Popular Bible Verses from Blasi Sturka 17

Паҳн кунед

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

bamna nanara ninam ba ban Ebram mâki kabia apia, sakuna nanara wina man ninam ba Ebraham mâkan kabia. Kan nanara yang bui man ba nisan nani ailal pali aisika mai daukamni.

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

—Naha lâka na yang bui man wal daukisna: Man lika nisan nani ailal pali aisika kama

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

Ebraham ai mawanra tasba kat prawi, kikan bara ai kupia ra lukan: “¿Waitna kum pat 100 mani alkan ba kau luhpa baikaia sip kabia ki? ¿Bara Sara sin pat 90 mani alkan ba, sip sa ki kwihra tiwaia?”

Bara Gâd kau ban aisi, Ebraham ra win: —Man mayam Sarai nina ba sin kau ban Sarai mâki kabia apia, sakuna nanara wina ai nina ba Sara mâki kabia.

Man nani wînam taya ba klaki param sakaia sma, bara baha ba man nani wal yang lâ daukisna ba tukinka kabia.

Ban sakuna yang lâika ba Aisak wal daukamni, luhpiam waitna Sara baiki maikbia ba mani kum alkbia ba ra, mani wala naha piua praiska ra.

Naiwa wina man nani naku dauki kama: luhpiam waitna kumi bani man nani wamtla bilara aisubi taki ba, man nani wal yang lâ daukisna ba ni ai wîna ra klaki kabia yu 8 alkbia ra, bara albikam man nani kiamkam apia, upla sât wala wina atki briram ba, baha nani sin lâ daukan na ba ai wîna ra klaki kaia sa. Wamtla bilara aisubi takan ba, lalah mana atkram ba sut, aikuki baku yang lâika ba wîna ra klaki mangkram kaia sa; baku yang lâika ba man nani wînam ra mark daukan bri kama, lâ daukanka kum rayakam aiska ra.