Popular Bible Verses from Gén 17

Паҳн кунед

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Y ri abi' kan xtijalatej roma xkatok kitata' e k'iy nima'q taq tzobaj winaqi' chuwech re ruwach'ulew. Y roma ri' man chik k'a xtabini'aj ta Abram xa kan xtabini'aj Abraham.*f15*

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Ja jikibel-tzij re' ri nubanon awik'in chi ja rat ri xkatok tata'aj kichin e k'iy nima'q taq tzobaj winaqi' chuwech re ruwach'ulew.

Y ri Dios xubij chire ri Abraham: Kan qitzij na wi chi rik'in ri Sara ri awixjayil xtibek'oje' jun ak'ajol y xtiberubini'aj Isaac y rik'in rija' xtinjikiba' kan ri nutzij y xtibek'oje' kik'in ri rijatzul richin q'asen.

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Ri Abraham xuqasaj chik qa ri' k'a pan ulew, roma ri xubij ri Dios, rija' xtze'en y xubij-qa pa ránima: ¿Ek'o kami k'a achi'a' ri wok'al chik kijuna' ri nik'oje' ta kalk'ual? ¿Y k'o kami jun ixoq achi'el ri Sara ri jumuch' lajuj chik rujuna' ri nalex ta jun ti ral?, xcha-qa.

Ri Dios xubij chire ri Abraham: Ri awixjayil rubini'an-pe Sarai y re wakami Sara*f16* k'a ri rubi' ri xtabij.

Nik'atzin chi nichap ri rutz'umal ri rutza'n ri kikowil y k'ari' niqupix-el. Ja k'a retal re' ri jikibel-tzij ri xtik'oje' kan chiqakojol roj; rix y yin.

Jak'a ri nujikibel-tzij kan xtibebanatej rik'in ri Isaac ri xtibe'alex rik'in ri Sara ke taq wa juna' apo, xcha' ri Dios chire.

Ri chawech-apo konojel ri ak'uala' taq alaboni' ri xke'alex pan awachoch, chi wiq chi tanaj nik'atzin chi niban re jun etal re' chike toq xtz'aqet yan waqxaqi' q'ij ke'alex, chuqa' chike ri ak'uala' ri ye'alex kik'in ri samajela' ri e aloq'on rik'in méro y chike ri winaqi' ri ek'o chi'ikojol y man e awijatzul ta rat. K'atzinel richin niban re retal re' chike konojel ri ye'alex pan awachoch y ri e aloq'on rik'in méro richin keri' ja retal re' ri nik'oje' kan pa kich'akul richin q'asen.