Sailm Dhaibhidh 82
82
Salm 82
1An coitheanal nan treun a ta
na sheasamh Dia nam feart:
Am measg nan dè bheir esan breith
le cothrom is le ceart.
2Cia fhad a bheir sibh breitheanas
gu h‑eucorach 's gach cùis;
Toirt leth-bhreith air na daoine daoi,
gam meas a rèir an gnùis?
3Do dhaoine bochd 's do dhìlleachdain
dèanaibh-sa dìon le ceart:
Is cumaibh còir riu siud a‑ghnàth
tha cràiteach bochd gun neart:
4An t‑ainnis lag 's an deòradh truagh,
sìor theasairgibh nam feum,
Dèanaibh o làimh nan aingidh fòs
deagh-fhuasgladh dhaibh gu treun.
5Eòlas no tuigse chan eil ac',
a' triall san dorcha tàid;
Tha bunaitean na talmhainn fòs
air gluasad as an àit.
6Is dè sibh (thubhairt mi,) 's is mic
don Tì as àirde th'ann:
7Ach tuitidh, 's gheibh sibh bàs mar dhaoin',
's mar aon de phrionnsan fann.
8Dhia, èirich, air an talamh dèan
deagh bhreitheanas gu grad:
Oir gabhaidh tu mar oighreachd dhut
na fineachan air fad.
Айни замон обунашуда:
Sailm Dhaibhidh 82: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.