Popular Bible Verses from Blasi Sturka 21

Паҳн кунед

Dawan ai bîla win ba baku, witin Sara ra bal kaikan, bara witin ai bîla aisin ba kat sin Sara ra daukan.

Tukta ini kan bîla baikra ba Gâd walan; bara Gâd insalka kasbrika pura wina Agar ra aisin, bara win: “Agar, ¿man dîa pâtka brisma? ¡Si bripara! Tukta inanka ba Gâd walan, bara witin sin ani kat bâra ba sin kaikisa. ¡Bus! Tukta ba pliki saki mihtam ra alki bris; swipara, witin ba wina sika yang nisan tara kum daukaisna bamna.”

Bara baku Sara kwihra tiwan, Ebraham pat almuk pali takan kan ba ra, witin ra ai luhpia waitna kumi baiki yaban. Tukta ba baikaia piua ba, Gâd mita win piua ba kat baikan.

Bara Sara win: “Gâd mita yang ra ai munan kikri, bamna nanara upla wala nani sut yang sturki walbia, yang naha luhpia baikri na, witin nani sin yang wal kiki kabia.

Sakuna Gâd bui Ebraham ra win: “Man luhpiam bara albikam mairin dukiara sin ban kupiam kriwan pali takbiara. Sara dîa man ra makabi ba kat man dauks, kan Aisak ra praki sika man kiamkam ba bal takaisa bamna.

Man albikam mairin luhpia ba wina sin yang daukamna nisan tara kum bal takaia, kan witin sin man luhpiam sa bamna.”