Оятҳои маъмули Инҷил аз Mateus 21

Паҳн кунед

Ta oangga lolomi matua ngan Deo, gimi ga abada saoa danga araring ga ila pan ngan.”

Ta Iesus ikoli led posanga bedane, “Nakeo tautaunga pagimi, oangga lolomi matua ngan Deo, be lolomi ruangada mao, eine gimi ga akado mambe gau nakado ngan abei fik toa ne. Ga pade, gimi ga akado posanga ngan lusi ga oaine bedane, ‘Eao dae ta dug ga la tadiai!’ Ta eine ga ila ikado toa bedaoa.

Panua busa tilalala ga timuga ngan ei, be padengada tilalala muriai, ta tibaba bedane, “Eao Devit itub, gai asoa edam ga idae!” “Maron ipamatua eaba toa inama ngan ei ieda ne!” “Tasoa Maron gadae tau ieda!”

Ta ikeo pagid, “Deo ele laulau aea posanga bedane, ‘Gau leg luma, gid panua ga tiuato luma raring aea.’ Be gimi apul ga iman ‘baba mumulnga aea togid panua lublubnga ad.’”

“Apalongo gid panua ngan bereo Saion bedane, ‘Ega, ami Maron kapei tota ila pagimi ne. Ei iparim ngan ei mulian mao, be imamado donki ipaoeai, be imamado donki daenga pau ede ipaoeai.’”

Ta Iesus ikeo pagid, “Eine tautaunga. Be posanga ga oaine ienono ngan Deo ele laulau, be kado gimi aoato mao? Ikeo ga bedane, “‘Pat toa ne, gid panua tikakado luma tiuangga eine paeamao ta titado ga iduaea. Be labone iman luma aea kisinga. Maron ikado ga iuot bedane, ta gai agera eine kemi tau ta amatala ngan.’

“Tota nakeo pagimi, Deo ga isuk gimi ga ala, ta abada madonga ei ibageai mao. Be gid panua iaoa ede pade toa tinasnasi tutui ele kimnga, gid ga tibada madonga ibageai.