Popular Bible Verses from Mateo 1

Паҳн кунед

Pues e María axin aq'uechuan inte' usitz y net tua' aturb'a uc'ab'a Jesús porque jaxir tua' axin ucorpes tunor uchinam tama umab'amb'anirob'. B'an war che e ojroner Jesús”, che e ángel.

E ijch'oc era tua' aquetpa awawan taca uyar xe' jax inte' sitz. Y e sitz era tua' aturb'ana uc'ab'a Emanuel xe' war che: “Turu e Dios tacaron.” B'an ch'ar tz'ijb'ab'ir tama uyojroner e Dios.

Y b'an war ub'ijnu uche e José conda checta inte' ángel tua' Cawinquirar tut tama inte' uwayac y che: “José xe' sitzb'iret tua' e rey David, ira ib'acta tua' ach'ami e María tua' inujb'i tacar, porque c'ani inwaret era que e sitz xe' axin acuxpa tama e María majax tua' inte' winic sino que tari tamar Unawalir e Dios.

Pues entonces jax era e ojroner tama e tiempo conda cuxpa e Jesucristo. Pues utu' e Jesucristo uc'ab'a María, y jaxir turix uyojroner tua' anujb'i taca inte' sitz xe' uc'ab'a José. Pero conda merato aturuan taca e José checta que ayan uyar e María, pero uyar era checta umen uc'otorer Unawalir e Dios. Y motor que quetpix tua' anujb'iob' watar e día, pero cocha e José war axana erach tut e Dios, war ub'ijnu tua' uyacta e María tz'ustaca umen que machi c'ani usub'ajres ut tut e gente.