Popular Bible Verses from Ichedendik 37

Паҳн кунед

Wa Josẹph ọttaar idachen, masẹ ọkpaakhẹ ivotte idachen nnọ, abẹ adẹ-ẹ awun-uwuna.

K'ikhana s'iva p'Israẹl ofhonu, Josẹph wọ ọdaakhẹ otte ọtạm ọyọhnga iva mbọkha, ukwuru s'uwa ofhon-ẹ k'atạm. Osenga ma, n'ọbọhra ọnọhma wuraam kw'ope akpokha, ọnạng-ẹ.

Masẹ ivotte ase bẹ́, Josẹph ọdaakhẹ otte idik ọyọhnga abẹma, abẹ awunẹ tạrr abẹ dạk khẹ ititikha ikkasẹ k'nanạng.

Wa Josẹph ọbạra ọttaara idachen idwạkh-ọdwạk, ọtạkha sẹ ọkpaak ivotte pẹ, ọbẹ. “Abạnga akhọm-m ithọng, khiri kk'idachen idwạkh-ọdwạk nttaara e. Ẹkpa nja, n'nse s'ududon, ọttạra ophye, ọttạra ndudoru jobhkawạnọ n'itwunga ncho inạng-m ikpukpobha.”

Ma wọ, ivotte p'Josẹph n'akhaam ottemma Josẹph abẹ, okhenka, Jekọb, kw'ode otte kwabẹ, otạk idik nnọ oge k'ettem.

Ukwu oben bẹ bẹ́, “Totokhạn, akhọhmọ itọhng, abhaanga idachen s'nttaar. Nttaar s'anning k'owonu n'andạbh arasẹ-khe, n'ns-ose nse s'ekhe chaam n'ebe idumsẹ, n'egoru ẹyọhnga akhẹ pabạnga. Akhẹ pabạnga n'abaabhẹ chaam age ngekha, apyẹ itwunga ncho inạng ekhe chaam ikpukpobha.”

Akwu, amfhẹ-ẹ, ammạrẹ k'ipekhuma rạnẹ ma, ọfha de ammạn, anta amkpaak otte kwamạna bẹ́, ẹkpaten jạnẹ khẹ ichia, ọfha anninga ma anse oche kwa adachen mbọ pẹ m'iyin k'eden.”

Masẹ aseng-mphya mbọ p'Ishimayẹl, p'abạra ade anạng p'Midiyan n'aben bẹ aseng o, ivotte p'Josẹph atta areng-ẹ k'ipekhuma sabẹ kk'ẹ abhạra, akpẹ-ẹ anạng aseng-mphya mbọ k'ashẹkẹl ẹrạbh p'silva, abẹ atim'abẹ afọna k'Ijip.

Abẹ abhạkhẹ aben ayok bẹ, “Akker e, ọttaar adachen nwọ ukwuma e!

Masẹ abẹ ase-ẹ eden-ibhir, brasẹ n'ukpir k'ibyi sabẹ aning, abẹ kk'attọhna phyibh k'oche kw'abẹ ma afhẹ-ẹ.

Tte anạngẹ isẹ rạnẹ-rạnẹ ambyeng. Tte ankhenka ammạr-ẹ ma ipekhuma nna s'ibyi s'owor, okhenka, abạnga ọnạng k'afhọ o.” Reubẹn ọkpaakhẹ ọfha osenga ma, ọkkaana akpen p'Josẹph, ọfha ọbạra utim-ẹ okkena otte kwabẹ.