ROMMEI 9
9
Ravguangc khatni Kamei nunc
1Ai Khrista mei swna latling samei tuang e; ai saraamh mak ge twmei Bumaengh Nthanmei rui zayloumei si gay thaymei lung rui ni thay e. 2Mi kiu thu, azei khatni azancbangv kahak swmei achana nunc khang ai mpeyna lungh ryanrana khatni nthaekc key thuy makna lungh kabiuna bam e. 3Kaniw phaan Ravguangc syang phungna Khrista khou rui ganc pat pwsini nuh di the twmei nganvna ning tangc the. 4Kaniw hei Ravguangc mei nunc e; Ravguangc nac sw khang laaloumei nunc e; kaniw khou Ravguangc hym lyanloumei nunc e; katuang latryan#Mi hei baanhhy baibal asaekc khou latryan khat ta sa e; baihmei asaekc khou rui latryan mpeyna ta sa e. khatni katuang Riakdanv tiiloumei nunc e; kalingmei khou kalummei nunc e; Ravguangc latryan guay laatowmei nunc e;#Tat 9.4 5Pupouh nunc tuang kikta nunc e; khatni Khrista hei maansei swna kaniw makaamv e. Ramh katana kaipouc Ravguangc#Ramh katana kaipouc swna sin bammei Ravguangc kamei hei twna ni sa nuh e. ta tingsaeng thuanc o! Amen
6Isaraelmei guayna hei Ravguangc mei sw makpui zaeng rui Ravguangc tuang latryan guang tangh mak khe twna ai sa mak ge. 7Abraham kikta guay hei Ravguangc nac nunc the twna ni ai sa mak ge. “Isak khou rui lungc guangmei nac nunc ta tei nang kikta e twna chak puni,” twna Ravguangc rui Abraham khou sa kan e.#Tha 21.12 8Mi kabac kiu thu kakhou rui lungc patmei nac#Mi hei Hagar rui puanhmei Ismael khou rui lungc guangmei Abraham kikta ta sa tuang e (Gal 4.22-23 tei zauc o). guayna tei Ravguangc nac nunc e twna sa mak ge; tiki Ravguangc rui nrianhloumei thei layna lungc guangmei nac nunc na ta tei kakikta ling twna laa e. 9“Nkun mi ganv zaengc khou#Kaganv tangc pwkhou twna ni sa nuh e. ai guang dat puni, mi khou kiu Sara kanac mpouh nai puni,” twna latryan tei swlou kanmei tuang e.#Tha 18.10
10Mi na hei hamh e. Rebekka nac mpouh nei tei aniu pupouc Isak nac rana de. 11Tiki kaney tei puanh mak khou rui, simei pw ni, gaymei pw ni kaney taanh mak khou rui, Ravguangc rui kadahmei thu taanv thei layna hamhna, kamei rui kawloumei thei layna tat bammei thei layna, 12“Gaanvdaihmei rui alaucmei siamruai sw puni.” twna kapui khou salou khwan e.#Tha 25.23 13“Ai Jakob ta kadah the, Esau ta ganclou the,” twna hylou the.#Mal 1.2-3
14Kum e thei, Ravguangc hei nzih mak ge twna aniu sa kho cho? Kum mak ge. 15“Ai rui nzianlou niimei ta tei nzianlou puni; ai rui zauc nzianlou niimei khou tei zauc nzianlou puni,” twna kamei rui Mousi khou sa khwan e.#Tat 33.19 16Hei zaeng rui ramh guayna hei maansei rui kahawmei thei layna hamh e, taanv thei layna ni hamh e; Ravguangc zauzian nyng de. 17Kalam thu, “Atuang pumtan lyan khang khatni kandih kapwm khou azanc dinc lik khang, ai rui nang ta guangh tiswlou the,” twna Izipmei guangc khou sa e twna nthanmei latrik khou nai e.#Tat 9.16 18Mi kumna Ravguangc kamei rui nzianlou niimei ta tei nzianlou khatni kalung titanclou niimei ta tei titanclou e.
Ravguangc Lungpuam khatni Kazauzian
19Nangniw rui akhou mi kumna thanv nuh e, “Mi kum e thei, akumhna Ravguangc rui meic gaanv khat ta nkhuai e twna sa dat ni hena cho? Ravguangc ningmei tei thow taanh mak ngam nina cho?” 20Tiki Ravguangc ta mi kumna adangv bam khang nang thow cho? Bih lai rui lai kasiamhmeipu ta, “Tabui swna nang ata mi kumcna kasiamhlou tu cho?” twna sa nuh dina cho?#Isa 29.16; 45.9 21Lai kasiamhmeipu rui katuang bic tei kamei rui ning ningmei khou kasiamh khang kangamv nai de, kumna bih dwm akhat na khou rui lai kanei kasiamhna akhat rui nthukmei taanv khou piu khang, akhat rui chiwmei taanv khou piu khang kasiamh nuh de.
