Popular Bible Verses from رَوْمَا 11

Паҳн кунед

أَشَانْ كُلَّ شَيّءْ جَايِ مِنْ اللّٰهْ وَ مَوْجُودْ بَيَّهْ هُو وَ لَيَّهْ هُو. وَ الْحَمْدُ للّٰهْ إِلَى الْأَبَدْ. آمِينْ.

الْحَمْدُ للّٰهْ الْعَلِيمْ وَ الْحَكِيمْ. حِكْمَتَهْ وَ عِلْمَهْ أَبَداً مَا عِنْدُهُمْ حَدّ! حِكْمَةْ حُكْمَهْ نَفْهَمَوْا مِنْهَا إِلَّا شِيَّةْ. وَ نِظَامَهْ عَجِيبْ لَحَدِّي مَا يِلْفَسَّرْ.

أَشَانْ دَا، الْكِتَابْ بُقُولْ: <يَاتُو عِرِفْ أَفْكَارْ اللّٰهْ وَ بِقِي لَيَّهْ سِيدْ شَوْرتَهْ؟

وَ الشَّيّءْ الْقَاعِدْ يَبْقَى هَسَّعْ، هُو مِثِلْ الشَّيّءْ الْبِقِي فِي الْوَكِتْ دَاكْ. فَضَّلَوْا نَاسْ شِيَّةْ بَسْ الْيِتَابُعُوا اللّٰهْ وَ هُمَّنْ النَّاسْ الْاللّٰهْ عَزَلَاهُمْ بِنِعْمَتَهْ. وَ كَنْ دِي نِعْمَةْ، دَا مَا بِقِي بِسَبَبْ أَيِّ شَيّءْ الْهُمَّنْ سَوَّوْه. أَشَانْ كَنْ اللّٰهْ عَزَلْ النَّاسْ بِسَبَبْ الشَّيّءْ السَّوَّوْه، النِّعْمَةْ مَا تَبْقَى نِعْمَةْ.

وَ مِثِلْ دَا، ذُرِّيَّةْ إِبْرَاهِيمْ مِثِلْ شَدَرَةْ الزَّيْتُونْ وَ فُرُوعْ وَاحِدِينْ قَطَعَوْهُمْ مِنْهَا. وَ إِنْتَ الْمَا يَهُودِي، إِنْتَ مِثِلْ فِرِعْ هَنَا الزَّيْتُونْ الْبَنْدَرْ. وَ شَالَوْك وَ لَصَّقَوْك فِي الشَّدَرَةْ الْفِي الْجِنَيْنَةْ فِي بَدَلْ الْفُرُوعْ الْقَطَعَوْهُمْ. وَ مِثِلْ دَا، إِنْتَ كُلَ تِعِيشْ مِنْ الْعُرُوقْ الْعَدِيلِينْ مَعَ الْفُرُوعْ الْفَضَّلَوْا. وَ بِمِثِلْ دَا، وَاجِبْ إِنْتَ مَا تِفَاشِرْ فِي الْفُرُوعْ الْقَطَعَوْهُمْ. وَ كَنْ تِدَوْر تِفَاشِرْ كَمَانْ، فَكِّرْ كَدَرْ إِنْتَ مَا قَاعِدْ تِعَيِّشْ الْعُرُوقْ لَاكِنْ الْعُرُوقْ قَاعِدِينْ يِعَيُّشُوكْ إِنْتَ.