Popular Bible Verses from Luka 6

Паҳн кунед

Mugabenge, nywena muligabirwa. Olulengo olwizuli, olwikatiirwe, olutengeteibwe, era olukubwoga nilwo lwalibateerwa omu bidagado byanywe. Olulengo lwe mulikolesya okupimiramu, nywena nilwo lulibapimirwamu.”

Omuntu omusai aiya ebintu ebisai ebibiikiibwe omu mutima gwamwe, nʼomubbi aiya ebintu ebibbi ebibiikiibwe omu mutima gwamwe. Kubba ebiizula omu mutima omunwa nibyo gubaza.

Baitu nywe mwendyenge abanyanzugu baanywe, mubakolenge kusai, era mubatiizenge nimutakubasuubira kubairiirya kantu koona. Obwo empeera yaanywe eribba gikooto, era mulibba baana ba Kanca, kubba akwatirwa ekisa abateebalya nʼababbi.

Mubbenge ba kisa nkʼoitewaanywe nali wa kisa.

“Timusalanga musango, nywena mutalisaarwa. Timusaliiryanga nywena tibalibasaliirya. Musaasirenge nywena mulisaasirwa.

“Baitu nkubakoba nywe abakumpuliirya: Mwendyenge ababakola okubbi! Mukolenge kusai ababanoba. Musabirenge omukisa ababaceena, musabirenge ababakola okubbi.

Ekyemwendya abantu okubakooranga, nywena nikyo mubakoorenge.

Omuntu nakupaayanga okwitama erimwei omuyinduuranga nʼerindi. Omuntu nakutwalangaku ekooti yaamu, tomwimanga kanzu. Buli eyaakukusabanga muweeryenge, nʼeyaakutwalanga ekyamu, tomusabanga kukikwiriirya.

“Ndoowo musaale gusai ogwera ebyana ebibbi, era ndoowo musaale ogubbi ogwera ebyana ebisai.

Buli musaale bagumanyira ku byana byagwo. Ebyana bya mutiini tibabinokola ku mweramaino nʼezabbibbu tibazinokola ku mugwi.