22Ravguangc rui sw kanmei tei ni mi hei kumh tuang e. Kamei rui kalungpuam lyanlou nii khwan e khatni katuang pumtan tithaylou ni khwan e. Kumna kalungpuam keylou nimei nunc khatni sw kamut kamai nimei nunc ruc khou tei ni khaengv saengcna akhaengvlou de. 23Kazauzian laatow nimei, katuang hymdaihmei laa khang chamdaanvloumei aniu khou bun keyloumei katuang padikmei hymdaihmei tei ni lyanlou nii khwan e. 24Kalam thu aniu hei Jihudimei pang khou rui na hamhna Zentelmei pang khou rui nii kawloumei nunc e. 25Hosia tuang latrik khou mi kumna hylou e:
“Atuang mei hamh bam khwanmei nunc ta
‘Amei nunc’ twna ai rui kaw puni.
Ai rui nzian bam mak khwanmei zaat ta
‘Ai nzianmei’ twna ai rui kaw puni.#Hos 2.23
26‘Nangniw amei nunc hamh e,’
twna saloumei bamv khou tei,
kaniw ta ringhmei Racguangc nac mpouh nunc twna kaw puni.”#Hos 1.10
27Isaraelmei lam khou Isaia rui mi kumna kauc e: “Isaraelmei hei duipui syniang zu geic bam sini, meic katitna ta kanlou puni;#Isa 10.22-23 28Poubauhmei rui kandih kapwm ta tanhmei latzan sw zaic puni the.” 29Mi hei Isaia rui, “Ngamparimei Poubauhmei rui aniu kikta khang gaanvsaekc na ta sini daeklou mak khwan e thei, aniu hei Sodom kumc kan ni tuang the, Gomora kumc kan ni tuang the,” twna saloumei tei the.#Isa 1.9
Paul rui Isaraelmei khang Huayneyloumei
30Aniu rui sa bammei kiu mi hei e: ravchaptat khang karamh makmei Zentelmei ta lwmmei paan rui ravchaptatmei swna chaklou the; 31tiki Riakdanv piupui paan rui ravchaptatmei sw khang karamhmei Isaraelmei tei thu ravchaptatmei tei laatow kan mak khe. 32Tabui zaeng rui cho? Kalam thu kaniw lwmmei khou ngangvlou makna, kaniw taanv khou ngangvlou the. Kumna kaniw “phaysuy tauc” khou phaysuy the. 33Mi kumna hylou bammei tei pat tuang the:
“Zauclo, meic nunc ta tiphaysuy nipui tauc,
meic nunc ta tibow nipui taucbut ai rui Zaion khou lou kan the.
Tiki kakhou lwmpui mei ta
tichangamclou lak ge.”#Isa 28.16
Айни замон обунашуда:
ROMMEI 9: RONGBSI
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
ROMMEI 9
9
Ravguangc khatni Kamei nunc
1Ai Khrista mei swna latling samei tuang e; ai saraamh mak ge twmei Bumaengh Nthanmei rui zayloumei si gay thaymei lung rui ni thay e. 2Mi kiu thu, azei khatni azancbangv kahak swmei achana nunc khang ai mpeyna lungh ryanrana khatni nthaekc key thuy makna lungh kabiuna bam e. 3Kaniw phaan Ravguangc syang phungna Khrista khou rui ganc pat pwsini nuh di the twmei nganvna ning tangc the. 4Kaniw hei Ravguangc mei nunc e; Ravguangc nac sw khang laaloumei nunc e; kaniw khou Ravguangc hym lyanloumei nunc e; katuang latryan#Mi hei baanhhy baibal asaekc khou latryan khat ta sa e; baihmei asaekc khou rui latryan mpeyna ta sa e. khatni katuang Riakdanv tiiloumei nunc e; kalingmei khou kalummei nunc e; Ravguangc latryan guay laatowmei nunc e;#Tat 9.4 5Pupouh nunc tuang kikta nunc e; khatni Khrista hei maansei swna kaniw makaamv e. Ramh katana kaipouc Ravguangc#Ramh katana kaipouc swna sin bammei Ravguangc kamei hei twna ni sa nuh e. ta tingsaeng thuanc o! Amen
6Isaraelmei guayna hei Ravguangc mei sw makpui zaeng rui Ravguangc tuang latryan guang tangh mak khe twna ai sa mak ge. 7Abraham kikta guay hei Ravguangc nac nunc the twna ni ai sa mak ge. “Isak khou rui lungc guangmei nac nunc ta tei nang kikta e twna chak puni,” twna Ravguangc rui Abraham khou sa kan e.#Tha 21.12 8Mi kabac kiu thu kakhou rui lungc patmei nac#Mi hei Hagar rui puanhmei Ismael khou rui lungc guangmei Abraham kikta ta sa tuang e (Gal 4.22-23 tei zauc o). guayna tei Ravguangc nac nunc e twna sa mak ge; tiki Ravguangc rui nrianhloumei thei layna lungc guangmei nac nunc na ta tei kakikta ling twna laa e. 9“Nkun mi ganv zaengc khou#Kaganv tangc pwkhou twna ni sa nuh e. ai guang dat puni, mi khou kiu Sara kanac mpouh nai puni,” twna latryan tei swlou kanmei tuang e.#Tha 18.10
10Mi na hei hamh e. Rebekka nac mpouh nei tei aniu pupouc Isak nac rana de. 11Tiki kaney tei puanh mak khou rui, simei pw ni, gaymei pw ni kaney taanh mak khou rui, Ravguangc rui kadahmei thu taanv thei layna hamhna, kamei rui kawloumei thei layna tat bammei thei layna, 12“Gaanvdaihmei rui alaucmei siamruai sw puni.” twna kapui khou salou khwan e.#Tha 25.23 13“Ai Jakob ta kadah the, Esau ta ganclou the,” twna hylou the.#Mal 1.2-3
14Kum e thei, Ravguangc hei nzih mak ge twna aniu sa kho cho? Kum mak ge. 15“Ai rui nzianlou niimei ta tei nzianlou puni; ai rui zauc nzianlou niimei khou tei zauc nzianlou puni,” twna kamei rui Mousi khou sa khwan e.#Tat 33.19 16Hei zaeng rui ramh guayna hei maansei rui kahawmei thei layna hamh e, taanv thei layna ni hamh e; Ravguangc zauzian nyng de. 17Kalam thu, “Atuang pumtan lyan khang khatni kandih kapwm khou azanc dinc lik khang, ai rui nang ta guangh tiswlou the,” twna Izipmei guangc khou sa e twna nthanmei latrik khou nai e.#Tat 9.16 18Mi kumna Ravguangc kamei rui nzianlou niimei ta tei nzianlou khatni kalung titanclou niimei ta tei titanclou e.
