Abasi, ado akere ñkpọ a-abañake uduud awo.”
24Ndin Yisọs amaabo mme mbed amọ, “Awo ndomokeed ayemme iñkeene miin ana akañ idem amọ, aben krọs amọ anyʌñ añkeene miin. 25Awo akeedodo a-ayemme adinyaaña uwem#16:25 Ke usem Krik ekeme edikappa nte uwemenyʌñ ekeme ikappa nte ukpọñ; se ñko ke ufañ 26 amọ ayaaduọọk anye. Ado awo akeedodo a-aduọhọ uwem amọ ke ntak mmi, ayaanyaaña anye. 26Nsoo ndin idiido udod ke awo adinie afịd ederimbod ado aduọọk ukpọñ amọ? Me nsoo ke awo akeme adinọ nte ukpʌhọ ñkpọ ke ukpọñ amọ? 27Sia Ayịn Awo asʌk adi ke ubọọñ Ete amọ ye mme enyere amọ, ndin anye ayaanọ awo keedekeed utịb a-akemme ye se anye akenam.
28 “Ke akpanikọ ke ami idọkkọ ndufo, aba ubaak awo e-edaaha ke itie ami i-imiidiikịtte ñkpa tutu ammọ ekịt Ayịn Awo nte adi ke abioubọọñ amọ.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.