Popular Bible Verses from Otnga Mugaeai 25

Паҳн кунед

Ta MARON ikeo pan bedane, “Gergeu rua toa apameai na, eine ga tiuot alu rua. Be alu rua toa eao ga popo ne, eine ga timan ariapolpol. Ede ga iura kapei ngan ede pade. Be gergeu kapei ga iman itar kakau ele paeaeanga.”

Ta Iso ikeo pan Iakop, “Manmanae! Bada annga singsingia toa uloeai na inam naean. Pitoreagau ga tinig imanggolenga kapei tau.” (Ngan ipu toaine tiuato ieda ede pade Idom.)

Be Aisak iadaoa Rebeka ipopo gergeu eta mao. Tota Aisak iraring ga ila pan MARON ngan luanga iadaoa. Ta MARON ilongo Aisak ele raring ta Rebeka iapa.

Ta Iso ikeo, “Ega, naoangga namate ngan pitoro. Toa bedane mulig gergeu lautabe aea ga ilua gau madongan?” Be Iakop ikeo, “Posa tautaunga gadae bua, ngan mulim gergeu lautabe aea ga inam pagau.” Tota Iso iposa tautaunga gadae ta ilongean imul gergeu lautabe aea ga ila pan Iakop.

Ga kus ta ipopo itar kakau, be ibage igigiran Iso iae igub. Tota tiuato ieda Iakop. Aisak aea rai sangalima sangaul ede, be Rebeka ipopo gisirua.

Aisak ikim Iso ngansa itin igelgel ngan eannga gid masilau toa Iso ibabada. Be Rebeka ikim Iakop.