Popular Bible Verses from Къанун 28

Паҳн кунед

РакӀ-ракӀалъго БЕТӀЕРГЬАН Аллагьасе мутӀигӀлъани ва жакъа дица нужее загьир гьарурал тӀолалго Гьесул амрабазда рекъон хьвадани, БЕТӀЕРГЬАН Аллагьас дунялалъулго халкъаздаса тӀадегӀан гьаризе руго нуж.

БЕТӀЕРГЬАН Аллагьасе мутӀигӀлъани, гьале нужее букӀине бугеб баракат

Жакъа дица загьир гьарурал БЕТӀЕРГЬАН Аллагьасул амраби мухӀканго тӀуразарулел ругони, БЕТӀЕРГЬАНАС нуж, рачӀлъун гурел, бетӀерлъун гьарила ва кидаго тӀалъуда рукӀина, гъоркье ккеларо.

БЕТӀЕРГЬАНАС зобалаздаса Жиндирго бечелъиялъул гъамас рагьила нужее ва ригь-ригьалда цӀадги чвахизабила, гьабулебщиналда баракатги лъела. Нужеца гӀемераб халкъалъе гӀарац къарзалъе кьела, амма нужеца лъихъаго босизе ккеларо.

Нужеда данде рагъизе тушбаби рахъани, гьел гъуризе БЕТӀЕРГЬАНАС кумек гьабила нужее. Нужеда данде гьел цо нухккун рачӀина, амма анкьго нухккун нужехъа лъутила.

БЕТӀЕРГЬАН Аллагьас баракат рещтӀинабила нужер гьор-бокьалде ва кинабго гьабулебщиналде. БЕТӀЕРГЬАН Аллагьас кьураб ракьалда Гьес баракаталлъун гьарила нуж.

къватӀире унелъулги – нужее баракат, рокъоре тӀадруссунелъулги – баракат.

шагьаралдаги баракат букӀина нужее, авлахъалдаги баракат букӀина

нужер наслу букӀина баракатаб, ах-хуралъул бачӀинги гьарзалъила, нужер гӀи-боцӀиги цӀикӀкӀина – гӀи-боцӀул къинлъиги гӀемерлъила

БЕТӀЕРГЬАН Аллагьасул амраби цӀунани ва Гьесул нухда хьвадани, Гьес кьураб рагӀуда рекъон, БЕТӀЕРГЬАНАС Жиндирго хирияб халкълъун гьарила нуж.

нужер гьегьги, хъабаги, хӀерчги тӀаса чвахила

Нужее кьелин нужер умумузе гьедун вукӀараб ракьалда БЕТӀЕРГЬАНАС кинабго гьарзаго кьела нужее: лъималги, гӀи-боцӀиги, ах-хуралъул бачӀинги.

Гьебмехалъ дунялалъулго халкъазда бихьила нуж БЕТӀЕРГЬАНАСУЛ халкълъун рукӀин ва гьел нужекьа хӀинкъила.

Дица нужеда малъарал амрабазул цонигиялдаса доре-гьанире кьуруге, батӀиял аллагьзабазда нахъ рилълъунге ва гьезие хъулухъ гьабуге.

Амма нуж БЕТӀЕРГЬАН Аллагьасе мутӀигӀлъичӀони ва жакъа дица нужее загьир гьарурал БЕТӀЕРГЬАН Аллагьасул амрабиги къануналги мухӀканго тӀуразарулел гьечӀони, гьал киналго нагӀанаби рачӀине руго нужеда тӀаде