Popular Bible Verses from Mt 19

Паҳн кунед

Jesús yelochiguilo, qama'le 'yategueta: —Joga'me jiyaĝadipi ja yaqanate't da'me dojo', qalaĝaja ñe'me Dios ja en 'te qalaq.

Chane'eja ja dojolqa dite da'me male onolec; tade'to' gaa'me jo'ne Dios yapotena't, 'noota ta'le ja yecolaĝachiguilo ga'me jiyaĝaua.

Jesús 'yategueta jogaa'me: —¿Qo'li ja auec'achiñe jodaa'me nedii's: qoyediñe queda'me joca'li yemta, «Dios ye'et ñe'me jiyaĝaua nataq'aen yauo»? Nataq'aen enaac: «Qo'che' ga'me jiyaĝaua yaĝanegue ga'me let'a nataq'aen lat'e qaedi uaĝayet jaga'me loua, qama'le ga'me dos ena'am ta'le onolec jiyaĝaua.»

Chane'eja Jesús enaac: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa ñe'me Dios nach'egaua ena'ama naajo' ñoqolqa.

Qalaĝaja qayoĝode' gaa'me jo'ne 'uaediñe nayi, nach'egaua jo'ne p'atedegue qom'te. Nataq'aen qayoĝode' gaa'me p'atedegue nayi, nach'egaua jo'ne 'uaediñe qom'te.

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Jesús 'yateguet ñe'me: —Qom jetaque adachimaĝategue, nayi oc qama'le aueme'n yema gaa'me adeuoyaĝaco, yem qama'le auanema jaga'me laicaua jogaa'me piyoĝoyaqa. Qama'le naq'aeta da'me 'uo da'me adeuoyaĝac ue'tague di'me piyem. Yem qama'le auanaequena qaedi jayem oquegue.

Jesús 'yateguet: —¿Toqoch'e jayem auachimaĝatec ga'me jo'ne 'noota? Jalgata onolec jo'ne 'noota. Qalaĝaja qom jetaque auana da'me at'oyaĝac 'me ja 'naidena'a, auoqocha'alo jodaa'me namaĝajoĝonaĝaco.

Ami ji'iyelaĝatelo'te queda'me ena'am ta'le ñe'me jiyac jo'ne camello ja yaqalaatac ta'le taue jaga'me qana 'laete, da'me te'me ja yaqanatet ta'le taue da'me Dios lejaliaĝa ga'me neuoyaq.

Ami ja'aĝatema queda'me qom 'uo ga'me nañegue'me' jaga'me loua, qom ja naqaeda yajouaĝatem queda'me ja uayamaqai, qama'te 'uoneguet jaga'me yauo laqaya, male ena'am ta'le ch'e quejeguetaĝaic.

Chane'eja Jesús t'aqataĝanema jogaa'me lapaĝaguenataqa: —Eja ami ja'aĝatema queda'me eja yataqachiñe 'uo da'me laqalaic ta'le taue joda'me lejaliaĝa di'me piyem ga'me neuoyaq.