Sailm Dhaibhidh 58
58
Salm 58
1An labhair sibhs', a choitheanail,
an fhìrinn cheart neo-chlaon?
'S an tabhair sibh gu cothromach
breith cheart, a chlann nan daoin'?
2Is ann ur crìdh' tha sibh a' dealbh
mòr aingidheachd gun tàmh:
'S air talamh tha sibh tomhas fòs,
foireigin chruaidh ur làmh.
3Luchd-uilc, o thig iad as a' bhroinn,
siùbhlaidh air slighe fhiair:
Tràth bheirear iad, air seachran thèid,
a' labhairt bhreug gach ial.
4An nimh mar nimh na nathrach tha:
mar nathair dhruid a cluas;
5Ri guth nan draoidh tha eagnaidh seòlt',
nach èisd, is fòs nach gluais.
6Am fiaclan bris, a Dhè, nam beul;
a Thighearn làidir threun,
Pronn fiaclan agus tuisg ro‑mhòr
nan leòmhann òg' gu lèir.
7Gun leaghadh iad, a' sileadh sìos,
mar uisge ruith le gleann:
'S a shaighdean bris, tràth chuireas e
a bhogh' air lagh gu teann.
8Mar sheilcheig bhios a' leaghadh as,
rachadh iad as gu dian;
Mar thoraicheas an‑abaich mnà
na faiceadh iad a' ghrian.
9Mum mothaich seadh ur coireachan
o choille chrionaich teas,
Nì Dia, 's iad beò, na chorraich ghèir
le cuairt-ghaoith dhian an sgrios.
10Bidh aoibhneas air an fhìrean chòir,
nuair chì e 'n dìoghaltas:
Is ann am fuil luchd-aingidheachd
nighidh e fòs a chas.
11Their duine 'n sin gu bheil gun cheist
deagh dhuais aig daoine còir;
'S gu bheil air talamh fòs gu beachd
na bhritheamh Dia na glòir'.
Айни замон обунашуда:
Sailm Dhaibhidh 58: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.