Popular Bible Verses from Matvei 18

Паҳн кунед

Kus kaks՚ vai koume oma ühtes minun nimes, sigä minä olen heiden keskes.»

Völ necen minä sanun teile: ku kaks՚ teišpäi man päl ladiše loita ühtes miččes taht azjas, sen hö saba minun taivhaližes Tataspäi.

Siloi Iisus kucui ičezennoks lapsen, seižuti händast heiden keskhe i sanui: «Todeks sanun teile: ku tö et käraukoiš i et tehte lapsiden vuiččikš, ka et päzugoi taivhan valdkundaha.

Ken paneb ičtaze necen penen lapsen rindale, om vanhemb kaikid taivhan valdkundas.

I ken minun nimes otab ičezennoks ühten-ki mugoižen lapsen, ka otab ičezennoks mindai.»

Todeks sanun teile, kaik, midä tö kel՚dät man päl, se linneb kel՚tüd taivhas, i kaikele, mille tö andat valdan man päl, sille linneb anttud vald taivhas.

Muga tegeb minun taivhaline Tat-ki teile, ku tö kaikes südäimespäi et unohtagoi abidoid kaikutte ičeze vellele.»

«No ku ken-ni veb grähkähä hot՚ ühten neniš penišpäi, ked uskoba minuhu, ka hänele oliži paremb, miše hänen kaglha pandihe mellickivi i tactihe meren süvüdehe.

«Mittušt mel՚t olet: ku kenel-se om sada lambast i üks՚ segoib, ka ei-ik hän jäta nenid ühesadkümned ühesad mägile i ei-ik lähte ecmaha sidä segoinut?