Popular Bible Verses from يُوحَنَّا 16

Паҳн кунед

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

وَكِتْ رُوحْ الْحَقّ يَجِيكُو، هُو يُقُودْكُو فِي الْحَقّ الْكَامِلْ. الْكَلَامْ الْيُقُولَهْ مَا جَايِ مِنَّهْ بَسْ لَاكِنْ هُو يُقُولْ كُلَّ شَيّءْ الْيَسْمَعَهْ وَ يِأَوْرِيكُو بِالشَّيّءْ اللِّسَّاعْ مَا بِقِي.

لَحَدِّي الْيَوْم، إِنْتُو مَا سَأَلْتُوا شَيّءْ مِنْ اللّٰهْ بِأُسْمِي. أَسْأَلَوْه وَ هُو يَنْطِيكُو أَشَانْ تَفْرَحَوْا فَرْحَةْ شَدِيدَةْ.

لَاكِنْ نُقُولْ لَيْكُو الْحَقّ، يَبْقَى لَيْكُو أَخَيْر كَنْ نَمْشِي. كَنْ أَنَا مَا نَمْشِي، الْمُعَاوِنْ مَا يَجِي لَيْكُو. لَاكِنْ كَنْ أَنَا مَشَيْت خَلَاصْ، نِرَسِّلَهْ لَيْكُو. وَ وَكِتْ هُو يَجِي، هُو يِعَرِّفْ لِنَاسْ الدُّنْيَا ذُنُوبْهُمْ وَ يِعَرِّفْهُمْ الْحَالْ الصَّالْحَةْ وَ الْحِسَابْ.

وَ يَبْقَى لَيْكُو مِثِلْ دَا. هَسَّعْ تَتْعَبَوْا لَاكِنْ أَنَا نِقَبِّلْ بَتَّانْ نِشِيفْكُو وَ إِنْتُو تَفْرَحَوْا فَرْحَةْ شَدِيدَةْ وَ مَا فِي نَادُمْ يِشِيلْ مِنْكُو الْفَرْحَةْ دِي. «وَ فِي الْيَوْم الْيَجِي دَا، إِنْتُو مَا تَسْأَلَوْنِي شَيّءْ. أَسْمَعَوْا نُقُولْ لَيْكُو الْحَقّ، أَيِّ شَيّءْ التَّسْأَلَوْه مِنْ أَبُويِ بِأُسْمِي، هُو يَنْطِيكُو.

أَسْمَعَوْا نُقُولْ لَيْكُو الْحَقّ، إِنْتُو تَبْكُوا وَ تَحْزَنَوْا وَ نَاسْ الدُّنْيَا يَفْرَحَوْا. صَحِيحْ، إِنْتُو تَحْزَنَوْا لَاكِنْ الْفَرْحَةْ تِبَدِّلْ لَيْكُو الْحِزِنْ.