Оятҳои маъмули Инҷил аз Rom 8

Паҳн кунед

God ndɨna maawupmba yagwa wanda nɨmba nɨn. God kat woviyaguga lɨganɨn. God nɨn kat yigiyaa vat apma vat mɨna wan vat nɨn kat kwunatɨgandɨ. Nɨn kat kavle vat ana yilɨgandɨ.

Nɨn kat nɨmamba woviyaguga vɨga lɨnda vak ana ngɨlɨgiyandɨ. Kiyaneyan ana ngɨlɨgiyandɨ. Kwo lɨneyan ana ngɨlɨgiyandɨ. Ensel wan vak kat ana lɨmbwigiyandi. Mbambala lɨga vat wan vak kat ana lɨmbwigiyandɨ. Ngɨni lɨgiyaa vat wan vak kat ana lɨmbwigiyandɨ. Angwapmba lɨweyan ana ngɨlɨgiyandɨ. Angɨndamba lɨweyan ana ngɨlɨgiyandɨ. God nɨn kat woviyaguga vɨga lɨnda vak kat lɨmbwigiyaa nda ana lɨgandɨ. Wan vat nɨn kat yaiga yambɨ nɨna njambwi nyan Jisas Kraist.

God kwigiyaa nda kat kawiga lɨneyan Godna waagan nɨna lak kwaigandɨ. God kat kwundimba yigumb ana walɨganɨn. Kapma vat walɨganɨn. God kat wavat walɨna vat Godna waagan nɨnai waa vat wutaa God kat maawutmba mbutɨgandɨ. God kat nɨn kat tɨga nɨmamba wagalalɨgandɨ. God nɨna maawut vɨlɨgandɨ. ndzna waagan maawupmba walɨga vat wutɨgandɨ. Manda kat. Kɨta nda mbɨt. Ndɨna waagan God kat kapma vat ana walɨgandɨ.

Nɨn kat wupma yɨnda vak kat kat ndɨ kat angamak waiganɨn. God nɨna lak kwandɨ maa nɨn kat kandana kavle vat yigiyaa. Kandana inaka kwulaiyaa. Kwulakiyaa nyan kai.

Wan kavle vak kat God nɨn kat sndeyangat nɨmamba ke yelavɨka. Kraist Jisasna kɨta lulu yetɨga nɨmba kat wan kavle vat ndi kat ana vɨga lɨgandɨ. Kraist Jisas wan kavle vak kat tamba kwulatndɨ.

Kɨpmana nda kat mɨna yelavɨka yetɨneyan kavle vat yetɨgiyanɨn. Kiyalɨnja vla kiyaa yetɨgiyanɨn. Godna waagana nda kat mɨna yelavɨka yetɨneyan apma vat yetɨgiyanɨn. Godna ava nɨmba tɨga yetɨgiyanɨn.

Nɨn nɨmamba ana yelavɨkiyanɨn. Kraist nɨn kat woviyaguga lɨndangat wan nɨma vak kat kwulakiyanɨn.

Wun wupma yelavɨkwun. Wan kɨpmana nɨmba nɨn kat nɨma vat yɨlɨnja vat matnat. Ngɨni God nɨn kat kwindeya vat apma nɨma vatna waa yelavɨkwun.

Nɨma vak tɨgiyaa njɨmbla yandeya angamak yelavɨkiyanɨn. Nɨma vat tɨgiyaa njɨmbla yandeyan angamak yelavɨkiyanɨn. Nɨma vat yalaa. E? Anda vatna yɨweya wana njɨmblamba angamak yelavɨkiyanɨn. Nɨn kat nɨma vat yɨnjeyan angamak yelavɨkiyanɨn. Kɨgɨnda kwanda kwanda lapman tɨneyan angamak yelavɨkiyanɨn. Nɨn kat nat nyan nɨma vat yivat wandeyan angamak yelavɨkiyanɨn. Nat nyan nɨn kat sɨvat wandeyan nɨn angamak yelavɨkiyanɨn. God nɨn kat ana woviyaguga vɨga lɨgandɨ waa yelavɨkiyanɨn? Kai.

God kwigiyaa nda kat kawiga lɨneyan Godna waagan nɨna lak kwaigandɨ. God kat kwundimba yigumb ana walɨganɨn. Kapma vat walɨganɨn. God kat wavat walɨna vat Godna waagan nɨnai waa vat wutaa God kat maawutmba mbutɨgandɨ. God kat nɨn kat tɨga nɨmamba wagalalɨgandɨ. God nɨna maawut vɨlɨgandɨ. ndzna waagan maawupmba walɨga vat wutɨgandɨ. Manda kat. Kɨta nda mbɨt. Ndɨna waagan God kat kapma vat ana walɨgandɨ.

Godna waagan waa nyaangɨtmba yetɨlɨga nɨmba Godna nyangu ndi.

Tamba la maawutmba yetɨlɨga nɨmba kɨpmana nda kat mɨna yelavɨka yetɨlɨgandi. Godna waagan waa vapmba yetɨlɨga nɨmba Godna waagana nda kat mɨna yelavɨka yetɨlɨgandi.

God ndɨna nyan nɨn kat tɨga tamba kwindɨ. Ana kematndɨ. Wan nɨma vatna. Nɨn kat kwunatndeya vat nɨma vat ana ndɨ. Nɨma vat tamba yɨndi nɨn kat. Mat vat aywaa inaka yigiyandɨ.

Godna waagan nɨna maawut ngwandɨlaa walɨgandɨ. Ngwut Godna nyangu ngwuk waa walɨgandɨ. Ndɨna nyangu tɨnangat ndɨna sɨmbɨ kɨvu ngena nda aywa nɨn kat kwigiyandɨ. Ndɨna nyan Kraist kat kwindeya nda nɨn kat kɨtamba kwigiyandɨ. Kraist kat nɨma vat yinja vat nɨn kat yɨneyan ngɨni nɨn kat ndɨ God apma vat Kraist klaa vat kwigiyandɨ.

Kɨpmana nda kat yelavɨka yetɨlɨga nyan God kat kai walɨga nyana. God waa lo wutapman yetɨlɨgandɨ. Ana inaka wuka yetɨgiyandɨ. Kapma nyana.

God ndɨna nyangu kat kwindeya njɨmbla kat God kwuta nda aywaa maawut viyalɨndɨ kawiga lɨgandi.

God kwuta nda kwunatndeya njɨmbla kat yelogwen kat tɨvla maawut viyalɨndɨ kawiga lɨgandi.