Popular Bible Verses from Mateo 4

Паҳн кунед

Jesúpe cʉ̃rẽ yʉyugʉ: —Manigʉ̃ye wederucũrẽrẽ ojayoriapũpʉre abiro ojayorigue ña: «Basoca yariguemena wado catiherigawa. Nipetire Manigʉ̃ye wederucũrẽmenacãrẽ catiroagawa» ĩ ojayo ―ĩyugʉ.

Tairo ĩñerõcã tʉogʉ Jesús cʉ̃rẽ ĩyugʉ: —Wãtĩã nirũpʉ̃, anorẽ waya. Merẽ Manigʉ̃ye wederucũrẽrẽ ojayoriapũpʉ abiro ĩ ojayorigue ña: «Mʉya Nirũpʉ̃ Manigʉ̃ ĩcʉ̃rẽna wedewõña. Cʉ̃cã dotire wadorena yʉya» ĩ ―ĩ yʉyugʉ Jesús wãtĩã nirũpʉ̃rẽ.

Jesúpe cʉ̃rẽ abiro ĩyugʉ: —Manigʉ̃ye wederucũrẽrẽ ojayoriapũpʉre tamʉ tairora ojayo: «Mʉya Nirũpʉ̃ Manigʉ̃rẽ ‘cʉ̃ye wederucũrẽrẽ queorora nimirĩ’ ĩgʉ̃ icãta cʉ̃rẽ tiẽñodotiherimocãña» ĩ ojayo ―ĩ yʉyugʉ Jesús wãtĩã nirũpʉ̃rẽ.

Tiesiro Espíritu Santo Jesúre yucʉ manirõpʉ newayugʉ wãtĩã nirũpʉ̃rẽ ĩdocasãro ĩgʉ̃. Topʉ Jesús cuarenta bʉrecori, cuarenta ñamirĩ betigʉ yaro manirõ niãriasiro ʉa tʉoiñayugʉ.

Cʉ̃jãrẽ tairo tirare ĩñagʉ̃ Jesús ĩyugʉ: “Jamʉ. Yʉre quetatuya. Yʉ mʉjãrẽ marĩcʉorore waĩ sĩãrĩbasoca nirãrẽ waipere sĩãrĩbasoca tirono tigʉ mʉjãrẽ Manigʉ̃ye queti wederemenape pajʉ basocare yʉre wedewõwʉmʉãñerõcã tiribasoca tigʉda”. Cʉ̃cã tairo ĩñerõcã tʉora matara cʉ̃jãya bapiyucʉre tora cũmocã cʉ̃mena warisuayura.

Tocawatoamena Jesús topʉ nigʉ̃ basocare abiro ĩ buesocoyugʉ: “Mʉjãcã ñañaro tirecʉtirere wãcũpasʉti wasoaya. Merẽ Manigʉ̃cã cʉ̃yarare dotire mʉjã cʉtiro nisia” ĩyugʉ.