Оятҳои маъмули Инҷил аз Yohane 14

Паҳн кунед

Wʋsɛfɩɛ sɛ ma chamɩna maa yela amɩɛ, ma wʋsɛfɩɛ sɛ ma mʋ fa amɩɛ. Ma n fa amɩɛ takɩɛ ganaŋkʋ dulunya a fa na a. N baa yela na amɩɛ agela a warɩɛ, sɛ n baa se nyɩŋtɩɛ.

Sɛ Yesu lɩsɛ ɩ nʋɔ sɛ, <<Maŋ n nyina gbɩɛ gaa na gasiŋteŋ gaa na nkpa ŋii. Wʋrʋ taŋ wʋ a kɔŋ Juo wʋŋ jaŋ ŋ, amʋɔ wʋ mʋna ma dʋɔ.

Sɛ Yesu tawɩ wʋ kpalɛnara baa sɛ, <<N baa yela na amɩɛ agela a warɩɛ. N lɩɛ Ɩsʋɔ di na ɩ lɩɛ maŋ gba di.

Ama Chɔnarɛ wʋŋ wʋ yɩɛ Ɩsʋɔ feliŋ wʋŋ Majuo aja kpiri ma yɩrɛ naŋ na aja kalaa amɩɛ abʋrɩ kpiniŋ, na wʋ a nyiŋi amɩɛ bʋrʋkʋma gaa ma tawɩ amɩɛ na.

Wʋkʋma wʋŋ wʋ a lɩɛ ma mbara ŋii dʋ na wʋ kpaŋ ŋɛ na, wʋŋ n nyina wʋŋ wʋ a ja ma wɩɛ. Sɛ wʋŋ wʋ a ja ma wɩɛ na, Majuo gba aja ja wʋ wɩɛ. Sɛ maŋ gba maa ja wʋ wɩɛ na maa lɩsɛ ma wʋsɛ kalaa ɩ.>>

Na maa tasɛ Majuo wʋŋ na wʋ a fa amɩɛ Chɔnarɛ wʋfɔlɛ na wʋ a cha amɩɛ jaŋ gakpaa. Wʋŋ n nyina gasiŋteŋ Ɩsʋɔ feliŋ ŋii. Dulunya baa dɩlɛ lɩɛ ɩ dʋ ʋ, akala takɩɛ ga n na ɩ, yaa ga ba jiŋ ɩ ɩ. Ama amɩɛ bɩrɛ ɩ jiŋ ɩ, akala takɩɛ wʋ wɩɛ amɩɛ jaŋ sɛ wʋ aa chaɩ amɩɛ tɩba.

Na maa yɩɛ bʋrʋkʋma gaa ɩ tasɛ ga ma yɩrɛ naŋ na, na ganaŋkʋ Bu wʋŋ a kɔna jilima fa juo wʋŋ na. Sɛ ɩ tasɛ maŋ bʋrʋkʋma ma yɩrɛ naŋ na, maa yɩɛ fa amɩɛ.

Sɛ Yesu tawɩ wʋ kpalɛnara baa sɛ, <<Sɛ ɩ ja ma wɩɛ na, ɩɩ kpaŋ ma mbara ŋii dʋɔ.

Danɩŋ fɔɩ wɩɛ Majuo waa dʋɔ, sɛ ŋɩ ba yɩɛ dɩmʋŋ na, nafʋɔ maa tawɩ amɩɛ sɛ maa ju dɩmaŋ na maa ga desina dɩchatɩŋ si fa amɩɛ ɛ.

Sɛ ma ju ga desina dɩchatɩŋ si fa amɩɛ na, maa bɔrɛ kɔŋ gaa mʋ amɩɛ ju ma jaŋ na amɩɛ gba ɩ kɔŋ gaa cha diele gaa ma wɩɛ na.

Sɛ Tomasi tasɛ Yesu sɛ, <<Kpaŋjuo, dɩ ba jiŋ diele gaa nyaa ju u, sɩnɛ sɛ dɩɩ dɩlɛ jiŋ gbɩɛ gaa?>>