Yenesis 2
2
1Ntom ke ekenam mme hefịn ye isọñ ema ke afịd ayọhọ ndaha ammọ.
2Ke ayọhọ usen itiaba, Abasi amaama utom a-anye akenamma; ke ntoro, ke ayọhọ usen itiaba anye amaaduọk adudu ke afịd utom amọ. 3Ndin Abasi amaadiọñ ayọhọ usen itiaba anyʌñ anam anye ado adisana, sia usen ado ke anye akeduọk adudu ke afịd utom a-anye akenamma.
Adam ye Iif
4Mbʌk e-ekewette naña ekebot mme anyọñ ye isọñ ado ami, ke ini Abọọñ Abasi akebotto isọñ ye mme anyọñ.
5Idaha ntoro, ñwịb ndomokeed ikitịppeke ke ederimbod,#2:5 a-akeme ido isọñ; se ñko Yenesis 2:6 ñko etoinwañ ndomokeed ikitịppeke, sia Abọọñ Abasi ikidọññọ edịm diin inọ isọñ, ñko awo ndomokeed ikibaaha se inam utom ke isọñ. 6Ado idịm amaasakka awuọ ke isọñ adiduọk mmọọñ ke afịd iso isọñ. 7Ndin Abọọñ Abasi amaaben ntañ a-atooho isọñ abot awo anyʌñ anweek ibifịk uwem asịn anye ke aduiwuo, ndin awo ado amaakappa ado aduuwem ñkpọ.
8Idaha ntoro Abọọñ Abasi amaatọ inwañ ke edem usakkautịn ke Idịn; ndin anye amaaben awo a-anye akebotto asịn do. 9Abọọñ Abasi amaanam afịd aduuk eto etịbe ewuọñọ ke isọñ, mme eto e-ekefọọnọ awo ke anyen enyʌñ efọn se edia. Ke ufọọd inwañ ado, eto uwem ye eto udiọọñọ eti ye idiọọk emaeba.
10Inyañ a-akenọọhọ inwañ ado mmọọñ akewuọ ato Idịn; aketo do ke ekebakka anye esịn ke itie iwuod inyañ inaañ. 11Anyịñ akpa inyañ akedo Pisọn; anye afeghe ke afịd isọñ Hafila, a-kold abaaha. 12(Kold isọñ ado, ado eti; anemufịk resịn ye ọniks enyʌñ eba do.) 13Ayọhọ inyañ iba akere Kihọn; anye afeghe ke afịd isọñ Kuus. 14Anyịñ ayọhọ inyañ ita ado Tikris; anye afeghe aboiyo ke mbeñ usakkautịn Asọọ. Ndin ayọhọ inyañ inaañ ado Yufretis.
15 Abọọñ Abasi amaaben awo asịn ke Inwañ Idịn nọ anam utom ke esịd anyʌñ ase ñkpọ abaña anye. 16Ndin Abọọñ Abasi amaanọ awo uyio abo, “Afo amekeme adidia nto eto keed akeedodo a-abaaha ke inwañ, 17ado inaaha afo adia se ito eto a-anọọhọ awo ifiọk eti ye idiọọk, sia afo umaudia anye, uduutreke adikpa.”
18Akema Abọọñ Abasi amaabo ate, “Ifọnnọ awodeen adiba ikpọọñ. Ami ñyaabot awo unwam a-adotto ye anye.”
19Ndin Abọọñ Abasi amaabot afịd ndiọi unamikọd ye afịd inuen ke ikpaanyọñ ato ntan isọñ. Anye amaakoono ammọ abịne awo ado nọ asio ammọ anyịñ; ndin se awo akekoot aduuwem ñkpọ keedekeed, anyịñ amọ akedo ado. 20Ndin awo amaanọ afịd ufene anyịñ, mme inuen ke ikpaanyọñ ye afịd ndiọi unamikọd.
Ado Adam ikinieghe awo unwam a-adotto ye anye. 21Ke ntoro Abọọñ Abasi amaanam akpọsọñ idab ayeet Adam. Ndin ke idaha anye akesʌkkọ adaiya, Abasi amaasio akpọñkañ amọ keed anyʌñ amaana adat abʌkidem afʌk itie ado. 22Abọọñ Abasi amaakama akpọñkañ a-anye akesioho ke idem Adam abot awonwaan, anyʌñ aben anye asọk Adam.
23Adam amaabo,
“Anye ami ndin ado akpọ a-atooho akpọ mmi
ye abʌk a-atooho abʌk mmi;
anye adiikere ‘awonwaan,’
sia ekesio anye eto awodeen.”
24Ntak ado anam awodeen akpọñ ete ye eka amọ akediana ye anwaan amọ, ndin ammọ ekappa edo abʌk keed.
25Adam ye anwaan amọ ekesaña ifed, ikinyʌññọ ikop abuud.
