Popular Bible Verses from Kutangisa 17

Паҳн кунед

Abhuramu wakati ana makole ali makumi ali zhanalume lina makole ali zhanalume (99), Yahwe bakazwilakidza kunli bakati, “Ndimi Ndzimu Masimbawose, tobela zila yangu ndizo usibe ne nlandu.

Zina lilo alitjowobe litjayi Abhuramu, koga lowobe Abhurahama ngoti ndakuthama tate be zwitjaba zwinjinji.

“Ndowothama tjidumano tjangu pakati kwangu nawe ne bana babo kuyenda nge zwizekugwana zwabo zose, tjili tjidumano tjisingapele, ndibe Ndzimu uwo newe bana babo newe zwizekugwana zwabo zwinozha.

“Tjidumano tjangu nawe etji, unowobe tate be zwitjaba zwinjinji.

Ndzimu ukabe uti, “Akuzojalo, nkadzi uwo Sara unowokuwanila nkololo, ngono iwe unowontumila zina uti Isaki. Ndowothama tjidumano tjangu naye kube tjidumano tjisingapele mu zwizekugwana zwizwe.

Ndowokupa iwe ne zwizekugwana zwizo zwinozha shango iyeyi ya uli ntaya muili, shango ye Kanana inowobe shango ye bana babo nge kusingapele, ngono ndowobe Ndzimu wabo.”

Abhurahama kathigama kakotamila pasi kaseka kazwidwa kati, “Apa mwana ungazwagwa nge nlume una makole ali zana (100) kene? Sara iye una makole ali makumi ali zhanalume (90) ungayita mwana kene?”

Ndzimu ukati kuna Abhurahama, “Ngekwa Sarayi nkadzi uwo, autjon'dana uti Sarayi, koga Sara ndilo linowobe zina lile.

Mowothumbigwa ngono kuthumbigwa ikoku kowobe tjilakidzo tje tjidumano pakati kwangu namwi.

Koga tjidumano tjangu ndowotjithama na Isaki waunowowanigwa ndi Sara gole linozha mu nsi iwoyu.”

Mwana mmwe ne mmwe we tjilume wazwagwa mu nzi kene ali wawakatenga nge mari awo mu bataya kene ali wazwagwa asi we zwizekugwana zwizo, athumbigwe ana mazhuba ali zhanakadzi (8). Bose bazwagwa mu nzi kene bali bawakatenga nge mari awo mu bataya kene bali bakazwagwa basi be zwizekugwana zwizo ngabathumbigwe. Ndizo tjidumano tjangu tjowobe mu mibili yenyu, tjili tjidumano tjisingapele.