Јер-ӱстинде улус кӧптӧп, ӧзӱп баштаган. Олордо кыс балдар чыккан. Кудайдыҥ уулдары улустыҥ кыстары јараш болгонын кӧрӱп, јараганын талдап, бойлорына ӱй кижи эдип алатан.
Кайракан айткан:
– Мениҥ тыныжым кижиде ӱргӱлјиге артпас, нениҥ учун дезе ол јӱк ле эт-кан. Ол јӱс јирме ле јаш јажап турзын.
Ол ӧйлӧрдӧ дӧ, соондо до јер-ӱстинде баатыр бӱдӱмдӱ сӱрекей јаан оборлу улус болгон, нениҥ учун дезе Кудайдыҥ уулдары улустыҥ кыстарыла конотон, кыстар олордоҥ балдар табатан. Олор јебрен ӧйлӧрдӧҥ бери ады-јолы макка чыккан баатырлар болгон.