Popular Bible Verses from Ujọn 6

Паҳн кунед

Ujeso a fan abe le, “Mi na mi yi lizi limen ana angi li ke bendi likpan. Undi uyang-yang angwu a be hwaa le mi, itung i tem ndo he ye. Undi uyang-yang angwu a bọng ha ami, kigyọ ki tem gyo he ye.

Ukatia Kunyọng na u ke likpan, agwo a ka kiwọm ye. Igie angi mi kọng ha amen i, i sho le Ukatia Kunyọng le likpan.

Ma shi aki kee lizi angi he kanwaa kunyọng zang li mbee i a ye, ma shi aki kee angi li ngyọ igye kpam hwan. Life li ka bendi likpan ligyang angyel angi li yi le likel ye. Kitaa lizi ashina na mi Unwaa undi-gye, mi ke men abe Unim Atyagi a tyung amen gboo le ufe na a sọm mi.”

Atyagi a kee le bendi puu abe be nde-m, mi Unwaama, be bọng ha ami, be kwu le likpan kunyọng angi li ngyọ igye. Mi ba wum abe le he lihwu he liti angi igye anyin i mbee.”

Ujeso a fan abe le, “Kiwọm ashi ma shi he ki nyin Unim ki yi le ma bọng ha ami angwu ufe a sọm be he igye anyin.”

Bendi puu abe Atyagi a kung fe-m he kubwo, be ba hwaa le mi. Undi uyang-yang angwu a be hwaa le mi, mi ndo he tem item ye

Usaimọn Pita a fan he le, “Ada, bel li nya mbee tem la hwaa le ayang a, gbe wo ufe-ufe na igie igang i ke likpan angi li ngyọ igye.

Mi na mi yi lizi limen angi li be le he lifung-atabe be he itang angi li ke bendi likpan. Undi uyang-yang angwu a zi lizi limen i, u kwa le likpan ngyọ igye kpam. Lizi angi mi ke bendi le he be be kwu le likpan li yi inyia-hwo igi a.”

Ki yi le undi angwu u ha ndu be hwaa le mi faale afa-ale Atyagi angwu a sọm mi be he igye anyin na a be le he ye. Undi uyang-yang angwu a be hwaa le mi, mi ba wum he le he lihwu he liti angi igye anyin i mbee.

Lizi angi Unim u ke bendi, li yi angi li be le he lifung-atabe le likpan ke igye a.”

Mi na mi yi lizi angi li ke bendi likpan.

Ujeso a kung ibred ana, u pee Unim. A kung angi bun puu kung ke bendi abe be kwu ko. A mbee kung ikwan shi kitaa a ken. Undi uyang-yang a zi gwul kitaa a kee. Be gwul puu, Ujeso a de bendi-utung bema le, “Ma gbọng bigem abi be zi bi teng, he uwun ken ọ u ban kididing ye.”

Be gye kushu wu mbee ilamba ikie ha inde, be nde Ujeso u tan he likwu umbwo ndọ ashi hwaa le be. Be fel he kushel kaang. Ujeso a kung de be le, “Ki yi-m mi a, ma shel ye.”