Ravguangc Lungpuam khatni Kazauzian
19Nangniw rui akhou mi kumna thanv nuh e, “Mi kum e thei, akumhna Ravguangc rui meic gaanv khat ta nkhuai e twna sa dat ni hena cho? Ravguangc ningmei tei thow taanh mak ngam nina cho?” 20Tiki Ravguangc ta mi kumna adangv bam khang nang thow cho? Bih lai rui lai kasiamhmeipu ta, “Tabui swna nang ata mi kumcna kasiamhlou tu cho?” twna sa nuh dina cho?#Isa 29.16; 45.9 21Lai kasiamhmeipu rui katuang bic tei kamei rui ning ningmei khou kasiamh khang kangamv nai de, kumna bih dwm akhat na khou rui lai kanei kasiamhna akhat rui nthukmei taanv khou piu khang, akhat rui chiwmei taanv khou piu khang kasiamh nuh de.
22Ravguangc rui sw kanmei tei ni mi hei kumh tuang e. Kamei rui kalungpuam lyanlou nii khwan e khatni katuang pumtan tithaylou ni khwan e. Kumna kalungpuam keylou nimei nunc khatni sw kamut kamai nimei nunc ruc khou tei ni khaengv saengcna akhaengvlou de. 23Kazauzian laatow nimei, katuang hymdaihmei laa khang chamdaanvloumei aniu khou bun keyloumei katuang padikmei hymdaihmei tei ni lyanlou nii khwan e. 24Kalam thu aniu hei Jihudimei pang khou rui na hamhna Zentelmei pang khou rui nii kawloumei nunc e. 25Hosia tuang latrik khou mi kumna hylou e:
“Atuang mei hamh bam khwanmei nunc ta
‘Amei nunc’ twna ai rui kaw puni.
Ai rui nzian bam mak khwanmei zaat ta
‘Ai nzianmei’ twna ai rui kaw puni.#Hos 2.23
26‘Nangniw amei nunc hamh e,’
twna saloumei bamv khou tei,
kaniw ta ringhmei Racguangc nac mpouh nunc twna kaw puni.”#Hos 1.10
27Isaraelmei lam khou Isaia rui mi kumna kauc e: “Isaraelmei hei duipui syniang zu geic bam sini, meic katitna ta kanlou puni;#Isa 10.22-23 28Poubauhmei rui kandih kapwm ta tanhmei latzan sw zaic puni the.” 29Mi hei Isaia rui, “Ngamparimei Poubauhmei rui aniu kikta khang gaanvsaekc na ta sini daeklou mak khwan e thei, aniu hei Sodom kumc kan ni tuang the, Gomora kumc kan ni tuang the,” twna saloumei tei the.#Isa 1.9
Paul rui Isaraelmei khang Huayneyloumei
30Aniu rui sa bammei kiu mi hei e: ravchaptat khang karamh makmei Zentelmei ta lwmmei paan rui ravchaptatmei swna chaklou the; 31tiki Riakdanv piupui paan rui ravchaptatmei sw khang karamhmei Isaraelmei tei thu ravchaptatmei tei laatow kan mak khe. 32Tabui zaeng rui cho? Kalam thu kaniw lwmmei khou ngangvlou makna, kaniw taanv khou ngangvlou the. Kumna kaniw “phaysuy tauc” khou phaysuy the. 33Mi kumna hylou bammei tei pat tuang the:
“Zauclo, meic nunc ta tiphaysuy nipui tauc,
meic nunc ta tibow nipui taucbut ai rui Zaion khou lou kan the.
Tiki kakhou lwmpui mei ta
tichangamclou lak ge.”#Isa 28.16
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.