Айни замон обунашуда:
Yenesis 2: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 2
2
1Ntom ke ekenam mme hefịn ye isọñ ema ke afịd ayọhọ ndaha ammọ.
2Ke ayọhọ usen itiaba, Abasi amaama utom a-anye akenamma; ke ntoro, ke ayọhọ usen itiaba anye amaaduọk adudu ke afịd utom amọ. 3Ndin Abasi amaadiọñ ayọhọ usen itiaba anyʌñ anam anye ado adisana, sia usen ado ke anye akeduọk adudu ke afịd utom a-anye akenamma.
Adam ye Iif
4Mbʌk e-ekewette naña ekebot mme anyọñ ye isọñ ado ami, ke ini Abọọñ Abasi akebotto isọñ ye mme anyọñ.
5Idaha ntoro, ñwịb ndomokeed ikitịppeke ke ederimbod,#2:5 a-akeme ido isọñ; se ñko Yenesis 2:6 ñko etoinwañ ndomokeed ikitịppeke, sia Abọọñ Abasi ikidọññọ edịm diin inọ isọñ, ñko awo ndomokeed ikibaaha se inam utom ke isọñ. 6Ado idịm amaasakka awuọ ke isọñ adiduọk mmọọñ ke afịd iso isọñ. 7Ndin Abọọñ Abasi amaaben ntañ a-atooho isọñ abot awo anyʌñ anweek ibifịk uwem asịn anye ke aduiwuo, ndin awo ado amaakappa ado aduuwem ñkpọ.
8Idaha ntoro Abọọñ Abasi amaatọ inwañ ke edem usakkautịn ke Idịn; ndin anye amaaben awo a-anye akebotto asịn do. 9Abọọñ Abasi amaanam afịd aduuk eto etịbe ewuọñọ ke isọñ, mme eto e-ekefọọnọ awo ke anyen enyʌñ efọn se edia. Ke ufọọd inwañ ado, eto uwem ye eto udiọọñọ eti ye idiọọk emaeba.
10Inyañ a-akenọọhọ inwañ ado mmọọñ akewuọ ato Idịn; aketo do ke ekebakka anye esịn ke itie iwuod inyañ inaañ. 11Anyịñ akpa inyañ akedo Pisọn; anye afeghe ke afịd isọñ Hafila, a-kold abaaha. 12(Kold isọñ ado, ado eti; anemufịk resịn ye ọniks enyʌñ eba do.) 13Ayọhọ inyañ iba akere Kihọn; anye afeghe ke afịd isọñ Kuus. 14Anyịñ ayọhọ inyañ ita ado Tikris; anye afeghe aboiyo ke mbeñ usakkautịn Asọọ. Ndin ayọhọ inyañ inaañ ado Yufretis.
15 Abọọñ Abasi amaaben awo asịn ke Inwañ Idịn nọ anam utom ke esịd anyʌñ ase ñkpọ abaña anye. 16Ndin Abọọñ Abasi amaanọ awo uyio abo, “Afo amekeme adidia nto eto keed akeedodo a-abaaha ke inwañ, 17ado inaaha afo adia se ito eto a-anọọhọ awo ifiọk eti ye idiọọk, sia afo umaudia anye, uduutreke adikpa.”
18Akema Abọọñ Abasi amaabo ate, “Ifọnnọ awodeen adiba ikpọọñ. Ami ñyaabot awo unwam a-adotto ye anye.”
19Ndin Abọọñ Abasi amaabot afịd ndiọi unamikọd ye afịd inuen ke ikpaanyọñ ato ntan isọñ. Anye amaakoono ammọ abịne awo ado nọ asio ammọ anyịñ; ndin se awo akekoot aduuwem ñkpọ keedekeed, anyịñ amọ akedo ado. 20Ndin awo amaanọ afịd ufene anyịñ, mme inuen ke ikpaanyọñ ye afịd ndiọi unamikọd.
Ado Adam ikinieghe awo unwam a-adotto ye anye. 21Ke ntoro Abọọñ Abasi amaanam akpọsọñ idab ayeet Adam. Ndin ke idaha anye akesʌkkọ adaiya, Abasi amaasio akpọñkañ amọ keed anyʌñ amaana adat abʌkidem afʌk itie ado. 22Abọọñ Abasi amaakama akpọñkañ a-anye akesioho ke idem Adam abot awonwaan, anyʌñ aben anye asọk Adam.
23Adam amaabo,
“Anye ami ndin ado akpọ a-atooho akpọ mmi
ye abʌk a-atooho abʌk mmi;
anye adiikere ‘awonwaan,’
sia ekesio anye eto awodeen.”
24Ntak ado anam awodeen akpọñ ete ye eka amọ akediana ye anwaan amọ, ndin ammọ ekappa edo abʌk keed.
25Adam ye anwaan amọ ekesaña ifed, ikinyʌññọ ikop abuud.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.