Popular Bible Verses from Otnga Mugaeai 14

Паҳн кунед

Tasoa Deo Gadae Tau ieda, ngansa ei idol am miri itamatama ga tidae bagemeai.” Be danga sisid toa ngada oa Abram ibada ngan paraunga, eine ipota ga tiuot suknga sangaul. Ga kus ta ipan Melkisedek ele suknga ede.

Be maron ede pade ieda Melkisedek inama iuot. Ei maron ngan tuanga Salem be ei eaba tenainga aea ton Deo Gadae Tau. Ei ibada bret ga oain ga ila pan Abram ta ikado posanga kemi ngan pamatuanga ei ta ikeo, “Deo Gadae Tau toa ikado bubur ga tano ga iuot, ei ikado kemi tau ngan Abram.

Be Abram ikeo pan maron Sodom aea bedane, “Be gau nakado posanga tautaunga pan Deo ag MARON Gadae Tau. Ei ikado bubur ga tano ga iuot, be nakado posanga tautaunga ngan ei ieda ga bedane: Irangrang ngan nabada lem danga eta mao. Danga eta kakauede mambe salumu aea oaro, mao oaro su aea, eine irangrang ngan nabada mao. Ngan kado ta muriai eao keo bedane, ‘Gau nakado ga Abram ele danga sisid busa.’