Popular Bible Verses from Bikolwa 11

Паҳн кунед

Niyamuboine, nʼamuleeta omwAntiyookiya. Ni bamala omwaka gulamba nibali nʼekibiina ekyʼabaikiriize oKurisito. Ni beegesya abantu baingi muno. OmwAntiyookiya abeegesebwa nimwo beekereire okwetebwa Abakurisitaayo.

Niyaikireyo nʼabona oKanca nabakwatiirwe ekisa, nʼasemereerwa. Boona boona nʼabakubiriza bamaliire omu mitima gyabwe okugumira oku Mukama. OBbalunabba yaali muntu musai, naizwire oMwoyo Akwera nʼokwikiriza. Abantu baingi ni baikiriza ni basenga oMukama.

OKanca nabba yawaire abʼamanga agandi abo ekitwo ekyo nka niyakiwaire iswe nitwaikiriize oMukama waiswe oYesu Kurisito, alete ninje naani eyaakusoboire okumutangira?” Nibaawuliire ebyo, ni bagwagwana, ni bawaisya oKanca nibakukoba bati, “Mazima nʼabanyamanga oKanca abawaire omukisa okwenenya bafune obwomi obutawaawo.”