Popular Bible Verses from MATTHEW 13

Паҳн кунед

Bhall maati te phelai diya bijon tu, ekjon ase, kon pora Isor kotha tu hune, aru buji loi; tar pora hosa phol dhori loi, aru thik thaki bole pare, ekta jaga te ekso guna, dusera ekta jaga te saathi guna, aru ekta jaga te tris guna pongchi kene phol dhori loi.”

Etiya ki bijon katta ghans majote girise, eitu ekjon, kon he Isor kotha tu huni loise, kintu eitu jugh laga bhabna aru dhon sampoti te he khushi pai eitu pora tani kene loi jai aru Isor kotha tu pahoribole dise, aru phol eku dhora nai.

Ketiya sorgo rajyo laga kotha tu konuba manuh he huni loi kintu nabuje, tetiya beya ekjon tu ahhi kene, ki kotha mon te hisai dise, eitu uthai kene loi jai; eitu khuj raasta te giri thaka bijon tu ase.

Pathor thaka jaga upor te phelai diya bijon tu eneka ase, kon pora kotha tu hunise aru loge loge khushi pora eitu mani loise; Kintu tar nijor hipa nathaka karne, olop homoi he thakise, aru ketiya dukh-kosto, nahole tarona Isor nam nimite ahhi jabo, eneka manuh khan tu loge loge harai jabo.

“Sorgo rajyo tu kheti ekta te sampoti lukai kene rakhi thaka nisna ase, kon tu manuh ekjon pora dekhise, aru bond kori rakhise; eitu pasote khushi pora tar laga sampoti sob bikiri kori kene eitu kheti tu kini loise.

Dusera konuba bijon bhall maati te girise aru ekso guna, saathi guna aru tris guna eneka dhan dhorise.

Dhan kata din tak duita bhi eke logot te uthibole dibi; aru dhan kata homoi te dhan kata manuh khan logot te moi kobo, binoibon he pohila jama kori lobi aru eitu jui te jolai dibole bandhi lobi, kintu ghehu dhan sob tu bhoral te jama koribi.’”