Sailm Dhaibhidh 101
101
Salm 101
1Breith cheart is tròcair canar leam;
Dhè, seinneam dhut le ceòl.
2Is iomchaiream mi fhèin gu glic
air slighe fhoirfe chòir.
O cuin dom ionnsaigh-sa a thig
thu fhèin, a Dhia nam feart?
A‑steach am fhàrdaich gluaisidh mi
le cridhe fìorghlan ceart.
3Fa chomhair fòs mo shùilean fhèin
cha chuir mi olc am feasd;
Obair luchd-ceannairc 's fuathach leam,
's cha lean i rium gun cheist.
4An cridhe iargalt ceannairceach
uam triallaidh e an cèin:
Eòlas no furan air an daoi
a‑chaoidh cha chuir mi fhèin.
5An tì bheir beum da choimhearsnach,
lom-sgriosaidh mi as 'àit;
An cridhe borb chan fhuiling mi,
no neach a sheallas àrd.
6Bidh m'air' air fìreanan na tìr',
gun gabh iad còmhnaidh leam:
An tì bhios foirfe glan na bheus,
's e 's òglach dhomh gach àm.
7Fear-dèanamh ceilg' is mealltaireachd,
am thaigh-sa chan fhaigh tàmh;
Am làthair, neach a labhras breug
chan fhuirich e gu bràth:
8Lom-sgriosaidh mise fòs gu moch
gach droch dhuin' as an tìr,
Chum luchd an uilc a sgathadh as
o chathair Dhè gu lèir.
Айни замон обунашуда:
Sailm Dhaibhidh 101: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.