Popular Bible Verses from MATIUS 13

Паҳн кунед

Nuripatahuru injo ri tana so'mo' iamo intu tau allangngere pau na lapahangi, na injomo saba'na lohe buana, rie' nua'lappi sibilangang, rie' nua'lappi annampulo, rie' nua'lappi tallumpulo.”

Nuripatahuru injo ri rompo' bunga jabe iamo intu tau allangngere pau, maeng injo kabata-bataang lino inni na pappalingu kakalumannyangang labohong pau injo sa'genna tide' buana.

Mange risikuanna tau allangngere pau ripassala Pakkaraengang Suruga, mingka gele lapahang, rie'mu tudaa injo sipa'na na laalle nuripatahuru injo lalang ri atina tau injo; iamo injo lamungang nuripatahuru injo ri biring lalang.

Lamungang nuripatahuru injo ri tana demmapara iamo intu tau allangngere injo pau na lassiri latarima lalang karannuang. Mingka ia tide' aka'na na sinampe' juai attahang. Ampa rie' pama'ri-ma'risi iyareka passissa kanara ripau injo, tau injo lassirimu attinrang boko.

”Passala Pakkaraengang Suruga assimpole pa'barang-barangang ta'loangang ri koko, nulauppa tau, maeng injo laloangangi muliang. Passabakang rannuna ia a'lampai labalukang ngase' anunna ampai lahalli koko injo.

Sidahuang a'dappe' ri tana so'mo' jari baji' pambuana: rie' nua'lappi sibilangang, rie' nua'lappi annampulo, rie' nua'lappi tallumpulo.

Lappasammu ruaiya assipattimboang sa'genna larapi' hattu panduru. Rihattu injomo nakke laapaua mange risikonjo paduru: Parappunglalo riolo rea intu na ka'ba' tassitetengangi laritunu; maeng injo parappungi bae gandong injo lalang ri palampangku.”