Sailm Dhaibhidh 43
43
Salm 43
1Cùm cothrom rium, is tagair fhèin
mo chùis, on fhineach olc,
On eucorach, 's o fhear na ceilg';
Dhè, saor-sa mi on lochd.
2Carson a thilg thu mise uat,
's gur tu mo Dhia 's mo threòir?
Carson bhrìgh fòirneart m'eascairde,
an siùbhlam fhèin fo bhròn?
3Dhia, d'fhìrinn is do sholas glan
leig thugam iad a‑mach:
Gam sheòladh chum do thulaich naoimh,
's mo thabhairt chum do theach.
4'N sin racham dh'ionnsaigh altair Dhè,
an Dè sin m'aoibhneis mhòir:
Air clàrsaich bhinn do mholam thu
O Dhia, mo Dhia na glòir'.
5O m'anam, cuim' a leagadh thu,
le dìobhail misnich sìos?
Is cuim' a bheil thu 'n taobh staigh dhìom
fo aimheal is fo sgìos?
Cuir dòchas daingeann ann an Dia;
oir molam e a‑ghnàth;
O 's e as slàinte do mo ghnùis,
is e mo Dhia gu bràth.
Айни замон обунашуда:
Sailm Dhaibhidh 43: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.